Башҡортостанда 2 йәшлек баланы эт талап үлтергән

Тәфтиш комитетының республика буйынса идаралығынан хәбәр итеүҙәренсә, был хәл Баҡалы районында булған. 20 майҙа шәхси йорт биләмәһендә 3 йәше тулып килгән ҡыҙ бәйҙә булған эт янына килгән. Йорт хайуаны балаға ташланған. Ҡыҙҙың әсәһе этте ҡыуып ебәргән, баланы дауаханаға алып барғандар. Әммә алынған йәрәхәттәр үлемесле булған. Был хәл буйынса тикшереү бара.

Гөлдәриә Йосопова - Рәсәйҙең атҡаҙанған журналисы

Хеҙмәттәшебеҙҙе ихлас күңелдән ҡотлайбыҙ!

Башҡортостан юлдаш телевидениеһының мәғлүмәт программалары баш редакцияһының баш белгесе ватан журналистикаһын үҫтереүҙәге ҡаҙаныштары һәм күп йыллыҡ фиҙакәр хеҙмәте өсөн «Рәсәй Федерацияһының атҡаҙанған журналисы» исеме менән бүләкләнде.

Айғырға менеү бушлай була

Быға тиклем Ҡараташ һыртына күтәрелгән һәр кешенән 200 һум алыу тураһында хаҡ ҡуйылған булған. Халыҡ ризаһыҙлыҡ белдергән, Урман хужалығы министрлығы һәм урындағы властар тикшереүенән һуң аҡса талап иткән яҙыу алып ташланған. Биләмәгә үтеү һәр кеше өсөн ирекле һәм бушлай. Урман хужалығы министрлығынан белдереүҙәренсә, туристарҙан түләү алыу законға ҡаршы килә. Урман кодексына ярашлы, кешеләр урманға ирекле инә ала. Әммә улар янғынға ҡаршы һәм санитар хәүефһеҙлек талаптарын үтәргә тейеш. Прокуратура Айғырға менеүселәрҙән хаҡ һорау осрағы буйынса тикшереү башлаған.

Үзбәкстандың Бохара ҡалаһына «Башҡорт оҙон ғүмерлелеге» проекты буйынса туристар барасаҡ

Был хаҡта Радий Хәбиров Бохара өлкәһе хакимы Ботир Зарипов менән һөйләште. Бохара- Үҙәк Азияның иң боронғо ҡалаларының береһе. Туғыҙынсы быуаттан башлап тарихи дәүерҙәрҙең уникаль архитектура ҡомартҡыларын һаҡлап ҡалған архитектура һәм тарихи-мәҙәни ҡурсаулыҡ. Урта быуаттарҙа Урта һәм Яҡын Көнсығыштың мәҙәниәте, фәне һәм мосолман теологияһы үҙәге булған.

Салауат районы ирекмәндәре бер йыл эсендә алғы һыҙыҡҡа 200-ҙән ашыу маскировка селтәре оҙатҡан

Гуманитар ылау туплауҙа йәше лә, ҡарты ла әүҙем ҡатнаша. «Малаяҙ үҙебеҙҙекеләр өсөн» ирекмәндәр төркөмө эшмәкәрлеге менән БЮТ ижади төркөмө лә танышты. Тулыраҡ киләһе яҙмала.

Башҡортостанда иген һәм ҡуҙаҡлы культураларҙы сәсеү дауам итә

Сәсеү кампанияһы ике аҙна эсендә тамамланырға тейеш. Теманың дауамы Иглин районынан әҙерләнгән яҙмала.

Мәктәптәрҙә дәүләт имтихандары башлана

Республика премьер-министрының беренсе урынбаҫары Урал Килсенбаев белдереүенсә, уҙған йылдарҙа асыҡланған бөтә етешһеҙлектәр бөтөрөлөргә тейеш. Төп маҡсат - имтихандарҙы яҡшы ойоштороу. Быйыл урта дөйөм белем биреү программаһы буйынса һынауҙарҙа 15 мең ярым кеше ҡатнаша. Уларҙың 14 мең 430-ы 11-се класты быйыл тамамлай. Шулай уҡ колледж студенттары, үткән йылдарҙа мәктәпте тамамлаусылар, 42 10-сы класс уҡыусыһы бар. Дәүләт имтихандары өсөн 165 урын әҙерләнгән. Иртәгә Берҙәм дәүләт имтихандарының төп этабы башлана.

Республикала йәштәр сәйәсәте менән бәйле проекттарға быйыл 40 млн һум аҡса бүленә

Өфөлә Йәшлек-хаус биәмәһендә Башҡортостан башлығы гранттары фонды активистары йәштәрҙе грант юллау ҡағиҙәләре менән таныштырҙы. Белгестәр ғаризаларҙы тултырыу, отошло проект эстәлеге, бюджетты дөрөҫ планлаштырыу миҫалдарын килтерҙе. Төбәктәге коммерцияға ҡарамаған ойошмаларҙың социаль проекттары 30 миллион һумға тиклем грант ярҙамын алыу мөмкинлегенә эйә. Проекттарҙы тормошҡа ашырыу ваҡыты 12 айҙан артмаҫҡа тейеш.

Телеүҙәкте дер һелкетеп бейеп йөрөй кемдәр?

Бөгөн «Телеүҙәк» тапшырыуы эфирында «Башҡортостандың иң яҡшы ауыл клубы» конкурсы еңеүселәре бүләкләнде. Еңеүселәр түбәндәгесә билдәләнде:

✔️Асҡын районының Ҡашҡа ауылы мәҙәниәт йорто;
✔️Ишембай районының Үрге Әрмет ауылы мәҙәниәт;
✔️Бөрйән районының Килдеғол ауылы мәҙәниәт йорто.

Приздарҙы һәм дипломдарҙы еңеүселәргә «Баянлайн» компанияһы директоры Филүс Гәрәев тапшырҙы.

Башҡортостан Ҡарағалпаҡстан менән хеҙмәттәшлекте нығыта

Бөгөн Радий Хәбиров Үзбәкстан составындағы республиканың делегацияһын ҡабул итте. Уны Ҡарағалпаҡстандың министрҙар Советы рәйесе Фарход Эрманов етәкләй.
Осрашыуҙа һүҙ ике яҡ араһындағы бәйләнештәрҙе нығытыу тураһында барҙы. Ҡунаҡтар әйтеүенсә, уларҙы сәнәғәт, ауыл хужалығы өлкәһендәге хеҙмәттәшлек ҡыҙыҡһындыра.

Радий Хәбиров Өфөнөң 9-сы холоҡ төҙәтеү колонияһында булды

Ул учреждениеның енәйәт-башҡарыу системаһының етештереү базаһы менән танышты һәм федераль яза башҡарыу хеҙмәте идаралығы етәксеһе Владислав Дзюба менән үҙ-ара эшмәкәрлектең көнүҙәк мәсьәләләрен тикшерҙе.

Асҡын районының Ҡубыяҙ ауылында яңы мәктәп төҙөлә

Асҡын районының Ҡубыяҙ ауылында Башҡортостан етәксеһе Радий Хәбиров ҡушыуы буйынса яңы мәктәп төҙөлә. Объект Республика адреслы инвестиция программаһына индерелгән. Белем биреү комплексында йәмғеһе 180 урынға иҫәпләнгән мәктәп менән балалар баҡсаһы урынлашасаҡ.

Ғафури районында йәшәгән эшҡыуар ҡатын үҙ эшен үҫтереүгә дәүләттән матди ярҙам алған

Бизнесты үҫтереүгә - 350 мең һум. Ғафури районында йәшәгән эшҡыуар ҡатын үҙ эшен үҫтереүгә дәүләттән матди ярҙам алған. Земфира Рәхимова матурлыҡ салонын район үҙәгендә асҡан. Субсидияны ул техник базаны нығытыуға йүнәлткән. Социаль ярҙамға тағы ла кемдәр дәғүә итә? Яуап киләһе яҙмала.

Өфөлә йәшәүсе 10 йәшлек Байрас Мараҡановҡа ярҙам кәрәк

Өс йыл элек Хәйбулла районы Аҡъяр ауылында тәне бешкән малайға тағы ла операция талап ителә. Ҡатмарлы операцияны Санкт- Петербург табиптары эшләйәсәк. 6 миллион һумға яҡын сумманы йәш ғаилә үҙе таба алмай.

Түтәлдәрҙе машина тәгәрмәстәре менән биҙәү тыйыла

Торлаҡ һәм төҙөлөш өлкәһендә күҙәтеү буйынса дәүләт комитеты ошо турала иҫкәртә. Законға ярашлы, ҡулланылған автомобиль шинаһы 4-се класлы хәүефе булған ҡалдыҡ тип һанала, ул махсус полигонда утилләштерелергә тейеш. Шинаны биләмәләрҙе матурлау өсөн ҡулланыусыларға штраф ҡаралған.

Уҡыусыларға көмөш миҙал да тапшырыласаҡ

Быйылдан Башҡортостан мәктәптәрендә сығарылыш уҡыусыларына алтын миҙалдан тыш, көмөшө лә тапшырыла. Был турала “Сәләм” тапшырыуында Мәғариф һәм фән министры урынбаҫары Светлана Антипина белдерҙе. Һүҙ аттестатта тик "бишле" билдәләре булған егет һәм ҡыҙҙар тураһында бара. Республикала дәүләт аттестацияһына 51 мең 9-сы, 15 мең ярым 11-се класс уҡыусыһы әҙерләнә. 24 май “Һуңғы ҡыңғырау” байрамынан һуң имтихандар башлана.

Ҡатмарлы туристик маршруттарға сығыусыларҙы махсус инструктор оҙатып барасаҡ

Башҡортостанда туристик эшмәкәрлек тураһындағы законға төҙәтмәләр әҙерләнә. Төп маҡсат - туристар хәүефһеҙлеген тәьмин итеү. - Эске туризм үҫешә, был баҙарҙа тәҡдимдәр күбәйә бара. Тауға менеү, йә мәмерйәгә инеү күптәр өсөн ғәҙәти шөғөлгә әйләнде. Бурыс - туристик һуҡмаҡтарҙы хәүефһеҙ итеү. Ҡатмарлы, махсус әҙерлек һәм ҡорамалдар талап иткән маршруттар айырым теркәлергә, унда сәфәр ҡылыусыларҙы профессиональ инструктор оҙатып барырға тейеш - тине Республика парламенты спикеры Константин Толкачев. Закон проекты 30 майҙа беренсе уҡыуға сығарыла.

«Көмөш» йәштәге туристар өсөн Белоруссия һәм Үзбәкстан буйлап турҙар ойошторола

Быйыл 20 мең кеше «Башҡортостан оҙон ғүмерлелеге. Туризм» программаһы сиктәрендә республика буйлап бер көнлөк бушлай сәйәхәткә сыға. Был хаҡта социаль селтәрҙәрҙә Радий Хәбиров яҙҙы. 2020 йылдан алып дәүләт программаһы менән 34 меңдән ашыу кеше файҙаланған.

Өфөнөң 450 йыллығына 450 биттән торған альбом барлыҡҡа киләсәк

Өфөнөң 450 йыллығына 450 биттән торған альбом. Баш ҡала юбилейына мегаполистың иң матур архитектураһы, иҫтәлекле урындары, халҡын һүрәтләгән фотокитап барлыҡҡа киләсәк. Уны «Комсомольская правда» гәзите мөхәриррҙәре һәм рәссамдары төҙөй. Әле улар баш ҡалала фото төшөрөү менән шөғөлләнә.

Аҡын районы Барахаевка ауылында йәшәүсе тимерҙән күҙ яуын алырлыҡ продукция етештерә

Уның ҡулында тимер йәнләнә. Аҡын районы Барахаевка ауылынан Эдуард Тимерғәлин тимерҙән күҙ яуын алырлыҡ продукция етештерә. «Атайсал» проекты сиктәрендә ул тыуған ауылын һәм районын төҙөкләндерә.

Ғафуриҙар махсус хәрби операция биләмәһенә сираттағы партия маскировка селтәрҙәре ебәрергә әҙерләнә

Был эш райондағы һәр бер ауыл советында көйләнгән. Ирекмәндәр һаҡланыу селтәрен махсус үрергә өйрәнеп, көн һайын тиерлек пункттарға йыйыла. Әйтәйек, Родина ауылында маскировка селтәрҙәрен үрергә хаҡлы ялдағылар ҙа, йәштәр ҙә йыйыла.