Фәйзи Ғәскәров исемендәге ансамбль «Йәшәү хаҡына» театр-хореография сюитаһын тәҡдим итте

Фәйзи Ғәскәров исемендәге дәүләт академия халыҡ бейеүҙәре ансамбле тамашасыға «Йәшәү хаҡына» театр-хореография сюитаһын тәҡдим итте. Ул Башҡортостанда ғына түгел, тотош Рәсәйҙә махсус хәрби операция темаһына бағышланған тәүге бейеү. Ғәскәровсылар әйтеүенсә, постановка уларҙы айырыуса тетрәндергән, сөнки ул үткәндәрҙе иҫкә төшөрөү түгел, ә беҙҙең бөгөнгө ысынбарлыҡ тураһында.

Өфөлә «Ғаилә усағы» фестивале үтте

Милли йолалар, ғөрөф-ғәҙәттәр байрамы республика район-ҡалаларының ижад ҡомары менән янған, әүҙем ғаиләләрен берләштерҙе. «Башҡортостан» дәүләт концерт залында ойошторолған сараға БЮТ ижади төркөмө лә тамаша ҡылды.

Заман башҡа - заң башҡа

Башҡорт ҡыҙҙарының милли кейемдә заманса бейеүҙәр башҡарыуына нисек ҡарайһығыҙ?
Ыңғай - 👍
Кире ҡараштамын - 😁

"Төньяҡ амурҙары" йәнһүрәте Мәскәүҙә юғары баһа алды

Еңеү музейында Халыҡ-ара кинофестиваль ойошторолдо. "Төньяҡ амурҙары" "Иң яҡшы анимация фильмы" номинацияһында еңеп сыҡты. Йәнһүрәттә 1812 йылғы Ватан һуғышында башҡорт яугирҙәренең батырлығы һүрәтләнә.

Өфө урамдарында мотоцикл йөрөтөүселәр туҡтатыла

Юл полицияһы профилактик операция башланы. Мотоцикл хужаларының документтары тикшерелә, техниканың төҙөклөгө ҡарала. Ҙур етешһеҙлектәр асыҡланһа транспорт ваҡытлыса тартып алына, махсус урынға ҡуйыла. "Мотоцикл" операцияһы ошо аҙна аҙағына тиклем бара.

‼Ҡурҡыныс үлем: Башҡортостандан вахтовик карьерҙа БелАЗ менән ҡолаған

⚡БелАЗ водителе артҡа биргән саҡта яңылыш рулде борған һәм юлдан төшөп киткән. Машина 90 метр түбәнгә карьерға тәгәрәп төшкән. Ҡыҙғанысҡа ҡаршы, водитель ярҙам килеп еткәнсе һәләк булған.

😥Ир Башҡортостандан Качканарға вахта менән йөрөп эшләгән. Тракторист-машинист стажы өс йыл булған.

Башҡортостанда һыу буйҙарында мобиль ҡотҡарыу постары булдырыла

Улар тәүҙә бер нисә районда һынала. Радий Хәбиров белдереүенсә, батып үлеүселәрҙең күбеһе рөхсәт ителмәгән урындарҙа һыу ингән. Шуға тейешенсә йыһазландырылған пляждарҙы арттырыу бурысы ҡуйыла. Муниципалитеттар эшен баһалағанда һыуҙа һәм утта үлем менән көрәш һөҙөмтәлелеге лә иҫәпкә алына.

Радий Хәбиров Өфөлә «Валдай» халыҡ-ара дискуссия клубы IV Үҙәк Азия конференцияһын асыуҙа ҡатнашты

Сара - халыҡ-ара мөнәсәбәттәр һәм заман талаптарын баһалау өсөн интеллектуаль майҙан. Өфө быйыл Рәсәй, Һиндостан, Ҡаҙағстан, Ҡытай, Ҡырғыҙстан, Тажикстан һәм Үзбәкстандан эксперттарҙы ҡабул итә. Быйылғы конференцияның темаһы - «Рәсәй һәм Үҙәк Азия: үҙгәрешле донъяуи ысынбарлыҡта үҫеш һәм хәүефһеҙлек».

Өфөлә Радий Хәбиров хоҡуҡ һаҡлау органдары вәкилдәренә дәүләт наградаларын тапшырҙы

Бөгөн Өфөлә Башҡортостан башлығы Радий Хәбиров өлөшләтә торлаҡ төҙөлөшөндә ҡатнашып алданған граждандарҙың хоҡуҡтарын тергеҙеүҙә әүҙем ҡатнашҡан власть органдары, хоҡуҡ һаҡлау органдары вәкилдәренә һәм төҙөүселәргә республиканың дәүләт наградаларын тапшырҙы.

⚡ Өфөлә Юл хужалығы идаралығы етәксеһе урынбаҫары Илшат Ишморатов ҡулға алынған

Уны 2,9 миллион һум күләмендә ришүәт алыуҙа, республика автоюлдарын диагностикалау буйынса дәүләт килешеүҙәре төҙөргә ярҙамлашыуҙа һәм тамамланмаған эштәрҙе ҡабул итеүҙә ғәйепләйҙәр.

Махсус операцияла ҡатнашыусы башҡорт журналисы Артур Тапаҡовҡа бағышлана

Башҡортостан Журналистары союзы республика киң мәғлүмәт саралары араһында «Һаумы, яугир» видеоконкурсын иғлан итте. Конкурсҡа «Бельские просторы» әҙәби журналы хеҙмәткәрҙәре ҡушылды һәм алғы һыҙыҡта хеҙмәт иткән хеҙмәттәше, журналист Артур Тапаҡовҡа видеосәләм ебәрҙе.

«Һаумы, яугир» видеоконкурсының маҡсаты – махсус хәрби операция биләмәһендә ҡатнашҡан яҡташтарыбыҙға әхлаҡи ярҙам күрһәтеү, уларға терәк-таяныс булыу.

Радий Хәбиров Өфөлә үткән «Валдай» халыҡ-ара дискуссияһында ҡатнашты

Башҡортостандың Үҙәк Азия дәүләттәре менән сауҙа әйләнеше йыл аҙағына тиклем 25 процентҡа етергә тейеш. Был турала Башҡортостан башлығы бөгөн Өфөлә «Валдай» халыҡ-ара дискуссия клубы конференцияһында белдерҙе. 20 йыл дауамында барған абруйлы форумды республика тәүге тапҡыр ҡабул итә, уның эшендә Һиндостан, Ҡаҙағстан, Ҡытай, Ҡырғыҙстан һәм башҡа дәүләттәрҙән эксперттар ҡатнаша.

Радий Хәбиров өлөшсөләрҙең боҙолған хоҡуҡтарын тергеҙеүселәргә республиканың дәүләт наградаларын тапшырҙы

Башҡортостан илдә алданған өлөшсөләр проблемаһын тәүгеләрҙән булып хәл итте. Был хаҡта төбәк етәксеһе бөгөн колонналар залында үткән тантанала белдерҙе. Бөгөн Өфөлә Башҡортостан башлығы Радий Хәбиров өлөшләтә торлаҡ төҙөлөшөндә ҡатнашып алданған граждандарҙың хоҡуҡтарын тергеҙеүҙә әүҙем ҡатнашҡан власть органдары, хоҡуҡ һаҡлау органдары вәкилдәренә һәм төҙөүселәргә республиканың дәүләт наградаларын тапшырҙы.

Радий Хәбиров «Патриот» паркында физкультура-һауыҡтырыу комплексын асыу тантанаһында ҡатнашты

Радий Хәбиров Шишмә районындағы «Патриот» хәрби-илһөйәрлек паркында физкультура-һауыҡтырыу комплексын асыу тантанаһында ҡатнашты. Күләмле объект төҙөлөшө былтыр апрелдә башланғайны. Республика башлығы 1400 квадрат метр майҙанда урынлашҡан яңы комплекста булып, йәштәргә физик күнекмәләр өсөн булдырылған шарттар менән танышты. Шулай уҡ бөгөн парк биләмәһендә «Мин - киләсәк педагогы» тип исемләнгән сара ла уҙҙы. Радий Хәбиров буласаҡ уҡытыусылар - юғары уҡыу йорттарының һуңғы курс студенттары менән осрашып, асыҡтан-асыҡ һөйләште.

БЮТ хәбәрселәре махсус хәрби операция биләмәһендәге саперҙарҙың эшен күрһәтте

Миналарҙан, шартламаған снарядтарҙан таҙартмай тороп Рәсәй ғәскәрҙәренә алға бырыу мөмкин түгел. Тәүҙә Украина ҡораллы көстәренән азат иткән ерҙәрҙе саперҙар үтеп сыға. Һуңынан яңы алынған ерҙәргә пехота, хәрби техника төпләнә. Ниндәй бурыстар ҡуйыла саперҙарға һәм биләмәләрҙе таҙартыуҙа ниндәй сюрпиздар көтөүе ихтимал? Башҡортостандан мобилизацияланған яугирҙар менән хәрби заданиеға БЮТ хәбәрсеһе сыҡты.

Шаҡша күперендә ремонт яртыһына яҡынлаша

Шаҡша күперендә тығындарҙы йыл аҙағына тиклем түҙергә ҡала. Әле үткәүелдә ремонт яртыһына яҡынлаша. Ҡасандыр авария хәлендә тип танылған күпер заманса ысулдар менән нығытылып, тағы ла бер нисә тиҫтә йыл хеҙмәт итер, тип иҫәп тоталар. «Хәүефһеҙ һәм сифатлы юлдар» милли проекты буйынса алып барылған ремонтҡа 2 миллиард һумдан ашыу аҡса йүнәлтелгән.

Мәскәүҙә «Рәсәй» күргәҙмәһе сиктәрендә туй фестивалендә Башҡортостандан өс пар өйләнеште

Тантанала илдең төрлө мөйөштәренән бөтәһе 150 ғашиҡ пар ҡатнашты. Туй фестивалендә йәш парҙар ВДНХ майҙаны буйлап үтеп урам сәхнәһе янында йыйылды. Уларҙың никахын рәсми рәүештә Мәскәү ЗАГС идаралығы хеҙмәткәрҙәре теркәне. Тантананы симфоник оркестр көйҙәре биҙәне.

Шаран районында йәшәүсе ғаилә сәскә бизнесы менән шөғөлләнә

Шаран районы Ерекле ауылында йәшәүсе Хәсәновтар 2014 йылдан бирле сәскә бизнесы менән шөғөлләнгән. Ике йыл элек йәшелсә-емеш үҫтереүгә тотонғандар. Ауыл йүнселдәренең көндәлек мәшәҡәттәре тураһында киләһе яҙмала.

Владимир Путин Рәсәй Хөкүмәте ағзаларын тәғәйенләү тураһында указдарға ҡул ҡуйҙы

Документтарға ярашлы, Денис Мантуров хөкүмәт рәйесенең беренсе урынбаҫары була. Вице-премьерҙар итеп шулай уҡ Татьяна Голикова, Дмитрий Григоренко, Александр Новак, Алексей Оверчук, Дмитрий Патрушев, Виталий Савельев, Юрий Трутнев, Марат Хөснуллин, Дмитрий Чернышенко тәғәйенләнде. Күп министрҙар урындарын һаҡлап ҡалды. Яңы министрҙарҙан - Хабаровск крайының элекке губернаторы Михаил Дегтярев Спорт ведомствоһы өсөн яуаплы була. Курск өлкәһенең элекке башлығы Роман Старовойт - Транспорт, Калининград өлкәһенең элекке етәксеһе Антон Алиханов - Сәнәғәт һәм сауҙа, Кемерово өлкәһенең экс-губернаторы Сергей Цивилев Энергетика министрлыҡтарын етәкләне. Ауыл хужалығы министры вазифаһын Оксана Лут алды. Оборона министры итеп Андрей Белоусов тәғәйенләнде.

Башҡортостанда "Һуңғы ҡыңғырау" байрамында хәмер һатылмай

Был турала Сауҙа һәм хеҙмәттәр министрлығынан хәбәр итәләр. Республикала шундай закон бар. Талап дөйөм туҡланыу урындарына ҡағылмай. Һуңғы ҡыңғырыу" байрамы 24 майҙа була. Башҡортостанда шулай уҡ Яңы йыл каникулында, Йәштәр, Белем көндәрендә, һабантуйҙар ваҡытында хәмер һатыу сикләнгән.

"Салауат йыйыны" 16 июндә була

Салауат районында милли геройыбыҙҙың тыуыуына 270 йыл тулыу уңайынан тантаналар уҙғарыуға әҙерлек буйынса кәңәшмә үтте. Уны республика премьер-министрының беренсе урынбаҫары Урал Килсенбаев уҙғарҙы. - "Салауат йыйыны" һабантуй урынында уҙғарыла. Ҡунаҡтарҙы лайыҡлы ҡаршыларға тейешбеҙ. Шулай уҡ "Салауат ере" тарихи-мемориаль комплексы төҙөлөшө аҙағына яҡынлаша, тине Урал Килсенбаев. Быйыл 16 июндә шулай уҡ Ҡорбан байрамы билдәләнә.