Милли кейем көнө айҡанлы Радий Хәбиров милли кейем тегеүсе оҫталар менән осрашты

Бөгөн - милли кейем көнө. Байрам айҡанлы Башҡортостан Милли музейында Радий Хәбиров милли кейем тегеүсе, тергеҙеүсе, биҙәүестәр яһаусы оҫталар менән осрашты.
Милли кейем көнө Башҡортостан башлығы Радий Хәбиров указы менән 2020 йылдан ике тапҡыр, апрелдә һәм сентябрҙә билдәләнә. Был ябай ғына байрам түгел, уның асылында кейем-биҙәүестәр аша милли-мәҙәни хазиналарыбыҙға һөйөү тәрбиәләү, тарихҡа, йолаларға, ғөрөф-ғәҙәттәргә, кәсептәргә ҡыҙыҡһыныу уятыу ята.

Башҡортостандың 16 муниципалитетында яҙғы ташҡынға бәйле 30 осраҡ ҡотҡарыусылар күҙәтеүендә ҡала

Әле йөҙҙән ашыу йорт яны биләмәһе, 28 автомобиль юлы, 7 бәләкәй күпер һыу аҫтында. Ташҡын үтеп ингән торлаҡ һәм баҡса йорттары юҡ. Шулай ҙа уҙған тәүлектә Белорет, Өфөнөң Ленин, Киров райондары юлдарына, Шишмә районының ауыл хужалығы производство берекмәһе участкаларына һыу үтеп ингән.

Башкортостан ҡотҡарыусылары Ырымбурҙа ташҡындан зыян күреүселәргә ярҙам күрһәтеүен дауам итә

Бөгөн республика Ғәҙәттән тыш хәл министрлығы хеҙмәткәрҙәре ҡаланың «Станция буйы» биҫтәһендә эшләй. Йорттарҙы һыу 14 апрелдә баҫҡан. Ташҡын һыуҙары 2 метрға тиклем күтәрелгән. Йорт подвалдары, беренсе ҡаттағы фатирҙар зыян күргән. Башҡортостан ҡотҡарыусылары урамдарҙан һыуҙы һура, халыҡҡа ярҙам итә. Әле һыу бер аҙ кәмегән. Халыҡ яйлап йорттарына ҡайта башлаған.

20 апрелдә Өфөнөң йылға навигацияһы үҙ эшен башлай

Дүрт йылға кисеүен паромда үтергә мөмкин, шулай уҡ «Сипайлово - Йәшел морон» дөйөм ҡулланыштағы ҡала эсендәге һыу транспорты маршруты асыла. «ДОК-йөк-пассажир ташыу», «Князевская» йүнәлештәре буйынса һыу кимәле түбәнәйгәс кенә йөрөп буласаҡ. Судноларға килгәндә, бөгөн улар ҡышҡы ремонттан һуң тәүгә йылғаға сыҡты.

Радий Хәбиров Александр Лынникты орден менән бүләкләне

Бөгөн Республика Башлығы осоусы-инструктор, Рус география йәмғиәте ағзаһы Александр Лынник менән осрашты. Яҡташыбыҙ донъя рекордын ҡуйҙы. Ул парашютта Төньяҡ ҡотопҡа осоп төштө. Өс кешенән торған команда 10 мең метр бейеклектән, йәғни стратосферанан һикерҙе. Радий Хәбиров спортсыға генераль Шайморатов орденын тапшырҙы.

Өфөлә төбәк муниципаль берәмектәренең XIV съезы үтте

Башҡортостанда атҡаҙанған муниципаль һәм дәүләт хеҙмәте хеҙмәткәре тигән маҡтаулы исем булдырыла. Был турала республика башлығы Радий Хәбиров төбәк муниципаль берәмектәренең XIV съезында хәбәр итте. Дәүләт наградаһы үҙидара системаһында яҡшы һөҙөмтәләргә ирешкән, ҙур эш стажы булған хеҙмәткәрҙәргә тапшырыласаҡ. Ултырышта муниципалитет һәм ауыл биләмәләре етәкселере алдына өҫтөнлөклө маҡсаттар ҡуйылды. Махсус хәрби операция биләмәһендә ҡатнашыусыларға ярҙам күрһәтеү һәм төбәктең социаль-иҡтисади үҫешен тәьмин итеү.

Башҡортостанда милли кейем көнөн билдәләнеләр

Бөгөн - милли кейем көнө. Милли кейем көнө Республика башлығы указы менән 2020 йылдан ике тапҡыр, апрелдә һәм сентябрҙә билдәләнә. Байрам айҡанлы бөгөн Радий Хәбиров Башҡортостан Милли музейында милли кейем тегеүсе, тергеҙеүсе, биҙәүестәр яһаусы оҫталар менән осрашты. Һүҙ милли мираҫыбыҙ булған кейем-биҙәүестәрҙе һаҡлау, киләһе быуынға тапшырыу юлдары тураһында барҙы. Оҫталарға дәүләт наградалары тапшырылды. Радий Хәбиров милли кейем тегеүгә ярҙам программаһы тураһында ла иғлан итте.

Радий Хәбиров Александр Лынникты генерал Шайморатов ордены менән бүләкләне

Пилот-инструктор был наградаға хәүефле хеҙмәт бурысын үтәгәне һәм ҡаһарманлыҡ күрһәткәнге өсөн лайыҡ булды. Александр Лынник космонавт Михаил Корниенко һәм инженер Денис Ефремов менән бергә тарихта тәүге тапҡыр стратосферанан төньяҡ полюсҡа парашют менән һикерҙе. Ун мең метр бейеклектән һикереп ҡуйылған рекордтарын улар Ҡырымдың Рәсәйгә ҡушылыуына 10 йыл тулыуға, Юрий Гагариндың 90 йыллығына һәм Өфөнөң 450 йыллыҡ юбилейына арнаны.

Башҡортостан башлығы террорға ҡаршы төбәк комиссияһы һәм оператив штаб ултырышын уҙғарҙы

Кәңәшмәлә май байрамдарында хәүефһеҙлек, йәштәр араһында терроризм идеологияһы һәм неонацизмға ҡаршы көрәш мәсьәләләре өйрәнелде.
Ултырышта шулай уҡ республикала миграцияға бәйле хәл тикшерелде. Уның һөҙөмтәләре буйынса коплекслы профилактика саралары уҙғарыу, медиа ресурстарҙы күҙәтеүҙе көсәйтеү, мөһим предприятиеларҙа өҫтәмә инструктаждар уҙғарыу ҡарар ителде.

Республикала быйыл йәйге лагерҙарҙа 500 меңдән ашыу бала ял итә

Башҡортостан буйынса баш федераль инспектор Алексей Касьянов етәкселегендә кәңәшмә үтте. Унда йәйге ял мәлендә хәүефһеҙлекте тәьмин итеү мәсьәләләре ҡаралды. Республикала 1 мең 770 ҡала һәм мәктәп яны, хеҙмәт лагеры асыла. Янғын һәм эпидемиологик хәүефһеҙлек, тәбиғәттә һәм һыуҙа именлек сараларына, шулай уҡ балалар менән эшләгән белгестәргә лә етди иғтибар бирергә ҡушылды. Быйыл төбәктә Донецк һәм Луганск халыҡ республикалары, Белгород өлкәһенән балалар ял итәсәк.

Аҡъяр ауылында Рәмил Баҙамшиндың коцерты үтте

Башҡортостандың атҡаҙанған артисы Рәмил Баҙамшиндан үҙенсәлекле проект. «Шиғри юлдар ағыла» концерт программаһы Аҡъяр ауылы район мәҙәниәт йортонда тамашасы хөкөмәнә сығарылды. Был хаҡта тулыраҡ киләһе яҙмала.

«Улым»дың улы тыуған

Ошондай позывнойлы махсус хәрби операцияла ҡатнашыусының тәүге сабыйы ауаз һалған. Күптән түгел яугир ҡыҫҡа ваҡытлы ялға ҡайтып, улын күргән.

– Мин атай булдым, улым тыуҙы! Ҡыҙғанысҡа ҡаршы, бала тыуыу йортонан ҡаршыларға өлгөрмәнем, иң мөһиме - хәҙер өйҙә, ғаиләм янында! – тигән ул.

«Улым» 2022 йылдың көҙөндә СВО зонаһына юлланыр алдынан өйләнә. Ҡатыны терәк-таяныс була. Күптән түгел йәш парҙың улы тыуған. Шул ваҡыт ғаилә башлығы планлы ялға ҡайтҡан. Хәҙер хәрби ялын улы менән бергә үткәрә.

Йәштәрҙе атай-әсәй булыуы менән ҡотлайбыҙ, сабыйҙың сәләмәт булып үҫеүен, ә ата-әсәһенә сабырлыҡ һәм ғаилә бәхете теләйбеҙ!

«Егете аңһыҙ ҡыҙын ҡосаҡлап иланы»

Кисә иртән Өфө янында биш кешенең ғүмере өҙөлгән авария һәм уның сәбәптәре хаҡында яңы мәғлүмәттәр асыҡлана. Аварияла биш кеше һәләк булды, тағы ике егет һәм зыян күрҙе.

Алексей «ВАЗ-2115» машинаһының пассажиры булған, руль артында уның дуҫы Илфат ултырған. Дуҫтары һөйләүенсә, улар Алексейҙың апаһына ҡунаҡҡа барған. Егет әлеге ваҡытта 22-се дауаханала. Уның һөйгән ҡыҙы Регина реанимацияла ауыр хәлдә. Улар аварияла берҙән-бер иҫән ҡалыусылар.

Шаһиттар әйтеүенсә, был ҡот осҡос авария уларҙың күҙ алдында булған.

«Артҡы ултырғыста мәйет өйөмө, бөтөнөһө бер өйөмгә уҡмашып бөткән ине. Иҫән ҡалған ике кеше лә бик ауыр хәлдә. Ҡыҙ аңһыҙ, хәле ауыр, ә егете аңһыҙ ҡыҙҙы ҡосаҡлай-ҡосаҡлай шашынды, иланы», – тигән авария шаһиты Олеся.Ъ

Өфөлә бокс үҫеше үҙәге һәм Теннис академияһы төҙөлә

Яңы объектҡа бөгөн нигеҙ һалынды. Тантанала Башҡортостан башлығы Радий Хәбиров, Халыҡ-ара бокс ассоциацияһы президенты Умар Кремлев ҡатнашты.
Бокс үҫеше үҙәге һәм Теннис академияһын Өфөнөң тарихи үҙәгендә, Якутов паркында төҙөү ҡаралған. Спорт объекты 12 мең квадрат метр майҙанды биләйәсәк.

Өфөлә 24 майҙа Федор Шаляпин исемендәге музыка музейы асыла

Был турала бөгөн Башҡортостан башлығы Радий Хәбиров объектты төҙөү барышы менән танышҡандан һуң белдерҙе.
Әлеге ваҡытта музейҙа һуңғы төҙөлөш эштәре бара. Проект буйынса дүрт зал 19-сы быуат аҙағында, Шаляпин Өфөгә килгән ваҡыттағы һымаҡ итеп эшләнә.

Өфөлә хәбәрһеҙ юғалған үҫмерҙәрҙе эҙләү дауам итә

Бының өсөн Ғәҙәттән тыш хәлдәр буйынса дәүләт комитетының Ка-32 вертолеты ла йәлеп ителә. Комитет рәйесе вазифаһын башҡарыусы Кирилл Первов хәбәр итеүенсә, кисә Ағиҙел йылғаһы акваторияһын Затон күперенән Благовещен ҡалаһына тиклем урап үткәндәр. Бөгөн ҡотҡарыусылар катер ярҙамында йылға һәм яр буйҙарын тикшергән. Эҙләү саралары бер көнгә лә туҡтамай.

«Йәшел Башҡортостан» экологик акцияһы буйынса республика район-ҡалалары йәшелләндерелә

Өфө урамдарына ғына 6 меңдән ашыу үҫенте ултыртыу ҡаралған. Баш ҡаланың 450 йыллыҡ тарихи юбилейына - 450 йүкә акцияһы, ландшафт биҙәү эштәре башланды ла инде.

Өфөлә дөйөм ҡала шәмбе өмәһе үтте

Биләмәләр тәртипкә килтерелде, тирә-йүн сүп-сарҙан таҙартылды. Башҡортостандың Тәбиғәттән файҙаланыу һәм экология министрлығы һәм ведомство ҡарамағында булған өс ойошма хеҙмәткәрҙәре Яҡутов исемендәге паркта эшләне.

Республика умартасылары ҡорттарға ревизия үткәрә

Был мәсьәләлә уларға алтынсы йыл рәттән Башҡортостан фәнни-етештереү ветеринар лабораторияһы белгестәре ярҙам итә.16 апрелдән мобиль лабратория республика райондарында эш башланы ла инде.Тәгәрмәс өҫтөндәге мобиль лабораторияның Бөрйән зонаһындағы эшмәкәрлеге хаҡында киләһе яҙмала.

Рәсәйҙә рус теленән Тоталь диктант үтте

Илдә йыл һайын ойошторолған акция күләмле байрамға әүерелеп өлгөрҙө. Быйыл 20-се тапҡыр уҙған саранан ғәҙәттәгесә, Өфө лә ситтә ҡалманы. Баш ҡалала акцияла ҡатнашыусылар өсөн 39 майҙан эшләне.

Башҡортостан дамба йырылыуҙан зыян күргән Ырымбур өлкәһенә ярҙам күрһәтеүен дауам итә

Ошо аҙнала ғына республика күрше төбәккә эсәр һыу тултырылған ике фура оҙатты. Бөтә гуманитар ярҙам да иң тәү сиратта Орск ҡалаһына ебәрелә. Айырыуса ныҡ зыян күреүселәр ҡаланың иҫке өлөшөндә йәшәй. Эсәр һыуға ихтыяж ҙур. Гуманитар ярҙам илдең төрлө нөктәләренән ҡабул ителә. Бынан тыш, республика ҡотҡарыусылары Ырымбур ҡалаһында ла зыян күреүселәргә ярҙам күрһәтә.