Республикала ҡырағай хайуандар өсөн 170 тонна аҙыҡ әҙерләнгән

Кешеләрҙең хәстәрлеге мышы, ҡабан, ҡоралай, ҡуян һәм башҡа кейектәрҙең һанын һаҡлап ҡалырға ярҙам итә. Тәбиғәттән файҙаланыу һәм экология министры Нияз Фазылов белдереүенсә, зоология заказниктары һәм тәбиғәт парктарында 200-гә яҡын махсус урын булдырылған. Һалҡында һәм тәрән ҡар ятҡанда хайуандарға аҙыҡ табыу ауыр. Беҙ уларҙы хәстәрләргә бурыслы, ти ведомство етәксеһе. Республика урмандарында һәм фермер хужалыҡтарында болан-маралдар йәшәй. Белоруссиянан килтерелгән зубрҙар ҙа Башҡортостан тәбиғәтен үҙ итте.

Башҡортостанда "Айыҡ ауыл" конкурсы ярҙамында социаль мәсьәләләр хәл ителә

4 йыл эсендә был бәйгелә ҡатнашҡан ауыл биләмәләрендә 30 яңы балалар баҡсаһы һәм спорт майҙансығы, 12 парк булдырылған, урамдар төҙөкләндерелгән 2023 йылда дөйөм приз фонды 40 миллион һум булған. Еңеүселәр алған аҡсаны биләмәләрҙе төҙөкләндереүгә тотонған. "Айыҡ ауыл" конкурсы Республиканың ауыл биләмәләре араһында уҙғарыла.

"Башҡорт оҙон ғүмерлелеге" программаһы киңәйтелә

Ғаилә, хеҙмәт һәм халыҡты социаль яҡлау министры Ленара Иванова белдереүенсә, быйылдан яңы йүнәлештәр ҡаралған. Программала ҡатнашыусылар Мәскәү, Санкт-Петербург һәм Ҡаҙағстанға сәфәр ҡыла аласаҡ. Проект Радий Хәбиров башланғысы менән ғәмәлгә ашырыла. Өлкән йәштәгеләрҙең сәләмәтлеген яҡшыртыу, уларҙы әүҙем ялға йәлеп итеү маҡсаты ҡуйыла.

Республика игенде күберәк һата башлаған

Башҡортостан ауыл хужалығы предприятиелары бер йылда сит илдәргә 471 мең тонна иген оҙатҡан. Был 2022 йылдағынан ике тапҡырға күберәк. Ауыл хужалығы күҙәтеү хеҙмәтенән белдереүҙәренсә, Башҡортостан игенен ғәҙәттә Әзербайжан, Бельгия, Беларусь, Германия, Грузия, Дания, Ҡаҙағстан һәм Үзбәкстан ала. Экспортҡа башлыса бойҙай һәм арпа сығарылған.

Башҡортостанда пилотһыҙ осоу аппараттары менән идара итергә өйрәтәләр

Быйыл 30 төбәктең колледж һәм мәктәптәрендә яңы система һынала, улар пилотһыҙ авиацияны ҡулланыуҙы өйрәтеү буйынса тейешле ҡорамалдар менән йыһазландырыла. Мәғариф һәм фән министры Илдар Мәүлетбирҙин социаль селтәрҙә хәбәр итеүенсә, проектҡа ярашлы, быйыл 21 белем биреү ойошмаһында махсус кластар һәм түңәрәктәр булдырыла, уҡытыусылар әҙерләнә. -Башҡортостанда 3 мең ярымдан ашыу мәғариф учреждениеһы бар. Уларҙа 854 мең кеше белем ала, - тине министр.

Башҡортостанда быйыл йәшәү минимумы яҡынса 9 процентҡа артты

Республика Хөкүмәте бойороғо донъя күрҙе. Уға ярашлы ярашлы, 1 ғинуарҙан йәшәү минимумы 13 мең 753 һум була. Бындай күрһәткес социаль түләүҙәрҙе иҫәпләү өсөн кәрәк. Йәшәү минимумы артыу менән балалы мохтаж ғаиләләргә лә пособие күберәк була. Яңы йылдан минималь хеҙмәт хаҡы ла артты. Беҙҙең республикала урал һәм төбәк коэффициенттарын иҫәпкә алғанда, 23 мең 389 һумға етә. Бюджетҡа ҡарамаған тармаҡтарҙа эш хаҡы ошо сумманан кәм булмаҫҡа тейеш.

Башҡортостандан ике коллектив “Волга буйы театрҙары” фестивале финалында ҡатнаша

Унда йәштәр һәм балалар театрҙары сығыш яһай. 5-се юбилей миҙгелендә 14 төбәктән 28 спектакль һайлап алынды. Беҙҙең республиканан “Табын” халыҡ ижады коллективы һәм “Күңел күҙе” халыҡ инклюзив театры ҡатнаша. Ошо көндәрҙә эксперттар видеоспектаклдәрҙе ҡарап рейтинг әҙерләй. Еңеүселәр Ижевскиҙа 27 мартта, Бөтә донъя театр көнөндә, иғлан ителә.

Башҡортостанда былтыр йәшелсә һәм емеш импорты дүрт тапҡырға кәмегән

Ауыл хужалығын күҙәтеү хеҙмәте төбәк идаралығынан белдереүеҙәренсә, 2023 йылда 1 миллион 177 мең тонна индерелгән. Үзбәкстан, Ҡаҙағстан, Ҡырғыҙстан, Төркиә һәм Ҡытайҙан кәбеҫтә, борос, сөгөлдөр, алма, нектарин, хөрмә, һары сейә, мандарин, ҡарбуз һәм ҡауын импортланған. Картуф, помидор, ҡыяр үҙебеҙҙә етештерелгән.

Өфөлә юғары уҡыу йорттары студент ҡаласығында киберспортсылар әҙерләнә

IQ-паркта виртуаль ысынбарлыҡ майҙансығы булдырыла. Былтыр Өфө фән һәм технологиялар университеты командаһы Башҡортостан чемпионатында еңеү яуланы. Әле 900-ҙән ашыу кеше киберспорт менән ныҡлы шөғөлләнә. Быйыл февралдә Ҡазанда Киләсәк уйындары уҙа. Унда бөтә донъянан 2 меңдән ашыу киберспортсы ҡатнаша. Турнирға Өфө вәкилдәре лә саҡырылған.

Башҡорт батырының ҡыйыулығына дрондар ҙа ҡаршы тора алмаған!

Кадрҙа Силәбе өлкәһенең Ҡомкүл ауылынан «Бабай» позывнойлы һалдат. Ул алғы һыҙыҡта үҙенә һөжүм иткән дошман дронын шартлатҡан. Был үҙенсәлекле видеояҙма бөтә донъяға таралды һәм күптәр һоҡланыуын белдерә.

Әлеге осраҡ башҡорт яугирҙәренең батырлығын һәм ҡыйыулығын асыҡ күрһәтә. Бирешмәгеҙ, яҡташтар!

Башҡортостанда Йылҡысылыҡ үҙәге булдырыла

Проект әҙерләнгән, төҙөлөш киләһе йылда башланырға тейеш. Йылҡысылыҡ үҙәге Евразия күсмә цивилизациялар музейына инә. Был турала Радий Хәбиров белдерҙе. "Башҡорт аты институтын булдырҙыҡ, йылҡысылыҡ үҫешенә иғтибар арта", - тине ул.

Өфөлә аутизмды дауалауҙа заманса алымдарға арналған Бөтә Рәсәй конференцияһы үтте

Сараны республиканың Һаулыҡ һаҡлау һәм Мәғариф министрлыҡтары «Бәхет биләмәһе» хәйриә фонды менән берлектә ойошторҙо. Аутизмдың этиологияһы әлегә тиклем асыҡ түгел. Сир һәр кешелә төрлө булыуы ихтимал һәм уны дауалау алымдары ла айырыла. Шуға күрә һәр кемгә индивидуаль ҡараш талап ителә.

Башҡортостанда медицина ҡалдыҡтарын эшкәртеү буйынса тағы ла бер завод асыу ҡарала

Уны Мәскәү өлкәһенең «Стериум» компанияһы төҙөргә ниәтәлй. Был инвесторҙарҙың Башҡортостандағы тәүге проекты түгел. Бөгөн Иглин районында медицина ҡалдыҡтарын эшкәртеү буйынса Рәсәйҙәге тәүге завод сафҡа индерелде, ул Б класлы хәүефле ҡалдыҡтарҙы эшкәртеү буйынса махсуслашҡан. Завод эшенә оператив кәңәшмәнән онлайн рәүештә Башҡортостан башлығы Радий Хәбиров старт бирҙе.

Радий Хәбиров Прокуратура хеҙмәткәрҙәрен һөнәри байрамдары менән тәбрикләне

Ведомствоға нигеҙ батша Петр 1-се указы менән 302 йыл элек һалына. Прокуратура 3 быуаттан ашыу илдәге тәртип, хоҡуҡ һағында тора. Башҡортостан Рәсәйҙә иң һөҙөмтәле эшләгәндәрҙән һанала.

Кушнаренко районы ирекмәндәре махсус хәрби операция биләмәһендәге яугирҙарға ярҙам әҙерләй

Ирекмәндәрҙән махсус хәрби операция биләмәһендәге яугирҙарға ярҙам. Кушнаренко районында был игзге эште Миңлеғәле Шайморатов исемендәге ирекмәндәр шатабы ойоштора. Улар эшмәкәрлеге хаҡында репортаж.

Мәскәү милләттәр йортонда Гөлдәриә Йосопова менән ижади осрашыу үтте

Мәскәү милләттәр йортонда яҙыусы, шағирә һәм журналист, Башҡортостан Яҙыусылар союзы ағзаһы Гөлдәриә Йосопова менән ижади осрашыу үтте. Уны Мәскәү башҡорттарының ижади берекмәһе ойошторҙо. Әҙәби-музыкаль сарала илебеҙҙең баш ҡалаһында йәшәгән милләттәштәребеҙ менән бергә Мәскәү ижади ойошмалары ағзалары, шиғриәт һөйөүсе төрлө быуын вәкилдәре ҡатнашты.

Башҡортостанда «Һөт кухняһы» сиктәрендә 15 тоннанан ашыу һөт эшкәртелгән

Ул 2019 йылда тергеҙелеп, бөгөн республиканың бер нисә нөктәһендә эшләй. Ошо ваҡытта һөт ризыҡтары 70 меңдән ашыу кешегә таратылған. Цехтарҙа эш нисек алып барыла һәм кем бушлай һөт ризыҡтарына дәғүә итә? Нефтекама «Һөт кухняһы»нан репортаж.

Белорет районында милли һәм этник спорт төрҙәренең республика ярышы үтте

Белорет районында Биграрыҫлан Солтанов иҫтәлегенә милли һәм этник спорт төрҙәренең республика ярышы үтте. Уның исеме күптәргә профессиональ башҡорт һынлы сәнғәтенә нигеҙ һалыусы Ҡасим Дәүләткилдиевтың «Башҡорт һунарсыһы» картинаһы аша таныш. Икенсе тапҡыр ойошторолған спорт сараһы шәхестең исемен мәңгеләштереп, географияһын да киңәйтте.

Башҡортостандың көньяғында медицина белгестәре әҙерләнә башлай

Хәйбулла районының Исмәғил Тасимов исемендәге Аҡъяр тау байыҡтырыу колледжы етәкселеге яңы уҡыу йүнәлешен асыу тәҡдиме менән сыҡты. Радий Хәбиров ошо турала белдерҙе. Республика Башлығы әйтеүенсә, яңы бүлек республиканың көньяҡ райондарын һәм күрше төбәктәрҙе медицина кадрҙары менән тәьмин итергә мөмкинлек бирә.
Аҡъяр тау байыҡтырыу колледжында медицина белгестәренә студенттарҙы тәүге ҡабул итеү 2025 йылда планлаштырыла.

Башҡортостанда “Ярҙам поезы” яугирҙәрҙе һәм уларҙың ғаиләләрен хәстәрләй

Белгестәр махсус хәрби операцияла ҡатнашҡандар һәм ветерандарға консультация бирә. Ғинуарҙа граждандар менән осрашыу Нефтекама һәм Дүртөйлө ҡалаларында үтте. Белгестәр документтар юллау, медицина хеҙмәте һәм социаль ярҙам сараларына бәйле һорауҙарға яуап бирә. Поездың киләһе туҡталышы 26 ғинуарҙа Борайҙа була. Махсус хәрби операцияла ҡатнашҡандар шулай уҡ “Ватанды һаҡлаусылар” дәүләт фондының төбәк филиалына мөрәжәғәт итә ала. Ул Өфөнөң Минһажев урамындағы 107-се йортта урынлашҡан. Үҙәк көн һайын иртәнге сәғәт 9-ҙан киске 6-ға тиклем эшләй. Бәйләнеш телефоны: 8 (347) 268-01-02.

Балалар онкология һәм гематология үҙәге бәләкәй пациенттарҙы ҡабул итә башланы

Һаулыҡ һаҡлау министрлығынан белдереүҙәренсә, дауахана ошо кесаҙна, 25 ғинуарҙа, рәсми асыла. Үҙәк “Сәләмәтлек” милли проекты буйынса 2021 йылда төҙөлә башланы. Бының өсөн яҡынса 4 миллиард һум тотонолдо. Клиникала яман шеште дауалау буйынса юғары медицина ярҙамы күрһәтелә. Дауахана 92 урынға иҫәпләнгән.