Юлаевсылар ғинуар аҙағынаса ситтә 8 уйын үткәрә

Континенталь хоккей лигаһында даими чемпионат барышында бөгөн Түбәнге Камала “Салауат Юлаев” һәм “Нефтехимик” командалары осраша. Матч Өфө ваҡыты менән киске 9-ҙа башлана. Һуңынан Мәскәү өлкәһендә “Куньлунь Ред Стар”, Астанала “Барыҫ”, Новосибирскиҙа “Себер”, шулай уҡ Хабаровскиҙа “Амур” һәм Владивостокта “Адмирал” менән икешәр уйын уҙғара. Әле турнир теҙмәһендә Көнсығыш конференцияһында юлаевсылар 3-сө урында килә.

Өфөлә Көнсығыш юл 88 процентҡа әҙер

Транспорт һәм юл хужалығы министрлығынан белдереүҙәренсә, ошо көндәрҙә трассала яҡтыртыу ҡабыҙылды. “Хәүефһеҙ сифатлы юлдар” милли проекты буйынса 14 километр оҙонлоҡта 800-гә яҡын ҙур бағана ҡуйылды. Көнсығыш сығыу юлы – Волга буйы федераль округында ҡеүәтле транспорт инфраструктураһы проекты иҫәпләнә. Ул 1 километрлыҡ тоннель, күпер, эстакада һәм 10 километрлыҡ юлдан тора. Төҙөлөш өсөн 40,3 миллиард һум йәлеп ителде. Юлда быйыл хәрәкәт башлана.

Благовещен районы хакимиәте башлығы итеп Анна Карабанова тәғәйенләнде

Район етәкселегендә өсөнсө ҡатын-ҡыҙ. Благовещен районы хакимиәте башлығы итеп Анна Карабанова тәғәйенләнде. Кандидатураны район советы депутаттары бер тауыштан хупланы. Быға тиклем Анна Николаевна күп йылдар идаралыҡ вазифаларында эшләгән һәм бай тәжрибә туплаған. Республика башлығы Радий Хәбиров яңы етәксегә артабан да ҙур өмөттәр бағлауын әйтте һәм үҫеш йүнәлештәре ,маҡсаттар билдәләне. Төбәк башлығының Благовещенға эш сәфәре барышынан репортаж.

Өфөләге Башҡорт дәүләт опера һәм балет театрында Аксаков шыршыһы үтте

Әкиәт иленә сәйәхәт. Өфөләге Башҡорт дәүләт опера һәм балет театрында Аксаков шыршыһы үтте. Хәйриә акцияһы республика район-ҡалаларынан 300-гә яҡын баланы бергә йыйҙы. Байрам тамашаһына мөмкинлектәре сикләнгән малай-ҡыҙҙарҙан тыш, махсус хәрби операцияла ҡатнашыусыларҙың балалары ла саҡырылғайны.

Рәсәй матбуғаты көнө уңайынан Өфөлә бөтә республиканың медиатармағы вәкилдәре йыйылды

13 ғинуарҙа билдәләнгән Рәсәй матбуғаты көнө уңайынан Өфөлә йола буйынса бөтә республиканың медиатармағы вәкилдәре йыйылды. «Башинформ» агентлығының конференц-залында Башҡортостандың матбуғат һәм киң мәғлүмәт саралары агентлығы, төрлө министрлыҡ һәм ведомстволар, шулай уҡ йәмәғәт ойошмалары үткәргән республика конкурстары еңеүселәре билдәләнде.

Өфө эргәһендәге юл буйы сервисы объекты төҙөлөшө тамамланыу алдында

Шаҡша биҫтәһендәге бинаның техник асылышы март айында көтөлә Республикала берҙәм стилдә төҙөлгән юл буйы сервисы объекттары Рәсәйҙә иң яҡшы тәжрибә тип табылған. Былтыр төбәктә 235 юл буйы сервисы сафҡа индерелде. Был объекттарҙа кафе, ҡунаҡхана, дарыухана һәм башҡа уңайлыҡтар ойошторола.

Ейәнсуралар урындағы башланғыстарҙы хуплау программаһында әүҙем ҡатнаша

Урындағы башланғыстар үҙидараға һәм халыҡсанлыҡҡа нигеҙләнгән. Унда һәр кем үҙ идеяларын белдереү, проекттар тәҡдим итеү, уларҙы тормошҡа ашырыуҙа әүҙем ҡатнашыу мөмкинлегенә эйә. Тулыраҡ киләһе яҙмала.

Республика йәмәғәтселеге күренекле башҡорт мәғрифәтсеһе Ризаитдин Фәхретдиновты иҫкә алды

Республика йәмәғәтселеге бөгөн күренекле башҡорт мәғрифәтсеһе Ризаитдин Фәхретдиновты иҫкә алды. Шәхестең 165 йыллығына арналған сара Өфөнөң «Торатау» Конгресс-холлында түңәрәк өҫтәл форматында үтте. XIX - XX быуат әҙәбиәте һәм мәҙәниәт тарихында яҡты эҙ ҡалдырған шәхес тураһында фекер алышыуҙа ғалим, яҙыусылар, йәмәғәт эшмәкәрҙәре ҡатнашты.

Контракт буйынса хеҙмәткә алыу дауам итә

Махсус пункттарға 65 йәшкә тиклем ирҙәр һәм 45 йәшкә тиклем ҡатын-ҡыҙҙар мөрәжәғәт итә ала. Ҡатын-ҡыҙҙар махсус хәрби операция биләмәһендә медицина белгесе, элемтәсе йәки ашнаҡсы булараҡ ярҙам күрһәтә. Хәрби көстәр төрөнә йүнәлткән саҡта, контракт төҙөүсенең теләге иҫәпкә алына. Төбәктә йыйылған исемле хәрби берәмектәргә эләгеү мөмкинлеге лә бар. Контракт төҙөүселәр һәм уларҙың ғаиләләре өсөн социаль льготалар ҡаралған. Контракт буйынса һайлап алыу пункты инструкторы Азамат Шәрәфетдинов.

Бөгөн Рәсәй матбуғаты көнө билдәләнә

1703 йылдың 13 ғинуарында Петр Беренсе указына ярашлы, “Ведомости” газетаһының 1-се һаны донъя күрә. Ошо ваҡиға айҡанлы, 1991 йылдан алып 13 ғинуарҙа Рәсәй матбуғаты көнө билдәләнә башлай. Был дата журналистарҙың ғына түгел, шулай уҡ полиграфия өлкәһендә эшләүселәрҙең, газета-журнал таратыусыларҙың байрамы ла. Беҙҙең илдә 50 меңгә яҡын төрлө баҫма нәшер ителә, республикала 1 меңгә яҡын традицион һәм 200 самаһы электрон баҫма иҫәпләнә.

ВДНХ күргәҙмәләр үҙәгендә Башҡортостандың спорты аҙналығы дауам итә

“Спорт еңеүҙәренә 100 йыл” тип исемләнгән сара Халыҡ-ара “Рәсәй” күргәҙмә-форумы барышында ойошторола. Бөгөн программала башҡорт эпостары буйынса виртуаль ысынбарлыҡ форматында “Зәрҡүм” тигән интеллектуаль уйын уҙғарыла, бокс буйынса ике тапҡыр Рәсәй чемпионы Азалия Әминева менән оҫталыҡ дәрес ойошторола, ZASPORT фабрикаһы һәм “Салауат Юлаев” хоккей командаһы менән таныштырыу була.

Һаулыҡ мөмкинлектәре сикләнгән кешеләргә ярҙам программаһы раҫланды

Республика Хөкүмәтенән белдереүҙәренсә, программа һаулыҡ мөмкинлектәре сикләнгәндәрҙе йәмғиәткә яраҡлаштырыуға һәм уларҙың йәшәү кимәлен күтәреүгә булышлыҡ иткән хоҡуҡи, иҡтисади шарттар тыуҙырыуҙы күҙ уңында тота. 2024 йыл Башҡортостанда Һаулыҡ мөмкинлектәре сикләнгән кешеләр тураһында хәстәрлек йылы тип иғлан ителде. Республика Башлығы Радий Хәбиров идара итеү командаһына 31 ғинуарға тиклем саралар планын раҫларға ҡушты.

Башҡортостанда коммуналь инфраструктураны яңыртыуға 7,8 миллиард һум тотонола

Тарифтар буйынса дәүләт комитетынан белдереүҙәренсә, электр һәм йылытыу энергетикаһы объекттарын ремонтлауға иғтибар ҙур. Һыу үткәреү һәм ҡаты көнкүреш ҡалдыҡтарын йыйыу буйынса ла саралар күрелә. Коммуналь инфраструктураны яңыртыу ҡулланыусылар түләгән аҡсаға ла үткәрелә. Быйыл ресурс менән тәьмин иткән ойошмалар 95 миллиард һум килем алырға ниәтләй.

Радий Хәбиров Благовещен районында махсус хәрби операцияла һәләк булған яугирҙарҙың ғаиләләре менән осрашты

Республика батыр улдарын онотмаясаҡ, уларҙың исемдәре мәңгеләштереләск. Башҡортостан башлығы Радий Хәбиров Благовещен районында махсус хәрби операцияла һәләк булған Александр Круглов, Артур Саяпов, Әлмир Фәтҡуллин, Владислав Лабыгин һәм Олег Маленковтың ғаиләләре менән осрашты. Төбәк етәксеһе уларҙың ҡайғыһын уртаҡлашып ысын илһөйәрҙәр, Ватан һаҡсылары тәрбиәләгәндәре өсөн рәхмәтен еткерҙе. Миңә республика башлығы булараҡ һеҙҙең, яугирҙарҙың балалары нисек йәшәүен белеү мөһим, тине Радий Хәбиров.

Бер төркөм яугирҙар отпусктан һуң йәнә махсус хәрби операцияһы биләмәһенә юлланды

Яңы йылды хәрбиҙәр яҡындары һәм ғаиләләре менән ҡаршылаған. Байрам каникулын өйҙә уҙғарыу үҙе бер ғүмер , ти улар. Туғандарға ҡунаҡҡа йөрөү, туғандар менән осрашыу һәм байрам кәйефе. Уның ҡарауы, йыйылып киткән документ эштәрен теүәлләү тотҡарланған. Шуға ла отаусктың һуңғы көндәрен, рәсми вдеомстволар эш башлаған мәлдә көсөргәнешле осор булды, ти яугирҙар.

Ейәнсура районынан Бәзиха Усманова махсус хәрби операция биләмәһендәге яугирҙарға ойоҡбаштар бәйләй

Ейәнсура районы Үтәғол ауылынан йөҙйәшәр Бәзиха Усманова махсус хәрби операция биләмәһендәге яугирҙарға ойоҡбаштар бәйләй. Оло тормош юлы үткән хеҙмәт ветераны

Әбйәлилдәр байрамдарҙы бәлә-ҡазаһыҙ үткәреү юлын тапҡан

Хәүефһеҙ каникул. Әбйәлилдәр байрамдарҙы бәлә-ҡазаһыҙ, имен үткәреү юлын тапҡан. Һуңғы йылдарҙа районда оҙайлы ялдар, байрамдар алдынан махсус эш планы раҫлана. Уға ярашлы штаб төҙөлә, ҡыҙыу телефон линияһы ойошторола, һәр ауыл хакимиәтендә эскән, проблемалы ғаиләләр яуаплы кешеләргә беркетелә, янғынды кисектереү маҡсатында йорттарҙа электр үткәргестәре, мейестәр яңыртыла. Биш йыл дауамында алып барылған эшмәкәрлектең һөҙөмтәһе тураһында

Легендар театр һәм кино актрисаһы Сәүиә Сираева 90 йәшен билдәләй

Рәсәйҙең атҡаҙанған, Башҡортостандың һәм Татарстандың халыҡ артисы Сәүиә Сираеваның ижады тотош ил кимәлендә билдәле. Мәҙәниәт өлкәһе үҫешенә лайыҡлы өлөш индергән шәхес бөгөн дә илһамланып ижад итә. Күркәм юбилейы уңайынан Өфө «Нур» татар дәүләт театрында Сәүиә Сираеваның бенефисы үтә.

Башҡортостанда былтыр 17 меңдән ашыу берәҙәк эт һәм бесәй тотолған

Дәүләт Йыйылышы–Ҡоролтайҙа ошо турала белдерелде. Ауланған берәҙәк эттәр һәм бесәйҙәрҙең күбеһе стерилләштерелгән һәм иреккә сығарылған. Ҡайһы берҙәре яңы хужаларын тапҡан, уҫал һәм сирле хайуандарҙы йоҡоға талдырғандар. Ултырышта ҡануниәтте камиллаштырыуға бәйле тәҡдимдәр индерелгән һәм башҡа төбәктәр тәжрибәһен өйрәнергә ҡарар ителгән.

Башҡортостан һәм Ҡаҙағстан араһында сауҙа 3,1 процентҡа артҡан

Был турала Республика Хөкүмәтенән хәбәр итәләр. Тышҡы иҡтисади бәйләнештәр һәм конгресс эшмәкәрлеге министры Маргарита Болычева белдереүенсә,ғинуар аҙағында Башҡортостандың рәсми делегацияһы Астанаға бара. Яңы эшлекле бәйләнештәр булдырыу маҡсаты ҡуйыла. Ҡаҙағстан Башҡортостандың иң мөһим сауҙа партнерҙарының береһе булып тора.

Рәсәйҙә Ғаилә йылына бәйле саралар планы иғлан ителде

Документ рәсми мәғлүмәттәр порталында урынлаштырылған. Мәскәүҙә “Рәсәй” халыҡ-ара күргәҙмәһендә “Туғандар – яратҡандар” форумы барышында Ғаилә йылы рәсми асыла. Йыл дауамында күп балалы әсәләрҙе тәбрикләү, Ғаилә, мөхәббәт һәм тоғролоҡ, Әсә һәм Атай көндәрен ҙурлап үткәреү, күп балалы ғаиләләр форумы һәм “Йыл ғаиләһе” конкурсын ойошторола. Быйыл 2030 йылға тиклем иҫәпләнгән Демография һәм ғаилә сәйәсәте стратегияһы ҡабул ителә. Төбәктәр 1 февралгә тиклем шулай уҡ исемле йылға саралар планын раҫларға тейеш.