Башҡортостанда ҡытай автоконцерны заводы төҙөлөүе мөмкин

Республика Хөкүмәте Премьер-министры Андрей Назаров Ҡытайға бизнес-сәфәр барышында Shandong Zingking Technology компанияһы генераль директоры Ма Цзэнхуа менән осрашты. Унда беҙҙең республикала ашығыс медицина ярҙамы машиналарын сығарыу мөмкинлеге ҡаралды. Заводты индустриаль парктарҙың береһендә асырға була. Был осраҡта инвестор һалым льготалары менән файҙалана ала. Башҡортостандан рәсми делегация Ҡытайға сәфәре барышында төрлө осрашыуҙар үткәрә һәм килешеүҙәргә ҡул ҡуя. Шанхайҙа ошо көндәрҙә халыҡ-ара импорт күргәҙмәһе үтә. Унда Башҡортостандан ойошмалар һәм эшҡыуарҙар тауарҙарын тәҡдим итә. Республика вәкилдәре шулай уҡ Рәсәйҙең Волга буйы округы һәм Ҡытайҙың Янцзы йылғаһы үрге һәм урта ағымы төбәктәре форумында ҡатнаша.

Металл һыныҡтары өсөн ҡағыҙ аҡса түләмәйәсәктәр

Республика парламенты тимер-томорҙы ҡулаҡсаға һатып алыуҙы тыйырға ниәтләй. Дәүләт Йыйылышы – Ҡоролтай тейешле закон проектын беренсе уҡыуҙа ҡабул итте. Металды йыйыу һәм эшкәртеү килемле бизнес иҫәпләнә. Тармаҡта тәртип урынлаштырыу өсөн аҡса әйләнешен көйләргә кәрәк. Ҡайһы бер тимер ҡабул итеү урындары рөхсәтһеҙ эшмәкәрлек алып бара. Бында канализация ҡапҡастары, зыярат ҡоймалары, сүп-сар йәшниктәрен тапшыралар. Сеймал өсөн “тере аҡса” менән иҫәпләшәләр һәм законһыҙ металл тапшырған кешене табып булмай. Ҡулаҡсаһыҙ килешеүҙәр дәүләт мөлкәтен урлау осраҡтарын кәметергә мөмкинлек бирәсәк, ти депутаттар.

Бөгөн Бөйөк Октябрь революцияһына 106 йыл

Советтар Союзында киң билдәләнгән байрам, хәҙерге ваҡытта тик тарихи ваҡиға итеп кенә иҫкә алына. Йәмәғәтселек инҡилап ваҡиғаларына төрлө ҡараш белдерә. Ил тарихында, Рәсәйҙең артабанғы үҫеш юлында революцияның әһәмиәте ҙур баһаға лайыҡ, ти ҡайһы бер белгестәр. Тарихсы Нурислам Ҡалмантаев фекеренсә, бөгөнгө мул, тыныс тормошҡа тап Октябрь революцияһы нигеҙ һалған.

Башҡортостанда киң таралған һәм һирәк исемдәр аталды

“Реестр ЗАГС” порталына ярашлы, малайҙарға Әмир, Тимур, Марк, Матвей һәм Мирон тип йышыраҡ ҡушалар. Ҡыҙҙарға Әминә, София, Ева, Арина һәм Амелия исемдәрен күберәк бирәләр. Һирәк исемдәр араһында Абдулрахман, Виктор Стоун, Риман, шулай уҡ Мөнирә, Илайда, Ариадна осрай.

Башҡортостандан Рәсәй Геройы Алмаз Сафиндың исеме мәңгеләштерелә

Новосибирск өлкәһе Бердск ҡалаһында урамдарҙың береһенә яҡташыбыҙ исеме бирелә. Алмаз Сафин Әлшәй районы Раевка ауылында тыуып үҫкән. Ул Бердск ҡалаһында урта уҡыу йортон тамамлай һәм Новосибирск өлкәһендә хәрби хеҙмәттә була. Яугир былтыр сентябрҙә махсус хәрби операция ваҡытында батырҙарса һәләк була. Президент Владимир Путин Указы менән Алмаз Сафин Рәсәй Геройы исеменә күрһәтелә.

Мортаза Рәхимовҡа арналған “Йөрәк һүҙе” иғлан ителде

Ижади бәйге Башҡортостандың беренсе президентының тыуыуына 90 йыл тулыуға арнап ойошторола. Проект етәксеһе, республиканың атҡаҙанған сәнғәт эшмәкәре Наилә Сәфәрғолова белдереүенсә, конкурста ҡатнашыу өсөн видео төшөрөргә кәрәк. Яҙмалар башҡорт телендә булырға тейеш. Видеояҙмаларҙы проекттың Бәйләнештә социаль селтәрендәге рәсми төркөмөнә ебәрергә кәрәк. Улар 20 декабргә тиклем ҡабул ителә. Бәйгенең финалын киләһе йылдың февралендә уҙғарыу көтөлә.

Мәскәүҙә Башҡортостан стенды халыҡ күңелен яулай

Илебеҙ баш ҡалаһында “Рәсәй” тип аталған ҙур күргәҙмә эшләй башланы. Унда бөтә 89 төбәк экспозицияһын тәҡдим итә. “ФедералПресс” агентлығы Бөтә Рәсәй күргәҙмәләр үҙәгенә килгән халыҡ араһында фекер белешкән. Респонденттарҙың 38 проценты беҙҙең республика стендына өҫтөнлөк биргән. Артабан Алтай һәм Томск өлкәһе күргәҙмәләре килә. Башҡортостан стенды ВДНХ майҙансығына килеп төшкән үҙенсәлекле йыһан карабын хәтерләтә. Экспозицияны әҙерләгәндә юғары технологиялар ҡулланылған. Ул “күскенселәрҙән пилотһыҙ осҡостарға тиклем тигән” төшөнсә буйынса эшләнгән. “Рәсәй” күргәҙмәһе апрелгә тиклем дауам итә. 3 декабрҙә Башҡортостан көнө була.

Башҡортостан депутаттары спортсыларҙы һалым түләүҙән бушатырға тәҡдим итә

Дәүләт Йыйылышы – Ҡоролтайҙа закон проекты әҙерләнә. Олимпия, Паралимпия уйындары һәм башҡа халыҡ-ара ярыштарҙа бүләкләнгән спортсылар килем өсөн һалым түләмәй. Ләкин Рәсәйҙә ойошторолған халыҡ-ара турнирҙарҙа еңгән өсөн физик шәхестәр килеменә һалым һалына. Республика парламенты законға үҙгәреш индереп спортсыларҙы артыҡ түләүҙәрҙән бушатырға ниәтләй.

Рәсәй” күргәҙмә-форумында башҡорт туйы үткәрелә

3 декабрҙә Мәскәүҙә Башҡортостан көнө уҙа. Уның барышында өйләнешеү йолалары күрһәтелә. Йәш пар – Юлиә Сөләймәнова һәм Заһир Сәфәрғәлин Урал аръяғынан. “Иҫтәлекле көн яҡынлаша. Илебеҙҙең баш ҡалаһында ойошторолған туйыбыҙ тормоштағы иң иҫтәлекле көндәрҙең береһе буласаҡ”, - ти кейәү. “Рәсәй” халыҡ-ара күргәҙмә-форумы киләһе йылдың 12 апреленә тиклем дауам итә. Унда илдең бөтә төбәктәре ҡатнаша. Беҙҙең республика мәҙәни, туристик, инвестиция, сәнәғәт өлкәһендәге уңыштарын тәҡдим итте.

Башҡортостанда 76 мең тонна шәкәр етештерелгән

Ауыл хужалығы министрлығы мәғлүмәттәре буйынса, Раевка һәм Шишмә шәкәр заводтары ярты миллиондан ашыу тонна шәкәр сөгөлдөрөн эшкәрткән. Әлеге көндә дөйөм майҙандарҙың 95 процентында татлы тамыр ҡаҙып алынған, 1 миллион 560 мең тонна уңыш йыйылған. Быйыл республикала был культура 19 районда 47 мең ярым гектарҙа ултыртылды.

Мәктәптәрҙә балаларға комплекслы психологик ярҙам күрһәтеләсәк

Белем усаҡтарын медицина хеҙмәткәрҙәре менән тәьмин итергә, транспорт сараларын газ яғыулығына күсерергә. Башҡортостан Башлығы рәйеслегендә уҙған бөгөнгө оператив кәңәшмәлә уҡыусыларҙың сәләмәтлеге, Шайморатов кластарының эшмәкәрлеге һәм зәңгәр яғыулыҡты ҡулланыу даирәһен киңәйтеү хаҡында һүҙ барҙы.

«Башҡортостан» мотоуҡсылар полкы яугирҙары тәүге тапҡыр ялға ҡайтты

Күҙ йәштәренә мансылған һағынышлы осрашыу. Бер сәғәт элек «Башҡортостан» мотоуҡсылар полкы яугирҙары тәүге тапҡыр ялға ҡайтты. Уларҙы баш ҡаланың Совет майҙанында туғандары, яҡындары ҡаршы алды.

Башҡортостанда«ашығыс ярҙам» машиналары етештерелә башлауы ихтимал

Башҡортостанда махсус тәғәйенләнештәге автомобилдәр, атап үткәндә «ашығыс ярҙам» машиналары етештерелә башлауы ихтимал. Был мәсьәлә республика Хөкүмәте Премьер-министры Андрей Назаровтың сит ил автоконцерны етәксеһе Ма Цзэнхуа менән осрашыуында тикшерелде. Бизнес-делегация составында республика предприятиелары һәм үҫеш институттарының 40-тан ашыу вәкиле бар. Сәфәр барышында хеҙмәттәшлек тураһында килешеүҙәргә ҡул ҡуйыу, эшлекле һөйләшеүҙәр үткәреү планлаштырыла.

Балаҡатай районында беренсел ярҙам звеноһы яңырыу кисерә

Ауылға заманса медицина. Балаҡатай районында беренсел ярҙам звеноһы яңырыу кисерә. Атарша ауылында ла халыҡ күптән көткән модулле фап файҙаланыуға тапшырылды.

Башҡортостандан ебәрелгән 99-сы гуманитар ылау Донбасҡа барып етте

Махсус хәрби операцияла ҡатнашыусыларға тыуған яҡ сәләмен тапшырыуҙы БЮТ ижади төркөмө күҙәтте. Тулыраҡ видеояҙмала.

Протоиерей Александр Ткаченко Өфө хосписы эшмәкәрлеге менән танышты

Тотош илгә үрнәк итеп ҡуйырлыҡ учреждение. «Изгелек ҡулсаһы» бөтә Рәсәй хәйриә фонды етәксеһе Өфө хосписын шулай юғары баһаланы. Протоиерей Александр Ткаченко Башҡортостанға эш сәфәре барышында социаль учреждение эшмәкәрлеге менән яҡындан танышты.

Өфөлә «Тамыр селтәре» проекты сиктәрендә 4-се медиафестиваль уҙҙы.

«Тамыр» телеканалы республиканың йәш хәбәрселәрен йәнә бер майҙанға йыйҙы! Өфөлә «Тамыр селтәре» проекты сиктәрендә 4-се медиафестиваль уҙҙы.
Йәш хәбәрсе, оператор, ҡораусылар өсөн тәүҙә «Тамыр» каналы, Телеүҙәк студиялары буйлап экскурсия ойошторолдо. Һәр кем үҙен ысын алып барыусы итеп тойоп камера алдында һөйләп, телесуфлер аша уҡып ҡараны, билдәле журналистар менән дә осрашыу бәхете тейҙе. Ҡатнашыусылар өсөн социаль селтәрҙәр, оператор эше һәм режиссер булыу тураһында оҫталыҡ дәрестәре үтте.

Башҡортостанда проблемалы юлдар буйынса ремонт эштәре ноябрь аҙағына тиклем тамамланырға тейеш

Был турала Хөкүмәттә уҙған оператив кәңәшмәлә белдерелде. Республика Башлығы Радий Хәбиров Транспорт һәм юл хужалығы министрлығына юлдарҙы төҙөкләндереүҙе контролдә тоторға, декабрҙә башҡарылған эштәр буйынса доклад әҙерләргә ҡушты. Башҡортостанда проблемалы юлдар программаһы Республика башлығы башланғысы менән булдырылған. Быйыл уны тормошҡа ашырыу өсөн 4 миллиард һум аҡса бүленгән.

Республикала “Ярҙам поезы” яугирҙәрҙә ярҙам итә

“Ватанды һаҡлаусылар” дәүләт фонды төбәк бүлексәһе акция ойоштора. Белгестәр район һәм ҡалаларға сығып махсус хәрби операцияла ҡатнашҡан ветерандар һәм уларҙың ғаиләләренә төрлө мәсьәләләрҙе хәл итеүҙә ярҙам күрһәтә. 10 ноябрҙә халыҡты Белорет ҡалаһында ҡабул итәләр. “Ярҙам поезы” хәрәкәте менән социаль селтәрҙә “Ватанды һаҡлаусылар” дәүләт фонды төбәк бүлексәһе төркөмөндә танышырға була.

Башҡортостанда 70 километр оҙонлоҡта проблемалы юл ремонтланған

Тағы ла 112 саҡрымда эш тамамланыу алдында.. Ремонт эштәре тотош республика буйынса алып барыла. Программаны ғәмәлгә ашырыуға 4 миллиард һум аҡса бүленгән. Финанслау киләһе йыл да шул кимәлдә ҡала. Иглин районы халҡын күптән борсоған Иглин-Алаторка арауығында ла эш тамамланыу алдында.

Ҡалтасы районы Бурһыҡ ауылында йәшәүсе эшҡыуар тыуған төйәге өсөн файҙалы булыуҙан йәм таба

Атайсалға хеҙмәт иң абруйлыһы. Ҡалтасы районы Бурһыҡ ауылынан Фәндәвис Нафиҡов шундай фекерҙә. Эшҡыуар тыуған төйәге өсөн файҙалы булыуҙан йәм таба. Тыуған ауылында ул шишмә комплексы, Ватан һаҡсылары өсөн обелиск, мәсет төҙөткән, зыяратты кәртәләткән һәм юл һалдырған.