Янғын һүндереүселәрҙең хәрби әҙерлеген һынау буйынса ярыштар үтте

Сара ғәҙәттән тыш хәлдәрҙе иҫкәртеү һәм ликвидациялау, янғын хәүефһеҙлеген булдырыу өсөн ойошторола. Хәрби әҙерлекте һынау - һөнәри оҫталыҡты күтәрергә лә ярҙам итә.

Уҡытыусы һәм остаз йылы сиктәрендә Бөрө ҡалаһында мәғариф фестивале уҙғарылды

Сара район хакимиәте һәм өҫтәмә белем биреү үҙәге тарафынан ойошторолдо. Дискуссия майҙансыҡтарында ун һигеҙ мәктәп етәкселеге, тәжрибәле педагогтар, ата-әсәләр комитеты вәкилдәре һәм балалар ҡатнашты.

Шаран районында ике көн дауам иткән «Туй йолаһы» республика фестиваленә йомғаҡ яһалды

Халыҡ фольклор коллективтары араһында хәҙерге һәм онотолған туй йолалары тәҡдим ителде. Иң оҫта һәм дөрөҫ сәхнәләштереүсе 100 мең һум аҡса менән бүләкләнде.

Бөгөн Халыҡтар берҙәмлеге көнө билдәләнә

Был көндөң тарихы 17-се быуатҡа барып тоташа. 1612 йылдың 4 ноябрендә Түбәнге Новгородтан староста Кузьма Минин һәм кенәз Дмитрий Пожарский халыҡ ополчениеһы ойоштора. Уларҙы поляк баҫҡынсыларына ҡаршы күтәрә һәм Мәскәүҙе азат итә. Халыҡтар берҙәмлеге көнө төрлө милләт кешеләренең берләшеүен сағылдыра.

Башҡортостанда бөгөн “Сәнғәт төнө” уҙа

Акция быйыл “Рәсәй берләштерә” исеме аҫтында үтә. Унда 100-ҙән ашыу музей, китапхана, мәҙәниәт–күңел асыу учреждениеһы ҡатнаша. Өфөлә, мәҫәлән, ҡала планетарийында нәфис фильм күрһәтелә, рәсемдәр күргәҙмәһе ҡуйыла, уйындар үтә. Сергей Аксаков исемендәге ял һәм мәҙәниәт паркында оҫтаханалар эшләй, яҙыусылар менән осрашыуҙар була, шулай уҡ күңел асыу саралары ойошторола. “Сәнғәт төнө”нә килеүселәр “Пушкин картаһы”н ҡуллана ала.

Өфө ҡатын-ҡыҙҙар араһында бокс буйынса Рәсәй чемпионатын ҡабул итә

Бөгөн Рима Баталова исемендәге спорт әҙерлеге үҙәгендә турнирҙы рәсми асыу тантанаһы уҙа. Ярышта 50-нән ашыу төбәктән 220 спортсы ҡатнаша. Рәсәй бокс федерацияһынан хәбәр итеүҙәренсә, беренсе урын өсөн 1,5 миллион һум түләнә. Чемпионат 11 ноябргә тиклем дауам итә.

Халыҡтар күп, илебеҙ берәү генә

Республика халҡы этнографик диктант яҙа ала. Һорауҙар тест рәүешендә әҙерләнгән, уларҙың 20-һе Рәсәй хаҡында, 10-һы Башҡортостанға ҡағыла. Халыҡ берҙәмлеге көнөнә арналған “Ҙур этнографик диктант” акцияһы 8 ноябргә тиклем бара.

Быйыл Башҡортостан хужалыҡтары 2 мең 400 яңы техника алған

Бының өсөн 11 миллиард һум тотонолған. Вице-премьер-Ауыл хужалығы министры Илшат Фәзрахманов белдереүенсә, етештерелгән продукцияға түбән хаҡ һаҡланып, яғыулыҡ, запас частәр ҡиммәтләнһә лә техниканы яңыртыу дауам итә. Был һәр төрлө эште тиҙерәк башҡарырға булышлыҡ итә. Башҡортостанда 434 трактор, 200-гә яҡын комбайн, 500-ҙән ашыу эшкәртеү машинаһы һәм ҡорамалдар алынған.

Байрам көндәренә бәйле Башҡортостанда электричкалар теҙмәһе үҙгәрҙе

Бөгөн составтар шәмбе графигы буйынса йөрөһә, иртәгә, 6 ноябрҙә йәкшәмбе расписаниеһы буйынса юлға сыға. 7 ноябрҙә дүшәмбе графигына көйләнергә кәрәк була. Ял көндәрендә бер нисә электричка маршрутҡа сыҡмай. Теүәл исемлек һәм рейстар теҙмәһе менән алдан танышырға мөмкин.

Халыҡтар берҙәмлеге көнө уңайынан Владимир Путин Радий Хәбиров исеменә ҡотлау ебәрҙе

Бөгөн Халыҡтар берҙәмлеге көнө. Байрам уңайынан Рәсәй Президенты Владимир Путин Башҡортостан башлығы Радий Хәбиров исеменә ҡотлау ебәрҙе.
Рәсәйҙең бөйөк тарихы, уның ҡеүәте, ҡаҙаныштары һәм дәүләтселеге ата-бабаларыбыҙҙың күп быуындары тарафынан, уларҙың ныҡлығы һәм ҡаһарманлығы, фиҙәкәр һәм батыр хеҙмәте менән барлыҡҡа килде. Тыуған илгә эскерһеҙ һөйөү, уның яҙмышында шәхси ҡатнашыу бөгөн дә беҙҙең өсөн ышаныслы әхлаҡи нигеҙ булып хеҙмәт итә, Ватан мәнфәғәтенә алға ҡуйылған маҡсаттарға өлгәшеүҙә ярҙам итә. Һеҙгә уңыштар һәм яҡшылыҡтар теләйем, тиелә Рәсәй Президенты ҡотлауында.

Тарихи дата уңайынан Радий Хәбиров Өфөлә Дуҫлыҡ монументына сәскә гөлләмәләре һалды

1612 йылда был көндә Кузьма Минин һәм Дмитрий Пожарский етәкселегендәге ирекле халыҡ ғәскәре Мәскәүҙе поляк интервенттарынан азат иткән. Халыҡтар дуҫлығын сағылдырған дәүләт байрамы бөгөн дә көнүҙәклеген юғалтмай. Ватан һаҡсылары илбаҫарҙар менән көрәш алып барыу өсөн берләшеп, алғы һыҙыҡта хәрби хеҙмәтен башҡара.

Баш ҡалала Халыҡтар берҙәмлеге көнөнә арналған тантаналы йыйылыш үтте

Берҙәм өйҙә бәрәкәт бар. Башҡортостан концерт залында бөгөн Халыҡтар берҙәмлеге көнөнә арналған тантаналы йыйылыш үтте. Башҡортостан башлығы Радий Хәбиров байрам менән ҡотлап дәүләт наградалары тапшырҙы

Урал аръяғы йәмәғәт башланғыстары союзы Донбассҡа сираттағы гуманитар йөк партияһын алып барҙы

Өй сәләмдәре, туғандарҙан посылкалар. Урал аръяғы йәмәғәт башланғыстары союзы Донбассҡа сираттағы гуманитар йөк партияһын алып барҙы. Ылау хәрбиҙәрҙең ғаризалары буйынса тупланған. Үҙ өлөшөн уҡыусылар ҙа индергән.

Мәскәүҙең ВДНХ халыҡ-ара күргәҙмәләр үҙәгендә «Рәсәй» күргәҙмә-форумы асылды

Халыҡтар берҙәмлеге көнөндә Мәскәүҙең ВДНХ халыҡ-ара күргәҙмәләр үҙәгендә «Рәсәй» күргәҙмә-форумы асылды. Киләһе йылдың 12 апреленә тиклем эшләйәсәк күргәҙмәлә илдең 89 төбәге лә үҙ экспозицияларын тәҡдим итә. Сара сиктәрендә эшлекле, фәнни, милли-мәҙәни программалар ҡаралған. Төп девиз-тарих, бөгөнгө һәм киләсәк. Ул төбәктәрҙең йылдар дауамында туплаған тәжрибә таянып киләсәккә аяҡ баҫыуын, уңышлы эш тәжрибәләрен сағылдыра. Башҡортостандың экспозицияһы «Күсмә халыҡтан пилотһыҙ аппараттарға тиклем» тип атала.

Башҡортостан шахбоксерҙары Италияла донъя беренселегендә еңеү яуланы

Спортсылар ике алтын һәм бер бронза миҙалға лайыҡ булды. Ил йыйылма командаһы составында беҙҙең республиканан Илсур Исхаков, Артур Ханнанов һәм Дилара Хәтмуллина сығыш яһаны. Шахбокс - ул шахмат һәм бокс ҡушылмаһы. Спортсылар рингта ғына түгел, шахмат өҫтәле артында көс һынаша.

Сәйҙә серләшер, уйында күңел асыр һәм көс туплар өсөн урын барлыҡҡа килде

Ҡалтасы районында оло йәштәгеләр өсөн сәләмәт һәм әүҙем оҙон ғүмерлелек үҙәге асылды. Проект урындағы ветерандар советы башланғысы менән Башҡортостан башлығы грантына ғәмәлгә ашырылған.

«Тәмле. Беҙ бергә» тапшырыуҙар циклы «Күп йөҙлө Рәсәй» журналистар конкурсында 1-се урын яуланы

БСТ каналының «Тәмле. Беҙ бергә» тапшырыуҙар циклы «Күп йөҙлө Рәсәй» журналистар конкурсында 1-се урын яуланы. Мәртәбәле медиа бәйгелә еңеүселәр Ҡазан ҡалаһында бүләкләнде. Журналистар конкурсына илдең 38 төбәгенән 800-ҙән ашыу ғариза ҡабул ителгән. «Тәмле. Беҙ бергә» тапшырыуы Рәсәй буйынса иң яҡшыһы тип баһаланды.

Өфөлә һуҡма шәл буйынса оҫталыҡ дәрестәре дауам итә

Рәсәй Президенты гранты ярҙамында тормошҡа ашырылған сара был юлы ла ҡатнашыусыларҙы күпләп йыйҙы. Оҫталар менән бергә, мәктәп йәшендәгеләр ҙә өйрәнергә килде.

Ял һәм байрам көндәрендә янғын хәүефе арта

Ғәҙәттән тыш хәлдәр буйынса дәүләт комитетынан ошо турала белдерәләр. Быйыл республикала 8 мең ярымдан ашыу янғын теркәлгән. Ведомство хеҙмәткәре Булат Хәйретдинов әйтеүенсә, янғын башланғас та ҡотҡарыусыларҙы саҡыртыу мөһим. Ҡотҡарыусылар халыҡҡа фатир һәм йорттарға янғын иҫкәртеү ҡоролмаһы ҡуйырға кәңәш итә. Ул бер нисә категорияға ҡараған кешеләргә бушлай таратыла.

Армиянан алып ҡалыу тураһында реклама тыйыла

Республика парламенты федераль законға төҙәтмәләр тәҡдим итте. Спикер Константин Толкачев белдереүенсә, әле бындай реклама ныҡ таралған. Армияға бармаҫҡа теләүселәргә аҡсаға юридик, консультацион, медицина хеҙмәттәре тәҡдим ителә. Законлы нигеҙҙә хеҙмәттән алып ҡалырға вәғәҙәләйҙәр, тине ул. Проект ҡабул ителһә, бындай реклама тыйыла, законды боҙоусыларға ҙур штраф һалына.

Һөттө литрлап, ярманы килолап һатасаҡтар

Рәсәйҙә иң кәрәкле аҙыҡ-түлек етештереүселәр дәүләт стандартынан тайпыла алмай. Һатыу өсөн билдәләнгән һауыт ҙурлығын, күләмде үҙ аллы үҙгәртеү тыйыла. Генераль прокуратура талабы менән ГОСТ-ҡа төҙәтмәләр индерелгән. Хәҙер май, туҡмас, шәкәр, тоҙ, он, ҡарабойҙай, дөгө, тары, сәй етештереүселәр тауарҙарын дәүләт стандарты буйынса сығарырға теләһә, билдәләнгән күләмде генә ҡулланырға тейеш була. Мәҫәлән, ҡарабойҙай 500 грамлы, килограмлы һәм 2 килолы төргәктә, һөт 200, 250, 500, 1000 һәм 2000 миллилитрлы һауыттарҙа һатылырға тейеш. Прокуратура хәбәр итеүенсә, әле йыш ҡына етештереүселәр аҙыҡ-түлек ауырлығын йә күләмен кәметә, ә хаҡ шул кимәлдә ҡала. Артыуы ла күҙәтелә.