Башҡортостанда яугирҙәрҙең балалары ҡала янындағы лагерҙарҙа бушлай ял итә

Көҙгө каникул осоронда меңгә яҡын путевка бирелгән. Мәғариф һәм фән министры Илдар Мәүлетбирҙин белдереүенсә, йәйге осорҙа программа менән 1 мең 400-ҙән ашыу бала файҙаланған. Махсус хәрби операцияла ҡатнашҡандарҙың балаларына ял ойоштороу өсөн республика ҡаҙнаһынан быйыл 250 миллион һумға яҡын аҡса бүленгән.

Бөгөн Башҡортостан Милли музейында “Инеш” тип исемләнгән һүрәттәр күргәҙмәһе асыла

Ул Рәсәйҙең һәм Башҡортостандың атҡаҙанған рәссамы Рәшит Хәбировтың 70 йәшлек юбилейына арнап әҙерләнгән. “Экспозицияла башҡорт халҡының көнкүреше, йолалары, ғөрөф-ғәҙәттәрен сағылдарған картиналар урын ала”, ти музейҙың бүлек мөдире Рәзилә Салауатова.

Өфөлә төҙөкләндерелгәндән һуң Сергей Михалев скверы асыла

Унда резина япмалы балалар майҙансығы эшләнде, йәйәүлеләр өсөн юл һалынды, яҡтыртҡыстар һәм видеокамералар ҡуйылды. "Салауат Юлаев"тың элекке тренеры исемендәге сквер Спорт һарайы янында урынлашҡан. Юлаевсылар Сергей Михалев етәкселегендә тәүге тапҡыр чемпион булды.

Республика хужалыҡтарының техника паркы яңыртыла

Йыл һайын 400-ҙән ашыу яңы трактор, 200 комбайн һәм башҡа транспорт алына. Башҡортостан Башлығы Радий Хәбиров ошо турала белдерҙе. Быйыл Башҡортостанда 3 миллион 300 мең тонна иген йыйып алынды.

Өфөлә урам атамалары биреү буйынса махсус комиссия булдырыла

Баш ҡала хакимиәте башлығы Ратмир Мәүлиев шундай ҡарарға ҡул ҡуйҙы. Эксперт комиссияһы яңы урамдарға исем биреү йәки булғандарының атамаһын алмаштырыу эше өсөн яуаплы була. Төркөмдө Өфө хакимиәте башлығының төҙөлөш мәсьәләләре буйынса урынбаҫары етәкләй. Әле баш ҡалала 1 мең 300-гә яҡын урам иҫәпләнә.

Радий Хәбиров республика мосолмандарының диниә назараты рәйесе Айнур Бирғәлин менән осрашты

Башҡортостан Башлығы Фәләстандың тыныс халҡына гуманитар ярҙам күрһәтергә ҡарар итте. Бөгөн Радий Хәбиров республика мосолмандарының диниә назараты рәйесе Айнур Бирғәлин менән осрашты. Унда Фәләстандың тыныс халҡына гуманитар ярҙам күрһәтеү мәсьәләләре ҡаралды.

Талбазы ауылында йәшәүселәр махсус хәрби операцияла ҡатнашысуыларға ярҙам итә

Гүзәл заттар урындағы мәҙәниәт йортонда йыйылып яугирҙарға маскировкалау селтәрен үрә. Ҡатын-ҡыҙҙар йәйге көндәрҙә меңәрләгән селтәр әҙерләп ебәргән. Әле улар ҡышҡылыҡҡа аҡ төҫтәге туҡыманан селтәр үрә. Яугирҙар күңел йылыһы менән әҙерләнгән маскировкалау селтәрҙәрен хәрби техника, блиндаждар һәм окоптарҙы йәшереү өсөн ҡуллана.

Баш ҡалала «Ураҡсин уҡыуҙары» халыҡ-ара ғилми-ғәмәли конференция башланды

Билдәле башҡорт ғалимы, телсе- тюрколог, йәмәғәт эшмәкәре, остаз Зиннур Ғәзиз улы Ураҡсиндың ғилми ҡаҙаныштарына арналған сара Рәсәй фәндәр академияһының Өфө федераль тикшеренеү үҙәгендә үтә. Конференцияла Рәсәй төбәктәренән ғалимдар, телселәр, шулай уҡ сит илдәрҙән белгестәр гуманитар фәндәр торошо тураһында фекер алыша.

«Ялла» төркөмөнөң йыры Ғафури районы ҡыҙына иҫән ҡалырға ярҙам иткән

«Ялла» вокаль - инструменталь ансамбль төркөмө етәксеһе Урта Азияның бөтә илдәре башҡорттарын берләштереү башланғысы менән сығыш яһаны.
Үзбәкстанда башҡорт диаспораһы ҙур. Бынан тыш, башҡорттар менән үзбәктәрҙе мәҙәниәт, берҙәм дин һәм күп быуатлыҡ тарих берләштерә. Улар һәр ваҡыт рухи яҡтан яҡын халыҡтар булып ҡала, ти Фәррух Закиров. Ул йәштәрҙе Батыр Закиров исемендәге милли эстрада институтына уҡырға саҡырҙы.
БЮТ ижади төркөмө ярҙамында «Ялла» ижадын һөйөүселәрҙең береһе, уның йыры ҡасандыр ҡыҙына иҫән ҡалырға ярҙам иткән ханым, Фәрух Закировҡа рәхмәт белдерҙе. Тулыраҡ видеояҙмала.

Республика Палестина халҡына ярҙам итәсәк

Бөгөн Радий Хәбиров Башҡортостан мосолмандары Диниә назараты рәйесе Айнур Бирғәлин менән осрашты. Әңгәмәлә һүҙ Палестина халҡына гуманитар ярҙам күрһәтеү тураһында барҙы. “Логистика үҙәге тотороҡло эшләй. Унан махсус хәрби операция биләмәһенә ылауҙар даими оҙатыла. Халыҡҡа Палестина өсөн ярҙам тупланыуы хаҡында иғлан итегеҙ”, тине Радий Хәбиров.
Палестина һаулыҡ һаҡлау министрлығы хәбәр итеүенсә, Газа секторында 9 меңгә яҡын кеше һәләк булған, 24 меңдән ашыуы яраланған. ТАСС белдереүенсә, уларҙың күбеһе ҡатын-ҡыҙҙар, ололар һәм балалар. Башҡортостан мосолмандары диниә назараты рәйесе Айнур Бирғәлин.
Беҙҙең ил Израилде тиҙ арала ҡан ҡойошто туҡтатырға саҡыра. Рәсәйҙең Берләшкән Милләттәр Ойошмаһындағы даими вәкиле Василий Небензя Газа секторындағы хәлдәрҙе глобаль фажиғә тип атаны. Атыш һәм бомбаға тотоуҙы бөгөн туҡтатмаһаҡ, конфликт оҙаҡҡа һуҙылыуы ихтимал, тине ул.

“Боролош” романы авторы Ғәйнан Хәйриҙең тыуыуына 120 йыл тула

Нуриман районы Иҫке Күл ауылында яҙыусыны иҫкә алыу сараһы үтте. Мәктәп бинаһына иҫтәлекле таҡтаташ ҡуйылды. Иҫке Күл ауылында “Ғәйнанов уҡыуҙары” ойошторолдо. Әҙәби конкурста төрлө райондарҙан балалар һәм өлкәндәр ҡатнашты.

Башҡортостан иген менән үҙен тулыһынса тәьмин итә алған

Өфөлә Ауыл хужалығы һәм эшкәртеү сәнәғәте хеҙмәткәрҙәре көнөндә төп күрһәткестәр менән таныштырҙылар. Республика Хөкүмәтенән белдереүҙәренсә, быйыл 3 миллион 200 мең тонна ашлыҡ йыйылды. Һәр өсөнсө кеше ауылда йәшәй һәм эшләй. Һуңғы 5 йылда федераль программа буйынса 1 мең 300-ҙән ашыу ғаилә торлаҡ шарттарын яҡшыртҡан. Әле республика мәктәптәрендә 2 меңдән ашыу бала 90 агрокласта белем ала.

Башҡортостан Башлығы хеҙмәт алдынғыларын бүләкләне

Бөгөн Радий Хәбиров Халыҡтар берҙәмлеге көнө уңайынан ил һәм республика наградаларын тапшырҙы. “Халыҡтың берҙәм булыуы, Ватанға тоғролоҡ, уның һағына баҫырға әҙер тороу именлек һәм татыулыҡ өсөн төп шарт булып тора”, - тине Башҡортостан етәксеһе.
Награда алыусылар араһында төрлө һөнәр эйәләре бар. Учалы тау-байыҡтырыу комбинаты директоры Зәкәриә Ғибәҙуллин Халыҡтар Дуҫлығы ордены менән бүләкләнде. Өфө районы Алексеевка мәктәбенең химия уҡытыусыһы Рита Халиҡоваға “Рәсәйҙең атҡаҙанған педагогы” тигән исем бирелде. Башҡорт дәүләт драма театры артисы Рәүис Заһитовҡа Салауат Юлаев ордены тапшырылды.

Бөгөн "Башавтотранс" предприятиеларына 20 яңы туристик автобус тапшырылды

Улар бөтә ил буйлап сәфәр ҡылыусыларҙы йөрөтәсәк. Автобустар дәүләт контракты буйынса 557 миллион һумға алынған. Быға тиклем июнь айында "Башавтотранс"ҡа ошондай 32 техника бирелде. -Республикала күп саралар үтә. Яңы автобустар киләһе йылда, Өфөнөң 450 йыллығын билдәләгәндә эшләй. Әле "Башавтотранс" илдәге ҙур пассажир компаниялары рәтендә. Үҫеш буласаҡ. Алға!, - тине Радий Хәбиров. Республика Башлығы шулай уҡ водителдәр өсөн яңы ятаҡты ҡараны. Ул 102 кешегә иҫәпләнгән.

Башҡортостанда балалар лагерҙары тәртипкә килтерелә

Йәйге каникулға ял итеү үҙәктәрендә тиҙ төҙөлә торған биш бина сафҡа инә. Ҡала ситендәге бер лагерь төҙөкләндерелә. Быйыл 49 урынлыҡ корпустар Өфөнөң “Аҡсарлаҡ”, Шишмә районының “Патриот” паркында, Стәрлебаш һәм Илеш райондарында төҙөлгән.

Бүздәк халҡы Еңеү өсөн берләште

“Еңеү өсөн берләштек”. Бүздәк районы Түреш ауылында йәшәүселәр шулай ти. Халыҡ яугирҙәр өсөн гуманитар ылау әҙерләй. “Һәр кем махсус хәрби операцияла ҡатнашҡандарға ярҙам туплауға өлөш индерә”, ти Түреш ауыл биләмәһе башлығы Римма Мусина.

Радий Хәбиров террорға ҡаршы төбәк комиссияһының сираттағы ултырышын үткәрҙе

Көн тәртибендә - экстремистик идеологияға һәм йәмғиәтте тарҡатыуға йүнәлтелгән мәғлүмәт һөжүмдәренә ҡаршы тороу мәсьәләләре ҡаралды. Кәңәшмәлә ҡатнашыусылар миллә һәм конфессия-ара конфликттарҙы иҫкәртеү буйынса төп бурыстарҙы ҡараны. Берлектәге эш йүнәлештәре иҫәбендә - йәштәр араһында әүҙем гражданлыҡ позицияһын булдырыу, киң мәғлүмәт саралары вәкилдәре менән уҡытыу семинарҙарын ойоштороу һорауҙары күтәрелде.

«Башавтотранс» предприятиеһының техника паркы 20 яңы «Ютонг» менән тулылынды

Өфөнән төбәк, ҡала-ара маршруттарға заманса яңы автобустар йөрөй башлай. Бөгөн «Башавтотранс» предприятиеһының техника паркы 20 яңы «Ютонг» менән тулылынды. Водителдәргә автобус асҡысын Башҡортостан Башлығы Радий Хәбиров тапшырҙы.

Башҡортостан Башлығы бөгөн бер төркөм хеҙмәт алдынғыларына дәүләт наградаларын тапшырҙы

Халыҡтар берҙәмлеге көнө алдынан Рәсәй, Башҡортостан кимәлендәге юғары исемдәргә, орден-миҙалдарға алты тиҫтәгә яҡын һөнәр эйәһе лайыҡ булды. Башҡортостан башлығы бүләкләнеүселәрҙе тәбрикләп уларға фиҙаҡәр хеҙмәте өсөн рәхмәт белдерҙе. Был залда төрлө һөнәр эйәләре йыйылған, әммә һәр берегеҙ үҙенең белемен, көсөн тыуған илебеҙгә, халҡыбыҙға хеҙмәт итеүгә бағышлаған.

Төбәк етәксеһе Өфөнөң Совет майҙанында Дыуан районы туристары менән аралашты

Башҡортостанда төрлө программалар бар, улар кешеләрҙең тормошон сифатлыраҡ һәм ҡыҙыҡлыраҡ итә. «Башҡорт оҙон ғүмерлелеге» - өлкән быуын кешеләренә сәйәхәт итергә, өйҙән сығырға, хәрәкәт итергә, аралашырға мөмкинлек бирә. Төбәк етәксеһе Өфөнөң Совет майҙанында Дыуан районы туристары менән аралашты. Радий Хәбиров экскурсиға килеүселәргә Башҡортостанда ғәмәлгә ашырылған программалар, улар ярҙамында сит илдәргә барыу мөмкинлеге тураһында һөйләне.

Башҡортостан ситуация үҙәгендә контракт килешеүе һорауҙары буйынса консультацияны хәрбиҙәр алып бара башланы

Колл-үҙәк эшмәкәрлегенә йәлеп ителгән офицерҙар, инструкторҙар ир-егеттәргә документтар, социаль түләүҙәр, контракт хеҙмәте шарттары буйынса мәғлүмәт еткереп граждандар менән эш алып бара. Ситуация үҙәгенә контракт хеҙмәт менән ҡыҙыҡһыныусыларҙан көнөнә 200-300 шылтыратыу ҡабул ителә.