Өфөлә өсөнсө халыҡ-ара этнотуризм форумы дауам итә

Уның эшендә илебеҙҙең 5 тиҫтәнән ашыу төбәге, шулай уҡ Белоррусия һәм Абхазия делегациялары ҡатнаша. Туриндустрия йыйынына килеүселәр бөгөн «Йыл маршруты» Бөтә Рәсәй премияһына үҙ проекттарын яҡланы.

«Ҡалҡан» ирекмәндәр ойошмаһы алғы һыҙыҡҡа сираттағы партия әҙерләй

Махсус хәрби операция биләмәһенә Өфөнән бер йыл эсендә генә 5 меңдән ашыу маскировка селтәре оҙатылған. Әлеге ваҡытта «Ҡалҡан» ирекмәндәр ойошмаһы алғы һыҙыҡҡа сираттағы партия әҙерләй. Яугирҙарҙың хәүефһеҙлеген тәьмин иткән мөһим сара тураһында тулыраҡ киләһе яҙма.

Өфөлә «Нефтсе» бассейнын мөмкинлектәре сикләнгән кешеләр өсөн шарттар булыуы тикшерелде

Емерелгән душ, махсус парковка урындары булмауы һәм башҡалар. «Нефтсе» спорт комплексында шөғөлләнеүсе инвалид балаларҙың ата-әсәләре үҙәктә махсус шарттар булмауына зарлана. Мөрәжәғәттәр артыу менән, паралимпия чемпионы Ирек Зарипов етәкселегендәге бер төркөм йәмәғәтселәр комплекста рейд үткәрҙе.

Башҡортостандың бюджет кредиты буйынса бурысы иҫәптән сығарыла

Рәсәй Хөкүмәтенән хәбәр итеүҙәренсә, инфраструктураны яҡшыртыуҙа әүҙем ҡатнашҡан төбәктәргә ташлама яһала. Исемлектә беҙҙең республикала ла бар. Дөйөм алғанда, 12 төбәк 8,2 миллиард һумлыҡ бурысынан ҡотола. Башҡортостанда бюджет кредиттары ярҙамында ҙур төҙөлөштәр алып барыла. Өфөлә “Көньяҡ ҡапҡа” проекты тормошҡа ашырыла, мәктәп төҙөлә, Нефтекама ҡалаһында таҙартыу ҡоролмалары урынлаштырыла.

Башҡортостанда Халыҡтар берҙәмлеге көнөндә “Сәнғәт төнө” уҙа

Акция быйыл “Рәсәй берләштерә” исеме аҫтында үтә. Мәҙәни-белем биреү сараһында 100-ҙән ашыу музей, китапхана, мәҙәниәт–күңел асыу учреждениелары ҡатнаша. Өфөлә, мәҫәлән, ҡала планетарийында нәфис фильм күрһәтелә, рәсемдәр күргәҙмәһе ҡуйыла, уйындар үткәрелә. Сергей Аксаков исемендәге ял һәм мәҙәниәт паркында оҫтаханалар эшләй, яҙыусылар менән осрашыуҙар була, шулай уҡ күңел асыу саралары ойошторола. “Сәнғәт төнө”нә килеүселәр “Пушкин картаһы”н ҡуллана ала.

Рәсәйҙә киләһе йылда эшләмәгән пенсионерҙарға түләү арта

Дәүләт Думаһы ултырышында беренсе уҡыуҙа закон проекты ҡабул ителде. Уға ярашлы, 1 ғинуарҙан пенсия 7,5 процентҡа күтәрелә. 32 миллиондан ашыу кеше юғарыраҡ түләү ала. Бының өсөн бюджетта 234 миллиард һум һалынған. Бөгөнгө ултырышта депутаттар минималь хеҙмәт хаҡын арттырыуға бәйле закон проектын ҡарарға йыйына. Уны 18,5 процентҡа күтәрергә тәҡдим ителә.

Өфө дәүләт циркын үҙгәртеп ҡороу өсөн федераль ҡаҙнанан 870 миллион һум йүнәлтелә

Рәсәй Мәҙәниәт министрлығынан килгән белдереүгә ярашлы, төҙөкләндереү 2026 йылда башлана һәм 2028 йылда тамамланырға тейеш. Өфө циркы 2017 йылда ҡыйыҡ ҡоролмалары иҫкереү сәбәпле ябылды. Бинаны яңыртыу проекты дәүләт экспертизаһын үткән. Өфө дәүләт циркы 55 йыл элек асыла. Ул 2 мең тамашасыға иҫәпләнгән. Башҡортостан Башлығы Радий Хәбиров быйыл ғинуарҙа Рәсәй Президенты Владимир Путин менән осрашҡанда циркты төҙөкләндереү мәсьәләһе лә күтәрелде.

Башҡортостанда 3,5 миллион кеше ҡала яны поездарында йөрөгән

Транспорт һәм юл хужалығы министрлығынан белдереүҙәренсә, халыҡ электричкалар менән әүҙем файҙалана. Былтыр бындай юғары күрһәткескә декабрҙә генә өлгәшелгән. Һуңғы ике йылда республикала яңы маршруттар асылды, заманса йыһазландырылған поездар йөрөй башланы. “Ласточка”, “Орлан” кеүек электр составтары Өфө – Приют – Абдулла, Өфө – Күмертау – Ырымбур, Өфө – Әшә йүнәлештәре буйынса йөрөй. Бынан тыш, Өфө тирәләй электричка хәрәкәт итә.

"Башҡортостан тауары" проектына тағы 5 предприятие ҡушылды

Сауҙа һәм хеҙмәттәр министрлығынан хәбәр итеүҙәренсә, кондитер, һөт, икмәк продукция етештереүселәр яңы мөмкинлек менән файҙалана. Проект үҙебеҙҙә сығарылған тауарҙы киңерәк танытыу мөмкинлеге бирә. Бөгөн уға 755 предприятие ҡушылған. 28 меңдән ашыу продукция "Башҡортостан тауары" тип тамғалана.

Өфөлә еңел сәнәғәт форумы дауам итә

Башҡортостан күргәҙмәләр үҙәгендә республикала етештерелгән әйбер өлгөләре ҡуйылған. Бер йыл элек көнбайыш индергән санкцияларға бәйле туҡыма һәм фурнитура алыу ҡыйынлашты. Бөгөн компаниялар Беларусь, Төркиә һәм Ҡытай менән бәйләнештәр булдырған. “Еңел сәнәғәт өсөн сеймал алыу мәсьәләһе хәл ителә”, - тип белдерҙе Башҡортостан вице-премьеры – Сәнәғәт, энергетика һәм инновациялар министры Александр Шельдяев.
Республикала еңел сәнәғәт тармағында 300-ҙән ашыу компания һәм шәхси эшҡыуар эшләй. Быйыл улар 11 миллиард һумлыҡ тауар сығарған. Башҡортостан Башлығы Радий Хәбиров “Илдәге еңел сәнәғәт предприятиеларының бушап ҡалған урындарҙы алыу мөмкинлеге бар. Етештереүҙе яңыртырға, яңы кейем өлгөләре сығарырға, Рәсәйҙәге баҙарҙы яуларға ваҡыт”, - тип белдерҙе. “Республика – авиация двигателдәре, вертолеттар, нефть, нефть химияһы менән генә дан тотмай. Беҙ Башҡортостанды еңел сәнәғәт үҫешкән төбәк булараҡ та билдәле итергә тырышабыҙ”, - тине ул.

Еңел сәнәғәт тармағы белгестәре Өфөгә йыйылды

ВДНХ-ЭКСПО күргәҙмәләр үҙәгендә халыҡ-ара форум уҙа. "Легпром” күргәҙмәһендә Башҡортостан, Рәсәй төбәктәренән, Үзбәкстан, Беларусь һәм Ҡаҙағстандан 80 компания тауарын тәҡдим итә. Унда баш ҡалала яңы асылған еңел сәнәғәт продукцияһын һынау буйынса лаборатория ла ҡатнаша. Амран Моратшин исемендәге Республика стандартлаштырыу, метеорология һәм һынауҙар үҙәгенең директор урынбаҫары Фәнис Өмөтбаев.Бөгөн форумда “Еңел сәнәғәтте үҫтереү алымдары. Бәләкәй һәм урта эшҡыуарлыҡҡа финанс ярҙам” һәм “Бизнеста система” тигән түңәрәк өҫтәл һәм оҫталыҡ дәресе ойошторола, уҡыу йорттары дизайнерҙары теккән кейем күрһәтелә.

Башҡортостанда ауыл хужалығы һәм сәнәғәт өлкәләрендә яңы проекттар тормошҡа ашырыла

Республика Башлығы Радий Хәбиров “Инвестиция сәғәте” ултырышын үткәрҙе. Октябрьский ҡалаһында бетондан төҙөлөш әйберҙәре етештереү заводын асыу ҡарала. Бының өсөн 300 миллион һум йәлеп ителә. Заводта тротуар плитәһе, бордюр һәм юл хужалығы өсөн башҡа продукция сығарыу ҡарала. Туймазы районында йылы япмалар комплексын яңыртыу эше алып барыла. Инвестор йәшелсә үҫтерелгән теплицилар майҙанын киңәйтеү өсөн 277 миллион һум тотонорға ниәтләй. Ултырышта ике проектты ла өҫтөнлөклөләр исемлегенә индерергә һәм дәүләт яғынан финанс ярҙам күрһәтергә тәҡдим ителде.

Владимир Путин Рәсәйҙәге традицион дини берләшмәләр етәкселәре менән осрашты

Ил Президенты руханиҙарға махсус хәрби операция яугирҙәренә күрһәткән ярҙамдары өсөн рәхмәт белдерҙе. Осрашыуҙа Яҡын Көнсығыштағы хәлдәр буйынса фекер алышыу булды. Владимир Путин төбәктә ҡан ҡойошто туҡтатыу өсөн саралар күрергә саҡырҙы. Рәсәй мосолмандары Үҙәк диниә назараты рәйесе Тәлғәт Тажетдин Яҡын Көнсығыш халҡына гуманитар ярҙам күрһәтергә тәҡдим итте. Баш мөфтөй хәҙерге шарттарҙа ил халҡына тыныс һәм берҙәм булыу мөһимлеген дә телгә алды.

Өфөлә бөгөн полилингваль мәғариф буйынса Халыҡ-ара форум эш башланы

Сараны рәсми асыу Колоннолар залында үтте. Тантанала тармаҡ вәкилдәренә «Башҡортостандың мәғариф алдынғыһы» билдәләре һәм ведомство наградалары тапшырылды. Әле форум сиктәрендә баш ҡаланың бер нисә уҡыу йортонда түңәрәк өҫтәлдәр үтә.

Өфөлә капиталь ремонттан һуң 5-се балалар поликлиникаһының травматология бүлеге үҙ эшен башланы

Бинаны эске яҡтан төҙөкләндереүгә республика ҡаҙнаһынан 11 миллион һум йүнәлтелгәйне. Проект буйынса беренсе тапҡыр һәм ҡабаттан килгән пациенттарҙы бүлеп ҡабул итеү буйынса уңайлы шарттар, өҫтәмә кабинеттар булдырылған, сират мәсьәләһе хәл ителгән. Яңыртылған медицина учреждениеһы эшмәкәрлеге менән төбәктең һаулыҡ һаҡлау министры Айрат Рәхмәтуллин да танышты. Ведомство етәксеһе билдәләүенсә, баш ҡала поликлиникаларын төҙөкләндереү мәсьәләһенә иғтибар юғары.

Арғаяш районы Ҡолой ауылында милли көрәш буйынса ярыш үтте

Асыҡ турнир Харис Йосоповтың яҡты иҫтәлегенә арналды. Харис Монасип улы Көньяҡ Уралда дзюдоға нигеҙ һалыусы, СССР-ҙың һәм Рәсәйҙең атҡаҙанған тренеры.
Үҙ көсөн һанарға Силәбе өлкәһе төбәктәренән, шулай уҡ Баймаҡ, Мәләүез һәм Салауат райондарынан командалар килде. Спортсылар 12 ауырлыҡ категорияһында һәм ике йәш төркөмөндә көслөләрҙе асыҡланы.

Бөгөн Өфөлә Полилингваль белем биреү буйынса халыҡ-ара форум башланды

Унда күп профилле мәктәптәрҙе булдырыу һәм үҫтереү мәсьәләһе ҡарала. Йыйын барышында лекция, оҫталыҡ дәрестәре, фекер алышыу, шулай уҡ күргәҙмә ойошторолдо. “Республика полилингваль мәктәптәре үҙенсәлекле программа буйынса уҡыта. Форумда ошо тәжрибәне күрһәтәбеҙ”, ти “Смарт” 2-се республика күп профилле полилингваль гимназия директоры Наил Әминев. Полилингваль белем биреү мәсьәләләренә арналған форум иртәгә лә дауам итә. Унда ил төбәктәре һәм Ҡаҙағстандан белгестәр ҡатнаша.

Республика парламенты Йәмәғәт палатаһына 10 кандидатты раҫланы

Бөгөн пленар ултырышта улар өсөн тауыш бирҙеләр. Олег Ротов, Диана Фәррәхова, Алина Хабирова, Юлай Ғәлиуллин, Кристина Недозерова, Рита Некрасова. Марина Таран, Артур Ғилманов, Айбулат Йәмилов һәм Александр Волков вәкәләттәр ала. Башҡортостан йәмәғәт палатаһы 30 ағзанан тора. Составтың өстән бер өлөшөн Республика Башлығы раҫлай, тағы 10 кешене Республика парламенты хуплай. Ҡалған ағзаларҙы йәмәғәт палатаһының раҫланған составы һайлай.

Башҡортостанда Хәләл тауарҙы тикшереү буйынса үҙәк эшмәкәрлеген дауам итә

Өфөлә Еңел сәнәғәт форумы барышында Республика Башлығы Радий Хәбиров “Рәсәй сифат системаһы” ойошмаһы етәксеһе Максим Протасов менән осрашты. Унда хеҙмәттәшлекте үҫтереү һәм хәләл тауарҙы тикшереү эшен ойоштороу буйынса фекер алышыу булды. Беҙҙең республикала илдә тәүге шундай үҙәк асылды. Халыҡ-ара эксперттар сифат билдәһенә ыңғай баһаһын бирҙе. Осрашыуҙа Башҡортостан Хөкүмәте һәм “Роскачество” ойошмаһы араһында килешеүгә ҡул ҡуйылды. Максим Протасов әйтеүенсә, республика сифат өлкәһендә башҡа төбәктәр өсөн өлгө булып тора.

Радий Хәбиров Салауат Юлаев исемендәге икенсе батальонға хәрби байраҡ тапшырҙы

Түбәнге Новгород өлкәһендә Башҡортостан башлығы Салауат Юлаев исемендәге икенсе бататльондың хәрби байрағын тапшырҙы. Радий Хәбиров яҡташ яугирҙар күнекмә үткән майҙанда булды. Уларҙың әҙерлек шарттары менән яҡындан танышты.

Башҡортостан парламенты рәйесе Рудольф Нуриевтың исеменә бысраҡ яғыуға йүнәлтелгән башланғысты тәнҡитләне

Бөгөн Дәүләт Йыйылышы-Ҡоролтайҙың пленар ултырышы үтте. Константин Толкачев «КПРФ» фракцияһының Башҡортостан бүлексәһе етәксеһе Юнир Ҡотлоғужин тәҡдим иткән мәсьәләне көн тәртибенән төшөрөп ҡалдырырға тәҡдим итте. «Коммунистар партияһы» депутаты Рудольф Нуриевты «һатлыҡйән» тип атай. Шул уҡ ваҡытта Президиумда ултырыусы Вадим Старов - коммунистар партияһы ағзаһы, был мәсьәлә фракцияла күтәрелмәне тип белдерҙе.