Отпускыға ҡайтҡан Доставалов исемендәге батальон яугиры өйләнде

Миналар шартлауын Мендельсон маршына, хәрби кейемде туй костюмына. Доставалов исемендәге батальон яугиры өйләнде. Отпускыға ҡайтҡан хәрби яратҡан ҡыҙына тәҡдим яһаған. Йәштәр мөхәббәттен законлы никах менән теркәне. Ауырғазы районы Талбазы ауылында үткән туйҙа БЮТ ижади төркөмө лә булды.

Октябрьский ҡалаһында аяҡһыҙ ҡалған пенсионер ҡатын махсус хәрби операция яугирҙарына йыуғыстар бәйләй

89 йәшлек Нурикамал Ғиләжетдинова был изге эшкә телевизорҙан ирекмәндәр эшмәкәрлеге тураһында ишеткәс, тотона. Ентекләберәк киләһе яҙмала.

Күренекле ҡурайсы Ришат Рәхимов 70 йәшлек юбилейын билдәләй

Күренекле ҡурайсы, Башҡортостандың Халыҡ артисы, халыҡ музыка ҡоралдары ансамбленә нигеҙ һалыусы шәхес - Ришат Рәхимовҡа - 70 йәш. Милли уйын ҡоралын пропагандалаусы, уны донъя сәхнәләрендә танытыусы ҡурай оҫтаһы Баймаҡ районы икенсе Этҡол ауылында тыуған. Өфө сәнғәт училещеһында эш дәүерендә Ришат Рәшит улы бер нисә быуын профессиональ ҡурайсылар әҙерләй, фольклор эҙләнеүҙәренә таянып уҡыу әсбаптарын баҫтыра.

Башҡортостан иген экспортлауҙы арттырған

Быйыл 9 айҙа сит илдәргә 342 мең тонна ашлыҡ һатылған. Был уҙған йылдың ошо осоронан 3 тапҡырға күберәк. Ауыл хужалығын күҙәтеү хеҙмәтенән хәбәр итеүҙәренсә, оҙатылған игендең ҙур өлөшө - бойҙай, 106 мең тонна сығарылған. Шулай уҡ арпа, етен, борсаҡ, арыш, һоло экспортланған.

“Мөғжизәләр яланы” тыуған көнөн билдәләй

ВИД телекомпанияһының проектының тәүге сығарылышы 1990 йылдың 25 октябрендә төшөрөлә, 26-ыһында эфирға сыға. “Мөғжизәләр яланының” беренсе алып барыусыһы Владислав Листьев. Ул һәләк булғандан һуң, 1991 йылдың ноябренән тапшырыуҙы эфирға Леонид Якубович алып сыға. Ул бөгөн дә “Мөғжизәләр яланының” алыштырғыһыҙ алып барыусыһы. Программа һәр йома күрһәтелә. Унда Рәсәй генә түгел, элекке Советтар Союзы республикаларынан да күпләп ҡатнашалар.

Башҡортостанда йылытыу миҙгеленә әҙерлек барышында 7 мең ярым йортта етешһеҙлек асыҡланған

Торлаҡ һәм төҙөлөштө күҙәтеү буйынса дәүләт комитетынан хәбәр итеүҙәренсә, май айынан сентябргә тиклем тикшереү уҙғарылған. Йорт һәм подъездарҙа быяла ҡуйылмауы, торбаларҙа йылы изоляция булмауы, иҫәпләү приборҙары төҙөкһөҙлөгө асыҡланған. Бөтә етешһеҙлектәрҙе идарасы компаниялар бөтөрөргә тейеш була. Яуаплы ойошмаларға штрафтар һалынған.

Бөгөн Өфөлә халыҡ-ара еңел сәнәғәтселәр форумы башлана

Унда 80 –дән ашыу компания һәм дизайнерҙар үҙ тауарын тәҡдим итә. Унда кадрҙар әҙерләү һәм дәүләт ярҙамы күрһәтеү мәсьәләләре ҡарала, түңәрәк өҫтәлдәр ойошторола. Форумда Башҡортостан, Рәсәй төбәктәренән тыш, Үзбәкстан, Ҡаҙағстан һәм Беларуссиянан вәкилдәр ҡатнаша.

Республикала пассажир транспорты тикшерелә

Автоинспекторҙар аҙна дауамында пассажирҙарҙы ташыу ҡағиҙәләре үтәлешен ҡарай. Автобустарҙың техник торошона, водителдәрҙең хеҙмәт һәм ял режимына ҙур иғтибар бирелә. “Төп маҡсат йәмәғәт транспортына өҫтөнлөк биргән кешеләрҙең именлеген тәьмин итеү. Пассажир йөрөткән водителдәргә ҙур яуаплылыҡ йөкмәтелгән. Халыҡтың үткәрелгән сараларҙы аңлап ҡабул итеүен теләйбеҙ. Беҙҙең тырышлыҡ кешеләрҙең ғүмерен һәм һаулығын һаҡлап ҡалыуға йүнәлтелгән”, - тип яҙған Телеграм-каналында республиканың баш автоинспекторы Владимир Севастьянов.

Башҡортостанға 250 яңы автобус ҡайтарыла

Йәмәғәт транспорты бәләкәй ҡалалар һәм ауылдар өсөн тәғәйенләнә. Автобустар район-ара маршруттар буйынса йөрөй. Транспорт һәм юл хужалығы министрлығынан белдереүҙәренсә, быға тиклем ҙур 50 “НефАЗ” автобусы тапшырылды. Йәмәғәт транспорты Өфөлә халыҡ күпләп йөрөгән маршруттарға сығарылды.

Бөгөн Өфөлә «Легпром» еңел сәнәғәт форумы башланды

Баш ҡала халҡы кейем сифатын тикшерә аласаҡ. Бөгөн Өфөлә «Легпром» еңел сәнәғәт форумы башланды. Ике көнлөк сара 10 тематик түңәрәк өҫтәл һәм конференциялар үткәреүҙе үҙ эсенә ала. Шулай уҡ республиканың 80 компанияһы үҙ продукцияһын күргәҙмәгә сығарҙы.

Башҡортостан йәмәғәт палатаһы майҙанында үҫмерҙәр мөхитенең z быуыны проектына старт бирелде

Республиканың патриотик тәрбиә биреү үҙәгенән яңы проект. Башҡортостан йәмәғәт палатаһы майҙанында үҫмерҙәр мөхитенең z быуыны проектына старт бирелде. Унда Өфөнөң үҫмерҙәр берлегенән 14 йәштән 18 йәшкә тиклемге егет-ҡыҙҙар йәлеп ителәсәк.

Махсус хәрби операцияла ҡатнашыусыларҙың балаларына - бушлай комплекслы реабилитация

Стәрлетамаҡтағы «Әсә һәм сабый» Хәйриә фонды урындағы хакимиәт, эшҡыуарҙар ярҙамы менән яңы социаль проект өҫтөндә эш башланы. Үҙәктә һауыҡтырыу процедуралары, логопед һәм дефектолог дәрестәре ойошторолған.

«Салауат Юлаев» клубы икенсе тапҡыр «Торпедо» клубын ҡоро иҫәп менән еңеүгә иреште

Юлаевсылар миҙгелдә иң яҡшы уйынын күрһәтте. Быны «Салауат Юлаев» клубы етәксеһе Ринат Бәширов тренерҙар еңеүе тип атаны. Яҡташтарыбыҙ икенсе тапҡыр «Торпедо» клубын ҡоро иҫәп менән еңеүгә иреште.

Башҡортостанда майлы культураларҙы урыу тамамлана

Әле майҙандарҙың 80 проценттан ашыуында эш теүәлләнгән. 12 мең тонна гәрсис, 10 мең тонна соя, 38 мең тонна етен һәм 29 мең тоннанан ашыу рапс йыйылған. Республика Ауыл хужалығы министры урынбаҫары Ирек Сураҡов белдереүенсә, рапс килемле культураларҙың береһе. Ул сит илдәргә лә һатыла.

Республика аша үткән яңы федераль трасса 35 процентҡа әҙер

М-12 “Көнсығыш” юлының яңы өлөшө Башҡортостандың Дүртөйлө, Борай һәм Тәтешле райондары биләмәһендә һалына. Рәсәй Хөкүмәте вице-премьеры Марат Хөснуллин белдереүенсә, Дүртөйлө – Әсет юлында асфальт түшәү эше бара. Беҙҙең республика аша үткән федераль трасса оҙонлоғо 140 километр була. Артабан ул Пермь крайы һәм Свердловск өлкәһенә сыға. Яңы юл Мәскәүҙе Екатеринбург менән тураға бәйләй. Бер ҡаланан икенсеһенә 17 сәғәттә барып етеп буласаҡ.

Етештереүҙе яңыртыу бурысы ҡуйылды

“Илдәге еңел сәнәғәт предприятиелары бушап ҡалған урындарҙы алырға тейеш. Производствоны яңыртырға, яңы кейем өлгөләре сығарырға, Рәсәйҙәге баҙарҙы яуларға ваҡыт”. Башҡортостан Башлығы Радий Хәбиров Өфөлә үткән еңел сәнәғәт форумы барышында шулай тип белдерҙе. “Башҡортостан - авиация двигателдәре, вертолеттар, нефть, нефть химияһы менән генә дан тотмай. Беҙ уны еңел сәнәғәт үҫешкән төбәк булараҡ та билдәле итергә тырышабыҙ”, тине ул.
Республикала еңел сәнәғәт предприятиеларына субсидия бирелә. Был маҡсатта ҡаҙнала 140 миллион һум аҡса ҡаралған. “Ағиҙел” халыҡ кәсептәре предприятиеһы етәксеһе Гүзәл Кәримова әйтеүенсә, дәүләт ярҙамы ойошмалар һанын арттырыуға этәргес бирергә тейеш.

Өфө районында махсус хәрби операция биләмәһенә ылау туплау пункты эш башланы

Ул шәхси эшҡыуар, спортсы Әмир Афзалов башлынғысы менән ойошторолдо. Тәүгеләрҙән булып бы эшкә Рәсәй спорт федерацияһы вәкилдәре ҡушылды. Әле пункт бензобысҡы, электр генераторы, “Нива” автомобиле һәм мобиль мунса ҡабул итеп өлгөргән.

Өфөлә еңел сәнәғәт проблемалары өйрәнелә

Быйыл республика еңел сәнәғәт компаниялары 12 миллиард һумлыҡ продукция сығарған.Башҡортостанда 300 самаһы эре һәм бәләкәй предприятие иҫәпләнә. Хөкүмәт вице-премьеры Александр Шельдяев ошо турала белдерҙе. Александр Шельдяев белдереүенсә, республикала еңел сәнәғәт предприятиеларына ҡорамалдар алыуға субсидия бирелә. Бөгөн был маҡсатта ҡаҙнала 140 миллион һум аҡса ҡаралған. Бөгөн Өфөлә еңел сәнәғәт форумы башланды. Унда ил төбәктәре, шулай уҡ Ҡаҙағстан, Үзбәкстан һәм Белоруссия делегациялары ҡатнаша.

Радий Хәбиров туризмды үҫтереү буйынса төп йүнәлештәрҙе атаны

Башҡортостан Башлығы Этнотуризм буйынса халыҡ-ара форумда сығыш яһаны. Сарала Рәсәй төбәктәре, шулай уҡ Беларусь һәм Абхазиянан вәкилдәр ҡатнаша. Радий Хәбиров республиканың төп туристик объекттары менән таныштырҙы.
Радий Хәбиров “Башҡорт оҙон ғүмерлелеге. Туризм” программаһына ла туҡталды. Быйылдан пенсионерҙар Беларусь һәм Абхазияға сәйәхәт итеү мөмкинлеген алды. Киләсәктә программаға Ҡаҙағстанды йәлеп итеү ҡарала, тип белдерҙе Башҡортостан Башлығы.

Көйөргәҙелә гуманитар ярҙам туплана

Республика ҡала һәм райондарында яугирҙәргә гуманитар ылау туплау дауам итә. Көйөргәҙе халҡы ла әүҙемлек күрһәтә. Мәктәп уҡыусылары, ветерандар, йәмәғәт берләшмәләре, ойошма һәм предприятиелар изге эштән ситтә ҡалмай. Эшҡыуарҙар ҙа үҙ өлөшөн индерә.

Бөгөн Өфөлә «Легпром» еңел сәнәғәт форум-күргәҙмәһе асылды

4-се тапҡыр ойошторолған сарала быйыл Рәсәй төбәктәренән, Беларусь, Үзбәкстан, Ҡаҙағстан республикаларынан 80 компания ҡатнаша. Форум тиҫтәгә яҡын майҙансыҡты үҙ эсенә ала, өлкәндәр, балалар кейеме, мода, дизайн майҙансыҡтарынан тыш сифат мәсьәләһенә, кадрҙар тәьминәтенә ныҡлы иғтибар бирелә.