Башҡортостан мәғариф ойошмалары вәкилдәре Мәскәүгә бара

Бында ноябрҙән киләһе йылдың апреленә тиклем Халыҡ-ара күргәҙмә ойошторола. Уның барышында Мәғариф һәм фән аҙнаһы ойошторола. Башҡортостан мәғариф системаһы менән дә таныштырыу ҡаралған. - Республика белем биреү системаһы илдә иң ҙурҙар рәтендә. Профессиональ ойошмаларҙың заманса инфраструктураһын булдырыу буйынса ҙур эш алып барыла. 2019 йылдан алып 200 оҫтахана асылды. "Профессионалитет" федераль программаһында әүҙем ҡатнашабыҙ, - тип белдерҙе Мәғариф һәм фән министры вазифаһын башҡарыусы Илдар Мәүлетбирҙин.

Еңел сәнәғәт тармағы белгестәре Өфөлә йыйыла

Киләһе аҙнала ВДНХ-ЭКСПО күргәҙмәләр үҙәгендә халыҡ-ара форум уҙа. Унда баш ҡалала яңы асылған еңел сәнәғәт продукцияһын һынау буйынса лаборатория ла ҡатнашырға теләк белдергән. Уны заманса ҡорамалдар менән йыһазландырыуға 80 миллион һум аҡса йүнәлтелгән. Лаборатория аккредитицияға әҙерләнә. Шуға ла етештереүселәр әлегә сертификация алмайынса, тауарын тикшертә генә ала.

Быйыл ноябрҙә Өфөлә «Ватанды һаҡлаусылар кубогы»на ярыштар үтә

Тиҙерәк тулы тормошҡа ҡайтырға. Быйыл ноябрҙә Өфөлә «Ватанды һаҡлаусылар кубогы»на ярыштар үтә. Унда Волга буйы һәм Урал федераль округтарының махсус хәрби операция ветерандары ҡатнаша.
Был турала Рәсәй Президенты ҡарамағындағы физик культураны һәм спортты үҫтереү буйынса совет ултырышында белдерелде.

Бөгөн Дәүләт Йыйылышы-Ҡоролтай президиумында киләһе пленар ултырыштың көн тәртибе раҫланды

Парламент ултырышына биш тиҫтәгә яҡын закон проекты сығарыла. Ике ҡануни документ Башҡортостан менән Удмурт республикаһы, Иглин районы ауылдары араһында сиктәрҙе билдәләүгә ҡағыла. Шулай уҡ ветеринария пункттарында һатылған тауарҙарҙы сертификатлау, алкоголдең законһыҙ әйләнешенә ҡаршы көрәк буйынса закон проекттары тәҡдим ителә.

Өфө еңел сәнәғәт форумын ҡабул итә

Илдең төрлө төбәктәре һәм сит ил компаниялары ҡатнашҡан сара 25- 26 октябрҙә Башҡортостан күргәҙмә үҙәгендә ойошторола. Форум үҙенсәлектәре хаҡында һүҙ бөгөн «Башинформ» агентлығында үткән матбуғат конференцияһында барҙы.

Борай районында «Ауыл биләмәләрен комплекслы үҫтереү» дәүләт программаһы йылдам тормошҡа ашырыла

Йәшәүгә көс һәм илһам. Борай районында «Ауыл биләмәләрен комплекслы үҫтереү» дәүләт программаһы йылдам тормошҡа ашырыла. Уның сиктәрендә Борай ауылындағы Һалҡын шишмә һәм уның биләмәһендәге майҙан төҙөкләндерелгән.

Бөгөн Башҡортостандың халыҡ шағиры Мостай Кәримдең тыуыуына - 104 йыл

Ошо уңайҙан республика ҡала-райондарында бөйөк әҙиптең тормош һәм ижад юлына арналған ғилми-ғәмәли конференциялар, хәтер кисәләре үтте. Башҡорт дәүләт ҡурсаҡ театры «Яҡын офоҡ», Мәжит Ғафури исемендәге Башҡорт дәүләт академия драма театры «Ҡыҙ урлау» спектаклдәрен сәхнәләштерҙе. Төп сара Өфөлә Мостай Кәримдең һәйкәле янында ойошторолдо. Унда баш ҡала хакимиәте етәкселеге, яҙыусылар, шағирҙың туғандары, ижадын һөйөүселәр ҡатнашты.

Өфөлә күренекле композитор Салауат Низаметдиновтың исеме мәңгеләштерелде

Ленин урамындағы 162-се йортта шәхес иҫтәлегенә мемориаль таҡтаташ асылды. Сарала республиканың мәҙәниәт һәм сәнғәт эшмәкәрҙәре, композиторҙың туғандары һәм дуҫтары ҡатнашты. Таҡтаташ Салауат Низаметдинов 1997-2003 йылдарҙа йәшәгән йортҡа ҡуйылды. Киләсәктә Өфө скверҙарының береһенә маэстроның исемен биреү ҙә күҙаллана.

«Мәҙинә» мәсетенә - 10 йыл

Өфөнөң Дим биҫтәһендә урынлашҡан иман йортона юбилей уңайынан тиҫтәләгән диндар йома намаҙына йыйылды. Нигеҙ һалынғандан бирле, мәсет мосолмандар өсөн иман үҙәге булып тора. Бында даими рәүештә исем ҡуштырыу, никах уҡытыу һәм башҡа дини саралар үтә. Аҙнаһына ике тапҡыр уҙған ғәрәп теле һәм дин нигеҙҙәре буйынса дәрестәргә олоһо ла, кесеһе лә теләп йөрөй. Иң бәләкәй шәкерткә 4 йәш булһа, иң өлкәне 80-де уҙған. Уҡыуҙар онлайн-форматта ла утә. Сарала ҡатнашыусылар былау менән дә һыйланды.

Бөгөн Башҡортостан Башлығы Радий Хәбиров Шишмә районындағы Турахан кәшәнәһенә барҙы

Бында Евразия күсмә цивилизациялар музейы төҙөлә. Социаль селтәрҙәргә һалған видеояҙмаһында төбәк етәксеһе Турахан кәшәнәһен Урта быуаттар осороноң ғәжәп объекты тип билдәләгән. Хәҙер бында халҡыбыҙ өсөн тарихи, мәҙәни, туристик үҙәк булдырыла. Асылда, был ҙур музей комплексының башы, унда күсмә халыҡтарҙың һәм, иң элек, башҡорттарҙың яҙмышы тураһында сағыу ҡыҙыҡлы тарих менән танышырға мөмкин буласаҡ.

Быйыл ғинуарҙан сентябргә тиклем республикала 3 миллион ярым пассажир электричка менән файҙаланған

Был рекорд күрһәткес. Башҡортостан ҡала яны пассажирҙар компанияһы был һанға былтыр йыл аҙағында ирешкән булған. Пассажирҙар ағымының үҫеш динамикаһы буйынса беҙҙең төбәк - Рәсәйҙең ун субъекты иҫәбендә. Үҫеш кимәле Куйбышев тимер юлы менән тығыҙ эш һөҙөмтәһе. Радий Хәбиров социаль селтәрҙәрҙә яҙыуынса, электричкаларҙы яңыртыуҙы дауам итәбеҙ. «Орлан» һәм «Ҡарлуғас» инде ғәҙәти күренешкә әйләнгән.

Һуңғы биш йылда Башҡортостанда коммуналь техника паркының өстән бер өлөшө яңыртылды

Был төрлө тәғәйенләнештәге 710 берәмек транспорт. Республика көнөнә муниципалитеттар сираттағы яңы машиналар партияһын алды. Уларҙың күбеһе линияға сыҡҡан да инде.

Махсус хәрби операцияла ҡатнашыусылар ғаиләһенә ярҙам

Борай районы хакимиәте урындағы урман хужалығы менән берлектә «Вечер» ҡушаматлы яугирҙың ҡатыны Линара Зәйруллинаға бер йөк утын әҙерләп бирҙе. Ике бала әсәһе ярҙам һорап район хакимиәтенә ғариза биргән булған.

Бөрө районы Силантьев ауылында яңы фельдшер-акушерлыҡ пункты асылды

Бина кәрәкле коммуникацияларға тоташтырылған, бөгөндән үк пациенттарҙы ҡабул итергә әҙер. Бөрө ҡалаһында яңыртылған ашығыс медицина ярҙамы подстанцияһы үҙ эшен башланы. Бинала аҡ халалтлылар өсөн аш һәм ял бүлмәләре, душ, айырым диспетчер пункты кеүек уңайлыҡтар бар.

Стәрлебаш районында Рәсәйҙәге иң күләмле һырғанаҡ плантацияһы барлыҡҡа киләсәк

Әлеге ваҡытта Алтай крайынан алып ҡайтылған ҡыуаҡлыҡтар 50 гектар майҙанға ултыртылған. Йүнселдәр киләһе йыл уны 500 гектарға тиклем еткереү бурысын ҡуя. Башҡортостан өсөн беренсе күләмле проект буйынса һырғанаҡтан тыш, ҡарағат, баҡса еләген үҫтереү ҙә ҡарала.

Күренекле ғалим, тарихсы Ирек Аҡманов 90 йәшен билдәләй

Ватан тарихына бағышланған ғүмер. Күренекле ғалим, тарихсы, фән һәм йәмәғәт эшмәкәре Ирек Аҡманов 90 йәшен билдәләй. Оло дата айҡанлы бөгөн Өфө фән һәм технологиялар университетында симпозиум үтте. Сарала Ирек Ғайса улының уҡыусылары, ғалимдар ҡатнашты.

Ғәскәровсыларҙың Рәсәй төбәктәре буйлап гастролдәре дауам итә

Бөгөн ижади коллектив Красный Луч ҡалаһында сығыш яһаны. Фәйзи Ғәскәров нигеҙ һалған хореография композициялары менән бергә, донъя халыҡтары бейеүҙәре тәҡдим ителде. Луганск халыҡ республикаһында йәшәүселәрҙән тыш, ошо төбәктә эшләүсе яҡташтарыбыҙ ҙа тамаша ҡылды. Концерт программаһы уларға тыуған яҡ сәләме булараҡ яңғыраны.

Иван Фартуковтың 75 йәшлек юбилейына бағышланған картиналар күргәҙмәһе асылды

«Ауыл кешеләре». Ошо исем аҫтында Башҡортостандың халыҡ рәссамы Иван Фартуковтың 75 йәшлек юбилейына бағышланған картиналар күргәҙмәһе асылды. Экспозиция Малаяҙҙағы Салауат Юлаев музейында урынлашҡан.

Ҡар машиналар йөрөшөн тотҡарлаған

Башҡортостанда ҡар яуыуы арҡаһында ҡайһы бер юлдарҙа ҡатмарлыҡтар бар. Ғәҙәттән тыш хәлдәр министрлығынан хәбәр итеүҙәренсә, Өфө-Белоерт трассаһы хәрәкәт өсөн хәүефле. Бында махсус техника эшләй. Йөк машиналары әкрен йөрөй. Йылайыр районы Ҡашҡар ауылы янында ла һауа шарттары арҡаһында тейешле саралар күрелгән.

Башҡортостанда машина хужаларына тәгәрмәстәрҙе алмаштырырға кәңәш ителә

Ҡышҡы резинаға күсергә ваҡыт. Көндәр һалҡыная. Төндәрен иһә температураның -7 градусҡа тиклем түбәнәйеүе көтөлә. Ғәҙәттән тыш хәлдәр буйынса дәүләт комитетынан ошо турала хәбәр итәләр.

Евразия күсмә цивилизациялар музейының туристарҙы ҡабул итеү үҙәге киләһе йылдың яҙында асыла

Был турала социаль селтәрҙә Радий Хәбиров яҙа. "Турахан мавзолейы Урта быуаттар дәүерендәге уникаль объект. Хәҙер бында халыҡ өсөн тарихи, мәҙәни, туристик үҙәк булдырабыҙ. Ҙур музей комлексы асыла, күсмә халыҡтар, тәү сиратта башҡорттар тарихы тураһында һөйләйәсәкбеҙ", ти Радий Хәбиров. Туристарҙы ҡабул итеү үҙәге төҙөлөшө август айында башланды.