2030 йылға Башҡортостанда 50 заманса һөт фермаһы төҙөү бурысы ҡуйыла

Был турала социаль селтәрҙә Башҡортостан башлығы Радий Хәбиров яҙып сыҡты. Төбәк етәксеһе белдереүенсә, яңы фермаларҙа малдарҙы дөрөҫ туҡландырыу һәм аҫрау ойошторолорға, яңы белемдәр һәм алдынғы технологиялар ҡулланылған автоматлаштырылған производство процестары үҙләштерелергә тейеш. Ошо шарттар менән аграрийҙар алдында йылына бер миллион тонна һөт етештереү йөкләмәһе ҡуйыла.

Республика хужалыҡтарында малдарҙы ҡышлатыу осоро менән бер рәттән, яҙғы баҫыу эштәренә әҙерлек ҡыҙа

Иглин районы»Ҡалтыман«яуаплылығы сикләнгән йәмғиәтендә лә хужалыҡ эшсәндәре һауа шарттарына бәйле көҙҙән килтерелмәй ҡалған бесән төргәктәрен ташый, ремонт цехында тракторҙарҙы капиталь ремонтлауға тотонғандар. Хужалыҡта мал аҙығы, шул иҫәптән бесән, силос һәм фураж бойҙайы етештереү өсөн 1200 гектар майҙанда аҙыҡ һәм иген культуралары сәселгән булған.

Киләсәк аграрийҙары: Башҡортостанда агрокластар системаһы үҫә

Ауыл хужалығында тармаҡ белгестәрен, буласаҡ лидерҙарҙы мәктәп эскәмйәһенән үк әҙерләү бурысы тора. Ауылдарҙа төпләнеп йәшәр һәм эшләр өсөн йәштәргә ниндәй мөмкинлектәр, программалар бар?

Өфөнән махсус хәрби операция биләмәһенә сираттағы яугирҙар төркөмө юлланды

Ике аҙна ялдан һуң йәнә алғы һыҙыҡҡа. Өфөнән махсус хәрби операция биләмәһенә сираттағы яугирҙар төркөмө юлланды. Ғаиләләре, яҡындары менән ял итеп, көс туплағандан һуң, яугирҙар хәрби бурысын үтәргә Башҡортостан етәкселеге тарафынан бүленгән уңайлы автобуста юлланды.

Шишмә районындағы Патриот паркында Максим Серафимов иҫтәлегенә арналған хәтер саралары үтте

Шишмә районындағы Патриот хәрби-илһөйәрлек паркында Рәсәй Геройы Максим Серафимов иҫтәлегенә арналған хәтер саралары үтте. Ҡаһарман яҡташыбыҙ махсус хәрби операция башланғас та үҙ теләге менән алғы һыҙыҡҡа юлланып, 2022 йылдың февралендә һәләк була. Ул дошман һөжүме ваҡытында оборона ойоштороп, гранатаны үҙ кәүҙәһе менән ҡаплай. Патриот хәрби-илһөйәрлек паркына Геройҙың исеме бирелгән.

Махсус хәрби операцияла ҡатнашыусыларҙың яҡындары өсөн хәйриә концерты ойошторолдо

Яңы йыл каникулдары уңайынан махсус хәрби операцияла ҡатнашыусыларҙың яҡындары өсөн хәйриә концерты ойошторолдо. Тылсымлы әкиәт форматында әҙерләнгән сарала яугирҙарҙың яҡындары, тормош иптәштәре ҡатнашты. Тамашаның программаһы яугирҙарыбыҙға дан йырлаған, изге теләктәр юллаған, илһөйәрлек рухы менән һуғарылған шиғырҙар һәм йырҙарҙан төҙөлгән.

Донбаста Башҡортостан йылыһы. Республика шефлыҡҡа алған Красный Луч ҡалаһына ярҙам итеүҙе туҡтатмай

Төбәк ярҙамы менән социаль объекттар төҙөкләндерелә. Красный Луч ҡала округына ингән Петровское ҡалаһында ла спорт ҡоролмалары комплексында ла йылытыу ҡаҙанлыҡтары яңыртылған. Был ҡала республика өсөн ят түгел. Тап Петровскоела легендар яҡташыбыҙ, Рәсәй Геройы Миңлеғәле Шайморатов һәм уның яуҙаштары ерләнгән.

Антарктиданан модаға: Артур Исҡужиндың этно-бренд тарихы

Хыял артынан Антарктидаға. Артур Исҡужин йыл ярым ваҡытын Ерҙең иң көньяғында урынлашҡан континентта уҙғара. Ҡайҡас, этно элементтары булған заманса кейем етештерә башлай. Хыялын тормошҡа ашырыу өсөн дизайнерға нимә аша үтергә тура килгән?

Өфөлә яңы йыл ҡупшыҡайҙарын эшкәртеүгә тапшырыу буйынса экологик акция уҙа

Шыршы тапшыр ҙа-бүләккә мандарин ал. Өфөлә яңы йыл ҡупшыҡайҙарын эшкәртеүгә тапшырыу буйынса экологик акция уҙа. Ылыҫлы ағастарҙы ҡабул итеү буйынса Өфөлә 11 пункт бар, уларҙың адрестары менән баш ҡала хакимиәте сайтында танышырға мөмкин.

Өфөлә Хәрәкәт ниндзя- залы асылды

Әй урамындағы бинала урынлашҡан спорт залыа алты йәшәтән өлкәндәр йөрөй ала. Залда кемдәр спорт менән шөғөлләнә?

Өфөлә ауыр тормош хәлендәге ғаиләләргә янғын хәүефһеҙлеге буйынса рейд үтте

Социаль ярҙамға мохтаж ғаиләләрҙе хәстәрләп. Ғәҙәттән тыш хәлдәр идаралығы, Өфөнөң Октябрь районы хакимиәте вәкилдәре ауыр тормош хәлендәге ғаиләләргә рейд менән барып хәүефһеҙлек саралары хаҡында аңлатыу эше үткәрҙе Белгестәр граждандарға Яңы йыл байрамдары осоронда электр прибоҙарын ҡулланыуҙа хәүефһеҙлек ҡағиҙәләрен үтәргә, йортта тәмәке тартмаҫҡа, өйҙән сыҡҡан саҡта утты, гирляндаларҙы һүндерергә кәрәклеге хаҡында иҫкәрмәләр таратты.

Башҡортостанда «Айыҡ водитель» операцияһында 33 иҫерек водитель тотолдо

Уҙған тәүлектә Башҡортостанда «Айыҡ водитель» операцияһы барышында эскән килеш ррулгә ултырған 33 водитель туҡтатылған тип хәбәр итә Башҡортостан буйынса Юл хәрәкәте хәүефһеҙлеге дәүләт инспекцияһы.

Һуңғы ете йылда республикала 976 йәмәғәт урыны төҙөкләндерелгән

Ремонт эштәре талап ителгән биләмәләрҙе граждандар тауыш биреп үҙҙәре һайлай. Мәҫәлән, былтыр 14 йәштән өлкән йәштәге һәр бишенсе кеше өҫтөнлөклө объекттарҙы билдәләп үҙ фекерен белдергән. Уңайлы ҡала мөхите булдырыу маҡсатында ойошторолған

12 ғинуарҙан 30-на тиклем Башҡортостандың Сауҙа һәм хеҙмәттәр министрлығы ҡыҙыу бәйләнеш ойоштора

Белгестәр азыҡ-түлектең сифатына, яраҡлылығына һәм хәүефһеҙленә ҡағылышлы халыҡ һорауҙарына яуап һәм кәңәш бирәсәк. Йәғни, һатып алыусылар шылтыратып сифатһыҙ ризыҡ алғанда ҡайҙа мөрәжәғәт итергә кеуек мөрәжәғәттәргә лә яуап таба ала. Ҡулланыусылар 8 347 218-09-78 телефоны буйынса иртәнге сәғәт 9 -ҙан киске етегә тиклем шылтырата ала.

Өфөлә бер тәүлектә 17 мең кубометрҙан ашыу ҡар таҙартылды

Өфө ҡала хакимиәтенән хәбәр итеүҙәренсә, таҙартылмаған ҡар, көрт, йә боҙлауыҡ урындар тураһында «Ҡарлы Өфө» порталындағы һылтанма буйынса заявка ҡалдырырға мөмкин. Һуңғы тәүлектә муниципаль хеҙмәттәр ҡала урамдарынан 17 мең кубометрҙан ашыу ҡар таҙартылған.

Башҡортостанда ҡыш уртаһында һалҡындар көсәйә

Календарь ҡыш уртаһына һауа торошона күҙ һалайыҡ. Федераль метеосайттар мәғлүмәттәре буйынса, 10 ғинуарҙан 14-нә тиклем республиканың үҙәк райондарында 3-9 градус һыуыҡ күрһәтә. Айырым райондарҙа тәүлегенә 4 миллиметрғаса ҡар яуыуы фаразлана.

Ишембай егете 3D-технологиялар һәм программалауҙа уңышҡа ирешә

Йәшәү көсө-яратҡан шөғөлдән. Ишембай ҡалаһының Нефтсе ҡасабаһынан Азат Фәйзрахманов бәләкәйҙән ҡатмарлы диагноз-арҡа-мускул атрофияһынан яфалана. Инвалид креслоһында булыуға ҡарамаҫтан, ул республиканың ике юғары уҡыу йортон тамамлап, заман һөнәрҙәрен үҙләштерә. Әле айти-технологиялар, программалау йүнәлешендә уңыштарға ирешкән. Көслө рухлы замандашыбыҙ тураһында киләһе материалда.

Осор алдынан һаулығыңды тикшер: табиптар пассажирҙарҙы иҫкәртә

Самолетҡа ултырыр алдынан һаулығыңды тикшер. Табиптар тап шулай тип иҫкәртә. Яңы йыл каникулдарын ситтә үткәреүселәр өсөн был кәңәш урынлы булыр. Һауаға күтәрелер алдынан әҙерлек талап ителә, ти белгестәр. Оҙайлы осош, мәҫәлән, дүрт сәғәттән ашыуға һуҙылһа, ҡан тамырҙары төйөлөүе хәүефен барлыҡҡа килтерә.

Иглин районында Яңы йыл каникулында аква-волейбол ярышы үтте

Яңы йыл каникулын әүҙем уҙғарыусылар «Дельфин» бассейнында ярышты. Район хакимиәтенең йәштәр сәйәсәте һәм спорт буйынса комитеты уҙғарған сара хағында киләһе яҙмала.

Тәтешле районында Ғәли Соҡоройҙың тыуыуына 200 йыл тулыу билдәләнде

Билдәле шағир, башҡорт поэзияһы ынйыһы. Тәтешле районында Ғәли Соҡорой - Мөхәмәтғәли Ғәбделсәлих улы Кейековтың тыуыуына 200 тулыуға арналған хәтер һәм хөрмәт саралары ойошторолдо.

Мәләүез районында заманса автоматлаштырылған элеватор сафҡа инәсәк

Мәләүез районы Ергән ҡасабаһында «Амкадор-Ағиҙел» предприятиеһы ҡоролмалары менән яңы элеватор сафҡа инәсәк. Яңы объектты төҙөлөшөнөң тәүге этабы тамамланған. Ҡоролмаларҙың 90 проценты Башҡортостан производствоһы, таҙартыу аппараттары-Белорус республикаһыныҡы. Ике республиканың берлектәге заводы ҡоролмалары менән йыһазландырылған ҡеүәтле яңы элеватор быйыл көҙ тулы көсөнә эшләй башлар тип көтөлә.