Өфөлә саңғыла трамплиндан һикереү буйынса Рәсәй кубогының 6-сы һәм 7-се этаптары үтте

Республиканың баш ҡалаһы ҡунаҡтарҙы тәүҙә көслө ҡар, һуңынан сатлама һыуыҡтары менән ҡаршыланы. Һауа шарттарын иҫәпкә алып, тәүге көндө федерация ағзалары атлеттарға һынау һикереүе эшләргә һәм ни бары бер зачет тапшырырға рөхсәт итте. Иртәгәһенә ике зачет ҡуйылды.

Башҡортостанда “Айыҡ водитель” операцияһы старт ала

Баш автоинспектор Владимир Севастьянов ошо турала белдерҙе. Дәүләт автоинспекцияһы хеҙмәткәрҙәре Яңы йыл байрамдары уҙғарылған һәм күп халыҡ ҡатнашлығында ойошторолған урындарҙа дежур итә. Республикала йәшәүселәр иҫерек водителдәр тураһында 8-347—279-32-92 телефон һандарына хәбәр итә ала. Мөрәжәғәттәр тәүлек әйләнәһе Эске эштәр министрлығында ҡабул ителә.

2026 йыл Рәсәй халыҡтары берҙәмлеге йылы тип иғлан ителде

Ошо туралағы указға президент Владимир Путин ҡул ҡуйҙы. Ил Хөкүмәтенә ойоштороу комитетын һәм тематик йылдың саралар планын төҙөү бурысы йөкмәтелде. “Башҡортостан өсөн был тема айырыуса яҡын. Республикала 100-ҙән ашыу милләт дуҫ һәм татыу йәшәй. Беҙ бай күп милләтле мәҙәниәтебеҙҙең, ҡаҙаныштарыбыҙҙың таянысы булған берҙәмлекте ҡәҙерләйбеҙ. Киләһе йылда Башҡортостан Бөтә Рәсәй балалар фольклориадаһын ҡабул итергә әҙерләнә. Рәсәй Мәҙәниәт министрлығына күрһәтелгән ышаныс өсөн рәхмәт белдерәм. Республика хөкүмәтенә ошо мөһим форумды яҡшы итеп ойоштороу һәм үткәреү бурысы йөкмәтәм”, – тип билдәләне Радий Хәбиров Мәҙәниәтте үҫтереү буйынса совет ултырышында.

50 ауыл мәктәбе директорына 690 мең һумлыҡ грант тапшырылды

50 йәш мәктәп директорына аҡсалата сертификат. Бөгөн Башҡортостан башлығы Радий Хәбиров республика белем биреү учреждениелары етәкселәренә 690 мең һумлыҡ грант тапшырҙы.
Радий Хәбиров билдәләүенсә, Башҡортостандың ҙур ҡала-райондарында яңы белем усаҡтары сафҡа индерелә. Шулай уҡ милли проекттар нигеҙендә мәктәптәрҙе капиталь төҙөкләндереү, заманса йыһазландырыу дауам итә.

Радий Хәбиров ҡотҡарыусыларҙы һөнәри байрамдары менән тәбрикләне

Бөгөн-Рәсәйҙә Ҡотҡарыусылар көнө билдәләнә. Изге һөнәр эйәләренең күбеһе профессиоаналь байрамдарын эш урындарында ҡаршылай. Уларҙың иңдәренә яуаплы бурыс һалынған-халыҡтың именлеген һәм хәүефһеҙлеген тәьмин итеү. Тантаналы ултырышта ҡотҡарыусыларҙы Башҡортостан башлығы Радий Хәбиров тәбрикләне. Төбәк етәксеһе ҡотҡарыу ведомствоһы хеҙмәткәрҙәренә дәүләт наградалары һәм рәхмәт хаттары тапшырҙы.

Радий Хәбиров төбәктең террорға ҡаршы комиссияһы ултырышын үткәрҙе

Яңы йыл байрамдарында йәмәғәт именлеген тәьмин итеү мөһим. Радий Хәбиров төбәктең террорға ҡаршы комиссияһы ултырышын үткәрҙе. Унда республиканың профилле министрлыҡ һәм ведомстволары, оператив хеҙмәттәр һәм көс структуралары етәкселәре ҡатнашты.

Радий Хәбиров «Теләктәр шыршыһы» Бөтә Рәсәй акцияһында ҡатнашты

Башҡортостан башлығы Кремлдәге яңы йыл шыршыһынан өс баланың теләктәре яҙылған өс шар алды. Октябрьскийҙан Рауил-аҫылмалы кресло, Өфөнән Есения-йүгереү тренажеры, Луганск халыҡ республикаһының Вахрушев ҡалаһынан Полина телескоп хаҡында хыяллана. Балаларҙың теләктәрен үтәрмен,-тине республика етәксеһе.

Башҡортостандың 14 медицина учреждениеһына 22 яңы автомобиль тапшырылды

Улар «Оҙайлы һәм әүҙем тормош» милли проектының «Һаулыҡ һаҡлауҙың беренсел звеноһын модернизациялау» программаһы сиктәрендә һатып алынған. «LADA Vesta» базаһындағы еңел автомобиль дүрт пассажирҙы, шул иҫәптән һаулыҡ мөмкинлектәре сикләнгән кешене ташыуға иҫәпләнгән. Уның өсөн алғы ултырғыс бороу-күсереү механизмы һәм махсус тотҡа менән йыһазландырылған.

Яңы йылдан медицина вуздары студенттарына маҡсатлы уҡыу өсөн өҫтәмә аҡса

Яңы йылда маҡсатлы йүнәлтмә буйынса медицина вуздарында белем алыусы студенттар дәүләттән өҫтәмә түләү аласаҡ. Түләү федераль законға үҙгәреш индереү һөҙөмтәһендә башҡарыласаҡ. Айлыҡ түләүҙәр күләме академик стипендиянан кәм булмай. Проектты Башҡортостандың һаулыҡ һаҡлау министрлығы әҙерләгән.

Өфө районы ирекмәндәре махсус хәрби операцияға 20-нән ашыу автомобиль оҙатҡан

Өфө районынан ағалы-ҡустылы Рауил менән Рәил Шәнгәрәевтар махсус хәрби операция биләмәһенә ике тиҫтәгә яҡын автомобиль оҙатҡан. Транспорт сараһын улар күп осраҡта ҡулдан һатып ала һәм үҙҙәре ремонтлай. Машинаның өҫкө яғы алып ташлана, шулай уҡ алғы һыҙыҡта юлһыҙлыҡтан йөрөү өсөн өҫтәмә уңайлыҡтар булдырыла.

Красный Лучта төҙөкләндерелгән мәҙәниәт һарайында тәүге байрам концерты үтте

Төҙөкләндерелгән сәхнәлә тәүге байрам концерты. Башҡортостан шефлыҡҡа алған Красный Луч ҡалаһында мәҙәниәт һарайы яңы һулыш алды. 1934 йылда шахтерҙар һәм урындағы халыҡ көсө менән төҙөлгән тарихи бинала ремонт эштәре тамамланды. 20-се быуаттың архитектура һәйкәле һаналған мәҙәниәт йортонда ижади коллективтар яңы йыл байрамына әҙерләнә.

Ленин майҙанында Өфөнең төп шыршыһы уттар балҡыуында асылды

Өфөнөң төп шыршыһы сағыу уттарҙа балҡый. Ҡала халҡы һәм ҡунаҡтары ҡатнашлығында үткән сара Ленин исемендәге майҙанда «Ҡыш бабайҙың өс теләге» тип аталған театрлаштырылған тамашанан башланды. Бынан тыш, Ҡыш бабайҙың Өфөләге резиденцияһы ла рәсми асылды.

Өфөлә һыуға батҡан баланы ҡотҡарам тип ғүмере өҙөлгән студенттың ғаиләһе Башҡортостанға килде

Башҡортостан башлығы Радий Хәбиров Ходжимурод Каландаровтың ғаиләһе менән осрашты. 2020 йылда Башҡорт дәүләт аграр университетында белем алған студент Ағиҙелдә батҡан баланы ҡотҡарғанда үҙе һәләк була. Төбәк етәксеһе лайыҡлы ул тәрбиәләгәне өсөн ғаиләгә рәхмәт белдереп, Ходжимуродтың батырлығын хөрмәт итеүҙәрен билдәләне.

Өфөнөң Степан Кувыкин урамындағы ике социаль объект йылыһыҙ һәм эҫе һыуһыҙ ҡалған

Был-республика художество гимназия-интернаты ятағы һәм кардиология үҙәгенең хирургия корпусы. Был хаҡта баш ҡала хакимиәте башлығы Ратмир Мәүлиев хәбәр итте. Ҡала мэры әйтеүенсә, коммуналь ресурстар булмауының сәбәбе булып 700 мм диаметрлы йылылыҡ селтәренең сафтан сығыуы тора. Әле урында авария бригадаһы эшләй.

«Айыҡ водитель» операцияһының тәүге йомғаҡтары иғлан ителде

Һуңғы тәүлектә Башҡортостанда рулгә эскән килеш ултырған 33 водитель туҡтатылған, юл хәрәкәте ҡағиҙәләрен боҙоусыларға 1200 протокол төҙөлгән. Был Яңы йыл алдынан иғлан ителгән «Айыҡ водитель» операцияһының тәүге йомғаҡтары.
Иҫегеҙгә төшөрәбеҙ, иҫкәртеү саралары республикала 26 декабрҙә башланды.

Афған һуғышы ветерандары Афғанстанға ингән көндө иҫкә алды

Рәсәйҙә ул рәсми дата булараҡ ҡабул ителмәһә лә, тарихи көн илдең төрлө төбәктәрендә билдәләнә. Бөгөн Өфөнөң «Ҡайғырыусы әсә» мемориалы йәнә локаль бәрелештәр ветерандарын бергә йыйҙы. Сарала ҡатнашыусыларҙың яртыһы тиерлек 1979 йылдың декабрендә Афғастанға беренселәрҙән булып ингән. Ун йыл дауам иткән ҡан ҡойошта илебеҙ 15 меңдән ашыу һалдат-офицерын юғалта.

Мосолмандар һәм православ руханиҙары Донбассҡа изге миссия менән барҙы

Изгелек хаҡына. Мосолмандар һәм православ диндәгеләр Донбассҡа барып, зыян күреүсе халыҡҡа ярҙам итеп ҡайтты. Башҡортостан диниә назараты менән Рус православ сиркәүенең Башҡортостан митрополияһы декабрь башында Донецк халыҡ республикаһына сәфәр ойоштора. Уның барышында зыян күргән йорттар тергеҙелә, госпиталдә ярҙам күрһәтелә.

Радий Хәбиров «Дәүләт Советы 2.0» рейтингында ТОП-20 губернатор иҫәбендә

Башҡортостан башлығы Радий Хәбиров 2025 йыл һөҙөмтәләре буйынса «Дәүләт Советы 2.0» абруйлы рейтингында ТОП-20 губернатор исемлегенә инде. Уның авторы булараҡ «Минченко Консалтинг» коммуникация холдингы сығыш яһай. Эксперттар билдәләүенсә, төбәк властары экология һәм милли мәсьәләләр буйынса ҡаршылыҡ фонын ярайһы уҡ кәметкән.

Өфөлә махсус хәрби операция яугирҙарының ғаилә ағзалары өсөн Яңы йыл тамашаһы үтте

Мөғжизә, тылсым һәм изгелек байрамы. Бөгөн Өфөлә махсус хәрби операция яугирҙарының ғаилә ағзалары өсөн Яңы йыл тамашаһы үтте. Республика район-ҡалаларынан килгән малай-ҡыҙҙар ойоштороусылар тарафынан әҙерләнгән квест-уйындарҙа, оҫталыҡ дәрестәрендә ҡатнашты.

Баш ҡалала Яңы йыл алдынан фермерҙар йәрминкә ойошторҙо

Баш ҡалала ҡышҡы сауҙа. Өфө ҡала хакимиәте тарафынан ойошторолған Яңы йыл алды йәрминкәһен һатып алыусылар был юлы ла көтөп алды. Байрам алдынан ауыл хужалығы уңғандары халыҡҡа күпләп ит, бал һәм башҡа ризыҡтар тәҡдим итте.
«Артерия»сауҙа үҙәге алдындағы һатыу нөктәләре янында байрамса һәм күңелле. Дәртле көй-моңдар оҙатыуында республика фермерҙары баш ҡала халҡына үҙҙәре етештергән экологик яҡтан таҙа аҙыҡ-түлек тәҡдим итте.

Өфөнөң Ағиҙел йылғаһы яр буйында 900 метр оҙонлоҡтағы һырғалаҡ асыуға әҙерлек бара

Әле биләмә ҡарҙан таҙартыла, боҙ ҡатламы өҫтәп һалына. Ойоштороусылар билдәләүенсә, был Башҡортостандағы иң оҙон һырғалаҡ иҫәпләнә. Үҙ конькиҙарың менән инеү бушлай. Шулай уҡ теләүселәр өсөн эргәлә спорт инвентарын ҡуртымға биреү пункты ойошторолған.