Республика йортонда Шәйехзада Бабич исемендәге дәүләт йәштәр премияһы лауреаттары тәбрикләнде

Тантана Башҡортостан башлығы Хакимиәте етәксеһе вазифаһын башҡарыусы Искәндәр Әхмәтвәлиев рәйеслегендә үтте. 2023, 2024 йылдарҙағы ижады өсөн бер төркөм йәштәргә абруйлы премия тапшырылды.

Республикала көндәрҙең кинәт һыуытыуы, һауа температураһының 30 градустан түбән төшөүе көтөлә

Синоптиктар хәбәр итеүенсә, алдағы төндә термометр бағаналарының аяҙайтҡанда 32-36 градусҡаса түбәнәйеүе ихтимал. Көндөҙ бер аҙ ҡар яуыуы, һауа температураһының ҡырҡа үҙгәреүе һөҙөмтәһендә юлдарҙа боҙлауыҡ булыуы ихтимал. Ошоға бәйле водителдәргә һәм йәйәүлеләргә иғтибарлы булыу кәңәш ителә. Белгестәр һыуыҡтан һаҡланыу саралары тураһында онотмаҫҡа саҡыра.

Салауат Юлаев батальоны яугирҙары Донецк халыҡ республикаһындағы дислокация урынында сиркәү төҙөнө

Ғибәҙәтхананы Башҡортостан яугирҙарының рухи остазы Отец Виктор изгеләндерҙе. Күптән түгел генә яҡташтарыбыҙ ошо уҡ урында мәсет һалғайны. Иман йорто һәм сиркәүҙең йәнәш урынлашыуы тотош илдәге конфессия- ара татыулыҡ, толерантлыҡ өлгөһө. Тап ошо дуҫлыҡҡа шына ҡағыу ниәте коллектив көнбайышҡа тынғылыҡ бирмәй, ти диндарҙар.

Башҡортостан туристарҙы йәлеп итеү индексында ТОП-10 төбәк иҫәбенә инде

Башҡортостан бөтә Рәсәй туристарҙы йәлеп итеү индексында 9-сы урынға сығып, илдең ТОП-10 төбәге исемлегенә ингән. 11-се позициянан алға күсеү этнографиянан алып әүҙем ял итеүгә тиклем төрлө планлы туристик продукт булдырыу буйынса системалы эштең уңышлы булыуын иҫбатлай. Был йәһәттән фәнни-популяр туризм айырым стратегик йүнәлеш булып тора: республикала милли проект сиктәрендә 9 дисциплина-ара маршрут булдырылған.

Республика малсылары йыл һөҙөмтәләрен барланы

2025 йылда тармаҡтың тулайым продукцияһы 144 миллиард һум тәшкил итеп, етештереү индексы былтырғы менән сағыштырғанда 102 проценттан ашҡан. 2030 йылға төбәктә индустриаль һөт фермалары һаны 50-гә, ә тауар һөттөң күләме йылына миллион тоннаға етергә тейеш. Табыш менән эшләүсе индустриаль фермаларҙы төҙөргә теләүселәр федераль ярҙам ала ала, әммә рәсми документтарҙы әҙерләп тапшырыуҙы мөмкин тиклем тиҙләтергә кәрәк.

Аҡъярҙа махсус операцияла һәләк булған яугирҙарҙың яҡындарына ордендар тапшырылды

Хәйбулла районы Аҡъяр ауылының йәштәр йортонда махсус хәрби операцияла һәләк булғандарҙың яҡындарына дәүләт наградаларын тапшырыу тантанаһы үтте. Батырлыҡ Ордены хәрби бурыс үтәгәндә күрһәткән ҡаһарманлыҡ өсөн бирелә. Юғары дәүләт наградаһына туғыҙ герой лайыҡ булды. Орден уларҙың ата-әсәләре, ҡатындары һәм яҡындарына тапшырылды.

Красный Луч биләмәһендәге мәктәптә капиталь ремонт тамамланды

Ел- ямғырҙар хәҙер ҡурҡыныс түгел, тырышып уҡырға ғына ҡала. Башҡортостан шефлыҡҡа алған Красный Луч ҡалаһы биләмәһендәге Софиевский ҡасабаһы мәктәбендә ҡыйыҡты яңыртыу эштәре тамамланды. 1938 йылда төҙөлгән белем усағы нигеҙенән алып таушала башлаған. Тәҙрәнән елдәр өрһә, ҡыйыҡтан ямғыр үтәнән үтә яуып торған. Республика ярҙамы менән мәктәп ниһәйәт төҙөкләндерелде.

Зариф Байғусҡаров йыл йомғаҡтарына арналған матбуғат конференцияһы уҙғарҙы

600-гә яҡын ҡануни документ, йөҙҙәрсә мөрәжәғәт. Дәүләт Думаһы депутаты Зариф Байғусҡаров йыл йомғаҡтарына арналған матбуғат конференцияһы уҙғарҙы.
Осрашыуҙа Республика нәшриәт йорто, матбуғат саралары етәкселәре, журналистарҙан тыш, министрлыҡ, ведомстволар белгестәре лә ҡатнашты. Һуҙ депуттатың ҡануни эшмәкәрлеге, ҡабул ителгән яңы закондар тураһында барҙы.

Илдар Абдразаҡов «Рәсәйҙең халыҡ артисы» исеменә лайыҡ булды

Ҡайҙа ғына булһаң да, ҡайҙа эшләһәң дә тыуған илең-Рәсәй, һин Башҡортостандан икәненеңде онотма. Танылған опера йырсыһы Илдар Абдразаҡов атаһының васыятын Кремлдә уҙған бүләкләү тантанаһында иҫкә төшөрҙө. Владимир Путин яҡташыбыҙға һәм тағы ла бер нисә мәҙәниәт хеҙмәткәренә «Рәсәйҙең халыҡ артисы» тигән маҡтаулы исем тапшырҙы.

«Башҡортостан телдәре тураһында закон»дың үтәлеше тикшерелде

Бөгөн «Торатау» конгресс холында «Башҡортостан телдәре тураһында закон»дың үтәлеше буйынса Башҡортостан Хөкүмәте янындағы комиссия ултырышы уҙҙы.
Йыйылышта йыл дауамында башҡарылған эштәр тикшерелде. Быйыл «Баштәржемә» автоматлаштырылған мәғлүмәт системаһы эшләй башлаған. «Хатаһыҙ ҡала. Башҡортостан» чат-боты ойошторолған.

170-се гуманитар ылау махсус хәрби операция биләмәһенә юлланды

Был уҙып барған йылда Башҡортостан хәрбиҙәренә тәғәйенләнгән 28-се адреслы ярҙам. Гуманитар конвой төбәк башлығы Радий Хәбировтың ҡушыуы буйынса власть органдары, муниципалитеттар һәм ирекмәндәр көсө менән ойошторолған. Йөк составына бронялы автомобилдәр, мунсалар, төҙөлөш материалдары, аҙыҡ-түлек, дарыуҙар һәм гигиена әйберҙәре ингән.

Өфө студенты нефть-газ темаһында өҫтәл уйыны уйлап сығарған

Өфө дәүләт нефть техник университеты студентынан өҫтәл уйыны. Өсөнсө курс студенты Юлиә Яковлева проектын дуҫтары ярҙамы менән тормошҡа ашырған. Үҙенең проектын ул «Твой ход» бөтә Рәсәй студенттар конкурсында тәҡдим итә, еңеүселәр иҫәбенә инә. Уйынды эшләүгә бер-нисә ай ваҡыт талап ителгән.

Мәсетле районы Яңы Мөслим ауылында заманса мәҙәниәт йорто асылды

Ул Башҡортотсан башлығы ҡушыуы буйынса төҙөлдө. Хәтерегеҙгә төшөрәбеҙ, 2021 йылдың майында төбәктә теркәлгән юл-транспорт ваҡиғаһында ат арбаһында халыҡ байрамына китеп барған урындағы артистарға автомобиль бәрелә. Аварияла биш кеше етди йәрәхәттәр ала. Мәсетле районына эш сәфәре барышында Радий Хәбиров иҫке клуб бинаһы урынына яңы ауыл мәҙәниәт йорто төҙөләсәк, тип вәғәҙә иткәйне.

Өфө циркын реконструкциялау проекты хупланды

Рәсәй дәүләт экспертизаһының баш идаралығы ыңғай ҡарар ҡабул итте. Өфөләге цирк 2017 йылда ябылды. Ул тамашалар уҙғарыу өсөн хәүефле тип табылды. Республика үҙ иҫәбенә реконструкция проектын әҙерләне, Рәсәй хөкүмәтенә бинаны төбәк ҡарамағына тапшырыу буйынса мөрәжәғәт итте.

Тәбиғәттән файҙаланыу һәм экология министрлығы Красный Луч ҡалаһына ярҙам итә

Министр Нияз Фазылов белдереүенсә, быйыл сүп-сар һаҡлау өсөн 70 контейнер һәм 7 бункер тапшырылған. Быға тиклем 200-ҙән ашыу контейнер һәм бульдозер алып барылған. - Ярҙам ҡаланың төрлө райондарына тигеҙ итеп бүленә, - тине Нияз Фазылов.

Өфөлә Яңы йыл каникулында халыҡ йөрөгән урындарҙа полиция дежуры ойошторола

Автоинспекция водителдәрҙе тикшерәсәк. Был турала Эске Эштәр министрлығының Өфө ҡалаһы буйынса идаралығынан хәбәр итәләр. - Яңы йыл байрамдарында полиция көсәйтелгән тәртиптә эшләй, байрам майҙансыҡтарында хәүефһеҙлек саралары күрелә. 6 һәм 7 ғинуарҙа, Раштыуы ваҡытында ла тәртип һаҡлауға иғтибар ҙур була.

Баймаҡта оҙаҡ йылдар партияның район комитетын етәкләгән Рәйес Имамов тураһында китап сыҡты

Райкомдың беренсе секретары. Баймаҡта оҙаҡ йылдар партияның район комитетын етәкләгән Рәйес Имамов тураһында китап сыҡты. Баҫма шәхестең тыуыуына 100 йыл тулыуға арналған. Тулыраҡ киләһе яҙмала.

Башҡортостан Сербияға бал һата

Быйыл 100 тоннанан ашыу продукция оҙатылған. Ауыл хужалығын күҙәтеү хеҙмәте тауарҙы тикшергән, санитар талаптар тулыһынса үтәлгән. "Халыҡ-ара кооперация һәм экспорт" милли проекты буйынса Башҡортостанда экспортты арттырыу маҡсаты ҡуйылған. 2030 йылға 2020 йылғы күрһәткестәрҙе 70 процентҡа яҡшыртыу планлаштырыла.

Өфөлә Башҡортостандың дәүләт академия симфония оркестры VII ҡышҡы фестивалгә йомғаҡ яһаны

Ижади коллектив ай дауамында донъя музыка әҫәрҙәрен тәҡдим итте. Рәсәйҙең күләмле мәҙәни ваҡиғалары исемлеген биҙәгән фестиваль йыл һайын күренекле музыканттарҙы бергә йыя. Йола буйынса махсус концерт программа менән оркестр республика район-ҡаларына ла гастролгә сыға.

Өфөнөң Ленин районында «Тулҡын» паркында Яңы йыл майҙансығы асылды

Өфөлә Яңы йыл майҙансыҡтары асыла. Тәүгеләрҙән булып байрам алды ҡыуанысын баш ҡала халҡы Ленин районының «Тулҡын» паркы алдында кисерҙе. Майҙансыҡ былтырғы йыл менән сағыштырғанда күпкә сағыуыраҡ. Бер юлы бында Ҡыш бабай резиденцияһы тәүге кескәй ҡунаҡтарын да ҡабул итте.

Башҡортостан башлығы Радий Хәбиров Рәсәй Дәүләт Советы ултырышында ҡатнашты

Иҡтисад өсөн кадрҙар әҙерләү. Башҡортостан башлығы Радий Хәбиров Рәсәй Дәүләт Советы ултырышында ҡатнашты. Кәңәшмәне Владимир Путин үткәрҙе. Президент билдәләүенсә, иҡтисади яҡтан әүҙем халыҡ араһында мәшғүлдәр өлөшө 97,8 процентҡа еткән, ә эшһеҙлек 2,2 процентҡа тиклем кәмегән. Айырыуса илдең ҡайһы бер төбәктәрендә, һәм дөйөм алғанда йәштәр араһында эшһеҙлек һәр ваҡыт бер аҙ юғарыраҡ, әммә бында ла ыңғай үҙгәрештәр бар. 34 йәшкә тиклемге граждандар араһында эшһеҙҙәр һаны тотороҡло кәмеүгә бара.