Республикала Радий Хәбиров етәкселегендә милләт-ара мөнәсәбәттәр советы ултырышы үтте

Республикала Башҡортостан башлығы Радий Хәбиров етәкселегендә милләт-ара мөнәсәбәттәр советы ултырышы үтте. Сарала дини конфессия лидерҙары, йәмәғәт ойошмалары, милли-мәҙәни берләшмә етәкселәре татыулыҡты һәм тыныслыҡты һаҡлау өсөн эшлекле тәҡдимдәр индерҙе, йыл йомғаҡтарын барланы. Совет ултырышында милли сәйәсәт алдында көнүҙәк һынауҙар, йәмғиәт өсөн хәүеф тыуҙырған ойошмалар эшмәкәрлегенә ҡаршы көрәш мәсьәләләре күтәрелде

Балтас районында Тиҙ Танып йылғаһы аша күптән көтөлгән күпер асылды

Объект «Ауыл биләмәләрен комплекслы үҫтереү» федераль проекты буйынса финансланған. Ул район үҙәге менән тиҫтәләгән ауылды ҡыҫҡа һәм уңайлы юл менән бәйләй. Дүрт саҡрымдан ашыу юл һәм 77 метр оҙонлоҡтағы күпер төҙөлөшө 2016 йылда башланған. Йылға ташҡындары проектты үҙгәртеүҙе талап иткән. Төҙөлөш бер нисә этапта башҡарылған. Хәүефһеҙлек талаптарына яуап биргән күпер аша хәрәкәт асылыуы район үҙәгенә юлды 30 саҡырымға ҡыҫҡарта.

Өфөлә Бөтә Рәсәй һуҡырҙар йәмғиәтенең 6-сы форумы уҙҙы

«Үткән быуаттан хәҙерге көнгә» тип аталған форум Башҡортостан төбәк бүлексәһе һуҡырҙар йәмғиәтенең йөҙ йыллығына арналды. Унда Калининрадтан алып Сахалинға тиклем һәм Луганск, Херсон, Донецк, Запорожье өлкәләренән 250 ашыу делегат ҡатнашты. Фекер алышыу һуҡырҙар һәм күреү буйынса мөмкинлектәре сикләнгәндәрҙе социаль-реабилитациялау мәсьәләләренә арналды.

Өфөлә һатыусы ыуылдырыҡтың тәбиғи булыуын асыҡлау ысулын күрһәтте

Киләһе яҙма Яңы йыл байрамына ыуылдырыҡ һатып алыусылар өсөн файҙалы булыр. Сөнки был ризыҡтың һатыуҙа ике төрлөһө бар- тәбиғи һәм яһалма. Тик уларҙы нисек айырырға? Өфөлә балыҡ магазины тотоусы беҙгә ябай ғына ысул өйрәтте.

Башҡорт аты — 2026 йыл календарының символдары иҫәбендә

Башҡорт аты Яңы йыл календарында. Мәскәүҙең Рус әҙәби үҙәге уҡыусыларға яҡынлашып килгән яңы йыл календарын тәҡдим итте. 2026 йылдың Ат йылы булыуын иҫәпкә алып, авторҙар календарға йыл символының төрлө тоҡомдары тураһында мәғлүмәт биргән. Башҡорт аты тоҡомо тураһында мәғлүмәт июнь айына тура килә. Аттың һүрәтенә аңлатмала башҡорт атының Рәсәйҙәге ауыр климат шарттарына яраҡлашҡан ыҡсым кәүҙәле, сыҙамлы, тыныс холоҡло боронғо дала тоҡомо булыуы билдәләнгән.

Рәсәйҙә йәмәғәт транспорт туҡталыштарында вейп һәм тәмәке һатыу тыйылды

Дәүләт Думаһы ошо турала закон ҡабул итте. Парламент рәйесе Вячеслав Володин белдереүенсә, туҡталыштарҙа халыҡ күпләп йыйыла. Закон ярҙамында, балалар һәм йәштәрҙе тәмәкенән аралау, сәләмәтлекте һаҡлау маҡсаты ҡуйыла.

Өфөнөң Октябрь районы ЗАГС бүлегенән Римма Закирова-Торба 10 мең никах теркәгән

Ул ошо өлкәлә 32 йыл эшләй. Римма Закирова-Торба тураһында социаль селтәрҙә Радий Хәбиров яҙа. - Рәсәй һәм Башҡортостан ЗАГС органдары хеҙмәтенә 108 йыл, ул иң боронғо дәүләт институттарының береһе. Римма Илдус ҡыҙын, барлыҡ хеҙмәткәрҙәрҙе һөнәри байрамдары менән ҡотлайым, ти Радий Хәбиров. Бөгөн Рәсәйҙә ЗАГС хеҙмәткәрҙәре көнө билдәләнә.

Өфөлә яңы йыл ҡаласыҡтары өсөн боҙ әҙерләнә башланы

Ҡала хакимиәтенән хәбәр итеүҙәренсә, бындай эшкә ваҡыт талап ителә. Һыу ятҡылығын ҡарҙан таҙартырға, боҙҙо тигеҙ киҫәктәргә бүлеп, машинаға тейәп тәғәйен урынға алып барырға кәрәк. Өфөнөң Ленин районында эштәр башланған, тиҙҙән башҡа урындарҙа ла боҙ әҙерләүгә тотоналар.

Радий Хәбиров Дәүләт Йыйылышы–Ҡоролтайҙың 28-се пленар ултырышында сығыш яһаны

Башҡортостан башлығы Радий Хәбиров Дәүләт Йыйылышы -Ҡоролтайҙың 28-cе пленар ултырышында ҡатнашып, депутаттарға конструктив һәм һөҙөмтәле эш өсөн рәхмәт белдерҙе. Киләһе йылға бурыстар ҙа билдәләнде. Әйтәйек, ун айҙан һуң Дәүләт думаһына һәм Өфө ҡала советына депутаттар һайланасаҡ. Сәйәси кампанияға әленән үк әҙер булыу талап ителә. Ултырышта күтәрелгән көнүҙәк мәсьәләләр тураһында репортаж.

Башҡортостанда МХО ҡатнашыусыларына ярҙам итеү йылына йомғаҡ яһалды

Башҡортостанда Махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылына йомғаҡ яһалды. Ошо уңайҙан бөгөн «Торатау» конгресс-холында уҙған тантаналы сарала Радий Хәбиров ҡатнашты. Сараға махсус хәрби операция ветерандары, власть органдары һәм илтөбәктәренән Ватанды һаҡлаусылар фонды филиалдары етәкселәре йыйылды.

Өфөлә «Ватанды һаҡлаусылар» дәүләт фонды филиалының яңы бүлексәһе асылды

Совет майҙанында урынлашҡан фонд бүлексәһен асыу тантанаһында Башҡортостан башлығы Радий Хәбиров ҡатнашты. Төбәк етәксеһе махсус хәрби операцияла яраланып ҡайтҡан яугир-ветерандарға ҡул менән йөрөшлө автомобиль асҡыстарын тапшырҙы.

Өфөнән яугирҙар йәнә махсус хәрби операция биләмәһенә юлланды

Йәнә алғы һыҙыҡҡа. Ҡыҫҡа ваҡытлы ялдан һуң, Өфөнән махсус хәрби операция биләмәһенә өлөшләтә мобилизация буйынса саҡырылыусы һәм үҙ теләге менән хәрби хеҙмәтте һайлаусылар юлланды. Улар баш ҡаланан тыш, республиканың башҡа район-ҡалаларынан йыйылған хәрбиҙәр. Махсус хәрби операция биләмәһенә дүрт тиҫтәнән ашыу яҡтабышыбыҙ юлланды.

Радий Хәбиров Дәүләт именлеге хеҙмәткәрҙәрен юғары наградалар менән бүләкләне

Көс структураларының элитаһы. Дәүләт именлеге хеҙмәткәрҙәре көнө алдынан республика башлығы Радий Хәбиров Федераль именлек хеҙмәтенең Башҡортостан буйынса идаралығы хеҙмәткәрҙәрен юғары дәүләт наградалары менән бүләкләне.

Владимир Путин менән тура бәйләнешкә ике миллиондан ашыу мөрәжәғәт килгән

Рәсәй Президенты Владимир Путин менән тура бәйләнешкә ике миллиондан ашыу мөрәжәғәт килгән. Ҙур матбуғат конференцияһы менән берләштерелгән эфир иртәгә көндөҙгө сәғәт 2-лә башлана. Йылдың иң мөһим ваҡиғаһында Башҡортостандан да бер төркөм журналистар ҡатнаша.

Башҡортостанда законһыҙ ылыҫлы ағастар һатыуға ҡаршы рейд уҙғарылды

Бөгөн законһыҙ рәүештә ылыҫлы ағастар менән сауҙа итеүселәргә ҡаршы рейд ойошторолдо. Башҡортостан Урман хужалығы министрлығы белгестәре ҡатнашлығындағы профилактик сара республиканың барлыҡ төбәктәрендә лә үтте. Ведомство хеҙмәткәрҙәре бер сауҙа нөктәһен дә иғтибарһыҙ ҡалдырмай, тауарға бәйле документтарҙың теүәллеген тикшерҙе.

Рәсәйҙең ауыл хужалығы өлкәһендә белем биреүсе алдынғы юғары уҡыу йорто 95 йыллығын билдәләй

Башҡорт дәүләт аграр университетының һигеҙ факультетында 9 меңдән ашыу студент белем ала. Уҡыу йортоноң 2-се корпусында капиталь ремонт-университет юбилейына ҙур бүләк. Барлыҡ эштәр «Аҙыҡ-түлек хәүефһеҙлеген технологик тәьмин итеү» милли программаһының «Агросәнәғәт комплексында кадрҙар»федераль проекты сиктәрендә башҡарылған.

Бәләкәй ҡалалар һәм ауылдарҙа эшләүсе тренерҙарға миллион һум бирелә

"Ауыл тренеры" проекты буйынса иң яҡшыларға йыл һайын 22 сертификат тапшырыла. Ошо турала документҡа премьер-министр Андрей Назаров ҡул ҡуйҙы. Субсидия алыуға кандидаттың урта һәм юғары һөнәри белеме булырға тейеш. Шулай уҡ уның ойошмала кәмендә биш йыл эшләү тураһында йөкләмә алыуы шарт. Хеҙмәт килешеүе өҙөлһә субсидияны тулыһынса, йә өлөшләтә ҡайтарырға кәрәк була.

Башҡортостанда транспорт һалымы буйынса бурыслылар күберәк сумма түләйәсәк

Федераль һалым хеҙмәтенең республика идаралығынан хәбәр итеүҙәренсә, граждандар өсөн түбән ставка ҡаралған. Әммә, ул 2026 йылдың 1 ғинуарына бурысы булғандарға ҡағылмай. Мәҫәлән, 87 ат көслө "Лада Гранта" машинаһы өсөн һалым 870 һум. Ул йыл аҙағына тиклем түләнмәһә бурыслы 2 мең 175 һум тейеш була. Һалым буйынса бурыстарҙы Һалым хеҙмәте сайтында ҡарарға, йә һалым инспекцияларында белешергә мөмкин.

Башҡортостан балалары Кремль шыршыһында ҡатнаша

Республика мәғариф министрлығынан хәбәр итеүҙәренсә, Мәскәүгә 120 ҡыҙ һәм малай бара. Уларҙыңкүбеһе махсус хәрби операция яугирҙарының балалары. Сара 24-17 декабрҙә үтә.Кремль шыршыһы – Дәүләт Кремль һарайында уҙғарыла. Был сара беренсе тапҡыр 1937йылда ойошторола һәм традицияға әйләнә. Ошо уҡ көндәрҙә Рәсәй Президентыныңтулы хоҡуҡлы вәкиле шыршыһы ла була. Түбәнге Новгородҡа 20 уҡыусы саҡырылған.

Рәсәй президенты Башҡортостандың үҫешкән технологик базаһын юғары баһаланы

Бөгөн Владимир Путин 4 сәғәт ярым дауамында халыҡтың һәм журналистарҙың 80 һорауына яуап бирҙе. Төр темалар хаҡында репортаж.