Өфөлә Бахрейн менән дин-ара һәм гуманитар хеҙмәттәшлек буйынса диалог ҡуйылды

Заман геосәйәсәте шарттарында традицион дин үҙәктәре менән әүҙем диалогты һаҡлап ҡалыу мөһим, тине Радий Хәбиров Бахрейн Короллегенең ислам эштәре буйынса Юғары совет президенты Абдулрахман бин Мөхәммәт бин Рашид Әл Хәлифә менән осрашыуҙа.
Сит ил вәкиле «Ислам идеалдары һәм ҡиммәттәре: Бер өммәт-бер яҙмыш» халыҡ-ара конференцияһында ҡатнашыу өсөн килгән. Яҡтар иҡтисади һәм гуманитар бәйләнештәрҙе үҫтереү мәсьәләләре буйынса фекер алышты.

Өфөлә Ислам форумы: Радий Хәбиров Тәлғәт Тажетдинды мәғрифәт хеҙмәте өсөн бүләкләне

Бөгөн Башҡортостан башлығы Радий Хәбиров «Ислам идеалдары һәм ҡиммәттәре: бер өммәт- уртаҡ яҙмыш» XVI халыҡ-ара ғилми-ғәмәли конференцияның пленар ултырышында ҡатнашты. Мәскәү ҡалаһының ислам мәҙәниәте, фән һәм мәғарифты хуплау фонды ярҙамы менән Рәсәй мосолмандары Үҙәк диниә назараты ойошторған сараға донъя төбәктәренән диндарҙар йыйылды. Күләмле форум Тәлғәт Тажетдиндың Шәйех-ул-ислам, Юғары мөфтөй һәм Рәсәй мосолмандарының үҙәк диниә назараты рәйесе итеп һайланыуына 45 йыл тулыуға арналды.

Үзбәкстандың туҡыма етештереү предприятиеһы Өфөлә үҙ кибетен асты

Халыҡ-ара хеҙмәттәшлектең башы ғына. Бөгөн Үзбәкстандың туҡыма етештереү предприятиеһы Өфөлә үҙ кибетен асты. Көндәлек ҡулланышҡа тәғәйенләнгән тауарҙар магазинын асыу тантанаһында республика етәкселеге һәм Наманган өлкәһе хакимы урынбаҫары Окибжон Инамов та ҡатнашты.

Радий Хәбиров йәш педагогтар менән осрашып, мәғарифтағы яңы бурыстарҙы билдәләне

Мәғариф өлкәһен кадрҙар менән тәьмин итеп, инфраструктураны үҫтереү-республика өсөн өҫтөнлөклө йүнәлештәрҙең береһе. Башҡортостан башлығы Радий Хәбиров «Мин-киләсәк педагогы» слетында ҡатнашҡан йәш уҡытыусылар, педагогия университеты һәм колледж студенттары менән осрашып, уларҙы борсоған көнүҙәк һорауҙарға яуап бирҙе.

Шаран районы Түбәнге Зәйет ауылында Илназ Ғәниев иҫтәлегенә Герой партаһы асылды

Шаран районы Түбәнге Зәйет төп дөйөм белем биреү мәктәбендә ошо белем усағын тамалаусы махсус хәрби операция яугиры Илназ Ғәниев иҫтәлегенә Герой партаһы асылды. Илназ Ғәниев махсус хәрби операцияға 2022 йылда өлөшләтә мобилизация буйынса саҡырылған булған. «Ганджик» ҡушаматлы яугир Донецк халыҡ республикаһында 1219-сы мотоуҡсылар полкы уҡсыһы вазифаһында хәрби бурысын үтәй. Ҡыҙғанысҡа, былтыр августа батырҙарса һәләк була.

Өфөлә Розалиә Солтангәрәеваның юбилей кисәһе үтте

Яҡшылыҡ нуры. Төрлө быуын тамашасылары өсөн сәнғәт һәм илһам байрамы. «Башҡортостан» концерт залында халыҡ сәсәне, фольклорсы-ғалим, филология фәндәре докторы, Салауат Юлаев ордены кавалеры Розалия Солтангәрәеваның юбилейы һәм ярты быуатлыҡ ижадына арналған театрлаштырылған тамаша уҙҙы. Был хаҡта тулыраҡ киләһе яҙмала.

Башҡорт драма театры Ҡазандағы гастролдәрен уңышлы тамамланы

Мәжит Ғафури исемендәге Башҡорт дәүләт академия драма театрының Ҡазанда бер аҙналыҡ гастролдәре тамамланды. Хәтерегеҙгә төшөрәбеҙ, ижади сәфәр Рәсәй Мәҙәниәт министрлығы һәм «Росконцерт» тарафынан тормошҡа ашырылған «Ҙур гастролдәр» федераль проекты сиктәрендә үтте. Ошо уҡ ваҡытта Өфөлә Ғәлиәскәр Камал исемендәге Татар дәүләт академия театры сығыш яһаны. Ике республиканың да алдынғы ижади коллективтары тамашасыларға репертуарҙағы иң уңышлы спектаклдәрен тәҡдим итте.

Радий Хәбиров етәкселегендәге Башҡортостан делегацияһы Мәскәүҙә «Транспорт аҙналығы»нда ҡатнаша

Был транспорт тармағының төп йыл ваҡиғаһы. 4 мең ярымдан ашыу делегатты берләштергән эшлекле программала Рәсәй транспорт системаһын үҫтереүҙең төп йүнәлештәре тикшерелә. Форум майҙансығында Башҡортостан башлығы федераль юл агентлығы етәксеһе Роман Новиков менән осрашты. Яҡтар Башҡортостан биләмәһендә эре инфраструктура проекттарын тормошҡа ашырыуҙы, шулай уҡ федераль трассаларҙа хәүефһеҙлекте арттырыу мәсьәләләрен барланы.

Республика табиптары юғары дәүләт наградаларына лайыҡ булды

Рәсәй Президенты Владимир Путин Башҡортостан халҡын дәүләт наградалары менән бүләкләү тураһындағы указға ҡул ҡуйҙы. Кремлдең рәсми сайтындағы документҡа ярашлы, «Рәсәйҙең атҡаҙанған табибы» исеменә Өфөнән ике кеше лайыҡ булған.

Башҡортостан хирургтары ассоциацияһы Марат Урманцевты иң яҡшы хирург тип таныны

Башҡортостан хирургтары ассоциацияһынан йылдың иң яҡшы хирургына Алтын скальпель. Республика клиник дауаханаһында үткән конференцияла төбәктең иң яҡшы хирургы тип БДМУ клиникаһының онкология бүлеге мөдире,уролог Марат Урманцев танылды. Һәләтле хирургты эш артында беҙҙең ижади төркөм дә күҙәтте. Тулыраҡ мәғлүмәт киләһе яҙмала.

Башҡортостан ҡатын-ҡыҙҙар союзына яңы етәксе

Башҡортостан ҡатын-ҡыҙҙар союзы етәксеһе Рәшиҙә Солтанова үҙ теләге менән рәйес вазифаһында эшмәкәрлеген тамамланы. Отчет-һайлау конференцияһында ул үҙе етәкселегендә башҡарылған эштәргә йомғаҡ яһаны. Делегаттар отчетты ҡабул итеп, Иглин районы хакимиәте башлығы Гүзәл Насированы бер тауыштан рәйес итеп һайланы.Рәшиҙә Солтанованың рәйес вазифаһын ҡалдырыуы ҡатын-ҡыҙҙар союзы тормошонда мөһим этаптың тамамланыуы. Уның 28 йыллыҡ хеҙмәте, халыҡсан, ғәҙел, ярҙамсыл булыуы һәм лидерлыҡ сифаттары республиканың йәмәғәт тормошонда яҡты эҙ ҡалдырҙы.

Иглин районы фермеры Салауат Мостафин «Хезмәт итәм» премияһына дәғүә итә

«Хеҙмәт итәм». Иглин районы Келәш ауылында эшләүсе фермер Салауат Мостафин «Хеҙмәт итәм» бөтә Рәсәй муниципаль премияһына дәғүә итә. Ул «Салауат янында» ирекмәндәр хәрәкәтен ойоштроусы. Эргәһенә ил азатлығы өсөн көрәшеүсе һалдаттарға тылдан ярҙам ҡулы һуҙырға әҙер теләктәштәрҙе туплаған. Еңеүҙе яҡынайтыусы ирекмәндәр һәм уларҙың етәксеһе менән БЮТ ижади төркөмө лә осрашты. Был хаҡта тулыраҡ киләһе яҙмала.

Баймаҡта «Еңеү ҡайтыр атай менән» китабының исем туйы үтте

«Еңеү ҡайтыр атай менән». «Йәншишмә» гәзите хәбәрсеһе Зөһрә Хәкимованың махсус хәрби операция яугирҙарына арналған китабы шулай тип атала. Яңы баҫманың исем туйы Баймаҡ биләмә-ара үҙәк китапханаһында үтте.

Ҡырғыҙ-Миәкәлә легендар Керчь аты хаҡында йәнһүрәт күрһәтелде

Йәнһүрәт аша балалар тарихты өйрәнә. Ҡырғыҙ-Миәкә ауылының «Пионерҙар һәм уҡыусылар йорто»нда «Керчь» ҡушаматлы легендар атҡа арналған мультипликация фильмының премьераһы үтте.

Дамир Тайыпов Шәйехзада Бабич премияһына тәҡдим ителде

Мауыҡтырғыс һәм бәрхәт. Уның тауышы төбәктә иң танылғандарының береһе. Хөсәйен Әхмәтов исемендәге Башҡорт дәүләт филармонияһы солисы Дамир Тайыпов Шәйехзада Бабич исемендәге республика йәштәр премияһына тәҡдим ителде.
Бындай ноталарҙы алыу уға ауырлыҡ тыуҙырмай. Дамир Тайыпов бала сағынан тиерлек вокал менән шөғөлләнә. Ул Рәсәй һәм халыҡ-ара музыкаль конкурстарҙың даими ҡатнашыусыһы.

Хәйбулла районында хәрбиҙәр ғаиләләре өсөн ярҙам клубы эшләй

Махсус операцияла ҡатнашыусыларға һәм уларҙың ғаилә ағзаларына ярҙам итеү-дәүләтебеҙҙең өҫтөнлөклө бурысы. Хәйбулла районында был йүнәлештә ҙур эш алып барыла. Изге миссияға шулай уҡ бөтә ауыл биләмәләре, ойошмалар, битараф булмаған халыҡ һәм ирекмәндәр ҙә ҡушылған. Быйыл шулай уҡ төбәктә махсус хәрби операцияһында ҡатнашыусыларҙың ғаиләләре өсөн клуб ойошторолған.

Стәрлетамаҡта яралы яугирҙарҙы госпиталгә алып барған поезд туҡтаны

Санитар составтың ҡала аша үтәсәген урындағы халыҡ бер-береһенә хәбәр итә.
Перронға меңдән ашыу кеше килә. Поезд тимер юл станцияһында туҡтағандан һуң, кешәләр пассажирҙарға йылы әйберҙәр, күстәнәстәр һәм посылкалар тапшыра. Ватанды һаҡлаусыларға килтерелгән әйберҙәр һаны шул тиклем күп була, яралыларҙы оҙатып барыусылар бөтә ярҙамды ла ҡабул итә алмай. Шуға ла гуманитар йөк перронда ҡабул ителә. Тупланған ылау һуңынан махсус хәрби операцила ҡатнашыусы яугирҙарға ебәрелә.

Өфөнөң 69-cы белем биреү үҙәгендә Рөстәм Әхмәҙуллин иҫтәлегенә Герой партаһы асылды

Өфөнөң 69-cы белем биреү үҙәгендә махсус хәрби операцияла ҡатнашҡан яугир Рөстәм Әхмәҙуллин иҫтәлегенә Герой партаһы асылды. Ҡаһарман яҡташыбыҙ мәктәпте тамамлағандан һуң, төҙөлөш өлкәһе буйынса урта һөнәри белем алған. Әрменән һуң Өфө предприятиеларында эшләгән. Мобилизацияның тәүге көндәренән үк Ватан һағына баҫҡан.

35 йыл хеҙмәт: «Смерч» отряды республика именлеген һаҡлай

35 йыл закон һәм тәртип һағында. Федераль яза башҡарыу хеҙмәтенең махсус тәғәйенләнештәге «Смерч» отряды шунса ваҡыт республика халҡының тыныслығын яҡлай. Подразделениеның шәхси составы енәйәт-башҡарыу системаһы объекттарының хәүефһеҙлеген тәьмин итә, шул уҡ ваҡытта улар йыш ҡына хәрби бурыстарҙы ла үтәй.

Билдәле йырсы, йәмәғәт эшмәкәре, «Юлдаш» радиоһы продюсеры Илнур Рамазанов, үҙе әйтмешләй, «ауыр баласаҡ кисергән». Ысынмы-юҡмы?

«Дуҫтар» проектының яңы сығарылышында белербеҙ! 21 ноябрь сәғәт 23:00 БСТ каналында!

Радий Хәбиров Рәсәй Хөкүмәте премьер-министры урынбаҫары Марат Хөснуллин менән осрашты

Транспорт форумы сиктәрендә Башҡортостан башлығы Радий Хәбиров Рәсәй Хөкүмәте премьер-министры урынбаҫары Марат Хөснуллин менән осрашты. Яҡтар республикала торлаҡ төҙөлөшөнә ҡағылышлы проекттар буйынса фекер алышты. Башҡортостан башлығы Радий Хәбиров билдәләүенсә, ҡатмарлы иҡтисади шарттарға ҡарамаҫтан республикала торлаҡ йылдам төҙөлә.