Быйыл Башҡортостанда етем балаларҙы торлаҡ менән тәьмин итеүгә 2 миллиард 800 миллион һум аҡса бүленгән

Быйыл Башҡортостанда етем балаларҙы торлаҡ менән тәьмин итеүгә 2 миллиард 800 миллион һум аҡса бүленгән. Фатирҙар йәки уларҙы һатып алыу өсөн сертификаттар менән йыл аҙағына тиклем 750 кеше тәьмин ителәсәк.

Башҡортостан илдең социаль-демографик үҫеш «локомотивтары» категорияһына инде

Башҡортостан илдең социаль-демографик үҫеш «локомотивтары» категорияһына инде. Рәсәй Хөкүмәте ҡарамағындағы финанс университет белгестәре бер нисә төп күрһәткес буйынса 85 субъектты анализлап, илдең социаль картаһын тәҡдим итте. Ул торлаҡ менән тәьминәтте, мәшғүллек кимәлен, эш хаҡы һәм башҡа демографик параметрҙарҙы үҙ эсенә ала.

Өфөлә үлемесле аварияға осраған йөк машинаһы водителе 15 декабргә тиклем ҡулға алынды

Ул ике кешенең үлеменә килтергән юл хәрәкәте ҡағиҙәләрен боҙоуҙа ғәйепләнә. Октябрь районы судына ул 21-се ҡала клиник дауаханаһынан тура килтерелде. Тәфтиш комитеты мәғлүмәттәре буйынса, 27 йәшлек водитель Үзбәкстандан килгән булған. Ул рулгә рөхсәт документһыҙ ултырған, өҫтәүенә законһыҙ рәүештә эшләгән

Алдағы ял көндәрендә һауа торошонда әллә ни үҙгәрештәр көтөлмәй

Башгидрометеорология үҙәге мәғлүмәтенә ярашлы, алдағы ял көндәрендә һауа торошонда әллә ни үҙгәрештәр көтөлмәй. Иртәгә көн болотло буласаҡ. Бер аҙ ямғыр, айырым райондарҙа ҡар ҡатыш ямғыр яуыуы ихтимал. Һауа температураһы төндә урыны менән нолдән 7 градусҡа тиклем түбәнәйә, көндөҙ 7-10 градус тирәһе йылы күрһәтә.

«Сәләмәтлек поездары» пациенттарҙы тулы тормошҡа ҡайтара

«Сәләмәтлек поездары» пациенттарҙы тулы тормошҡа ҡайтара. Быйыл ул етенсе тапҡыр уҙҙы һәм республиканың бөтә райондарын да солғап алды. Күсмә медицина бригадалары ике мең ярымдан ашыу ауылда булып, халыҡты ҡабул иткән.

Өфө клиникаларының береһендә өҙөлгән ҡолаҡты кире урынына тегеү буйынса уникаль операция яһалды

Өфө клиникаларының береһендә өҙөлгән ҡолаҡты кире урынына тегеү буйынса уникаль операция яһалды. Миәкә районында йәшәүсе пациент аттан ҡолап төшөп ҡолағы өҙөлгәндән һуң ярҙам һорап мөрәжәғәт иткән. Алтын ҡуллы хирург ағзаны 16 сәғәттән һуң кире урынына теккән. Был - хирургияла уникаль осраҡ.

Радий Хәбиров шартлау булған «Авангард» предприятиеһын барып күрҙе

Стәрлетамаҡ ҡалаһындағы заводта ғәҙәттән тыш хәл кисә кис теркәлде. Көслө шартлау һөҙөмтәһендә бер нисә хеҙмәткәр емереклектәр аҫтында ҡалды. Ҡыҙғанысҡа өс кеше һәләк булған, тағы бишеһе дауаханала. Предприятиела әле лә ҡотҡарыусылар һәм башҡа яуаплы хеҙмәттәр эшләй.

Салауатта яуҙаштар бер йылдан һуң осрашты

«Вирус» уның ғүмерен ҡотҡарған. Салауат ҡалаһында «Мосолман» ҡушаматлы яугир үҙен ҡотҡарған фельдшер «Вирус» ҡушаматлы Азамат Муллашев менән осрашты. Эвакуация ваҡытында уларға дрондар һөжүм итә. Фельдшер үҙ кәүҙәһе менән яралы һалдатты ҡаплай. Унан һуң төрлө госпиталдәргә эләгеп, бәйләнеш өҙөлә. Теүәл бер йылдан һуң яуҙаштар йәнә осрашты.

Республикала «Башҡортостан үҙебеҙҙекеләр өсөн бәйләй һәм тегә» хәрәкәте әүҙем эш алып бара

Республика тегенселәре лә хәрби рельстарҙа. «Башҡортостан үҙебеҙҙекеләр өсөн бәйләй һәм тегә».ирекмәндәр хәрәкәтенә Салауат, Нефтекама һәм Өфө ҡалалары, Нуриман һәм Өфө райондары вәкилдәре ҡушылған. 3 йыл эсендә генә Өфөлә урынлашҡан 5 теген цехынан алғы һыҙыҡҡа 120 меңдән ашыу экипровка һәм амуниция кәрэк - яраҡтары әҙерләп оҙатылған.

Республикала быйыл никахҡа инеүселәр 3 процентҡа артҡан, айырылышыуҙар 28 процентҡа кәмегән

Башҡортостан ЗАГС бүлектәре статистикаһына ҡарағанда, өйләнешеүселәрҙең уртаса йәше 33-35. Загс бүлектәре киләһе йыл никахлашырға теләгәндәрҙән ғаризалар ҡабул итә башлаған.

Өфөлә «Атайҙар аллеяһы» барлыҡҡа килде

Йыл да октябрҙең өсөнсө аҙнаһында Атайҙар көнө билдәләнә. Ошо уңайҙан бөгөн Өфөлә «Атайҙар аллеяһы» барлыҡҡа килде. Ике тиҫтәләп төп ағас Салауат Юлаев проспектында, СССР-ҙың 50 йыллығы урамы үткән участкала ултыртылды

Башҡортостанда «Көмөш старт» федераль мәғариф программа йомғаҡтары билдәләнде

Үҙ эшеңде үҫтереү буйынса иң яҡшы бизнес-проектҡа - 150 мең һум. Башҡортостанда «Көмөш старт» федераль мәғариф программа йомғаҡтары билдәләнде. Уның сиктәрендә 60 йәштән өлкәнерәк граждандар эшҡыуарлыҡ буйынса проекттарын яҡланы, уҡыуҙар үтте. Өфөнән инженер-автомеханик Фәрүәз Мөниров та еңеүселәр исемлегендә. Замандашыбыҙ менән беҙҙең ижади төкрөм осрашты. Тулыраҡ киләһе яҙмала.

Дүртөйлө ҡалаһында «Ҡоролтай 3.0» стратегик сессияһы һәм квиз-уйыны үтте

Сараны Бөтә донъя башҡорттары ҡоролтайы Дүртөйлө районы хакимиәте, урындағы башҡорттар ҡоролтайы вәкилдәре менән берлектә ойошторҙо.
Сарала Башҡортостандың төньяҡ-көнбайыш райондары - Баҡалы, Бүздәк, Бөрө, Дүртөйлө, Мишкә, Туймазы, Саҡмағош, Шаран райондары, Октябрьский ҡалаһы вәкилдәре ҡатнашты. Квиз уйындарынан тыш эксперттар алдында туғыҙ команда биш йүнәлеш буйынса презентацияларын яҡланы.

🙌 «Дуҫтар» проектында ҡунаҡта билдәле блогер Miss Ilnara - Илнара Рахманғолова!

Башҡорт блогерҙары күпме аҡса эшләй икән? Нисек интернет илендә популярлыҡ яуларға? Ни өсөн бөтәһе лә уның менән талаша? Әллә был тик пиармы?

Илнараның шәхси тормошо һәм башҡа күп һорауҙарға яуап ошо сығарылышта!
https://vk.com/video-233002662_456239021

Радий Хәбиров Стәрлетамаҡтағы шартлауҙа һәләк булыусыларҙың ғаиләләренә ярҙам күрһәтергә ҡушты

Радий Хәбиров Стәрлетамаҡтағы «Авангард» заводында һәләк булыусыларҙың ғаиләләренә һәм зыян күреүселәргә тейешле ярҙам күрһәтергә ҡушты. Төбәктең һаулыҡ һаҡлау министрлығы мәғлүмәттәренә ярашлы, шартлауҙан зыян күргән биш хеҙмәткәр Өфө дауаханаларына урынлаштырылған. Уларҙың ғүмерҙәренә хәүеф янамай.

Башҡортостан муниципалитеттары «Иң яҡшы муниципаль практика» конкурсында еңеү яуланы

Республика муниципалитеттары 2024 йыл өсөн «Иң яҡшы муниципаль практика» Бөтә Рәсәй конкурсында уңышлы сығыш яһап, дөйөм алғанда 55 миллион һумлыҡ федераль ярҙам алыуға өлгәште.
Был турала төбәк башлығы Радий Хәбиров оператив кәңәшмә барышында билдәләне. Рәсәй Хөкүмәте рәйесе урынбаҫары Марат Хөснуллин етәкселегендәге федераль конкурс комиссияһы илдең 29 төбәгенән 50 иң яҡшы башланғысты һайлап алған. Башҡортостан бер юлы өс еңеү яуланы.

Радий Хәбиров Ространснадзор вәкилдәре менән транспорт хәүефһеҙлеге мәсьәләләрен тикшерҙе

Башҡортостан башлығы Радий Хәбиров Ространснадзорҙың Волга буйы федераль округы буйынса төбәк-ара территориаль идаралығы етәксеһе урынбаҫары Александр Косолапов менән осрашты.
Яңы тәғәйенләнгән вәкил ведомствоның республикалағы эшенә туранан-тура етәкселек итәсәк һәм үҙ бурыстарын үтәүгә тотонған да инде.

Өфөлә йырсы һәм йәмәғәт эшмәкәре Ринат Байымов менән хушлаштылар

Мәрхүмде һуңғы юлға оҙатырға уның яҡындары, дуҫтары, коллегалары килде. Башҡортостан башлығы Радий Хәбиров Ринат Шәхметдин улының туғандарының ауыр ҡайғыһын уртаҡлашты.

Ырымбур өлкәһенең Пролетар ауылы мәктәбендә башҡорт теле буйынса факультатив курс асылды

Унда беренсе кластан алтынсыға тиклем башҡорт балалары шөғөлләнә. Ошо көндәрҙә Башҡортостандың мәғариф министрлығы, республика мәғарифты үҫтереү институты белгестәре ҡатнашлығында төбәктең туған тел уҡытыусылары өсөн семинар һәм уҡыусыларға асыҡ дәрес үткәрелде.

Республика йәмәғәтселеге Мостай Кәримде хөрмәтләп иҫкә алды

Башҡортостандың халыҡ шағиры тыуыуына 106 йыл тулыуға арналған саралар илдең төрлө төбәктәрендә уҙҙы. Өфөлә ул әҙиптең һәйкәленә сәскә һалыуҙан башланды. Республика Профсоюздар йорто алдында урынлашҡан скульптура алдында шағирҙың үҙе уҡыуындағы әҫәрҙәр ҙә яңғыраны. Шулай уҡ Мостай Кәрим исемендәге фондының быйылғы лауреаттары тәбрикләнде.

Федоровка районындағы «Шәүәли» мәсетенең тәүге юбилейына арналған байрам саралары үтте

Теүәл 10 йыл элек Татар Ҡоро Иҙәге ауылында ҡыҙыл кирбестән манаралы йорт ҡалҡып сыға, унда коллектив доғалар яңғырай, йома вәғәздәре һәм мосолман байрамдары үткәрелә башлай. Революцияға тиклемге осорҙа төбәктә мәсет урынлашҡан була.