Дәүләкән районы Суйынсы ауылында йәшәүселәр ташландыҡ мәҙәниәт йортона ҡарата борсолоу белдерә

Дәүләкән районы Суйынсы ауылында йәшәүселәр ташландыҡ мәҙәниәт йортона ҡарата борсолоу белдерә. Бер нисә йыл элек бина авария хәлендә булыуға бәйле, клубты ябыу тураһында ҡарар ҡабул ителгән. Урындағы халыҡ беҙҙең редакцияға мөрәжәғәт итеп, объекттың емерелеү ихтималлығын хәбәр иткәйне. Әле мәҙәниәт учреждениеһы элекке балалар баҡсаһы бинаһында эшләй. Күптәрҙе хәүефкә һалған мәсьәлә тураһында киләһе сюжетта.

Синоптиктар хәбәр итеүенсә, быйыл сентябрь ғәҙәттәгенән йылыраҡ була

Гидрометүҙәк мәғүүмәттәренә ярашлы, уртаса һауа температураһының норманан бер градусҡа юғарыраҡ булыуы көтөлә. Шулай уҡ айлыҡ яуым-төшөмдөң норманан тайпылмауы күҙаллана. Алдараҡ синоптиктар көҙҙөң тәңге өс көнө республикала эҫе тороуын хәбәр иткәйне. Бөгөн көндөҙ республикала һауға температураһының-29, иртәгә 28 градус йылыға етеүе фаразлана.

Башҡортостан аграрийҙарын ҡатмарлы ураҡ көтә

Республика аграрийҙарын ҡатмарлы ураҡ көтә- ямғырлы көндәр фаразланыуға бәйле, көнбағыш майҙандарында урып-йыйыу ваҡыты һуҙыла. Был турала Башҡортостан башлығы Радий Хәбиров етәкселегендә үткән оператив кәңәшмәлә хәбәр ителде. Бынан тыш төбәк етәксеһе Донбассҡа эш сәфәренә йомғаҡ яһап был аҙнала Ураларъяғында ойошторолған ҙур саралар тураһында хәбәр итте.

Радий Хәбиров ҡулға алынған Рәиф Абдахимовҡа ҡарата яҡлау һүҙе менән сығыш яһаны

Башҡортостан башлығы Радий Хәбиров ҡулға алынған «Башспирт» акционерҙар йәмғиәте директоры Рәиф Абдахимовҡа ҡарата яҡлау һүҙе менән сығыш яһаны.
Иҫегеҙгә төшөрәбеҙ, Рәиф Абдрахимов 30 августа вәкәләтен арттырыуҙа ғәйепләнеп ҡулға алынғайны. Радий Хәбиров билдәләүенсә, Рәиф Рамаҙан улы банкрот хәленә еткән «Башспирт» компанияһын тәртипкә килтереүгә, уны үҫтереүгә тос өлөш индерҙе.

Радий Хәбиров Рәсәй Хөкүмәтенең торлаҡ төҙөлөшө мәсьәләләре буйынса стратсессияһында ҡатнашты

Башҡортостан башлығы Радий Хәбиров видеоконференция режимында Рәсәй Хөкүмәтенең торлаҡ төҙөлөшө мәсьәләләре буйынса стратсессияһында ҡатнашты. Кәңәшмәне алып барыусы Рәсәй Хөкүмәте рәйесе Михаил Мишустин белдереүенсә, киләһе йылдан льгота ставкалары булған ипотека программалары икенсел торлаҡҡа ҡарата ла ҡулланыласаҡ.

Электрон сауҙа үҫешенә республикала ҙур иғтибар бирелә

Былтыр Благовещен районында Ozon логистика үҙәге файҙаланыуға тапшырылһа, әле «Вайлдберриз» халыҡ-ара компанияһы менән «Сбер» экосистемаһы төҙөгән тағы ике логистика комплексында эш бара. Был турала Башҡортостан башлығы социаль селтәрҙәге сәхифәләрендә яҙған.

Башҡортостан гранатометсылары дошман оборонаһын йыра

Артиллерия кесе, әммә нацизмға килтерелгән юғалтыуҙар ҙур. АГС- Автоматлаштырылған станоклы гранатомет расчеттары дошман оборонаһын йырыуҙа хәл иткес роль уйнай. Ҡорал ярҙамында шулай уҡ ҡаршы пехотаһы, бронетехника һөжүме лә кире ҡағыла. Яугирҙар штурмға барыусыларға ла ут менән ярҙам итә.

Башҡортостанда 130 һунарсыға айыу ауларға рөхсәт бирелде

130 һунарсыға айыу ауларға рөхсәт бирелде. Бөгөн Башҡортостандың Тәбиғәттән файҙаланыу һәм экология министрлығында ҡырағай йәнлектәргә һунар итеү өсөн йәрәбә ойошторолдо. Быйыл ул тәүге тапҡыр электрон рәүештә, махсус программа ярҙамында уҙғарылды. Әйткәндәй, һуңғы йылдарҙа айыуҙарҙың кешеләр янына сығыу осраҡтары арта.

Ишембайҙа ярты быуат элек һуҙылған торбалар алмаштырыла

Иҫкәртеү сараларына ҡарамаҫтан, селтәрҙәр туҙған-был йылылыҡ менән тәьмин итеү сифатына йоғонто яһай һәм юғалтыуҙарҙы арттыра. Бынан тыш, торбалар йылытыу миҙгелендә сафтан сығыуы ихтимал. Ремонт 30 сентябргә тиклем дауам итәсәк.

Республикала 800 студент маҡсатлы килешеү буйынса уҡый: Өфө предприятиелары менән киләсәккә юл

Өфө фән һәм технологиялар университетының урта һөнәри белем биреү институтына ҡабул ителгән 355 абитуриенттың 192-е маҡсатлы уҡытыуҙы һайлаған. Эре сәнәғәт менән төҙөлгән килешеүҙәр буйынса улар бер юлы биш һөнәр үҙләштерә ала, шулай уҡ юғары стипендияға дәғүә итә.

Өфө уҡыусылары Ломоносов маршрутын һынап ҡараны

«Торатау» геопаркы «Михаил Ломоносов. Донъяға яңыса ҡара». Фән һәм технологиялар ун йыллығы сиктәрендә тормошҡа ашырылған маршрутты тәүгеләрҙән булып Өфө уҡыусылары һынап ҡараны. Ломоносов исемендәге фәнни-популяр тур уникаль объекттар буйлап үтте.

Башҡортостанда боронғо скифтар ҡылысы - акинак табылған

Өфө фән һәм технологиялар университетының археология экспедицияһы Баймаҡ районында Ишмөхәмәт ҡурғанында ҡаҙылма эштәр алып бара. Ҡылыс беҙҙең эраға тиклем 8-се-7-се быуаттарға ҡарай, тип белдерә ғалимдар. Бында табылған бөтә ҡомартҡылар ентекле өйрәнеләсәк.

Башҡортостандан ашнаҡсы "Шефтар алышы" тамашаһында еңеү яуланы

Октябрьский ҡалаһынан Татьяна Абрамова балалар баҡсаларын аҙыҡ-түлек менән тәьмин итеү комбинатын етәкләй. Уның еңеүе тураһында социаль селтәрҙә Сауҙа һәм хеҙмәттәр министры Азат Асҡаров яҙып сыҡты. Татьяна Абрамова кастингта ғөбәҙиә, сәк-сәк, бауырһаҡ һәм урама тәҡдим иткән. - Беҙҙең ашнаҡсылар, республика аш-һыуы менән ғорурланабыҙ, - ти министр. "Шефтар алышы" тамашаһы "Пятница" телеканалында бара.

Бүздәк-Саҡмағош-Дүртөйлө юлында ремонт бара

Саҡмағош районын үҙәге һәм Яңы Ҡото ауылдары араһы тәртипкә килтерелә. Милли проект буйынса башҡарылған төҙөкләндереү эштәре сентябрь аҙағында тамамланырға тейеш. Транспорт һәм юл хужалығы министрлығынан хәбәр итеүҙәренсә, был юлға яҡын ауылдарҙа 60 меңгә яҡын кеше йәшәй. Трассанан тәүлегенә 2 мең машина үтә.

Башҡортостан Рәсәй баҙарына иген һатыуҙы арттырған

Ауыл хужалығын күҙәтеү хеҙмәтенән хәбәр итеүҙәренсә, республика предприятиелары 315 мең тонна тауар оҙатҡан. Уның ҙур өлөшө - бойҙай һәм арпа. Башҡортостан продукцияһы 28 төбәккә һатылған. "Халыҡ-ара кооперация" һәм экспорт милли проекты ғәмәлгә ашырыла. Уға ярашлы, алдағы йылдарҙа экспортты арттырыу маҡсаты ҡуйыла.

Республика райондары 9 яңы сүп ташыу машинаһы алған

Улар Бәләбәй, Саҡмағош, Бүздәк, Баҡалы райондарында һәм Октябрьский ҡалаһында йөрөй. Тәбиғәттән файҙаланыу һәм экология министрлығынан хәбәр итеүҙәренсә, техника махсус программа буйынса килтерелгән. Башҡортостан ҡаты көнкүреш ҡалдыҡтарын сығарыу өсөн тәғәйенләнгән яңы машиналар алыу буйынса илдә алдынғы төбәк тип танылды.

Республика парламентарийҙарының көҙгө сессияһы башлана

Дәүләт Йыйылышы-Ҡоролтай депутаттары эшкә тотона. Йәйге каникулдан һуң тәүге кәңәшмәлә парламент спикеры Константин Толкачёв эш планы менән уртаҡлашып, көҙгө сессияға бурыстарҙы билдәләне. Закон сығарыусыларҙы төбәктә уңайлы инвестиция климаты булдырыу буйынса тәҡдимдәр өҫтөндә эшләү, ҡарауһыҙ ҡалған хайуандар мәсьәләһендә мәрхәмәтлелеккә ирешеү, шулай уҡ республика халҡын социаль яҡлау сараларын киңәйтеү йүнәлешендә эшмәкәрлек көтә.

Республика парламенты көҙгө сессияла 30-ҙан ашыу закон проектын ҡараясаҡ

Дәүләт Йыйылышы-Ҡоролтай рәйесе Константин Толкачев белдереүенсә, тәү сиратта төбәк ҡануниәтен федераль нормаларға яраҡлаштырыу бурысы тора. Шулай уҡ киләһе йылға бюджет тураһында закон әҙерләнә. Махсус хәрби операцияла ҡатнашыусылар һәм уларҙың ғаиләләренә ярҙам мәсьәләләренә айырыуса иғтибар була. Көҙгө сессия барышында һыу буйҙарында хәүефһеҙлек, хәрби операция ветерандарына ярҙам, сәнәғәт сәйәсәте буйынса парламент тыңлауҙары ҡаралған. Тәүге пленар ултырыш 25 сентябргә тәғәйенләнгән.

Ҡыҫҡа ваҡытлы ялдан һуң Өфөнән махсус хәрби операция биләмәһенә бер төркөм яугирҙар юлланды

Ошо уңайҙан «Өфө-Арена» алдындағы майҙанда тантаналы митинг уҙҙы. Яугирҙарға Башҡортостан Хөкүмәте Премьер-министры урынбаҫары Ирек Сәғитов мөрәжәғәт итеп, уларҙың Рәсәйҙең хәрби дан көнө-милитаристик Японияны еңеү һәм 2-се донъя һуғышы тамамланған көндә юлға сығыуын тәрән мәғәнәгә эйә булыуын билдәләне.

Радий Хәбиров тәүге мобиль реабилитация комплексын ҡараны

Башҡортостан башлығы Радий Хәбиров терәк-хәрәкәт аппараты эшмәкәрлеге боҙолған кешеләргә тәғәйенләнгән мобиль реабилитация комплексын ҡараны. Тәүге күсмә модуль Президент гранты фонды аҡсаһына 2024 йылдың ноябрендә етештерелгән. Ошо ваҡыт эсендә ике йөҙҙән ашыу пациентҡа, шул иҫәптән махсус хәрби операция ветерандарына һауыҡтырыу-реабилитация хеҙмәттәре күрһәтелгән. Республика кимәлендә был комплекс мөмкинлектәрен тәүгеләрҙән булып Шишмә районында йәшәүселәр һынап ҡараған. Төбәк етәксеһе иғтибарына шулай уҡ күп маҡсатлы гидрореактив катер ҙа тәҡдим ителде.

Ғәйепһеҙлек дәлилләнәсәк: адвокат Рәсим Ғарифуллин Рәиф Әбдрәхимовты яҡланы

Барлыҡ инстанцияларҙа ла ғәҙеллеккә ирешеп, тикшереүгә ғәйепһеҙ булыу тураһында аныҡ дәлилдәр килтереләсәк. Адвокат Рәсим Ғарифуллин «Башспирт» ационерҙар йәмғиәте генераль директоры Рәиф Әбдрәхимовтың вазифа вәкәләттәрен арттырыуҙа ғәйепләнеүе бер ниндәй логикаға ла тура килмәүен һәм аңлайышһыҙ булыуын билдәләне.