Башҡортостан зәңгәр яғыулыҡ үткәреү буйынса илдә бер нисә ай дауамында алдынғы төбәктәр исемлегендә

Был турала республика башлығы Радий Хәбиров «Газ для России» телеграмм каналына интервьюһында хәбәр итте. Башҡортостанда һуңғы дүрт йыл эсендә 185 ауыл-ара газ үткәргесе төҙөлгән, 87 ауылға зәңгәр яғыулыҡ үткәрелгән, 16 мең йорт газға тоташтырылған. Йыл аҙағына тиклем республикала тағы ла 33 ауылды зәңгәр яғыулыҡҡа тоташтрырыу күҙаллана.

Өфөнән Татьяна Овчинникова-«Финист» менән «Ҡарлуғас» электропоездарының 5 миллионынсы пассажиры

Был турала Башҡортостан башлығы Радий Хәбиров социаль селтәрҙәр аша хәбәр итеп, Татьянаға ҡотлау һүҙҙәрен еткерҙе. Билетты ул Силәбегә тиклемге яңы эскпрессҡа һатып алған. Кропачёв ҡасабаһында йәшәгән ағаһының тыуған көнөнә саҡырылған булған. Ҡыҙ Башҡортостан ҡала яны пассажирҙар компанияһынан иҫтәлекле бүләктәр алды. Төбәк етәксеһе билдәләүенсә, һуңғы йылдарҙа Рәсәй тимер юлдары менән республикала йәшәүселәрҙең уңайлығын күтәреү буйынса алып барылған эш үҙ һөҙөмтәләрен бирә.

Фронт менән тыл араһында – йөрәк ептәре: Йылайыр ирекмәндәренең изге эше

Яуҙа сыныҡҡандар бер генә хәрби бәрелештәрҙән дә ситтә ҡала алмай. Тап улар һуғыштың ни тиклем ауыр һәм һалдаттарға тыл, яҡындар, дуҫтар терәге мөһим икәнлеген яҡшы аңлай.
Йылайыр районының хәрби туғанлыҡ ойошмаһы егеттәре лә ошондай битараф ҡала алмаған яҡташтарыбыҙ. Улар үҙ көсө менән гуманитар ярҙам туплап махсус хәрби операция биләмәһенә йөрөтә.

Ишембай районы халҡы махсус хәрби операцияла ҡатнашыусыларға гуманитар ярҙамды даими оҙата

Алаҡай һәм Скворчиха ауылдарында йәшәүселәр ҙә ирекмәнлек хәрәкәтенә ҡушылған. Маскировка селтәрҙәре үреү булһынмы, бал продукцияһы, шифалы үләндәр әҙерләүме-изге эш берҙәм көс менән башҡарыла. Алғы һыҙыҡтағыларға терәк булған замандаштарыбыҙ тураһында киләһе материал.

Бөрөлә махсус хәрби операцияла һәләк булған яугирҙар иҫтәлегенә мемориал таҡтаташ асылды

Хәтер комплексын асыу тантанаһында хәрбиҙәрҙең туғандары, яҡташтары, йәмәғәт ойошмалары вәкилдәре, мәктәп уҡыусылары ҡатнашты. Мемориал хәрби хәрәкәттәр ветерандары һәм ватан һаҡсыларының яҡындары тәҡдиме менән сафҡа индерелгән.

Иглин районында педагогтар Яңы уҡыу йылы алдынан «Август кәңәшмәһенә» йыйылды

Уҡытыусылар уҙған уҡыу йылы һөҙөмтәләрен барлап, яңы маҡсаттар билдәләне. Семинарҙа ҡатнашыусылар мәғариф системаһында 1 сентябрҙән ғәмәлгә ингән үҙгәрештәр, федераль министрлыҡ тарафынан раҫланған яңы ҡарарҙар буйынса эш планын билдәләне.

Өфөлә һаулыҡ һаҡлауҙа сифат һәм хәүефһеҙлек буйынса Бөтә Рәсәй конгресы башланды

Өфөлә «Һаулыҡ һаҡлау өлкәһендә сифат һәм хәүефһеҙлек биләмәһе. Клиник практикала сифат менеджменты системаһы» тип исемләнгән Бөтә Рәсәй конгресы башланды. Ике көнгә иҫәпләнгән сарала медицина ярҙамы күрһәтеү, шулай уҡ ғүмер оҙайлығын, тыуымды арттырыу кеүек көнүҙәк мәсьәләләр ҡарала.

Быйыл Ғафури районының Ҡотлоғужа һәм Игенйылға ауылдарында яңы фельдшер-акушерлыҡ пункты төҙөлгән

Быйыл Ғафури районының Ҡотлоғужа һәм Игенйылға ауылдарында яңы фельдшер-акушерлыҡ пункты төҙөлгән. Медицина учреждениелары халыҡҡа беренсел сифатлы медицина ярҙамын күрһәтеү өсөн кәрәкле ҡорамалдар менән йыһазландырылған. Игенйылға ауылында Фельдшер-акушерлыҡ пунктын асыу тантанаһын беҙҙең ижади төркөм дә күҙәтте. Тулыраҡ киләһе яҙмала.

Өфөләге вуз-ара студенттар кампусында ғаилә ялы ойошторолдо

Йолаға әйләнгән сара был юлы яҡынлашып килгән Белем көнөнә арналды. «Бергәләп мәктәпкә: сентярҙе нисек еңел үткәрергә» тип аталған сараны Башҡортостандың Ғаилә, хеҙмәт һәм халыҡты социаль яҡлау министрлығы менән «Ғаилә» хеҙмәте ойошторҙо.

Башҡортостанда аҙна эсендә тәбиғәттә аҙашҡан кешеләр буйынса 6 осраҡ теркәлгән

Аҙна башынан Башҡортостанда тәбиғәттә, урманда һәм һыу ятҡылыҡтарында аҙашҡан, юғалған кешеләр буйынса алты осраҡ теркәлгән. Ғәҙәттән тыш хәлдәр буйынса дәүләт комитеты мәғлүмәттәренә ярашлы, ҡотҡарыу хеҙмәте 11 кешегә, шул иҫәптән 2 балаға ярҙам күрһәткән. Бәшмәк йыйғанда, балыҡ ҡармаҡлағанда, тауға күтәрелгәндә ҡайтыр юлды таба алмаусылар, шулай уҡ һуңға ҡалып, яҡындарын хәүефкә һалыусылар ҙа булған.

Радий Хәбиров Донбасста «Башҡортостан» полкы яугирҙары менән осрашты

Төбәк етәксеһе алғы һыҙыҡта ватан һаҡсыларының йәшәү шарттары, медицина пункты, ашхана эшмәкәрлеге һәм хәрби техника менән танышты. Радий Хәбиров ир-егеттәр менән аралашып, республиканан оҙатылған гуманитар ярҙам буйынса хәрбиҙәрҙең теләктәрен һорашты.

Радий Хәбиров Донбасстағы «Саур-могила» мемориалында Мәңгелек утҡа сәскә һалды

Донбасҡа эш сәфәре барышында Башҡортостан башлығы Радий Хәбиров Донецк халыҡ республикаһы башлығы Денис Пушилин менән бергә «Саур-могила» мемориаль комплексындағы Мәңгелек утҡа сәскә һалды.

Хәрби хеҙмәткә алыныусылар тәүге көндән уҡ атыу, һөжүм һәм разведка серҙәренә өйрәнә

Яңы хәрби хеҙмәткә алыныусы бер генә һалдат та әҙерлекһеҙ яуға инмәй. Оборона министрлығы менән килешеү төҙөүселәрҙе шундуҡ алғы һыҙыҡҡа ебәрәләр тигән хәбәр дөрөҫлөккә тап килмәй, ти махсус хәрби операция биләмәһендә эшләгән полигон инструкторҙары. Ул ғына ла түгел, күпте күреп өлгөргән яугирҙар ҙа даими күнекмәләр үтеп тора. Һуғыш алып барыу шарттары йылдам үҙгәргән мәлдә башҡаса мөмкин түгел.

Өфөлә «Һөт иле» ауыл хужалығы фестивале үтте

Ҡашҡаҙан майҙаҙында республика фермерҙары һәм һөт предприятиелары тиҫтәләгән төрлө продукция тәҡдим итте, һөт ризыҡтары күргәҙмәһе ойошторолдо. Фестивалдә ҡатнашыусы һәр кем һөт тәмләп ҡарап, туңдырма менән һыйланды. Сауҙа майҙансыҡтарында һөт продукцияһынан тыш, йәшелсә-емеш, ит, бал һәм башҡа ризыҡтар тәҡдим ителде. Фестивалдә 100 мең самаһы кеше ҡатнашты.

Салауат Юлаев һәйкәленең ҡурғаны киҫелмәйәсәк

Башҡортостандың мәҙәни мираҫ объекттарын дәүләт һаҡлауы буйынса идаралыҡта Салауат Юлаев һәйкәле реставрацияһы ваҡытында уның ҡурғанын киҫеп алалар тигән мәғлүмәтте иңҡар иттеләр. Постамент ҡуйылған ер участкаһын нығытыу ғына ҡаралған.

Шишмә районы Яңы Киевка ауылында йәшәүселәр тиҫтә йылдар дауамында юлһыҙ интегә

Ямғырлы йәйҙә, яҙын һәм көҙөн ауылға илткән юл аҡтарылып, тәрән кәлейә хасил була, еңел автомобилдәр, автобустар йөрөй алмай. Халыҡ ашығыс ярҙам каретаһы, янғын һүндереү хеҙмәттәре ваҡытында килеп өлгөрмәй, тип зарлана. Яңы Киевкаға илткән юлдарҙан беҙҙең ижади төркәм дә үтеп ҡараны.

Башҡортостанда киҫкен респиратор сирҙәр артасаҡ: табиптар прививка яһатырға саҡыра

Сентябрҙә республикала киҫкен респиратор вируслы инфекциялар менән ауырыусылар ике тапҡырға артып, 20 мең кешегә етеүе ихтимал. Эпидемиологтар һалҡын тейеү миҙгеленә әҙер булырға кәңәш итә. Тәү сиратта, профилактикаға иғтибарҙы арттырырға кәрәк. Әле поликлиникаларҙа прививка кампанияһы башланған. Гриптан вакцинаны өлкәндәр ҙә, балалар ҙа бушлай яһата ала. Табиптар билдәләүенсә, был сирҙән һаҡланыуҙың иң һөҙөмтәле ысулы.

Башҡорт дәүләт педагогия университетында беренсе курс студенттары өсөн адаптация сменаһы бара

Мифтахетдин Аҡмулла исемендәге Башҡорт дәүләт педагогия университетында беренсе курс студенттары өсөн адаптация сменаһы бара. Өс көн дауамында юғары уҡыу йортона ингән егет-ҡыҙҙар вуз менән таныша, студент тормошона әҙерләнә. Быйыл махсус смена 9-сы йыл рәттән ойошторола.

Радий Хәбиров эш сәфәре менән махсус хәрби операция биләмәһендә булды

Был республика етәксеһенең Донбасҡа алтынсы сәфәре. Радий Фәрит улы башҡорт һалдаттары менән осрашты. Төбәк башлығы билдәләүенсә, «Башҡортостан» полкы-иң һөҙөмтәле подразделениеларҙың береһе. Уның төп составында, башлыса, республикала тыуған ир-егеттәр хеҙмәт итә, әммә башҡа төбәктәрҙән дә яугирҙар бар. Ер аҫты позициялары ысын ҡаласыҡты хәтерләтә. Блиндаждарҙа командование пункты, ашхана, күнекмәләр залы ла бар. Радий Хәбиров яугирҙарға дәүләт наградалары тапшырҙы, шулай уҡ ғәҙәттәгесә, иҫән-һау тыуған яҡҡа әйләнеп ҡайтыуҙарын теләне.

Республикала 45 мең беренсе класс уҡыусыһы өсөн тәүге мәктәп ҡыңғырауы яңғыраясаҡ

Уларҙың 1 мең 200-ҙән ашыуы махсус хәрби операцияла ҡатнашыусыларҙың балалары. Йәмғеһе Башҡортостан мәктәптәре 519 мең 657 малай-ҡыҙҙы ҡаршы ала. Бөгөн төбәктең барлыҡ белем усаҡтарында уҡыу йылы башланыу уңайынан дәүләт флагтары күтәрелә, тантаналы линейкалар уҙа, асыҡ дәрестәр үтә.

Иглин районы Петрово-Федоровка ауылына нигеҙ һалыныуға 100 йыл тулды

Ошо уңайҙан ауыл эргәһендәге күркәм тәбиғәт ҡосағында байрам тантанаһы үтте. Сарала биләмә үҫешенә тос өлөш индергән ауылдаштарға рәхмәт хаттары һәм иҫтәлекле бүләктәр тапшырылды. Район мәҙәниәт йорто артистары байрамға йыйылыусыларға сағыу концерт программаһы тәҡдим итте. Ошонда уҡ балалар майҙансығы эшләне, хужабикәләр милли аш-һыуҙарын тәҡдим итте.