Башҡортостанда «БСК» заводындағы шартлау осрағы буйынса ғәйепләнеүселәр ҡулға алынды

Иҫегеҙгә төшөрәбеҙ, ғәҙәттән тыш хәл һөҙөмтәһендә бер кешенең ғүмере өҙөлдө, 41-е йәрәхәтләнде. Предприятиеның хеҙмәтте һаҡлау буйынса директоры «һаҡһыҙлыҡ буйынса кеше үлеменә килтергән хәүефле производство объекттарының сәнәғәт хәүефһеҙлеге талаптарын боҙоуҙа», урындағы Ростехнадзор бүлеге етәксеһе-вайымһыҙлыҡта ғәйепләнә. Улар йорт аресына ултыртылған.

Иглин районы ирекмәндәре ҡыҫҡа ваҡытлы ялға ҡайтҡан махсус хәрби операция яугиры менән осрашты

«Бөтәһе лә Еңеү өсөн». Иглин районы ирекмәндәре ҡыҫҡа ваҡытлы ялға ҡайтҡан махсус хәрби операция яугиры менән осрашты.
Иглин ирекмәндәре илебеҙҙе нацистарҙан һаҡлаусы ир-егеттәр менән осрашыуҙарҙы даими үткәрә. Штаб етәксеһе Елена Полякова яугирҙарға штаб цехтары буйлап экскурсия үткәрҙе.

Өфө фән һәм технологиялар университетына быйыл 40 абитуриент имтиханһыҙ ҡабул ителгән

Имтиханһыҙ уҡырға инеү менән бергә, юғары стипендия. Өфө фән һәм технологиялар университетына быйыл 40 абитуриент имтиханһыҙ ҡабул ителгән. Уларҙың 7-е башҡорт филологияһы, шәрҡиәт һәм журналистика факультетына үткән.

Өфөлә мәктәп етәкселәре өсөн стратегик сессия башланды

Өфөлә мәғариф учреждениелары етәкселәре өсөн «Оҙайлы планлаштырыу» тип исемләнгән стратегик сессия старт алды. Ике көнгә иҫәпләнгән сараны баш ҡала хакимиәтенең мәғариф идаралығы «Горожанин» фонды менән берлектә уҙғара. 16 академик сәғәткә иҫәпләнгән уҡыуҙар эмоциональ яныуҙы иҫкәртеүгә арналған.

Дәүләкән районының Калиновка ауылында йәйге халыҡ-ара аэрокосмос мәктәбенең яңы сменаһы асылды

Дәүләкән районының Калиновка ауылында йәйге халыҡ-ара аэрокосмос мәктәбенең яңы сменаһы асылды. Проект 14-се йыл рәттән балалар өсөн бушлай тормошҡа ашырыла.

Өфөлә Белоруссиянан килгән уҡыусылар хәрби-патриотик тәрбиә ала

Башҡортостан тарихы менән таныша, бейеү һәм йырҙарҙы өйрәнә. «Патриот» паркында ойошторолған «Берҙәмлек көсө» халыҡ-ара профилле смена сиктәрендә Белоруссиянан килгән балалар ял итә. Бында улар хәрби-патриотик тәрбиә ала, ижад менән шөғөлләнә, яңы дуҫтар таба.

Аҡъярҙа «Хәйбулла-шоу» район йәштәр концерт программалары конкурсының Гала-концерты үтте

Аҡъяр ауылы мәҙәниәт һәм ял паркында «Хәйбулла-шоу» район йәштәр концерт программалары конкурсының Гала-концерты үтте. Быйылғы сара Бөйөк Ватан һуғышында Еңеүҙең 80 йыллығы һәм Ватанды һаҡлаусылар йылына арналды.

Башҡортостанда мутлашыусыларҙың балаларҙы алдау осрағы арта

Эске эштәр министрлығынынан хәбәр итеүҙәренсә, Октябрьский ҡалаһында 9 йәшлек малай онлайн уйынға әүрәп "бушлай приз" тигән һылтанмаға инә. Уны әсәһенең банк картаһын фотоға төшөрөп ебәрергә күндергәндәр. Картанан 250 мең һум юҡҡа сыҡҡан. Ошоға оҡшаш хәл Бәләбәйҙә булған. 9 йәшлек ҡыҙ арзан уйын валютаһы алырға теләп әсәһенең телефонынан QR-кодты асҡан, банк иҫәбенән шулай уҡ 250 мең һум аҡса юғалған.

Башҡортостанда катер етештереүҙе яйға һалырға тәҡдим иттеләр

Республика үҫеш корпорацияһы инвесторҙар өсөн бизнес-идея әҙерләгән. Уға ярашлы, Ағиҙел ҡалаһында бәләкәй суднолар төҙөләсәк. Бының өсөн 200 миллион һумдан ашыу аҡса кәрәк. - Бөгөн судно төҙөү сәнәғәтенә дәүләттән ҙур ярҙам бүленә. Эске туризм үҫеше лә тармаҡҡа ҡеүәт бирә. Ағиҙелдә тиҙҙән йылға порты яңыртыла. Бында суднолар етештереүҙе яйға һалыу инвестор һәм муниципалитет өсөн әһәмиәтле буласаҡ, тип белдерҙе корпорацияның генераль директоры Наиль Ғәббәсов. Башҡортостан үҫеш корпорацияһы инвестиция проекттары үтәлешенә һәр төрлө ярҙам күрһәтеү буйынса эш алып бара.

Башҡортостанда тәжрибә уртаҡлашыусы табиптарға өҫтәмә аҡса түләнә

Һаулыҡ һаҡлау министрлығы һәм Һаулыҡ һаҡлау өлкәһе хеҙмәткәрҙәре профсоюзы педагогик эшмәкәрлек буйынса килешеүгә төҙәтмәләр ҡабул итте. Уға ярашлы, остазлыҡ өсөн окладтың кәмендә 15 проценты күләмендә аҡса түләнәсәк. Шулай уҡ остазлыҡ, фәнни эшмәкәрлек, хеҙмәткәрҙәрҙе уҡытыу, студенттарҙың практикаһы менән шөғөлләнеүсе табиптар һәм урта медицина персоналы 56 көнгә тиклем отпуск алырға хоҡуҡлы була. Төҙәтмәләр федераль ҡануниәткә үҙгәреш индерелеүгә бәйле ҡабул ителгән.

Дәүләкән-Талбазы юлында Дим йылғаһы аша күперҙе ремонтлау тамамланыу алдында

Төҙөкләндерелгән объект сентябрҙә асыласаҡ тип күҙаллана. Ремонт ваҡытына транспорт хәрәкәте светофор менән көйләнә һәм бер һыҙат аша ғына рөхсәт ителә. Республика буйынса барлығы 19 күперҙә ремонт эштәре дауам итә.

Өфөлә бәләкәй хужалыҡтар өсөн заманса күмәртә-логистика үҙәге булдырылған

Платформа үҙебеҙҙең ауыл хужалығы етештереүселәренә ярҙам итеү маҡсатында тормошҡа ашырылған. Мокроусов ауылындағы объект республикала өҫтөнлөклө инвестиция проекттары исемлегендә. Йәлеп ителгән аҡсаларҙың дөйөм күләме 338 миллион һум.

Ишембай районы Кинйәбулат ауылында йәшәүселәр-алғы һыҙыҡтағы яугирҙарҙың ышаныслы тылы

Маскировка селтәрҙәре үреү, юрған тегеү, окоп шәмдәре эшләү булһынмы, шәхси посылкалар әҙерләүме-һәр кем гуманитар ярҙам туплауҙа әүҙемлек күрһәтә. Ирекмәндәр мәктәп бинаһында эшләй. Септә өсөн барлыҡ материалдар урындағы халыҡ йыйған аҡсаға һатып алына. Умартасылар ҙа ярҙамһыҙ ҡалдырмай, махсус хәрби операция биләмәһенә даими рәүештә бал продукцияһы оҙатыла. Төрлө һөнәр эйәләре Еңеүҙе яҡынайтыуға үҙ өлөшөн индерергә тырыша.

Айҙар Шәриповтың «Курум» китабының исем туйы Өфөлә үтте

Тормошҡа ижади ҡараш. Өфөлә БСТ каналы телеоператоры, Башҡортостандың атҡаҙанған матбуғат һәм киң мәғлүмәт саралары хеҙмәткәре Айҙар Шәриповтың «Курум» тип исемләнгән яңы китабы исем туйы үтте. Хикәйә ысын ваҡиғаларға нигеҙләнеп яҙылған.

Өфө уҡыусыһы Экология буйынса халыҡ-ара олимпиадала ҡатнаша

93-сө лицейҙан София Салангина Рәсәй йыйылма командаһына йәлеп ителде. Интеллектуаль бәйге 13-20 сентябрҙә үтә. Олимпиада ике этапта уҙғарыла. Тәүҙә командалар теория һорауҙарына яуап бирә. Унан һуң лабораторияла оҫталығын күрһәтә.

Радий Хәбиров «Полиэф» предприятиеһын 40 йыллыҡ юбилейы менән ҡотланы

Радий Хәбиров «Полиэф» заводы коллективын, ветерандарын, Благовещен ҡалаһы халҡын предприятие юбилейы менән тәбрикләне. Ҡотлау һүҙҙәрен ул социаль селтәрҙәрендә яҙған. 40 йыл элек, 1985 йылда Башҡорт производство берекмәһенең «Химволокно» дирекцияһы ойошторола. Хәҙер уны «Полиэф» тип беләбеҙ.

Сибайҙа йәшәүсе Ғәлимә Исмәғилева өлкән йәштә булыуына ҡарамаҫтан МХО-ла ҡатнашыусыларға ярҙам итә

Сибайҙа йәшәүсе Ғәлимә Исмәғилева өлкән йәштә булыуына ҡарамаҫтан махсус хәрби операцияла ҡатнашыусыларға ярҙам итә. 90 йәшлек юбилейын ҡаршы алырға әҙерләнгән ханым маскировка селтәрҙәре үреп, йылы ойоҡбаштар бәйләй. Уның атаһы Нурислам Хәмитов Бөйөк ватан һуғышы ветераны булған. Тормош иптәше Ваһап Исмәғилев һуғыш йылдарында Берлинға тиклем барып етеп аҙаҡ Япония һуғышында ҡатнашҡан. Бөгөн Ғәлимә Исмәғилева махсус хәрби операциянан өс ейәнен көтә, шуға ла ватан һаҡсыларына ярҙам итеү эшенән ситтә ҡалмай.

Курск» һәләкәтенә-сирек быуат

«Курск» һәләкәтенә-сирек быуат. Атом һыу аҫты кәмәһе 25 йыл элек Баренц диңгеҙе төбөнә китә, һөҙөмтәлә 118 диңгеҙсенең ғүмере өҙөлә. Уларҙы иҫкә алыу саралары Рәсәйҙең төрлө төбәктерендә үтте. Өфөләге Валериан Альбанов исемендәге ҡотопсолар музейында иһә тыныс тормошта ил алдындағы бурысын үтәгәндә һәләк булған яҡташтарыбыҙға бағышланған күргәҙмә асылды.

Башҡортостан табиптарына остазлыҡ өсөн өҫтәмә аҡса түләнәсәк

Башҡортостанда табиптар остазлыҡ эше өсөн өҫтәмә аҡса аласаҡ, шулай уҡ отпусканы ла оҙайтыу мөмкинлегенә эйә буласаҡтар. Башҡортостандың Һаулыҡ һаҡлау министрлығы педагогик эшкә булышлыҡ итеү тураһындағы килешеүгә төҙәтмәләр индерҙе. Яңылыҡ федераль ҡануниәттең үҙгәреүе менән бәйле. Документҡа ярашлы, республикала тәүге тапҡыр остазлыҡ эше өсөн өҫтәмә түләү индерелә. Ул эш хаҡының 15 процентынан да кәм булмаясаҡ.

Өфөлә электр самокаттар хәрәкәтенә сикләүҙәр индерелде

Ҡайһы бер парк һәм скверҙарҙа бөтөнләй йөрөп булмаясаҡ. Самокаттар үҙенән үҙе һүнәсәк. Шулай уҡ 149 юл киҫелеше һәм 19 йәмәғәт биләмәһендә шәхси мобиль сараларының максималь тиҙлеге автоматик рәүештә кәмейәсәк. Электр самокаттар өсөн тағы ла ниндәй яңылыҡтар көтөлә? Ҡәтғи сараларҙың әһәмиәте тураһында тулыраҡ киләһе яҙмала

Мәләүез районында 150 меңдән ашыу иген урып-йыйыу күҙаллана

Бынан тыш, төбәк аграрийҙары урта сортлы кәбеҫтә алыуға ла төшкән. Йәшелсәлек эшен урында Османовтар ғаиләһе алып бара. Улар был тармаҡта 2000 йылдар башынан махсуслашҡан. Тулыраҡ киләһе яҙмала.