Баш ҡалала Брайль шрифтына бағышланған байрам үтте

Брайль шрифтына бағышланған осрашыу. Мәкәрим Төхвәтшин исемендәге һуҡырҙар өсөн махсус республика китапханаһы үҙенең 90 йыллығына арналған саралар шәлкемен дауам итә. Бөгөн Әхмәтзәки Вәлиди исемендәге Милли китапхана майҙансығында махсуслашҡан учреждение күләмле сара ойошторҙо.

Өфөнөң Көрәш һарайында йөҙөү буйынса уҡыу-күнекмә сборҙары үтә

Унда Мәскәү өлкәһе спортсылары ҡатнаша. Күнекмәләрҙе күп йыллыҡ стажы булған тәжрибәле остаз-Рәсәйҙең атҡаҙанған тренеры Игорь Тверяков уҙғара. Ярыштарға әҙерлек өсөн Көрәш һарайы осраҡлы һайланмпаған-бында күнекмәләр уҙғарыу өсөн бөтә шарттар ҙа бар, йөҙөүселәр спорт комплексы биләмәһендә йәшәй.

Башҡортостанда урман янғындары видеокамера ярҙамында иҫкәртелә

10 районда 25 видеокүҙәтеү комплексы урынлаштырылған. Улар бер системаға берләштерелгән. 4 йыл эсендә ошондай ҡоролмалар ярҙамында 78 ут сығыу осрағы асыҡланды, тип яҙа Радий Хәбиров социаль селтәрҙә. Видеокамера урманда төтөн таралыуын 25 километр алыҫлыҡтан теркәй ала. Алынған мәғлүмәт диспетчерҙарға тапшрыыла. Утты таралып өлгөргәнсе һүндереү мөмкинлеге була. Ғәҙәттән тыш хәлдәр министрлығынан хәбәр итеүҙәренсә, быйыл Башҡортостанда 13 урман янғыны теркәлгән.

Предприятиеларҙа сәләмәтлекте нығытыу буйынса программалар ҡулланыла

Республика хөкүмәте ултырышында ошо мәсьәлә ҡаралды. Төп маҡсат - хеҙмәткәрҙәрҙең физик әүҙемлеген яҡшыртыу, стресты кәметеү, дөрөҫ туҡланыу, тәмәкенән баш тартыу, хәмер эсеүҙе сикләү. Премьер-министр Андрей Назаров белдереүенсә, хроник сирҙәрҙең 70 проценттан күберәге йәшәү рәүешенә бәйле. Бөгөн 145 ойошмала сәләмәтлекте яҡшыртыу буйынса программа ҡабул ителгән. Быйыл тағы 100 предприятиеның ошондай тәжрибәне ҡуллана башлауы көтөлә.

Республикала баҡса юлдары төҙөкләндерелә

Бәләбәй, Ҡырмыҫҡалы, Кушнаренко райондарында, Сибай һәм Өфө ҡалаларында 8 юл ремонтланған. Тағы 16 урында эш бара. Башҡортостан башлығы Радий Хәбиров социаль селтәрҙә ошо турала белдергән. “Тәртипкә килтерелгән юлдар 23 баҡсасылыҡ ширҡәтенә алып бара. Уларҙың оҙонлоғо 8 ярым километр. Биләмәлә 5 меңдән ашыу участка урынлашҡан. Бында 400 самаһы кеше даими йәшәй”, - тигән Радий Хәбиров. Быйыл баҡса юлдарын тәртипкә килтереү өсөн 150 миллион һум бүленгән. “Транспорт һәм юл хужалығы министрлығына эш барышын иғтибарҙа тоторға кәрәк. Юлдарҙы төҙөкләндереү ваҡытында тамамланырға тейеш”, - тигән республика етәксеһе.

Ҡатын-ҡыҙҙар хоккей лигаһында яңы миҙгел календары иғлан ителде

Даими беренселек 20 сентябрҙә башлана. Тәүге уйын уҙған миҙгел чемпионы Өфөнән "Ағиҙел" һәм финалист Санкт-Петербургтан "Динамо-Нева" араһында була. Һәр команда 36 уйын уҙғара. Плей-офф 10 мартта старт ала.

Башҡорт балеты Ҙур театр сәхнәһендә күрһәтелә

26 ноябрҙә Башҡорт дәүләт опера һәм балет театры коллективы Мәскәүгә юллана. Бында Бөтә Рәсәй музыкаль театрҙар фестивале уҙғарыла. Мәскәү тамашасыһына "Ете ҡыҙ" балеты тәҡдим ителә. Уның премьераһы былтыр булды. Сюжеты башҡорт легендаһына нигеҙләнгән.

Шәйхзада Бабич исемендәге йәштәр премияһына ғаризалар ҡабул итеү оҙайтылды

Документтарҙы 20 авгусҡа тиклем тапшырырға мөмкин, тип хәбәр итәләр Йәштәр сәйәсәте министрлығынан. Шәйхзада Бабич исемендәге премия мәҙәни ҡаҙаныштар өсөн бирелә. Награда һәләтле һәм әүҙем йәштәрҙең ижади мөмкинлектәрен үҫтерергә булышлыҡ итә. Республика Башлығы ҡарары менән премия суммаһы 150 мең һумдан 500 мең һумға тиклем еткерелде.

Ишембай районы Хажы ауылына зәңгәр яғыулыҡ үткәрелә

Урындағы халыҡ өсөн көтөп алынған ваҡиға. Ишембай районы Хажы ауылына зәңгәр яғыулыҡ үткәрелә. Әлегә биләмәлә ер эштәре башҡарыла, газ бүлеү селтәрҙәре һалына. Тораҡ пункттарҙы газ менән тәьмин итеү программаһы буйынса башҡарылған

Мәләүез районы Ергән ауылында табип амбулаторияһы асылды

Социаль проект «Оҙон ғүмер һәм әүҙем тормош»милли проекты ярҙамында тормошҡа ашырылған. Табип амбулаторияһы заманса медицина ҡорамалдары һәм мебель менән йыһазландырылған. Яңы бинала пациенттарҙы ҡабул итеү зонаһы, терапевт, педиатр кабинеты, ҡарау, прививка яһау, процедура бүлмәләре, көндөҙгө стационар, санузел һәм медикаменттар һаҡлау өсөн шарттар бар.

Өфөлә янғын эҙемтәләре менән көрәш бер айҙан ашыу дауам итә

Төнгө янғын эҙемтәләре. 28 июлдә Өфөнөң Маяковский урамы 24-се йорт адресы буйынса беренсе ҡатта янғын сыға. Хәүефле урында тактик елләтеү алымы ҡулланыла, янғын һүндереүселәр 13 өлкән кешене һәм ике баланы ҡотҡара. Янғындан һуң, халыҡ эҙемтәләр менән нисек көрәшә?

Быйыл Башҡортостан мәктәптәрендә 8 яңы стоматология кабинеты асылырға тейеш

Радий Хәбиров хәбәр итеүенсә, әле республикала 247 мәктәптә ошондай кабинеттар асылған. Уҙған йылда ғына уларҙа 257 мең баланың сәләмәтлеге тикшерелгән. - Балаларҙың йылмайыуы беҙҙең өсөн мөһим. Сәләмәт йылмайыу иһә икеләтә ҡиммәт. Башҡортостанда ошоға ынтылабыҙ, - ти Радий Хәбиров.

Башҡортостанда «Толпар» комплексы балаларға сәләмәт йылмайыу бүләк итә

Башҡортостан башлығы Радий Хәбиров социаль селтәрҙә 2020 йылдан республика төбәктәре буйлап сәфәр ҡылған «Толпар» балалар күсмә стоматологик комплексы эшмәкәрлеге һөҙөмтәләре менән таныштырҙы.
Төбәк етәксеһе белдереүенсә, 5 йыл дауамында Өфөнөң 3-сө балалар стоматология поликлиникаһы табиптары бөтә республиканы тиерлек урап сыҡҡан, балалар социаль учреждениеларында, иң төпкөл биләмәләрҙә лә булған. Аҡ халатлылар 13 мең баланың тештәрен дауалаған.

Башҡортостанда «БСК» заводындағы шартлау осрағы буйынса ғәйепләнеүселәр ҡулға алынды

Иҫегеҙгә төшөрәбеҙ, ғәҙәттән тыш хәл һөҙөмтәһендә бер кешенең ғүмере өҙөлдө, 41-е йәрәхәтләнде. Предприятиеның хеҙмәтте һаҡлау буйынса директоры «һаҡһыҙлыҡ буйынса кеше үлеменә килтергән хәүефле производство объекттарының сәнәғәт хәүефһеҙлеге талаптарын боҙоуҙа», урындағы Ростехнадзор бүлеге етәксеһе-вайымһыҙлыҡта ғәйепләнә. Улар йорт аресына ултыртылған.

Иглин районы ирекмәндәре ҡыҫҡа ваҡытлы ялға ҡайтҡан махсус хәрби операция яугиры менән осрашты

«Бөтәһе лә Еңеү өсөн». Иглин районы ирекмәндәре ҡыҫҡа ваҡытлы ялға ҡайтҡан махсус хәрби операция яугиры менән осрашты.
Иглин ирекмәндәре илебеҙҙе нацистарҙан һаҡлаусы ир-егеттәр менән осрашыуҙарҙы даими үткәрә. Штаб етәксеһе Елена Полякова яугирҙарға штаб цехтары буйлап экскурсия үткәрҙе.

Өфө фән һәм технологиялар университетына быйыл 40 абитуриент имтиханһыҙ ҡабул ителгән

Имтиханһыҙ уҡырға инеү менән бергә, юғары стипендия. Өфө фән һәм технологиялар университетына быйыл 40 абитуриент имтиханһыҙ ҡабул ителгән. Уларҙың 7-е башҡорт филологияһы, шәрҡиәт һәм журналистика факультетына үткән.

Өфөлә мәктәп етәкселәре өсөн стратегик сессия башланды

Өфөлә мәғариф учреждениелары етәкселәре өсөн «Оҙайлы планлаштырыу» тип исемләнгән стратегик сессия старт алды. Ике көнгә иҫәпләнгән сараны баш ҡала хакимиәтенең мәғариф идаралығы «Горожанин» фонды менән берлектә уҙғара. 16 академик сәғәткә иҫәпләнгән уҡыуҙар эмоциональ яныуҙы иҫкәртеүгә арналған.

Дәүләкән районының Калиновка ауылында йәйге халыҡ-ара аэрокосмос мәктәбенең яңы сменаһы асылды

Дәүләкән районының Калиновка ауылында йәйге халыҡ-ара аэрокосмос мәктәбенең яңы сменаһы асылды. Проект 14-се йыл рәттән балалар өсөн бушлай тормошҡа ашырыла.

Өфөлә Белоруссиянан килгән уҡыусылар хәрби-патриотик тәрбиә ала

Башҡортостан тарихы менән таныша, бейеү һәм йырҙарҙы өйрәнә. «Патриот» паркында ойошторолған «Берҙәмлек көсө» халыҡ-ара профилле смена сиктәрендә Белоруссиянан килгән балалар ял итә. Бында улар хәрби-патриотик тәрбиә ала, ижад менән шөғөлләнә, яңы дуҫтар таба.

Аҡъярҙа «Хәйбулла-шоу» район йәштәр концерт программалары конкурсының Гала-концерты үтте

Аҡъяр ауылы мәҙәниәт һәм ял паркында «Хәйбулла-шоу» район йәштәр концерт программалары конкурсының Гала-концерты үтте. Быйылғы сара Бөйөк Ватан һуғышында Еңеүҙең 80 йыллығы һәм Ватанды һаҡлаусылар йылына арналды.

Башҡортостанда мутлашыусыларҙың балаларҙы алдау осрағы арта

Эске эштәр министрлығынынан хәбәр итеүҙәренсә, Октябрьский ҡалаһында 9 йәшлек малай онлайн уйынға әүрәп "бушлай приз" тигән һылтанмаға инә. Уны әсәһенең банк картаһын фотоға төшөрөп ебәрергә күндергәндәр. Картанан 250 мең һум юҡҡа сыҡҡан. Ошоға оҡшаш хәл Бәләбәйҙә булған. 9 йәшлек ҡыҙ арзан уйын валютаһы алырға теләп әсәһенең телефонынан QR-кодты асҡан, банк иҫәбенән шулай уҡ 250 мең һум аҡса юғалған.