Өфөлә йөҙ шаҡмаҡлы шашка уйыны буйынса Рәсәй чемпионаты уҙа

Римма Баталова исемендәге спорт әҙерлеге үҙәгендә үткән сараға илдең иң көслө спортсылары йыйылған. Улар араһында 9 донъя чемпионы ла бар. Йәмғеһе Рәсәйҙең 14 төбәгенән 80 шашкасы килгән. Ярыштарҙа классик, тиҙ һәм үтә тиҙ программалы буйынса миҙалдар уйнатыла. Уның һөҙөмтәләре буйынса Төркиәлә үтәсәк донъя чемпионатында ил данын яҡлаясаҡ йыйылма команда туплана.

Коммерция булмаған ойошмалар араһында гранттар фонды конкурсы һөҙөмтәләре билдәле булды

Был турала Радий Хәбиров социаль селтәрҙәрендә хәбәр итте. Республика етәксеһе әйтеүенсә, Башҡортостан башлығы гранттары фонды ойошторған конкурста ҡатнашыу өсөн 346 ғариза килгән, шуларҙың утыҙы еңеп сыҡҡан. 9 коммерция булмаған ойошма тәүге тапҡыр грант отҡан, ә икәүһе конкурста беренсегә ҡатнаша. Проекттар төрлө. Ғаилә, айырым категория граждандарҙы яҡлау, сәләмәт тормошто пропагандалау, тарихи хәтерҙе, тирә-яҡ мөхитте, һаулыҡты һаҡлауға ҡағыла.

Алдағы биш йылда Башҡортостанда 20 млн квадрат метрҙан ашыу торлаҡ төҙөлөшө күҙаллана

Был маҡсат төбәктә льготалы граждандарҙы торлаҡ менән тьәмин итеү, кешеләрҙе авария хәлендәге йорттарҙан яңы фатирҙарға күсереү мәсльәһен хәл итергә ярҙам итәсәк. Дүртенсе йыл рәттән республикала 3 млн квадрат метрҙан ашыу торлаҡ файҙаланыуға тапшырыла. Был күрһәткестәр буйынса Башҡортостан төҙөлөш өлкәһе Волга буйы федераль округында алдынғылар иҫәбендә.

Өфө районы Зубов ауылында урындағы баҙарҙа янғын сыҡҡан

Ваҡиға урынынан фотоларҙы шаһиттар социаль селтәрҙәргә һалған. Ғәҙәттән тыш хәл теркәлгән ергә ҡотҡарысуылар юлланған. Улар 20 квадрат метрға таралған утты һүндерә. Осраҡ буйынса тикшереү ойошторолған.

Ғафури районы Һабаш-Аҡташ юлында 6 бала менән «Лада гранта» автомобиле түңкәрелгән

Дәүләт автоинспекцияһы мәғлүмәте буйынса, руль артындағы ҡатын балалар менән күрше ауылға һыу инергә юлланған. Водитель идара итеү һәләтен юғалтып автомобиль юлдан төшөп киткән. Аварияла зыян күргән 2, 10 һәм 11 йәшлек балалар Стәрлетамаҡ дауаханаһына оҙатылған. Өс бала туғандарына ҡайтарылған. Ваҡиға буйынса тикшереү алып барыла.

Беренсе сентябрҙән башлап һунарсылар электрон билет алыу алдынан һынау тоторға тейеш буласаҡ

Һунарсы минимумы тип аталған имтихандар тест формаһында үткәрелә. Уны республиканың тәбиғәттән файҙаланыу һәм экология министрлығында ҡабул итәсәктәр. Башҡортостанда һунарсылыҡ ресурстары ҙур. Ҡырағай хайуандар һәм ҡош-ҡорт аулауға тәғәйен биләмәләр майҙаны 13 миллион гектарға етә.

Бәләбәйҙә «Новаторҙар бульвары» төҙөкләндерелә

Проект былтыр Бөтә Рәсәй уңайлы ҡала мөхитен булдырыу конкурсында еңеү яулап, федераль грантҡа эйә булғайны. Йәмәғәт киңлегендә барған төҙөлөш менән беҙҙең ижади төркөм танышты.

Өфө Халыҡ-ара ҡурсаҡ театрҙары фестивален ҡаршы алырға әҙерләнә

Был турала Башҡорт дәүләт ҡурсаҡ театрының отпускынан һуң тәүге эш көнөндә билдәле булды. Рәсәй Президентының мәҙәни башланғыстар гранттары фонды ярҙамында тормошҡа ашыраласаҡ форумда йәмғеһе 11 ҡурсаҡ театры ҡатнашасаҡ. Ижади коллектив шулай уҡ 94-се ижад миҙгелендә көтөләсәк премьералар тураһында фекер алышты.

Ер һөрөү буйынса ил чемпионатында Башҡортостанда ике механизатор ҡатнаша

Мәләүез районынан Илдар Ишекәев һәм Валерий Романов Ленинград өлкәһенә юллана. Чемпионатта 50 төбәктән тракторсылар ҡатнаша. Илдар Ишекәев 2022 йылда ил беренселегендә көмөш миҙал яуланы, 2016 йылда Рәсәй йыйылма командаһы составында Европа чемпионатында сығыш яһаны. Тупраҡ эшкәтеү оҫталары ярышы 8 августан 10-ына тиклем уҙа.

Башҡортостанда мәктәп тауарҙары хәүефһеҙлеге буйынса ҡыҙыу бәйләнеш асылды

Шылтыратыуҙар берҙәм консультация үҙәгенең 8-800-77-50-170 телефонына тәүлек әйләнәһенә ҡабул ителә. Балалар өсөн тауарҙарҙың, мәктәп кәрәк-яраҡтарының сифаты һәм хәүефһеҙлеге мәсьәләләре буйынса линия 4 сентябргә тиклем эшләй. Республика халҡының һорауҙарына Рәсәй ҡулланыусылар хоҡуҡтарын күҙәтеү хеҙмәте идаралығы, Гигиена һәм эпидемиология үҙәге белгестәре яуап бирә.

Башҡаланың Коммунистик һәм Крупская урамдары киҫелешендә урынлашҡан Душиндар усадьбаһы йорто ишелеп төштө

Ваҡиға иртә таңдан теркәлгән, шаһиттар билдәләүенсә, йортта шартлау кеүек көслө гөрһөлдәүишетелгән,һөҙөмтәлә, бина емерелеп төтөн һәм саң күтәрелгән.Ваҡиға урынына шунда уҡ ғәҙәттән тыш хәлдәр министрлығы баш идаралығының оператив төркөмө ебәрелә.

Өфөлә проблемалы юл участкаларында соҡорҙарҙы ремонтлау дауам итә

Ҡала хакимиәтенән белдереүҙәренсә, урам-юл селтәренең 28 саҡрымы тәртипкә килтереләсәк. Әлеге ваҡытта төҙөкләндереү 10 юл участкаһында тамамланған. Ә бына ихата эсендәге юлдарҙың торошо идара итеүсе компаниялар яуаплылығында. Ремонт эше Бәләкәй Граждандар урамында ла бара.

Өфөлә каршеринг автомобиле менән мотоцикл бәрелешкән

Күптән түгел генә «Хонда» мотоциклы менән бәрелешкән ҡуртымға алынған автомобиль водителенең таныҡлығы булмай сыҡты. Юл транспорт ваҡиғаһы 2 августа Октябрь просмпектында теркәлгәне. Һулға боролорға уйлаған водитель ҡаршыға килгән мотоциклды күрмәгән. Аварияла ғәйепләнеүсе ваиға урынын ҡалдырып ҡасҡан, ә мотоциклист ауыр тән йәрәхәттәре менән дауаханаға оҙатылған.

Өфө менән Силәбе араһында йөрөүсе яңы поезд халыҡ араһында популярлыҡ яулай

Өфө-Сәиләбе маршруты буйынса йөрөй башлаған «Ҡарлуғас» электр поезы дүрт көн эсендә генә ике мең ярым пассажир ташыған. Ҡала яны бәйләнеше форматындағы төбәк-ара экспресс береенсе августа ғына йөрөй башланы. Поезд баш ҡаланың Дим биҫтәһенән йома, шәмбе йәкшәмбе көндәрендә ҡуҙғала. Силәбенән иһә шәмбенән алып дүшәмбегә тиклем йөрөй.

Рәсәйҙә тимер юл ғәскәрҙәре көнө билдәләнә

Бөгөн тимер юл ғәскәрҙәре көнө. Был байрамды Рәсәй ҡораллы көстәренең тимер юл ғәскәрҙәрендә хеҙмәт итеүселәр, хәрби бурыслылар һәм ябай эшселәр ҙә билдәләй. Советтар союзы осоронда тимер юл ғәскәрҙәре көнө 5 октябрҙә билдәләнә. Был дата 1918 йылда ғәскәр ойошторолоу көнө менән бәйле.

Өфөлә «Башҡортостан: технология уйындары аша» төбәк-ара экспедицияһы эш башланы

«Өң» тип исемләнгән киберфизика инновациялары оҫтаханаһы тарафынан ойошторолған фәнни сара илдең төрлө юғары уҡыу йорттарынан ике тиҫтәләп студентты бергә йыйҙы. Экспедиция йәштәрҙе һанлы һөнәрҙәргә ылыҡтырыу, белем биреүсе видеоуйындар булдырыуға йүнәлтелгән.

Төҙөүселәр көнө уңайынан Өфөлә ҡала үҫеше темаһы күтәрелде

Баш ҡаланы үҫтереү потенциалы бөгөн республика башлығының төҙөүселәр ассоциацияһы ултырышында күтәрелде. Төҙөүселәр көнө уңайынан ойошторолған сарала хеҙмәт алдынғыларын тәбрикләү тантанаһынан тыш, Өфөнөң инфраструктураһына бәйле мәсьәләләр ҙә күтәрелде. Радий Хәбиров һуңғы йылдарҙа төҙөлгән ил кимәлендәге әһәмиәтле юлдар, социаль объекттарҙы айырым билдәләп үтте.

Өфөләге Евразия фәнни-мәғариф үҙәгенең ВУЗ -ара кампусы 4 меңдән ашыу студент һыйҙырышлы буласаҡ

Өфөләге Евразия фәнни-мәғариф үҙәгенең ВУЗ -ара кампусы 4 меңдән ашыу студент һыйҙырышлы буласаҡ. Был турала Радий Хәбиров социаль селтәрҙәрендә белдерҙе. Республика етәксеһе төҙөлөш майҙанында эшләгән техника һанын да иҫәпләгән. Әле унда 19 кран һәм 600 төҙөүсе эшләй. Кампус Рәсәйҙә иң яҡшыһы буласаҡ, тигән Радий Хәбиров.

Республика йәштәре «Беренселәр хәрәкәте» конкурсында йәнә еңеүсе

Башҡортостан өсөнсө йыл рәттән «Беренселәр хәрәкәте» грант конкурсында ҡатнашыусылар һәм еңеүселәр һаны буйынса илдә алдығылыҡ биләй. Быйыл мәҫәлән, 40 еңеүсе 53 миллион һумдан ашыу аҡса отҡан. Был турала бөгөн Башҡортостан башлығы ҡарамағындағы Бөтә Рәсәй балалар һәм йәштәр ижтимағи-дәүләт хәрәкәтенең координация советы ултырышында әйтелде. Вуз-ара студенттар кампусының Геном үҙәгендә үткән осрашыуҙа республика башлығы ла ҡатнашты. Радий Хәбиров йәштәрҙең һорауҙарына яуап биреп кенә ҡалмай, төплө кәңәштәрен дә еткерҙе.

Йырсы Гөлназ Асаева интернет киңлектәрендә таралған видеоға асыҡлыҡ индерҙе

Сәхнә йондоҙо әйтеүенсә, ысынында иһә яҙмала күренгән айыу ҡулға эйәләштерелгән хайуан. Уны клип төшөргән ваҡытта шаяртыу өсөн музыкаль команданың директоры алып килгән. Ләкин бына айыу ғына шаяртыуҙы аңламаған. Ҡоттары осҡан артистарҙы тынысландырам тип айыуға ҡулын һуҙғанда ваҡытта ирҙе тырнап ала.

Өфөлә фатир хужалары ремонтсыға миллиондар күсереп алданып ҡуйған

ӨФөлә Әй урмында, Ғәли Ибраһимов урамында йәшәүсе яңы фатир хужалары подрядсыға ремонтҡа миллиондар күсереп алданған. Фатир хужалары хоҡуҡтары боҙолоуына ризаһыҙлыҡ белдерә, был хаҡта эске эштәр идаралығына ғариза менән мөрөжәғәт иткән. Алданған фатир хужалары менән БЮТ ижади төркөмө лә осрашты. Был хаҡта тулыраҡ киләһе яҙмала.