Башҡортостанда йәйге лагерҙар балаларҙы ҡабул итә башланы

Башҡортостандың ял-һауыҡтырыу, спорт, мәктәп яны лагерҙары балаларҙы ҡабул итә башланы. Быйыл йәйге каникул мәлендә республикала 500 меңдән ашыу баланың ялын ойоштороу ҡаралған. Ошо маҡсатта төбәк бюджетынан 3 миллиард 300 миллион һум аҡса йүнәлтелә. Ауырғазы районының Түбәнге Бегенәш ауылында урынлашҡан Ғәлимйән Ибраһимов исемендәге балалар ял-һауыҡтырыу лагеры тәүге сменаны башлаған.

Республиканың 15 районында ауыл хужалығы эшсәндәренең һабантуй байрамы үтте

Республиканың 15 районында ауыл хужалығы эшсәндәренең һабантуй байрамы үтте. Яҙғы сәсеү эштәрен теүәлләгәндән һуң Өфө районы хеҙмәтсәндәре һабан байрамына йыйылды. Николаевка ауылы янындағы аҡланда уҙғарылған халыҡсан саранан репортаж.

Өфө ботаника баҡсаһында 500-нән ашыу пион төрө сәскә атты

Пиондар шау сәскәгә төрөнгән ваҡытта Өфө ботаника баҡсаһында уларҙың 500 ашыу төрө менән танышырға, уларҙы тәрбиәләү һәм үрсетеү хаҡында лекциялар тыңларға, иҫтәлеекә фотоға төшөргө мөмкин

Фронттың күренмәгән терәге – ремонт ротаһы яугирҙары

Уларҙың бурысы ватылған техниканы мөмкин тиклем тиҙерәк сафҡа индереү. Махсус хәрби операцияла был эш менән ремонт ротаһы шөғөлләнә. Алғы һыҙыҡтан алыҫ булмаған урында яугирҙар тәүлек әйләнәһенә хәрби машиналарҙы йүнәтә, броняны көсәйтә һәм дронға ҡаршы конструкциялар эшләй.

Башҡорт дәүләт ҡурсаҡ театры яңы йүнәлештә эшләй

Ҡурсаҡ театры «Әйҙә, уйнарға» фестивалендә ниндәй тамашалар тәҡдим итә? Репертуарға ниндәй үҙгәрештәр индерелә?

Театрҙың үҫеш һәм маркетинг бүлеге етәксеһе Эльвира Дәүләтбирҙина БСТ каналының күсмә студияһында яңы проекттар һәм программалар хаҡында һөйләне.
https://vk.com/video-85076499_456257843

«Әйҙә уйнарға» Бөтә Рәсәй уйындар һәм уйынсыҡтар фестивалендә БСТ күсмә студияһында ҡунаҡта эшҡыуар, һөнәрсе Арыҫлан Бикбаев.

БСТ күсмә студияһының икенсе ҡунағы "Атайсал" мәҙәни үҙәгенең художество етәксеһе Зилә Лира.

https://vk.com/video-85076499_456257850

«Әйҙә уйнарға» Бөтә Рәсәй уйындар һәм уйынсыҡтар фестиваленең икенсе көнөндә БСТ күсмә студияһында ҡунаҡта Республика халыҡ ижады үҙәге директоры Салауат Кирәев.

https://vk.com/video-85076499_456257851

Белорет-Учалы-Миәс юлында ремонт башланды

Эштәр "Тормош өсөн инфраструктура" милли проектына ярашлы алып барыла. Быйыл трассаның 11 километрын төҙөкләндереү маҡсаты ҡуйылған. Әле Учалы районында 4 километрҙа ремонт бара. Быйыл Башҡортостанда милли проект буйынса 280 километр юл төҙөкләндереү планлаштырыла.

Башҡортостанда был эш аҙнаһы ла ҡыҫҡа була

Ул өс көн дауам итә. 12 июндә Рәсәй көнө билдәләнә. Шулай уҡ 8 март, ҡатын-ҡыҙҙар байрамы шәмбегә тура килде, ул ял 13 июнгә күсерелде. Башҡортостанда үткән аҙнала Ҡорбан байрамы уңайынан өс көнлөк ял булды.

Яңы уйынсыҡтар

«Әйҙә, уйнарға» фестивалендә Сибай сәнғәт мәктәбенең креатив индустриялар мәктәбе етәксеһе Резеда Яхина балалар өсөн яңы уйынсыҡтар һәм башватҡыстар тәҡдим итте.
Шулай уҡ БСТ каналының күсмә студияһына ысын Ҡыш бабай килде. Ул уйынсыҡтарҙың үҙенсәлектәре хаҡында һөйләне.
https://vkvideo.ru/video-85076499_456257852

Һөжүмсе Нэйтан Тодд "Салауат Юлаев" өсөн уйнамай

Был турала клубтың рәсми сайтында хәбәр ителә. Хоккейсы Өфө командаһы составына уҙған миҙгелдә ҡушылды. Даими беренселектә 68 осрашыуҙа 14 шайба индерҙе 38 һөҙөмтәле пас бирҙе. Плей-офта 4 уйында ҡатнашты. Уның иҫәбендә ике шайба һәм 3 һөҙөмтәле пас.

Башҡортостанда "Урал батыр" эпосын яттан һөйләүселәр конкурсы башланды

Унда ҡатнашыусылар быйыл Күмертауҙа йыйылды. Конкурс 27-се тапҡыр уҙғарыла. Ул 2023 йылдан төбәк-ара статусҡа эйә. Еңеүселәр иртәгә иғлан ителә. Башҡортостанда "Урал батыр" эпосы көнө булдырылды. Ул йыл һайын 8 июндә билдәләнә.

Өфө мәшғүллек үҙәгендә йәштәргә хәүефһеҙ эш эҙләү серҙәре өйрәтелә

Нисек намыҫһыҙ эш биреүселәр тоҙағына эләкмәҫкә. Ниндәй һөнәр һайларға һәм һалымдар ни өсөн кәрәк. Йәштәр был һорауҙарға яуапты баш ҡаланың мәшғүллек үҙәгендә таба ала. Һөнәр йүнәлешен билдәләү осрашыуҙарында үҫмерҙәргә вакансиялар тәҡдим итеп кенә ҡалмайҙар. Эш эҙләүселәргә төрлө һорауҙар буйынса консультациялар ойошторола, табыусыларға иһә документтар тултырыу менән дә ярҙам итәләр. Һөҙөмтәлә хеҙмәт урыны табыу мөмкин тиклем тиҙ һәм хәүефһеҙ үтә.

Шүлгәнташта туристар һаны сикләнә

Һәйкәлдәр һәм иҫтәлекле урындарҙы һаҡлау буйынса халыҡ-ара совет эксперттары бында килеүселәр һанын тәүлегенә 1 мең 400-ҙән арттырмау кәрәклеге тураһында белдерҙе. Әле ял көндәрендә уртаса 1 мең 800 кеше килә. Шуға туристар һанын сикләү тураһында ҡарар ҡабул ителгән. Шүлгәнташҡа айырыуса йәйге айҙарҙа килеүселәр күп була.

Башҡортостанда Тимерйән Рәжәпов 58-се йәшендә арабыҙҙан китте

Яугир-интернационалист, махсус хәрби операция ветераны, Башҡортостан хәрби хәрәкәттәр ветерандары союзы рәйесе Тимерйән Рәжәпов 58-се йәшендә арабыҙҙан китте.
Тимерйән Рәжәп улы Рәжәпов 1968 йылдың 1 ғинуарында Баймаҡ районының Сыңғыҙ ауылында тыуған. 1987 йылдың майынан 1989 йылдың ғинуарына тиклем Афғанстан республикаһында хәрби бурысын үтәгән. Тимерйән Рәжәпов 2015 йылдан бирле Луганск халыҡ республикаһына гуманитар ярҙам йыйыу һәм илтеүҙә әүҙем ҡатнашты.

Баймаҡта үҫмерҙәр өсөн 5 көнлөк хәрби йыйын үтте

Барыһы ла устав буйынса һәм хәрбиҙәрсә. Баймаҡ ҡалаһының Урал аръяғы агросәнәғәт колледжында, уның филиалдары-Бөрйән, Әбйәлил райондарында, Урғаҙа ауылында белем алыусы уҡыусылар өсөн 5 көнлөк хәрби йыйын ойошторолдо. Сарала 200-гә яҡын үҫмер ҡатнашты.

Мөхәмәтша Буранғолов йыйған «Урал батыр» эпосы Шишмә районы музейында урын алды

Фольклорсы-ғалим Мөхәмәтша Буранғолов тарафынан хәреф машинаһында йыйылған «Урал батыр» эпосының күсермәһе Шишмә районындағы Евразия күсмә халыҡтар цивилизацияһының визит үҙәгенә тапшырылды. Китап баш ҡаланың «Самрау» нәшриәте ярҙамында ҙур форматта баҫтырылған.

Өфөлә Ҡобан байрамының йомғаҡлау көнөндә «Хәләлфест» үтте

Ҡобан байрамының йомғаҡлау көнөндә «Хәләлфест». Октябрь районында урынлашҡан «Башҡортостан» лайфстайл сауҙа үҙәге майҙанында диндарҙар башҡала халҡы һәм ҡунаҡтары өсөн «Хәләлфест»уҙғарҙы.

Башҡорт бейеүенә дан: Өфөлә «Байыҡ» телевизион конкурсы гала-концерты үтте

Республиканың төп сәхнәһендә-балалар. «Байыҡ» конкурсы башҡорт халыҡ бейеүен башҡарыусыларҙы бер сәхнәгә йыйҙы. Өфөлә телеконкурстың гала-концертында 500-ҙән ашыу йәш бейеүсе майҙан тотто. Был хаҡта тулыраҡ киләһе яҙмала.

Баш ҡалала һаулыҡ һаҡлау өлкәһе хеҙмәткәрҙәренең спорт уйындары үтте

Сарала республиканың төрлө район-ҡалаларынан 51 команда ҡатнашты. Дүрт йөҙгә яҡын спортсы йөүгереү, шашка, өҫтәл теннисы кеүек уйындарҙа үҙ- ара көслөләрҙе асыҡланы. Иң күп ҡатнашыусы йүгереү майҙанында. Ирҙәр мең метрлыҡ дистанцияла көс һынашһа, ҡатын-ҡыҙҙар 500 метр арауыҡҡа йүгерҙе.

Башҡортостан ҡала-райондарының инвестиция климаты буйынса рейтингына арналған семинар үтте

Башҡортостан ҡала-райондарының инвестиция климаты буйынса рейтингына арналған семинар үтте. Сарала Башҡортостан башлығы Радий Хәбиров, Рәсәй стратегик башланғыстар агентлығының генераль директоры урынбаҫары Игорь Карачин ҡатнашты.