Радий Хәбиров Башҡортостанда йәшәүселәрҙе «Әйҙә, уйнарға!» фестиваленә саҡырҙы

Радий Хәбиров Башҡортостанда йәшәүселәрҙе «Әйҙә, уйнарға!» Бөтә Рәсәй уйынсыҡтар һәм уйын фестиваленә саҡырҙы. Икенсегә уҙғарылған сарала илдең төрлө төбәктәренән балалар тауарҙарын етештереүселәр һәм кәсепселәр ҡатнаша. 4 көн дауамында сара майҙанында уйынсыҡтар күргәҙмәһе үтә, иң яҡшы балалар уйындары тәжрибәләре күрһәтелә, тематик конкурстар, оҫталыҡ дәрестәре, викториналар ойошторола.

Виктор Гацак иҫтәлегенә арналған ғилми сара географияһын киңәйтә

Рәсәйҙең билдәле ғалим-фольклорсыһы Виктор Гацактың яҡты иҫтәлегенә арналған киләһе ғилми уҡыуҙарҙы Таулы Алтай ҡалаһы ҡаршы ала. Был турала Өфөлә үткән халыҡ-ара форумда хәбәр ителде Хәтерегеҙгә төшөрәбеҙ, Рәсәй фәндәр академияһы Өфө федераль тикшеренеүҙәр үҙәгенең Тарих, тел һәм әҙәбиәт институтында 4-се «Гацак уҡыуҙары» үтте.

Башҡортостан халҡы Ҡорбан ғәйетенә әҙерләнә

Иртәгә мосолман донъяһы ҙур байрамдарҙың береһе-Ҡорбан ғәйетен ҡаршылай. Ул Ураҙанан һуң 70 тәүлек үткәс билдәләнә. Байрамдың төп сараһы-ҡорбан салыу. Ғәйет уңайынан саралар республиканың барлыҡ мәсеттәрендә үтә. Телевизор ҡараусылар Өфөнөң «Ләлә» мәсетендә үтәсәк байрам вәғәзен тыңлай ала. Ул тура эфирҙа иртәнге сәғәт туғыҙҙа башлана.

Бөгөн мосолман донъяһында ҙур байрамдарҙың береһе – Ҡорбан ғәйете билдәләнә

Уны Ураҙанан һуң 70 тәүлек үткәс байрам итәләр. Байрамдың төп сараһы – ҡорбан салыу. Ҡорбан ғәйете Зөлхизә айының 10-сы, 11-се һәм 12-се көндәрендә башҡарыла. Ҡорбан ғәйете уңайынан бөгөн республиканың барлыҡ мәсеттәрендә байрам саралары үтә. Баш ҡалала ике урында ҡорбан салыу майҙансығы булдырылған. Береһе “Ҡаруан” сауҙа үҙәге алдында, икенсеһе Төньяҡ автовокзал биләмәһендә урынлашҡан. Өфө хакимиәтенән хәбәр итеүҙәренсә, байрам уҙғарыуға бәйле Туҡай, Цюрупа, Зәйнулла Рәсүлев, Комаров урамдары өлөшләтә ябыла. Водителдәргә маршрутты алдан билдәләргә кәңәш ителә.

«Әйҙә уйнарға» Бөтә Рәсәй уйындар һәм уйынсыҡтар фестиваленең икенсе көнөндә БСТ күсмә студияһында ҡунаҡта Башҡортостан республикаһының атҡаҙанған артисы, Х. Әхмәтов исемендәге Башҡорт дәүләт филармонияһы солисы-вокалисы, халыҡ-ара, бөтә Рәсәй һәм республика конкурстары лауреаты Дамир Таипов улы Баязит менән.

БСТ күсмә студияһының икенсе ҡунағы «Урал батыр» туроператоры генераль директоры Айгөл Рәхмәтуллина.

https://vk.com/video-85076499_456257819?access_key=198bc6ad8f665eca76

«Әйҙә уйнарға» Бөтә Рәсәй уйындар һәм уйынсыҡтар фестиваленең икенсе көнөндә БСТ күсмә студияһында ҡунаҡта башҡортса һөйләшкән уйынсыҡтар етештереүсе оҫта Руфия Ханова.

Телестудиябыҙҙың икенсе ҡунағы Халыҡ-ара шашка буйынса дүрт тапҡыр донъя чемпионы, гроссмейстер Айгөл Иҙрисова.

https://vk.com/video-85076499_456257820?access_key=37d0f8aea22609fae7

Ҡорбан ғәйете Хәйбулла районында Радий Хәбиров ҡатнашлығында үтте

Бөгөн мосолман донъяһында ҙур байрамдарҙың береһе-Ҡорбан ғәйете билдәләнә. Изге байрам Хәйбулла районында Башҡортостан башлығы Радий Хәбиров ҡатнашлығында үтте. Төбәк етәксеһе күп милләтле республика халҡын Ҡорбан ғәйете менән тәбрикләне. Хәйбулла районына эш сәфәре сиктәрендә төбәк етәксеһе һабантуйҙа аграрийҙарҙы ҡотлап наградалар тапшырҙы, район үҙәгендә 1-се мәктәп эшмәкәрлеге менән танышты.

Башҡортостанда Ҡорбан ғәйете билдәләнде

Бөгөн мосолман донъяһында ҙур байрамдарҙың береһе-Ҡорбан ғәйете билдәләнә. Ул Ураҙанан һуң 70 тәүлек үткәс байрам ителә. Республиканың барлыҡ мәсеттәрендә лә байрам саралары үтте, ҡорбандар салынды. Өфөлә «Ләлә» мәсетендә үҙған байрам вәғәзе Башҡортостан юлдаш телевидениеһында тура эфирҙа күрһәтелде.

Башҡортостан» 31-се мотоуҡсылар полкы яугирҙары ла ҡорбан ғәйетен билдәләне

Ышаныс һәм өмөт байрамы. Бөгөн «Башҡортостан» 31-се мотоуҡсылар полкы яугирҙары ла ҡорбан ғәйетен билдәләне. Ватан һағында торған дин ҡәрҙәштәр ҡорбан салды, донъяға тыныслыҡ һәм тиҙерәк өйҙәренә ҡайтыу өсөн доға ҡылды. Махсус хәрби операция биләмәһенән репортаж.

Инвесторҙар 70 миллион һумлыҡ аҡсаны социаль объекттарҙы яңыртыуға йүнәлтте

Социаль өлкәне хәстәрләүсе яуаплы инвестор. Әбйәлил районында «Салауат» яуаплылығы сикләнгән йәмғиәт 70 миллион һумлыҡ аҡсаны социаль объекттарҙы яңыртыуға йүнәлтә. Буранғол ауылы мәктәбенең интернатында һәм «Ирәндек» балаларҙы һауыҡтырыу лагерында капиталь ремонт эштәре үтәлеше хаҡында сюжет.

Республика программалары ярҙамында Мәскәү ауылында уңайлы шарттар тыуҙырыла

Өлгө алырлыҡ ауыл биләмәһе. Дүртөйлө районының Мәскәү ауылы йылдам үҫешкән, республика проекттарында әүҙем ҡатнашып еңеү яулаған биләмәләр исемлегендә. Уның һөҙөмтәһендә урында бер-бер артлы социаль объекттар ҙа төҙөкләндерелә.

Өфөлә «Ҡатын-ҡыҙҙың бәхет биләмәһе» асыҡ академияһы тамамланды

Бөгөн Өфөлә «Ҡатын-ҡыҙҙың бәхет биләмәһе» асыҡ академияһы тамамланды. Ике көн дауам иткән форум эшлекле осрашыуҙарға, фәһемле һөйләшеүҙәргә, белгес кәңәштәренә, оҫталыҡ дәрестәренә бай булды. Гүзәл заттар һөйөү, наҙ, иғтибар, зауыҡ шауҡымына солғанды, аралашты, фекер алышты, тәжрибә уртаҡлашты.

Өфөлә «Әйҙә, уйнарға!» Бөтә Рәсәй уйынсыҡтар һәм уйын фестивале дауам итә

Өфөнөң Совет майҙанында «Әйҙә, уйнарға!» Бөтә Рәсәй уйынсыҡтар һәм уйын фестивале дауам итә. Программаға ярашлы, бөгөн балалар һәм үҫмерҙәр өсөн тиҫтәләп оҫталыҡ дәресе, төрлө конкурстар уҙғарылды, спектаклдәр ҡуйылды. Шулай уҡ сарала Рәсәйҙә етештерелгән уйынсыҡтар, кәсепселәрҙең ҡул эштәре лә тәҡдим ителә.

Зинера Слабоженко — «Башҡортостан геройҙары» проекты финалында

Республика башлығы Радий Хәбиров социаль селтәрҙәрҙә «Башҡортостан геройҙары» мәғариф проектында ҡатнашыусы Зинера Слабоженко тураһында яҙған. Зинера Наил ҡыҙы 22 йыл ғүмерен хәрби хеҙмәткә бағышлаған. Тәжрибәле шәфҡәт туташы Чечен, Сүриә һуғыштарында һәм махсус хәрби операция биләмәһендә яугирҙарҙы ҡотҡарған.

«Египет» ҡушаматлы яугир реабилитация үтә

«Египет» аяҡҡа баҫа. Республиканың һуғыш ветерандары клиник госпиталендә реабилитация үтеүсе яугир тәүге ышаныслы аҙымдарын яһай. Тыуған иленең атамаһын ҡушамат итеп алған ир махсус хәрби операцияла ҡаты яралана. Контрактты ла ул намыҫ ҡушыуы буйынса төҙөй. Беҙҙең илдә һәр ир-егет ватан һағына баҫырға бурыслы. Рәсәйҙә өйләнеп ошонда уҡ йәшәгәс мин дә үҙ ғаиләмде, яҡындарымды, илде ҡурсаларға бурыслымын, ти ул.

Йыл башынан алып республикала егерме биш кеше һыу ҡорбаны булған

1 июндән һыу инеү миҙгеле башланды. Шул ваҡыттан алып ҡотҡарыу хеҙмәте бөтә Башҡортостан буйлап халыҡтың яратып ял иткән урындарында патрулдәр ойоштора һәм кешеләргә йылға-күлдәрҙә хәүефһеҙлек ҡағиҙәләре хаҡында иҫкәртә,

Өфө районында йәшәүсе Рәүилә Тәминдарова — «Герой-Әсә»

Рәсәй Президенты Владимир Путин Өфө районы Дмитриевка ауылында йәшәүсе Рәүилә Тәминдароваға «Герой-Әсә» исеме биреү тураһындағы указға ҡул ҡуйҙы. Ун бала тәрбиәләп үҫтергән герой-әсә әле ейәндәрен ҡарарға ярҙамлаша. Йәмәғәт эштәрендә, махсус хәрби операция өсөн гуманитар ярҙам ебәреүҙә, маскировка селтәрҙәре үреүҙә ҡатнаша.

Яныш ауылы 290 йыллығын һабантуй менән ҡаршы ала

Благовар районы Яныш ауылына нигеҙ һалыныуға 290 йыл. Күркәм датаны ауылдаштар июль урталарында һабантуй итеп билдәләү маҡсатын ҡуя. Әйткәндәй, юбилей йылында яныштар быйылғы»Айыҡ ауыл«республика конкурсында еңеү яулаған.

Башҡортостанда йәйге лагерҙар балаларҙы ҡабул итә башланы

Башҡортостандың ял-һауыҡтырыу, спорт, мәктәп яны лагерҙары балаларҙы ҡабул итә башланы. Быйыл йәйге каникул мәлендә республикала 500 меңдән ашыу баланың ялын ойоштороу ҡаралған. Ошо маҡсатта төбәк бюджетынан 3 миллиард 300 миллион һум аҡса йүнәлтелә. Ауырғазы районының Түбәнге Бегенәш ауылында урынлашҡан Ғәлимйән Ибраһимов исемендәге балалар ял-һауыҡтырыу лагеры тәүге сменаны башлаған.

Республиканың 15 районында ауыл хужалығы эшсәндәренең һабантуй байрамы үтте

Республиканың 15 районында ауыл хужалығы эшсәндәренең һабантуй байрамы үтте. Яҙғы сәсеү эштәрен теүәлләгәндән һуң Өфө районы хеҙмәтсәндәре һабан байрамына йыйылды. Николаевка ауылы янындағы аҡланда уҙғарылған халыҡсан саранан репортаж.

Өфө ботаника баҡсаһында 500-нән ашыу пион төрө сәскә атты

Пиондар шау сәскәгә төрөнгән ваҡытта Өфө ботаника баҡсаһында уларҙың 500 ашыу төрө менән танышырға, уларҙы тәрбиәләү һәм үрсетеү хаҡында лекциялар тыңларға, иҫтәлеекә фотоға төшөргө мөмкин