Сибай уҡыусылары өсөн яңы офоҡтар

3-сө республика полилингваль күп тармаҡлы гимназия-интернатында пилотһыҙ авиация системаларын өйрәнеү кабинеты эшләй башланы.
Махсус бүлмәне асыр алдынан йәштәр бер нисә ай дауамында пилотһыҙ авиация системаларын өйрәнеү буйынса курс үткән. Яңы предметты уҡытыу педагогтарға бер ниндәй ауырлыҡ тыуҙырмай. Махсус кабинет заманса ҡоролмалар менән йыһазландырылған.

Башҡортостанға Белоруссиянан тағы бер нисә зубр килтерелә

Был турала Радий Хәбиров белдерҙе. - Республикаға килтерелгән зубрҙар һаны артты, биш быҙау тыуҙы. Тағы бер партия менән ошо хайуандарҙы килтереү тураһында килештек, - тине ул. Башҡортостанға 2023 йылда Белоруссиянан 18 зубр килтерелде. Улар Мораҙым тарлауығында йәшәй. Уҙған йылда Экология форумында зубрҙар популяцияһын күпкә арттырыу мөмкинлеге тураһында белдерелде.

Өфө ҡалаһында яңы сквер булдырыла

Баш архитектура идаралығынан хәбәр итеүҙәренсә, ул Яҙыусылар союзы бинаһы янында була. Яңы йәмәғәт биләмәһе "Өфө йүкәләре" тип атала. Совет йылдарында Яҙыусылар союзы идаралығы рәйесе Назар Нәжми һәм композитор Рим Хәсәнов Өфөнөң рәсми булмаған гимнын яҙа. "Өфө йүкәләре" тигән йыр киң танылыу ала.

Ишембайҙа стела урынын халыҡ һайлай

Ишембайҙа "Хеҙмәт ҡаһарманлығы ҡалаһы" стелаһын ҡуйыу урыны халыҡ фекерен иҫәпкә алып билдәләнә. Йәмәғәт тыңлауҙары старт алды, тип хәбәр итте "Берҙәм Рәсәй" партияһы Үҙәк башҡарма комитеты етәксеһе Александр Сидякин. - Халыҡ тәҡдимдәре үтә мөһим. Ошо маҡсатта предприятиелар коллективы, йәмәғәт ойошмалары, халыҡтан мөрәжәғәттәр анализлана, тип яҙа ул социаль селтәрҙә. Ил президенты Ишембайға "Хеҙмәт ҡаһарманлығы ҡалаһы" исемен биреү тураһында указға ҡул ҡуйҙы.

Өфөлә Волга буйы округындағы иң ҙур мәктәп төҙөлөшө дауам итә

Уны быйыл файҙаланыуға тапшырыу көтөлә. Мәғариф учреждениеһы 34 мең квадрат метр майҙан биләй, бында 2 мең 200 уҡыусы белем аласаҡ. Белем йорто Кузнецов Затонында урынлаша. Вице-премьер Рөстәм Ғәзизов белдереүенсә, төҙөлөш планға ярашлы бара, әле объект 54 проценҡа әҙер.

Радий Хәбиров: «Беҙҙең башҡорт аттары – тибендә!»

Республика баҫыуҙарын ҡар ҡапланы. Әммә ниңәлер урыны менән ҡар юҡ һәм үлән күренә. Ни өсөн? Был һорауҙы Башҡортостан башлығы Радий Хәбиров уҙған аҙнала социаль селтәрҙәге сәхифәһендә яҙғайны. Фотоһүрәт Баймаҡ районына эш сәфәре ваҡытында төшөрөлгән. Төбәк етәксеһе элекке посына яуап итеп видеояҙма һалды. «Беҙҙең башҡорт аттары - тибендә. Ҡарағыҙ әле, ниндәй матурлыҡ!», тип яҙған Башҡортостан башлығы.

Ауырғазы районында экологик акция үтте

Боҙ быраулап балыҡтарҙы ҡотҡарабыҙ. Ауырғазы районында экологтар, ирекмәндәр, уҡыусылар ҡатнашлығында экологик акция үтте. Ауырғазы районы һыу ятҡылыҡтарында балыҡтарҙы ҡотҡарыу буйынса акция 16 йыл рәттән уҙғарыла. Сарала ҡатнашыусылар быйыл Иҫке Кәлсер ауылы биләмәһендәге күлдә боҙҙо уйып сыҡты. Боҙ аҫтындағы балыҡтар өсөн уларҙың һәр береһе кислород сығанағы.

Мифтахетдин Аҡмулла исемендәге Башҡорт дәүләт педагогия университетында «Һалдатҡа хат» акцияһы үтте

Сарала психология факультеты студенттары һәм уҡытыусылары ҡатнашты. Улар махсус хәрби операция биләмәһендәге яугирҙарға хат яҙҙы, яҡынлашып килгән Ватанды һаҡлаусылар көнө менән ҡотланы.

Өфөлә Бөтә Рәсәй моделселәр һәм коллекционерҙар слеты үтте

Унда илдең төрлө төбәктәренән йыйылған ҡатнашыусылар ғына түгел, Ҡаҙағстан вәкилдәре лә ҡатнашты. Сара күргәҙмә һәм йәрминкә форматында «Башҡортостан» сауҙа үҙәгендә ойошторолдо. Моделселәр айырым конкурста ла көс һынашты.

Шаран районының юбилейы: яңы социаль объекттар һәм иҫтәлекле саралар

Шаран районы 90 йыллыҡ юбилейын билдәләй. Тарихи дата айҡанлы районда социаль объекттар асылды, байрам тантаналары ойошторолдо. Ҡыр-Теләүле халҡы райондың юбилейын яңы фельдшер-акушерлыҡ пункты менән ҡаршы ала.

Мәскәүҙә Радий Хәбиров Рәсәйҙең спорт министры Михаил Дегтярёв менән осрашты

Әлеге ваҡытта Башҡортостанда 16 ҙур спорт объекты төҙөлөшө бара. Тиҙҙән был исемлеккә еңел атлетика манежы һәм олимпия резервындағы училище индерелергә тейеш.
Төбәктә спортты үҫтереү мөмкинлектәре Радий Хәбировтың Мәскәүҙә Рәсәйҙең спорт министры Михаил Дегтярёв менән осрашыуында тикшерелде. Спорт объекттары һаны буйынса Башҡортостан илдә өсөнсө урында тора, тип билдәләне республика етәксеһе.

Туймазы районында «Урман һәм күл» экобазаһын киңәйтеүгә республика гранты бүленгән

Тәбиғәт ҡосағында урынлашҡан комплекста быға тиклем дүрт йортта ял итеү мөмкин булһа, киләһе йылға йорттар һаны ике тапҡырға артасаҡ . Башҡортостанда быйыл туризм тармағын үҫтереү өсөн 3 млрд 700 млн һум аҡса бүленгән. Гранттар ярҙамында эшҡыуарҙарға туризм йүнәлешендә бизнес асыу өсөн ташламалар, ҡуртымға ер һәм башҡа субсидиялар ҡаралған.

Өфөнөң Киров районы хакимиәте махсус хәрби операцияға 24-се гуманитар йөк әҙерләй

Ылау алғы һыҙыҡтағы егеттәрҙең теләктәрен иҫәпкә алып тупланған. Был юлы колонна составында яугирҙарға күсмә мунса ла оҙатыла. Махсус хәрби операцияға мунсаны «Билд» төҙөлөш компанияһы етәксеһе Альфред Александров тапшырҙы.

Баймаҡ районы Таулыҡай ауылы махсус хәрби операция һалдаттарына ылау әҙерләй

Берҙәмлектә көс. Айыҡ ауыл республика конкурсында ҡатнашыусы Таулыҡай ауылы махсус хәрби операция һалдаттарына ылау әҙерләй. Был юлы улар өсөн толстовка тегеү, маскировка селтәре үреү буйынса оҫталыҡ дәресе күрһәтелде. Тулыраҡ киләһе яҙмала.

Әбйәлил районының Ҡаҙмаш ауылы халҡы «Айыҡ ауыл» республика конкурсының район этабында еңеү яуланы

Әбйәлил районының Ҡаҙмаш ауылы халҡы «Айыҡ ауыл» республика конкурсының район этабында еңеү яуланы. Артабан ҡаҙмаштар район данын республика кимәлендә яҡлаясаҡ. Теманың дауамы киләһе яҙмала.

Өфөлә «Йөрәгемде балаларға бүләк итәм» Бөтә Рәсәй һөнәри оҫталыҡ бәйгеһенең ҡала этабына йомғаҡ яһалды

Өҫтәмә белем биреү хеҙмәткәрҙәре араһында уҙғарылған конкурс һөҙөмтәләре буйынса абсолют еңеүсе тип «Эколог» үҙәгенән йәш педагог Эльвина Камалова танылды. Остазлыҡ эшен уңышлы алып барған замандашыбыҙ тураһында киләһе яҙма.

Новосибирск ҡалаһында Континенталь хоккей лигаһының «Йондоҙҙар матчы» үтте

Чернышев дивизионы командаһы «Йондоҙҙар матчы»нда еңеү яуланы. Континенталь хоккей лигаһының сағыу сараһы быйыл Новосибирскиҙа үтте. Финалда Чернышев һәм Бобров дивизиондары осрашты. Уйын Виктор Козлов коллективы файҙаһына 9-8 иҫәбе менән тамамланды.

Илеш районында Ринат Хәйриҙең тыуыуына 75 йыл тулыуға арналған сара үтте

Тыуған яҡ йырсыһы. Илеш районында күренекле шағир, прозаик, публицист Ринат Хәйриҙең тыуыуына 75 йыл тулыуға арналған сара үтте. Ҡәләм оҫтаһын иҫкә алыуҙа туғандары, коллегалары, билдәле әҙиптәр, йәмәғәт эшмәкәрҙәре йыйылды. Осрашыуҙа ижади конкурстарға йомғаҡ та яһалды.

Баймаҡ ваҡиғалары башҡорт халҡы өсөн һабаҡ

Валитов Тимурҙың Баймаҡ фажиғәләренә арналған фильмын, ниһайәт, ҡарағандан һуң тыуған төп фекер ошо.
Фильм быға тиклем беҙҙең каналда тап Баймаҡ ваҡиғалары буйынса яҙылған фекерҙәр менән тулыһынса ауаздаш һәм уларҙы тағы ла бер тапҡыр дәлилләне. Бер генә фактка туҡталғанда.

Фәнзил Әхмәтшин видео яҙҙырып ябай халыҡтың хис-тойғоларында уйнап ҡыланыуҙан тыш, эйе, халыҡты беҙ ойошторҙоҡ, бының өсөн минең үҙемә лә алдан Баймаҡҡа барып, егеттәрҙе туплап ҡайтырға кәрәк булды тип белдерҙе.

Берәү ҙә теленән тартмай, көсләмәй, интервью барышында Фаил Алсынов* менән һөйләшеүҙәре хаҡында үҙ ирке менән бәйән итә. "Һине ултыртасаҡтар, бер ысул - Ҡуштау ваҡытындағы һымаҡ урамға халыҡты алып сығырға кәрәк" тигән кәңәш биреүен белдерә. Йәғни шантажлау, власты ҡурҡытыу өсөн улар халыҡты файҙалана. Урынға барып ойоштороу эштәрен (үҙе лә әйтеүенсә, Баймаҡта 40-лап ир-егетте туплай) тамамлағандан һуң ул ябай халыҡты суд бинаһы янында йыйыу өсөн "илай-илай" ана шул видеоһын төшөрә лә инде. "Егеттәр, ҡыҙҙар, Фаилды* яҡлап сыҡмаһағыҙ нисек йоҡларһығыҙ? " имеш.

Бөгөн 80-гә яҡын ир-егет төрмәлә. Фәнзил Әхмәтшин хәҙер үҙе нисек йоҡлай икән? Беҙҙеңсә нормально йоҡлай. Беҙҙә тыйылған социаль селтәрҙәрҙә ҡыҙының сәхифәһенән билдәле - Баймаҡ ҡорбандары халыҡтан аҡса йыйып, кредитҡа батып адвокаттар ялланғанда, Фәнзил Әхмәтшин Әбйәлил районында тотош Динопаркты ҡуртымға алып балаһына гөрләтеп туй үткәрә, районында мал үрсетә, ит-мал һатып аҡса эшләй. Һис тартынмай, ана, интервью бирергә лә йөрөгән.

Ә бына фильмды ҡарағанда күҙҙәргә йәш төйөлдө. "Яңылыш барып эләктек, үкенәбеҙ" тип рәшәткә артынан интервью биргән ир-егеттәрҙе йәлләп. Бигерәк тә тәү ҡарамаҡҡа
алтмышты күптән үткән оло ғына ағайҙың бер ҡатлы, үкенесле ҡарашы битараф ҡалдырманы. Уларҙы яҡлар өсөн Әхмәтшин да, блогерҙар ҙа халыҡты йыймай, үҙҙәре лә йөрөмәй. Сөнки һәр береһенә үҙҙәре, яҡындары, балалары ҡәҙерле.

Ә ни өсөн барған был ҡорбандар Баймаҡтың Суд бинаһы алдына? Был һорауға яуапты хөкөмгә тарттырылыусылар үҙҙәре белдерҙе. Баймаҡ, Урал аръяғы райондары халҡы араһында социаль селтәрҙәрҙә "ерҙәрегеҙҙе тартып алалар, яҡлап сығырға кәрәк" тигән саҡырыу таратылған. Кемдәр тарафынан икәне хәҙер инде аныҡ билдәле. Бер ҡатлы ябай халыҡ уларҙың алдағына ҡаба.

"Аҡсағыҙҙы һаҡлап ҡалырға кәрәк, банк картаһы номерын ебәрегеҙ" , йә "яҡынығыҙ ауыр хәлдә ҡалған тиҙ генә аҡса ебәрегеҙ" тип ябай халыҡты алдаған мошенниктарҙан былар күпкә ҡурҡынысыраҡ, яманыраҡ. Сөнки, халыҡ әйтмешләй, баш иҫән булһа, аҡса табыла. Ә былар күрәләтә үҙ халҡын ут эсенә алып барып тыҡты, уны уйынсыҡ итеп ҡулланды, яҙмыштар, ғаиләләр, бала бәхеттәрен емерҙе.

Я.Ө (яҙылғанға өҫтәп) Тимур Валитовтың ҡапыл сәйәси күҙәтеүсе, блогер, журналист булып китеүенә ҡараш икеле ине. Был хаҡта ла үҙ ҡарашыбыҙҙы белдергәйнек. Башҡортса һүҙ байлығы аҡһауы, фекерен еткереү ҡеүәһе етмәүе ышаныс уятмай килде. Ә русса сығарылыш шәп, ышаныслы килеп сыҡҡан✅

*Фаил Алсынов - террорсылар һәм экстремистар исемлегенә индерелгән.

Республика аграрийҙары яҙғы сәсеүгә техника әҙерләй

Илеш районында ер эштәрен башҡарыуға тағылмалы агрегат менән 364 трактор сыға. Әлегә уларҙың техник әҙерлек кимәле яҡынса 80 процент тәшкил итә. Куйбышев исемендәге хужалыҡта сәсеү комплекстарын ремонтлау көҙҙән үк башланған. Цехтарҙа эш бөгөн дә дауам итә.

Ҡырмыҫҡалы районында йәшәүсе ир ҡар аҫтында ҡалған баҙға ҡолаған баланы ҡотҡарған

Геройҙар беҙҙең арала. Ҡырмыҫҡалы районында йәшәүсе ир ҡар аҫтында ҡалған баҙға ҡолаған баланы ҡотҡарған. Бәхеткә, ваҡиға шаһиты булған әсә уҙып барған йәйәүлене ярҙамға саҡыра. Әйткәндәй, ҡатындың тормош иптәше, атаһы һәм ҡайныһы әлеге көндә махсус хәрби операцияла. Берәүҙәр хәрби бурысын үтәгәндә, тылдағылар уларҙың ғаиләһенә ярҙам итә. Тулыраҡ киләһе яҙмала.