Октябрьскиҙан мәктәп уҡыусыһы махсус хәрби операцияла ҡатнашыусыларға уйынсыҡтар бәйләй

Октябрьскиҙан мәктәп уҡыусыһы Диана Гәрәева махсус хәрби операцияла ҡатнашыусыларға уйынсыҡтар бәйләй. Бүләкте ҡулына алған алғы һыҙыҡтағылар ябай ғына уйынсыҡтарҙа өй йылыһын тойоуын билдәләй. Уларҙы бетеү итеп кеҫәләрендә лә йөрөтә. Ҡыҙ бәйләмдәрҙе былтыр бәйләй башлаған. Ырғаҡ менән оҫта эш итергә уны әсәһе өйрәткән.

Джошуа Ливо Континенталь хоккей лигаһының даими чемпионаты рекордын ҡуйҙы

Юлаевсылар легионеры «Авангард» менән һуңғы уйында 3 шайба индерҙе һәм быйылғы миҙгелдә дүртенсе тапҡыр хет-трик яһаны. Быға тиклем өсәр хет-трик менән юғары ҡаҙанышты Владимир Тарасенко, Найджел Доус, Илья Ковальчук һәм Дмитрий Яшкин бүлешә ине. Яҡташыбыҙ шулай уҡ Владимир Тарасенконың хет-триктар һаны буйынса рекордын ҡабатланы.

Башҡортостандың Юл хәрәкәтен ойоштороу үҙәгенә заманса транспорт саралары тапшырылды

Юл хәүефһеҙлеге һағына - 10 яңы автомобиль. Бөгөн Башҡортостандың Юл хәрәкәтен ойоштороу үҙәгенә заманса транспорт саралары тапшырылды. Үҙәк хеҙмәткәрҙәренә «Лада Гранта» асҡыстарын Башҡортостан Хөкүмәте Премьер-министры урынбаҫары Рөстәм Ғәзизов тапшырҙы.

Башҡортостандың сәнәғәт кластерҙары ил кимәлендә танылыу яулай

Башҡортостанда былтыр импортты алмаштырыусы продукция күләме 380 миллиард һумдан ашып киткән. 2023 йыл менән сағыштырғанда, был күрһәткестәр ике тапҡырға күберәк. Етештереү күләме артыуы сәнәғәт кластерҙарына берләшеү һөҙөмтәһе. Республикала иҡтисадтың төрлө тармағында 23 сәнәғәт кластеры эшләй. Станоктар төҙөлөшө кластерында әле ике импортты алмаштырыу проекты тормошҡа ашырыла. Шуларҙың береһе Өфөләге ЕСМ-Станкомонтаж предприятиеһы.

Сатлама һыуыҡ көндәрҙә Өфө районы Шамонин ауылы халҡы утһыҙ ҡалған

Һепертмә буранда һәм ҡараңғы йортта ҡалған кешеләргә баш ҡала үҙәге, күрше ауылдағы туғандарында ҡунырға килгән осраҡтар ҙа теркәлгән. Уҙған тәүлектә Шамонин ауылы мәктәбендә дәрестәр ҙә дистанцион форматта ойошторола, балалар баҡсаһы эшләмәй.

Махсус хәрби операция ветераны йәш быуынға тәжрибә уртаҡлаша

Ҡаһарманлыҡ дәресе. «Батырлыҡ» ордены кавалеры Ринат Күлтоманов Өфөнөң 2-cе башҡорт лицейы уҡыусылары менән осрашып, хәрби хеҙмәт юлы тураһында һөйләне. Осрашыу барышында ул уҡ атыу буйынса оҫталыҡ дәресе лә уҙғарҙы.

Проекттан маҡсатҡа: уҡыусыларҙың идеялары яңы мөмкинлектәр аса

Ейәнсура районы белем усаҡтары «Мәктәптәрҙе инициативалы бюджетлау проекты» буйынса республика райондары араһында рекорд ҡуйған. Төрлө проблемаларҙы хәл итеүсе 12 проект грант алыуға өлгәшкән. Киләсәккә лә маҡсаттар юғары. Әле үк райондың барлыҡ 18 мәктәбендә проекттар яҙыу, уларҙы яҡлау этабы бара.

Яһалма интеллект урман һәм ауыл хужалығы эшмәкәрлеген үҙгәртә

Яһалма интеллект ауыл һәм урман хужалығына ла үтеп инде. Өфө дәүләт нефть техник университеты ғалимдары заман мөмкинлеген тупраҡта углекислый газ миҡдарын иҫәпләүҙә, ағастар ҡороуын билдәләүҙә файҙаланырға өйрәнгән. Был ҡул хеҙмәтен ябайлаштырыуҙан тыш, әйтәйек, урман янғындарын иҫкәртергә ярҙам итә.

Быйыл "Башҡорт ихаталар"ына миллиард һумдан ашыу аҡса һалына

Программа ярашлы, 98 биләмә тәртипкә килтерелә, тип хәбәр итәләр Торлаҡ-коммуналь хужалыҡ министрлығынан. 2019 йылдан башлап "Башҡорт ихаталары" программаһына ярашлы, 1 мең 469 биләмә төҙөкләндерелгән. Бының өсөн 7 миллиард һумдан ашыу аҡса тотонолған. Быйыл программа 33 район һәм ҡалала ғәмәлгә ашырыла.

Балаларға тәмәке һатыусылар өсөн штраф артты

Дәүләт Думаһы закон ҡабул итте. Һатыусылар өсөн штраф быға тиклем 60 мең һум булһа, хәҙер - 300 мең. Ойошмалар өсөн дә сумма бер нисә тапҡырға артып 2 миллион һумға етте. Дәүләт Думаһынан хәбәр итеүҙәренсә, тәмәке баҙарына контроль кәрәк. Уҙған йылда тикшереүҙәр һөҙөмтәләре буйынса тауарҙың 43 проценты тейешенсә тамғаланмай һатыуға сығарылған.

⚡️⚡️ Розыгрыш двух пар билетов на баскетбольный матч звезд АСБ в Уфе!

Уникальное событие пройдет уже завтра, 24 января в 18:00 во Дворце борьбы.

В программу также включен конкурс трехочковых бросков, зрелищный Slam Dunk Contest для парней и Skills Challenge для девушек и яркая шоу-программа.

Как принять участие в розыгрыше?

👉🏻 Подписаться на наш телеграм-канал: https://t.iss.one/bst_rb

👉🏻 Нажать кнопку “Участвую!” и ждать результатов

Итоги конкурса подведем 24 января в 15:00. Бот-рандомайзер случайным образом выберет двух победителей, которые выполнили все условия конкурса.

Всем удачи!

Башҡортостанда шәхси спорт мәктәптәре өсөн талаптар үҙгәрә

Республика парламентында ҡануниәткә төҙәтмәләр әҙерләнгән. Спикер Константин Толкачев белдереүенсә, дәүләт һәм муниципаль мәктәптәрҙә юғары белемле спортсы-профессионалдар ғына эшләй ала. Шәхси мәктәптәрҙә тренерҙар составы буйынса талап ҡуйылмаған. Уларҙан хатта хөкөм ителмәүе тураһында белешмә һорамайҙар. Шуға был өлкәлә тәртип урынлаштырырға, "спорт мәктәбе" тигән төшөнсәне дәүләт һәм муниципаль ойошмаларҙа ғына ҡулланырға тәҡдим ителә.

Алғы һыҙыҡтағылар өсөн Кушнаренко ауылынан изге ярҙам

Махсус хәрби операцияла ҡатнашҡан яугирҙарҙы хәстәрләп. 2023 йылдың декабренән алып Кушнаренко ауылында «Изгелек уты» тип исемләнгән ирекмәндәр хәрәкәте эшләй. 5 меңдән ашыу окоп шәме, 200-гә яҡын маскировка селтәре - әүҙем граждандар көсө менән алғы һыҙыҡтағыларға гуманитар ярҙам, посылкалар даими оҙатыла.

Баймаҡ лицей-интернаты уҡыусылары яугирҙарға ярҙам күрһәтеүҙә өлгө күрһәтә

Баймаҡ полилингваль күп профилле лицей-интернаты уҡыусылары махсус хәрби операцияла ҡатнашыусылар өсөн блиндаж шәмдәре һәм маскировка селтәрҙәре әҙерләй. Фронттың алғы һыҙығына ебәрелгән ылау ир-егеттәргә тыуған яҡ сәләме лә алып бара.

Инйәр мәктәбендә ата-әсәләр йыйылышы ярҙам һәм патриотик тәрбиә дәресе менән үтте

Белорет районы Инйәр ауылының 2-се урта дөйөм белем биреү мәктәбендә ата-әсәләр йыйылышы махсус хәрби операцияға ярҙам итеү акцияһы менән берлектә ойошторолған. Балаларының өлгәше, мәктәп эшмәкәрлеге, үткән уҡыу йылы һөҙөмтәләре менән танышырға килгән ата-әсәләр окоп шәмдәре, ҡоро душ эшләүгә йәлеп ителгән.

Ауырғазы районы башҡорттары сираттағы ҡорға йыйылды

Йәмәғәт ойошмаһы ағзалары 6-сы Бөтә донъя башҡорттары ҡоролтайы ҡуйған бурыстар буйынса фекер алышты. Сығыштарҙа билдәләнеүенсә, районда йыл һайын туған телдәр һәм милли мәҙәниәтте һаҡлау, ҡул эштәре оҫталарына ярҙам күрһәтеү, милли спорт төрҙәре һәм мәҙәни брендтарҙы үҫтереү, милли йолаларҙы тергеҙеү буйынса төрлө проекттар уңышлы тормошҡа ашырыла.

Рәсәйҙә студенттар өсөн декрет пособиеһын ун тапҡырға арттырырға кәңәш итәләр

Хеҙмәт һәм социаль яҡлау министрлығы ошондай башланғыс менән сыҡты. Пособиены 235 мең һумға тиклем күтәреү мөмкинлеге бар. Уны иҫәпләгәндә стипендия күләме урынына минималь хеҙмәт хаҡына ҡарарға тәҡдим ителә. Закон проекты Думала яҙғы сессияла ҡарала.

Башҡортостан йәшәү сифаты буйынса тәүге 10 төбәк иҫәбенә инде

Һөйөнөслө яңылыҡ менән социаль селтәрҙәрҙә Радий Хәбиров уртаҡлашты. Рәсәй субъекттарының йыллыҡ рейтингы һөҙөмтәләре менән Стратегик башланғыстар агентлығы етәксеһе Светлана Чупшева президент Владимир Путинды таныштырҙы.

Өфөлә «Апиглобал» халыҡ-ара конгресы башланды

Бөтә донъя умартасылары Өфөгә йыйылды. Бөгөн «Торатау» конгресс холында «Апиглобал» халыҡ-ара конгресы башланды. Абруйлы сарала Рәсәйҙең 80 төбәгенән һәм 15 сит илдән ҡунаҡтар ҡатнаша. Конгрессты уҙғарыу урыны итеп тап Башҡортостан һайланыуы осраҡлы түгел. Республика тауар балын етештереү буйынса алдынғы урынды биләй, бал күптән инде төбәктең визит картаһына әүерелгән. Әлеге ваҡытта Башҡортостанда умартасылыҡты үҫтереүгә дәүләт ярҙамы ла күрһәтелә.

Башҡортостанда мөмкинлектәре сикләнгән граждандар өсөн хәстәрлек йылына йомғаҡ яһалды

Башҡортостан башлығы Радий Хәбиров мөмкинлектәре сикләнгән граждандарҙы хәстәрләү йылына йомғаҡ яһап координация советы ултырышын үткәрҙе. Көн тәртибендә инвалидтарҙың көндәлеген еңелләштереү өсөн уңайлы мөхит, хәүефһеҙ инфраструктура булдырыу, социаль реабилитация йүнәлешен үҫтереү мәсьәләләре ҡаралды.

Өфөлә республика буйынса Росгвардия идаралығы йыл йомғаҡтарын барланы

Фронт биләмәһендә хеҙмәттән тыш, 2024 йылда ведомство өсөн элеккесә йәмәғәт тәртибен тәьмин итеү төп бурыс булып ҡала. Росгвардия хеҙмәткәрҙәре быны яҡшы аңлап эш итә. Президент һайлауы, Бөйөк Еңеүҙең 79 йыллығы, «Рәсәй - спорт державаһы» кеүек күләмле сараларҙа ла йәмәғәт тәртибен юғары кимәлдә тәьмин иткән.