Ҡурсаулыҡ биләмәләрендә даими рейдтар уҙғарыу тураһында закон ҡабул ителә

Проект әҙерләнгән. Спикер Константин Толкачев белдереүенсә, һаҡланған биләмәләр ҙур, уларҙы контролдә тотоу өсөн бер нисә көн йөрөргә кәрәк. Әлеге ҡануниәт буйынса оҙайлы рейдтар уҙғарырға ярамай. Закон ҡабул ителһә, инспекторҙар теләгән ваҡытта рейдҡа сыға, документтарҙы, транспорты тикшерә ала, тине Дәүләт Йыйылышы-Ҡоролтай рәйесе. Закон проекты ғинуар аҙағында парламенттың пленар ултырышында ҡарала.

🎬 «Мин ҡайтырмын!» документаль фильмы зәңгәр экрандарға сыға

21 ғинуарҙа, 20.30 сәғәттә, республиканың төп телеканалында – «Мин ҡайтырмын!» документаль фильмының премьераһы.

📌 Реставрация ни өсөн кәрәк? Төҙөкләндереү өсөн һәйкәлде постаменттан алыу мотлаҡмы? Атлы батыр ҡасан үҙ урынына ҡайтыр? Һәйкәл, постамент, каркас ниндәй хәлдә? Ошо һорауҙарға аныҡ һәм асыҡ яуаптарҙы документаль фильмда табырһығыҙ.

Картина нигеҙендә – бихисап анализдар һөҙөмтәләре, проект документтары нескәлектәре, билдәле эксперттар фекере. Архитекторҙар, скульпторҙар, проектлаусылар, реставраторҙар, тарихсылар һәйкәлде һаҡлап ҡалыу тураһындағы фекерҙәре менән бүлешә.

🎥 «Юғарыла, һәйкәл янында ниндәй тойғолар кисергәнебеҙҙе аңлатып бөтөргөһөҙ. Ижади төркөм үҙ өҫтөнә ниндәй яуаплылыҡ алыуын аңлай. Фильмыбыҙ республика халҡын борсоған ҡатмарлы һорауҙарға яуап бирер, тип ышанабыҙ», – ти фильм авторы, ижади төркөм етәксеһе Гәүһәр Батталова.

🕐 21 ғинуар, 20.30 сәғәттә, БСТ телеканалында. Фильмдың премьераһынан ситтә ҡалмағыҙ!

БСТ-ла — «Юлдаш+» милли йәштәр фестивале!

😍25 ғинуар 23:15 сәғәттә БСТ телеканалында «Юлдаш Plus» милли йәштәр фестивален ҡарарға онотмағыҙ.

Башҡортостанда 5157 яугир һәм уларҙың ғаилә ағзалары шифаханала ял иткән

Ошо маҡсатта республика бюджетынан 128 миллион һум аҡса тотонолған. 2023 йыл менән сағыштырғанда, 50 миллион һумға күберәк. Быйыл махсус хәрби операцияла ҡатнашыусылар һәм уларҙың ғаилә ағзаларына ярҙам йылында яугирҙарҙың сәләмәтлеген нығытыуға бүленәсәк аҡсалар тағы ла артасаҡ.

Оборона министрлығы менән контракт төҙөргә Башҡортостанға Рәсәйҙең башҡа субъектарынан да киләләр

Был хаҡта Өфөләге «Защитник» үҙәге хәбәр итә. Махсус хәрби операцияға барырға теләүселәр бында тәүлек эсендә килешеү төҙөй ала. Сөнки барыһы ла - документтарҙы ҡабул итеүҙән алып анализ тапшырыуға тиклем бер урында башҡарыла. Кандидаттарҙың сәләмәтлеген тиҫтәләгән белгес баһалай. Буласаҡ яугирҙар араһында кисектергеһеҙ хәрби хеҙмәткә бармаусылар ҙа, әммә ваҡыт уҙыу менән гражданлыҡ бурысын үтәргә ҡарар иткәндәр ҙә бар.

Керәшен байрамдары уңайынан госпиталдә рухи осрашыу ойошторолдо

Керәшен байрамдары уңайынан Һуғыш ветерандары республика клиник госпиталендә диндарҙар һәм «Ватанды һаҡлаусылар» дәүләт фонды вәкилдәре яугирҙар менән осрашты. Православ динендәге хәрбиҙәр отец Александр менән аралашты.

Өфөлә «Мин ишетәм һеҙҙе, доктор!» проекты тормошҡа ашырыла

Уның сиктәрендә табиптар ишетеү һәләте насар булған пациенттар менән ым-ишара теле аша һөйләшергә өйрәнә. Тулыраҡ киләһе яҙмала.

Баймаҡ районының Аҡморон ауылында патриотик спорт сараһы үтте

Рәсәйҙә Ватанды һаҡлаусылар, Башҡортостанда махсус хәрби операцияла ҡатнашыусыларға һәм уларҙың ғаилә ағзаларына ярҙам йылы сиктәрендә мәҙәни, спорт саралары ла ойошторола. Баймаҡ районы Аҡморон ауылында уҙған волейбол турниры илһөйәр командаларҙы йыйҙы. Был хаҡта киләһе сюжетта.

Башҡортостанға инвестициялар 4 йылда ике тапҡырға артҡан

Был турала премьер-министр Андрей Назаров белдерҙе. 2021 йылда 338 миллиард һум йәлеп ителгән булған, хәҙер был һан 643 миллиардҡа еткән. Беренсе вице-премьер-Иҡтисади үҫеш һәм инвестиция сәйәсәте министры Рөстәм Моратов белдереүенсә, Башҡортостан Рәсәйҙең йылдам үҫешеүсе төбәктәре рәтендә. Инвестиция күрһәткестәре лә яҡшыра бара.

Башҡортостанда айлыҡ коммуналь түләү ваҡытын үҙгәртергә тәҡдим итәләр

Дәүләт Йыйылышы-Ҡоролтайҙа закон проекты әҙерләнгән. Әле Торлаҡ кодексы буйынса түләү һәр айҙың 10-сы көнөнә тиклем башҡарылырға тейеш. Дөйөм йорт өсөн иҫәпләү приборҙарындағы күрһәткестәр 23-сө 25-се көндәрҙә теркәлә. Был йортта уртаҡ милек өсөн коммуналь ресурстарға түләүҙе иҫәпләгәндә ҡатмарлыҡтар тыуҙыра. Депутаттар коммуналь түләү ваҡытын айҙың 25-се көнөнә тиклем билдәләргә тәҡдим итә.

Мутлашыусылар электр иҫәпләү приборын алмаштырыу һылтауы менән халыҡты алдай

Салауат ҡалаһында 72 йәшлек ҡатынға социаль селтәр аша шылтыратҡандар. Электр иҫәпләгесте бушлай алмаштырыу өсөн СМС-хәбәр менән килгән кодты әйтергә күндергәндәр. Бер аҙҙан яңы шылтыратыу булған. Ҡатындың дәүләт хеҙмәттәре порталындағы кабинеты мутлашыусылар ҡулында булыуы, аҡсаһын һаҡлап ҡалыу өсөн, уны тиҙ генә икенсе иҫәпкә күсереп өлгөрөргә кәрәк тип кәңәш иткәндәр. Ҡатын был кәңәште үтәгән һәм аҡсаһыҙ ҡалған, тип хәбәр итәләр Эске эштәр министрлығынан.

Башҡортостанда мәктәп туҡланыуын ойоштороу тәжрибәһе илдә иң яҡшыһы тип танылды

Был турала Башҡортостан башлығы Радий Хәбиров социаль селтәрҙә яҙып сыҡты. Ул белдереүенсә, республика мәктәптәре, балалар баҡсалары һәм дауаханаларҙа туҡланыу сифаты даими контролдә ҡала. Былтыр ғына социаль учреждениеларҙа аҙыҡ сифаты өсөн яуаплы ойошмалар тарафынан план буйынса һәм пландан тыш 700-ҙән ашыу күсмә, 3600-ҙән ашыу лаборатор тикшереү уҙғарылған. Етешһеҙлектәр теркәлһә лә, улар йылдан-йыл кәмей.

Дәүләт Йыйылышы-Ҡоролтайҙың Президиум ултырышында социаль закондар ҡаралды

Ауыл хужалығын үҫтереү, Бала хоҡуҡтары буйынса вәкилдең вәкәләттәрен арттырыу, социаль йүнәлешле коммерция булмаған ойошмаларға дәүләт ярҙамы.Бөгөн Дәүләт Йыйылышы-Ҡоролтайҙың Президиум ултырышында ошо һәм башҡа закон проекттары ҡаралды.

Башҡортостанға яҡынлашып килгән сатлама һыуыҡтар һөҙөмтәһендә мәктәптәрҙә дәрестәр туҡтатылыуы ихтимал

Был хаҡта республиканың мәғариф һәм фән министры Илдар Мәүлетбирҙин хәбәр итте. Метеорологтар фаразлауынса, яҡын арала төбәктә һауа температураһы түбәнәйеүе көтөлә. Шуға ла ауыл ерендәге башланғыс кластар - 23, ҡалала - 25, 5-9 кластар - ауылда - 25, ҡалала 27, өлкән кластар ауылда - 30, ҡалала 32 градусҡа тиклем һыуыҡта мәктәпкә бармаҫҡа мөмкин.

Өфө дәүләт нефть техник университеты аспиранттары роботты башҡортса һөйләшергә өйрәткән

Тимер ярҙамсының телмәр һүҙлеге әлегә ҙур түгел, тик ғалимдар уны камиллаштырыу өҫтөндә эшләй. Киләсәктә иһә ул Евразия кампусында башҡортса экскурсиялар ойошторорға тейеш, тигән маҡсат ҡуйылған.

Башҡортостанда исемен алмаштырырға теләүселәр һаны артҡан

Юстиция эштәре буйынса дәүләт комитеты мәғлүмәттәре буйынса уҙған йылда 4 мең 456 кеше ошондай мөмкинлек менән файҙаланған. Был 2023 йылдағынан 17 процентҡа күберәк. Исем алмаштырыусыларҙың күбеһе Өфө, Стәрлетамаҡ, Салауат, Октябрьский ҡалаларында теркәлгән.

Өфөлә хужаһыҙ хайуандарға ярҙам буйынса акция уҙғарыла

Ул ҡала хакимиәте башлығы Ратмир Мәүлиев башланғысы менән ойошторола. 25 ғинуарҙа Урмансылар паркында приюттарҙа аҫралған эттәр өсөн кәрәк-яраҡ йыйыла. Аҙыҡ-түлек, медицина препарттары, уйынсыҡтар килтерергә була. Тәүге тапҡыр был акция уҙған йылдың декабрендә үтте. Уны ай һайын уҙғарыу планлаштырыла.

Луганск Халыҡ Республикаһы Хөкүмәте ҡарамағында Башҡортостандың тулы хоҡуҡлы вәкиллеге булдырылды

Ул Красный Луч ҡалаһында урынлашасаҡ. Был туралағы указға Радий Хәбиров ҡул ҡуйҙы. Яңы структура Башҡортостан менән Луганск Халыҡ Республикаһы араһында сауҙа-иҡтисади, фәнни-техник, мәҙәни һәм гуманитар бәйләнештәрҙе киңәйтеү менән шөғөлләнәсәк. Башҡортостан башлығы хакимиәтенә ойошманың структураһы һәм штат һаны буйынса тәҡдимдәр әҙерләргә ҡушылды.

Стәрлетамаҡтағы «Ҡыҙыл пролетарий» предприятиеһында самосвалдар йыя башлау планлаштырылған

Евразия киңлегендә яңы техника. Стәрлетамаҡтағы «Ҡыҙыл пролетарий» предприятиеһында самосвалдар йыя башлау планлаштырылған. Ошо маҡсатта Белоруссия, Ҡаҙағстан һәм Рәсәйҙең машиналар төҙөлөшө йүнәлешендәге компаниялары менән хеҙмәттәшлек тураһында килешеү төҙөлгән.

Өфөлә МХО-ла ҡатнашыусылар һәм уларҙың ғаиләләренә ярҙам итеү йылын асыу тантанаһы уҙҙы

Өфөнөң Ленин районында Махсус хәрби операцияла ҡатнашыусылар һәм уларҙың ғаиләләренә ярҙам итеү йылын асыу тантанаһы уҙҙы. Һуңғы өс йылда райондан Ватан һағына 600-ға яҡын кеше баҫҡан, уларҙың күп өлөшө - ирекмәндәр һәм контракт төҙөүселәр. Район хакимиәтендәге һәр бер хеҙмәткәргә бер яугир ғаиләһе теркәлгән, улар төрлө яҡлап ярҙам күрһәтергә бурыслы. Район даими рәүештә фронт биләмәһенә гуманитар ылау оҙата. Ирекмәнлек эшендә әүҙемлек күрһәткән эшҡыуарҙар тантаналы сарала Рәхмәт хаттары һәм миҙалдар менән бүләкләнде.

Махсус хәрби операция башланыу менән «Беҙ бергә» девизы менән тылда халыҡ берләште

Баймаҡ районы халҡы һалдаттарға ярҙам итеүҙе бер минутҡа ла туҡтатмай. Тулыраҡ киләһе яҙмала.