Радий Хәбиров бер төркөм хеҙмәт алдынғыларына дәүләт наградалары һәм маҡтаулы исемдәр тапшырҙы

Яңы йылға юғары исем менән. Башҡортостан башлығы Радий Хәбиров бер төркөм хеҙмәт алдынғыларына дәүләт наградалары һәм маҡтаулы исемдәр тапшырҙы. Йыл тамамланыуға һынаулы ғына көндәр ҡалды. Республика һәм ил өсөн ул еңелдән булманы. Әммә тап һеҙҙең кеүек эшһөйәр һәм илһөйәрҙәр менән бар ауырлыҡтарҙы ла еңеп сығырға мөмкин, тине Радий Хәбиров.

Башҡортостан тәжрибәһе: Татарстан властары яңы идара итеү алымдарын өйрәнә

Татарстан властары республика менән идара итеү үҙәге тәжрибәһен өйрәнеү өсөн Башҡортостанға эшсе төркөм ебәрергә ниәтләй. Был хаҡта Татарстан рәйесе Рөстәм Миңлеханов Өфөгә сәфәре барышында хәбәр итте. Күрше субъект етәксеһе социаль-иҡтисади үҫештең төп күрһәткестәрен сағылдырған интеграцияланған мәғлүмәт системаларын һәм берҙәм майҙансыҡта бөтә министрлыҡ һәм ведомстволарҙың үҙ-ара эш итеү кимәлен юғары баһаланы. Кеше ишетелергә тейеш, муниципалитет башлыҡтары һәм ведомство етәкселәре менән ултырыштарҙа һәр ваҡыт ошо хаҡта һөйләйбеҙ, - тип билдәләне Рөстәм Миңлеханов.

Профилактик медицина тикшереүе һәм диспансеризация яңы йыл байрамдарында ла үтәсәк

Табиптар 30 һәм 31 декабрҙә, шулай уҡ киләһе йылдың 2, 3 , 4, 6 һәм 8 ғинуарында ҡабул итә. Быйыл диспансеризацияла 70-тән ашыу медицина ойошмаһы һәм 30-ға яҡын мобиль бригада ҡатнаша.

Келәш ауылының моделле китапханаһы: мәҙәниәт һәм белем үҙәге

Илдең иң күп китап уҡыған төбәге. Республика бындай баһаға X Бөтә Рәсәй конкурсы йомғаҡтары буйынса лайыҡ булды. Башҡортостанда китапхана селтәре яҡшы үҫешкән. Төбәктә 3200-ҙән ашыу китапхана иҫәпләнә. Һуңғы йылда яңы быуын китапханаларға тағы ла өсәү өҫтәлде. Халыҡ шағиры Мостай Кәримдең тыуған ере Шишмә районы Келәш ауылындағыһының эшмәкәрлеге хаҡында репортаж.

Еңеүҙең 80 йыллығын ҡаршылап: Башҡортостанда ойоштороу комитеты ултырышы үтте

Радий Хәбиров Бөйөк Ватан һуғышында еңеүҙең 80 йыллығын билдәләү буйынса ойоштороу комитеты ултырышы уҙғарҙы. Унда республика хөкүмәте ағзалары, яуаплы ведомстволар, йәмәғәт ойошмалары вәкилдәре һәм хәрби бәрелештәр ветерандары ҡатнашты.

Өфөлә эске эштәр органдары хеҙмәткәрҙәре өсөн күп ҡатлы йорт файҙаланыуға тапшырылды

Бөгөн Өфөлә эске эштәр органдары хеҙмәткәрҙәре өсөн күп ҡатлы йорт файҙаланыуға тапшырылды. Тәүге өй туйлаусыларға фатир асҡыстарын Башҡортостан буйынса Эске эштәр министры Александр Прядко тапшырҙы.

Башҡортостанда медицина ойошмаларының автопаркы 43 яңы автомобиль менән тулыланды

Транспорт саралары «Сәләмәтлек» милли проектының «һаулыҡ һаҡлауҙың беренсел звеноһын яңыртыу» программаһы ярҙамында һатып алынған. LADA Granta Лифтбек асҡыстарын Башҡортостан Хөкүмәте Премьер-министрының беренсе урынбаҫары Урал Килсенбаев һәм Һаулыҡ һаҡлау министры Айрат Рәхмәтуллин тапшырҙы. Автомобилдәр күп функциялы. Уларҙы фельдшерҙарҙы йөрөтөү, анализдар һәм пациенттарҙы ташыу өсөн ҡулланырға мөмкин.

Өфөлә Батырлыҡ һәм Шайморатов ордендары кавалеры Ринат Фәхрисламовтың исеме мәңгеләштерелде

Махсус хәрби операцияла ҡатнашыусыларға хөрмәт менән. Бөгөн Өфөлә Батырлыҡ һәм Шайморатов ордендары кавалеры Ринат Фәхрисламовтың исеме мәңгеләштерелде. Мемориал таҡтаташ Өфөлә, яугир йәшәгән Арыҫлан Мөбәрәков урамындағы 5-се күп ҡатлы йорт диуарына беркетелде.

Эльвира Айытҡолова Иглин районында йәшәгән малайҙың хыялын тормошҡа ашырҙы

Дәүләт Думаһы депутаты Эльвира Айытҡолова Иглин районында йәшәгән малайҙың хыялын тормошҡа ашырҙы. Төбәккә эш сәфәре барышында халыҡ һайланыусыһы балалар өсөн яңы йыл сараларын әҙерләү һәм үткәреү менән танышты. Эльвира Ринат ҡыҙы «Теләктәр шыршыһы»нда ла ҡатнашты. Ул Урман ауылы малайының иң ҙур хыялы яҙылған шарҙы алды.

Байрамға бүләктәр алып бөттөгөҙмө, дуҫтар?🎁

Яңы йылға тиклем 5 көн ҡалды! 🎄

“Салауат Юлаев” хоккейсыһы - КХЛ-дың иң мәргән уйынсыһы

Джошуа Ливо 33 уйында 23 шайба индергән, 15 һөҙөмтәле пас биргән. Юлаевсылар легионерҙары Шелдон Ремпал менән Нэйтон Тодд та исемлектә юғары урындарҙы биләй. “Салауат Юлаев”ҡа Яңы йылға тиклем ике уйын уҙғараһы ҡалды. 28 декабрҙә Өфөгә Череповецкиҙан “Северсталь”, 30-ында Астананан “Барыҫ” килә.

Бөйөк Еңеүҙең 80 йыллығы уңайынан ойоштороласаҡ саралар иғлан ителде

Төп тантаналар 9 майға билдәләнде, тип хәбәр итәләр Башҡортостан башлығы матбуғат хеҙмәтенән. Был көндө Рәсәй Геройы Миңлеғәли Шайморатов һәйкәле һәм Еңеү паркындағы Мәңгелек утҡа сәскә һалына. Сарала ветерандар, хәрби-патриотик клуб ағзалары, ирекмәндәр һәм махсус хәрби операция яугирҙары ҡатнаша. Еңеү көнөндә баш ҡалала хәрбиҙәр һәм хәрби техника парады була. Шулай уҡ “Үлемһеҙ полк” акцияһы һәм тантаналы йыйылыш уҙғарыу ҡарала.

Сибайҙа йәшәгән Бөйөк Ватан һуғышы ветераны 101 йәшен ҡаршылай

Сәмиға Ырыҫбаеваны Дәүләт Думаһы депутаты Зариф Байғусҡаров ҡотлаған. “Йыл һайын Еңеү көнөндә Сәмиға апайға ҡунаҡҡа барам. Ул мине ихлас ҡаршылай. Ветераныбыҙ Сибай ҡалаһын ярата. Бында 60 йылдан ашыу йәшәй. Хөрмәтле ил инәһенә ныҡлы һаулыҡ һәм именлек теләйем”, - тип яҙған социаль селтәрҙәге сәхифәһендә Зариф Байғусҡаров. Сәмиға Ырыҫбаева 1942 йылда Совет Армияһы сафына саҡырыла. Училищела уҡый. Авиамеханик, парашют төрнәүсе була. Украина, Польша һәм Чехословакияны азат итеүҙә ҡатнаша.

Радий Хәбиров «Дөрөҫлөк. Яуаплылыҡ. Ҡаһарманлыҡ» премияһына лайыҡ булған журналистарҙы тәбрикләне

Башҡортостан башлығы Радий Хәбиров «Дөрөҫлөк. Яуаплылыҡ. Ҡаһарманлыҡ» премияһына лайыҡ булған журналистарҙы тәбрикләне. Республика етәксеһе махсус хәрби операция биләмәһе яңылыҡтарын, геройҙар тормошон алғы һыҙыҡҡа барып яҡтыртҡан журналистарҙың хеҙмәтен баһалап, юғары һөнәри оҫталыҡ, ҡыйыулыҡ һәм объектив мәғлүмәт өсөн оло рәхмәтен еткерҙе.

Өфөлә «Башавтотранс»тың элекке директоры Анатолий Барсуков тураһында китаптың исем туйы үтте

Ул предприятиеға 1976 йылдан 1999 йылға тиклем етәкселек иткән. Презентацияға транспорт ойошмаһы ветерандары саҡырылды. «Башавтотранс» тың хәҙерге етәксеһе Нәдир Сәмиев үҙ сығышында предприятиены үҫтереү пландары менән уртаҡлашты. Әйткәндәй, пассажирҙар хеҙмәтләндереүсе компанияла тотош хеҙмәт династиялары барлыҡҡа килгән. Анатолий Барсуков менән бергә эшләгән күп кенә ветерандарҙың балалары ла хәҙер «Башавтотранс»та фиҙаҡәр хеҙмәт итә.

Өфөнөң 17-се балалар дауаханаһы пациенттарын етеп килгән байрам менән ҡотҡарыусылар ҡотланы

Ҡыш бабай менән Ҡарһылыу тәҙрә шаҡый. Өфөнөң 17-се балалар дауаханаһы пациенттарын етеп килгән байрам менән баш ҡаланың граждандарҙы яҡлау идаралығы ҡотҡарыусылары ҡотланы. Улар кескәйҙәр янына Ҡыш бабай менән Ҡарһылыу кейемендә махсус ҡоролма ярҙамында ҡыйыҡтан өсөнсө ҡатҡа төшөп, тәҙрә аша инде. Акцияның маҡсаты - бәләкәй пациенттарға байрам кәйефен бүләк итеү. Балалар ҙа һынатманы, Ҡыш бабайға үҙ һәләттәрен күрһәтеп тәмле бүләктәр алды.

Стәрлетамаҡтың 23-сө мәктәбендә Росгвардия, шайморатовсылар һәм полиция кластары өсөн бал ойошторолдо

Стәрлетамаҡтың 23-сө полилингваль күп профилле мәктәбендә Росгвардия, шайморатовсылар һәм полиция кластары өсөн бал ойошторолдо. Алтынсы йыл рәттән үткән сараны уҡыусылар быйыл да түҙемһеҙләнеп көтөп алды, сөнки Яңы йыл алдынан ойошторолған бал мәктәп тормошондағы сағыу ваҡиғаларҙың береһе булып һанала. Тантана почетлы ҡарауылдың гимндар аҫтында дәүләт флагтарын индереүенән башланды. Милли гвардия сафтарына баҫыусыларҙы мәртәбәле ҡунаҡтар тәбрикләне.

Өфө дәүләт сәнғәт институтының Шаляпин залында «Төньяҡ амурҙары» операһының премьераһы үтте

Заһир Исмәғилев исемендәге Өфө дәүләт сәнғәт институтының Шаляпин залында «Төньяҡ амурҙары» операһының премьераһы үтте. Композитор Шәүрә Сәғитова Илмар Әлмөхәмәтов либреттоһына ижад иткән заманса музыкаль әҫәр 1812 йылғы Ватан һуғышында еңеүгә ҙур өлөш индергән башҡорт яугирҙарына арналған.

Радий Хәбиров төбәк үҫеше буйынса Хөкүмәт комиссияһы президиумы ултырышында ҡатнашты

Бөгөн Радий Хәбиров төбәк үҫеше буйынса Хөкүмәт комиссияһы президиумы ултырышында ҡатнашты. Видеобәйләнеш режимында ойошторолған кәңәшмәне Рәсәй Хөкүмәте рәйесе урынбаҫары Марат Хөснуллин үткәрҙе. Осрашыуҙа милли һәм федераль проекттарҙы тормошҡа ашырыуҙың яҡынса йомғаҡтары барланды.

Радий Хәбиров «Дөрөҫлөк. Яуаплылыҡ. Ҡаһарманлыҡ» премияһына лайыҡ булған журналистарҙы тәбрикләне

Башҡортостан башлығы Радий Хәбиров «Дөрөҫлөк. Яуаплылыҡ. Ҡаһарманлыҡ» премияһына лайыҡ булған журналистарҙы тәбрикләне. Республика етәксеһе махсус хәрби операция биләмәһе яңылыҡтарын, геройҙар тормошон алғы һыҙыҡҡа барып яҡтыртҡан журналистарҙың хеҙмәтен баһалап, юғары һөнәри оҫталыҡ, ҡыйыулыҡ һәм объектив мәғлүмәт өсөн оло рәхмәтен еткерҙе. Тантаналы шарттарҙа киң мәғлүмәт сараларында эшләгән 20 журналист 300-әр мең һум күләмендә премия менән бүләкләнде.

Ҡышҡы каникул осорона әҙерлек: Радий Хәбиров оператив штаб ултырышын үткәрҙе

Яҡынлашып килгән байрам осоронда район-ҡалаларҙа 1 мең 300-гә яҡын яңы йыл ҡаласығы эшләйәсәк, уларҙың 232-һе - Өфөлә. Властарҙың бурысы - халыҡтың күпләп йәшәгән урындарында хәүефһеҙлекте тәьмин итеү. Был мәсьәлә террорға ҡаршы комиссия һәм оператив штабтың берлектәге ултырышында тикшерелде.