Урал аръяғының йәмәғәт башланғыстары союзы Донбасҡа сираттағы гуманитар ылау менән барҙы

Йылы ойоҡбаштарҙан алып генераторҙарға тиклем. Урал аръяғының йәмәғәт башланғыстары союзы Донбасҡа сираттағы гуманитар ылау менән барҙы. Уны республиканың көнъяҡ райондары халҡы һәм эшҡыуарҙар туплаған.

Махсус хәрби операция инвалиды йәшәгән шәхси йортҡа пандус ҡуйыу мөмкинме?

Башҡортостан Башлығы менән тура бәйләнеш барышында ошондай һорау бирелде.

Радий Хәбировҡа махсус операция ветераны, 1-се төркөм инвалиды Азамат Әйүпов мөрәжәғәт итте. “Аҡса табабыҙ. Пандус ҡуябыҙ. Мәсьәләне урындағы власть хәл итә”, - тине Радий Хәбиров.

Һорау авторы Азамат Әйүповҡа тиҙҙән ҡул менән идара ителгән автомобиль тапшырыла. 2025 йыл республикала Махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылы тип иғлан ителде.

«Беҙ һәйкәлде юҡ итергә уйламайбыҙ!»

Башҡортостан Башлығының тура бәйләнеше барышында Салауат Юлаев һәйкәлен реконструкциялауға бәйле һорауҙың булыуы тәбиғи ине. Уны журналист Рита Өмөтбаева бирҙе.

Радий Хәбиров әйтеүенсә, һәйкәлде төҙөкләндереү йыл ярым ваҡытты аласаҡ. Эштәр 2025 йылда башланасаҡ.

Бөгөн Ватан геройҙары көнө

“Беҙ ябай булмаған осорҙа – батырҙар дәүерендә йәшәйбеҙ. Башҡалар өсөн йәшәгән кешеләр бар. Улар Тыуған илде һаҡлай, Ватаныбыҙ өсөн һәләк була”, - тип яҙған социаль селтәрҙәге сәхифәһендә Башҡортостан башлығы Радий Хәбиров. Махсус хәрби операция барышында республиканан 12 яугир Рәсәй Геройы исеменә лайыҡ булды. “Ҡыҙғанысҡа ҡаршы, уларҙың араһында үлгәндән һуң ошо наградаға күрһәтелгәндәр бар. Махсус хәрби операция биләмәһендә бурысын намыҫ менән үтәгән ир-егеттәрҙең барыһына ла рәхмәт әйтәм. Улар 80 йыл элек донъяны фашизмдан азат иткән ҡаһарман олаталарының лайыҡлы дауамы. Һәр яугир алдында баш эйәм. Уларҙың батырлығы бер ҡасан да онотолмаясаҡ”, - тигән Радий Хәбиров.

Туймазы ҡалаһында 3 үҫмер аварияға осраған, уларҙың береһе һәләк булған

Юл-транспорт ваҡиғаһы Фабрика урамында теркәлә - ВАЗ автомобиле юлдан сығып түңкәрелә. Ғәҙәттән тыш хәлдәр министрлығы хеҙмәткәрҙәре йәрәхәт алған 15 һәм 17 йәшлек үҫмерҙәрҙе дауаханаға оҙата, 13 йәшлеге һәләк була. Урында тәфтиш-оператив төркөм эшләй, авария сәбәптәре буйынса тикшереү башланған. Мәғлүмәт Республика бала хоҡуҡтары буйынса тулы хоҡуҡлы вәкиленә, Мәғариф һәм фән министрлығына ебәрелгән.

Өфөлә геройҙарҙы иҫкә алдылар

Бөгөн Ватан геройҙары көнө. Ошо уңайҙан Өфөлә сәскә һалыу тантанаһы үтте. Башҡортостан премьер-министры вазифаһын башҡарыусы Андрей Назаров республиканың күп милләтле халҡы исеменән Рәсәй Геройы генерал-майор Миңлеғәли Шайморатов һәйкәленә сәскә һалды. Башҡортостан хөкүмәте ағзалары һәм хәрбиҙәр баш ҡаланың Еңеү парында булды. Улар Мәңгелек утҡа сәскә һалды. Сарала йәш армиясылар, кадеттар, ике тапҡыр Советтар Союзы Геройы Муса Гәрәев исемендәге мәктәп-интернат уҡыусылары ҡатнашты. Улар Александр Матросов һәм Миңлеғәли Ғөбәйҙуллинға хөрмәт белдерҙе. Батырҙар һәйкәленә сәскә һалды.

Өфөлә Мортаза Рәхимов проспекты булдырыла

Ҡала хакимиәте халыҡ фекерен белешә. Киров районында, Кузнецов Затонындағы проспектҡа Башҡортостандың беренсе президенты исемен бирергә тәҡдим ителә. Уның оҙонлоғо 3 километрға яҡын. Өфө халҡы фекерен хакимиәт сайтында 11 декабргә тиклем ҡалдыра ала.

Өфөлә бер кеше 3 миллион 800 мең һумға алданған

Эске эштәр министрлығы мәғлүмәттәре буйынса, Нуғай ауылынан 56 йәшлек иргә социаль селтәрҙә ул элек эшләп киткән компанияла Федераль именлек хеҙмәте йәнәһе лә тикшереү уҙғарыуы тураһында хәбәр килгән. Унан һуң шылтырыусы үҙен дәүләт ведомствоһы хеҙмәткәре итеп танытҡан. Ир исеменә аҡса алырға теләүҙәре, мутлашыусыларҙан һаҡланыу өсөн кредит алып финансты хәүефһеҙ иҫәпкә күсерергә күндергән.

Башҡортостандың боҙҙа мотоуҙышсылары юбилейлы миҙгелгә әҙерләнә

2025 йылдың 20 февралендә Өфөлә боҙҙа мотоуҙыш буйынса тәүге ярыштар уҙғарылыуға 70 йыл тула. Башҡортостанда киләһе йылда февраль аҙағында Рәсәй Кубогы өсөн шәхси ярыштар уҙғарыла. Мартта командалар араһында ил беренселегенең финал этаптары ойошторола.

Киләсәккә ҡарап. VI Бөтә донъя башҡорттары ҡоролтайы алдынан БСТ телеканалы ижтимағи ойошманың тарихи үткәне һәм әлеге ваҡытта тормошҡа ашырылған мөһим социаль йүнәлешле проекттарына байҡау яһаны.

Документаль фильмда республиканың билдәле шәхестәре ҡоролтайҙың башҡорт халҡының артабанғы үҫеш юлында, рухи ҡиммәттәрен һаҡлауҙа, быуындар бәйләнешен нығытыуҙа тотҡан роле тураһында тураһында фекер алыша. Улар араһында мәҙәниәт һәм сәнғәт эшмәкәрҙәре, әҙәбиәтселәр, йәмәғәтселәр һәм дәүләт власы органдары вәкилдәре лә бар. Экран әҫәрендә БСТ телеканалы архивында тупланған бай видеоматериал файҙаланылған. Фильмдың сценарий авторы - Гөлдәриә Йосопова, ҡуйыусы режиссеры - Светлана Громова, операторы - Илшат Дәүләтбирҙин.

«Киләсәккә ҡарап» тип исемләнгән фильм БСТ телеканалында 10 декабрҙә киске 20:45 сәғәттә эфирға сыға.

Рәсәйҙә Ватан Геройҙары көнө билдәләнә

Бөгөн Рәсәйҙә Ватан Геройҙары көнө билдәләнә. «Беҙгә бик ҡатмарлы ваҡытта - геройҙар дәүерендә йәшәргә тура килә. Улар ҡайһы берҙә үҙ ғүмерҙәрен ҡорбан итеп - Ватаныбыҙҙы дошмандарҙан һаҡлай», тип яҙҙы социаль селтәрҙәрҙә Башҡортостан башлығы. Махсус хәрби операция барышында республиканан 12 кеше Рәсәй Геройы исеменә лайыҡ булды.

Өфөлә Геройҙар Көнө: батырҙар иҫтәлегенә сәскә һалыу тантанаһы үтте

Геройҙар көнө уңайынан Өфөнөң Еңеү паркында «Мәңгелек ут»ҡа һәм Советтар Союзы геройҙары Миңлеғәле Ғөбәйҙуллин менән Александр Матросовтың үлемһеҙ ҡаһарманлығына арналған һәйкәлгә сәскә һалынды. Тантаналы сарала Республика Хөкүмәте, төрлө министрлыҡ-ведомство етәкселәре, кадеттар һәм курсанттар ҡатнашты. Майҙанда Ватан өсөн башын һалған батырҙар бер минут тынлыҡ менән иҫкә алынды. Геройҙар көнө билдәләнеүе йәш быуында Ватанға тоғро һәм фиҙаҡәр хеҙмәт итеү идеалдарын формалаштыра.

Әбйәлил районы суды яңы бинаға күсте

Бөгөн Әбйәлил районы суды яңы бинаға күсте. Өй туйлау тантанаһында Башҡортостандың Юғары суды рәйесе Раил Шәйҙуллин ҡатнашты. Ул урындағы коллективты яңыртылған бинаның асылыуы менән ҡотланы.

«Башҡортостан» мотоуҡсылар полкының артиллеристары дошманға ҡаршы һөҙөмтәле көрәшә

«Башҡороотстан» мотоуҡсылар полкының артиллеристары яйлап, әммә ышаныслы аҙымдар менән алға бара. Гаубица дивизионында хеҙмәт итеүсе яҡташтарыбыҙ дошман нығытмаларын, техникаһын, хәрби көстәрен тар-мар итә. Шулай уҡ Ҡыҙыл лиман йүнәлешендә эшләүсе полкташтарына алға барыу өсөн юл аса һәм контрбатарея көрәше алып бара. Артиллеристарҙың сираттағы заданиеһын беҙҙең хәрби хәбәрселәр ҙә күҙәтте.

Өфөлә «Башҡорт йыры» конкурсының Гала-концерты үтте

«Башҡорт йыры» телевизион проектының быйылғы Гран-приһын Белорет районынан Эльвира Исҡаҡова яуланы. Заһир Исмәғилев исемендәге Өфө дәүләт сәнғәт институтын тамамланған йәш йырсы 100 мең һумлыҡ сертификат һәм зиннәтле статуэтка менән бүләкләнде. Йыл дауамында өс һайлап алыу туры аша үткән конкурсанттар « Башҡортостан» дәүләт концерт залында үткән Гала-концертта тәбрикләнде.

Башҡортостанда төрөк көнбағышын үҫтерәләр

Әбйәлил районында Төркиәнән бер нисә яңы сорт сәселде. Уларҙың береһе рекорд уңыш биргән. Был орлоҡ артабан ҡулланыласаҡ, тип хәбәр итәләр Республика ауыл хужалығы министрлығынан. Өфөлә Бизнес аҙналығында орлоҡсолоҡҡа айырыуса иғтибар булды. Вице-премьер-ауыл хужалығы министры вазифаһын башҡарыусы Илшат Фәзрахманов белдереүенсә, майлы культураларҙан уңыш күләмен миллион тоннаға еткереү маҡсаты ҡуйыла. Быйыл 750 мең тонна үҫтерелгән. Уның 500 меңе көнбағышҡа тура килә.

Билдәле журналист Фирҙәүес Әхмәтйәнова арабыҙҙан китте

Учалы районында журналист, Башҡортостандың атҡаҙанған матбуғат һәм киң мәғлүмәт саралары хеҙмәткәре Фирҙәүес Әхмәтйәнова мәрхүмә булған.

Фирҙәүес Ишморат ҡыҙы Әхмәтйәнова оҙаҡ йылдар Башҡортостан Республикаһының матбуғат һәм киң мәғлүмәт саралары агентлығында баҫма матбуғат бүлеге мөдире булып эшләне.

2021 йылда Фирҙәүес Ишморат ҡыҙы Әхмәтйәнова «Башҡортостан Республикаһы» нәшриәт йорто дәүләт унитар предприятиеһы филиалының Учалы мәғлүмәт үҙәге директоры итеп тәғәйенләнде.

Мәрхүмә менән хушлашыу бөгөн, 10 декабрҙә, Учалы районының Иманғол ауылында үтә.

Балаларға газ һатыусылар штраф түләйәсәк

Дәүләт Думаһы ошо турала закон ҡабул итте. Балалар еҫкәп ағыуланыу хәүефе булған газ тултырылған һауыттарҙы бәлиғ булмағандарға һатырға ярамай. Бының өсөн 60 мең һумдан 600 меңгә тиклем штраф ҡаралған. 2016 йылдан алыу Рәсәйҙә газ еҫкәп 800-ҙән ашыу баланың ғүмере өҙөлгән.

Башҡортостан хөкүмәте составы 19 декабргә тиклем раҫланырға тейеш

Бөгөн хөкүмәттә оператив кәңәшмәлә Радий Хәбиров шулай тип белдерҙе.Башҡортостан Башлығы Дәүләт Йыйылышы-Ҡоролтайға премьер-министр буйынса тәҡдим ебәргән. Был вазифаға Андрей Назаров күрһәтелгән. Шулай уҡ вице-премьерҙар хупланыуы көтөлә. Премьер-министрҙың беренсе урынбаҫарҙары итеп Рөстәм Моратов һәм Урал Килсенбаев тәғәйенләнергә тейеш. Азамат Абдрахманов, Рөстәм Ғәзизов, Ирек Сәғитов, Наталья Полянская, Александр Шельдяев һәм Илшат Фәзрахманов вице-премьерҙар итеп күрһәтелгән.. - Хөкүмәт ойошторолғандан һуң бөтә министрҙар тәғәйенләнә. Был эште 19 декабргә тиклем тамамларға кәрәк, - тип мөрәжәғәт итте Радий Хәбиров парламент рәйесе Константин Толкачевҡа.

Радий Хәбиров Дәүләт Йыйылышы - Ҡоролтайға йыллыҡ мөрәжәғәт менән сығыш яһаясаҡ

Башҡортостан башлығы менән «Тура бәйләнеш» барышында ҡабул ителгән һорауҙар һәм мөрәжәғәттәр ике ай эсендә хәл ителергә тейеш. Был турала республика башлығы Радий Хәбиров аҙналыҡ оператив кәңәшмәлә белдерҙе. Бынан тыш, төбәк етәксеһе Дәүләт Йыйылышы - Ҡоролтайға Андрей Назаровты республика хөкүмәте премьер-министры итеп тәғәйенләү тураһында хат ебәреүе тураһында хәбәр итте. Башҡортостанда 19 декабргә тиклем министрҙар кабинетын формалаштырыу эше тамамланырға тейеш.

Республикала йәштәр өсөн биш үҙәк асылды

Улар Өфө, Ағиҙел, Күмертау ҡалаларында, Краснокама һәм Хәйбулла райондарында урынлашҡан. Йәштәр үҙәктәренә старт Башҡортостан башлығы ҡарамағындағы йәштәр сәйәсәтен һәм ирекмәнлекте тормошҡа ашырыу буйынса координация советы ултырышында бирелде. Сара Шишмә районындағы «Патриот» паркында үтте. Ултырышта Радий Хәбиров һәм «Беренселәр хәрәкәте» рәйесе, Рәсәй Геройы Артур Орлов ҡатнашты.