3 декабрҙә Радий Хәбиров менән «Тура бәйләнеш» ойошторола

3 декабрҙә киске сәғәт 7-лә Башҡортостан башлығы Радий Хәбиров менән «Тура бәйләнеш» ойошторола. Төбәк етәксеһе Башҡортостан юлдаш телевидениеһы, «Рәсәй 24, «Башҡортостан 24», «Бөтә Өфө», «Сәләм», UTV һәм «Юлдаш» радиостанцияһының тура эфирында халыҡтың көнүҙәк һорауҙарына яуап бирәсәк. Тура бәйләнеш трансляцияһын шулай уҡ Радий Хәбировтың «Бәйләнештә» һәм «Класташтар» социаль селтәрҙәрендәге сәхифәләрендә ҡарарға мөмкин.

Ғафури районы хакимиәте халыҡ менән күсмә осрашыуҙар ойоштора

Сираттағы саралар Игенйылға һәм Табын ауылдарында үтте. Унда йәшәүселәр үҙҙәрен борсоған һорауҙарға яуап алды. Халыҡ менән осрашыуҙа райондың төрлө тармаҡ белгестәре лә ҡатнашты.

Өфөнөң 1-се балалар баҡсаһы «Урындағы башланғыстарға булышлыҡ итеү» программаһында ҡатнаша

Өфөнөң 1-се балалар баҡсаһы «Урындағы башланғыстарға булышлыҡ итеү» программаһында ҡатнаша. Инициатива менән балалар баҡсаһы етәкселәре һәм ата-әсәләр сыҡҡан. Тулыраҡ киләһе яҙмала

«Инвестиция сәғәте»ндә төбәк сәнәғәтендә һәм ауыл хужалығында яңы башланғыстар ҡаралды

Бөгөн Башҡортостан башлығы Радий Хәбиров сираттағы «Инвестиция сәғәте»н үткәрҙе. Унда төбәк сәнәғәтендә һәм ауыл хужалығында яңы башланғыстар ҡаралды. Октябрьскийҙа тимер-бетон изделиелар етештереү буйынса цех төҙөү проекты менән «СпецБетон+» компанияһы етәксеһе Вячеслав Масленников таныштырҙы.

Рәсәйҙә полицияның участка уполномоченныйҙары бүлексәләре ойошторолоуға 101 йыл тулды

Тарихи дата айҡанлы Өфөнөң Миңлеғәле Шайморатов һәйкәле янындағы майҙанда хеҙмәт алдынғыларын Башҡортостан башлығы Радий Хәбиров тәбрикләне. Республика участка уполномоченныйҙары хеҙмәте 1 мең 200 кешене берләштерә. Һуңғы йылдарҙа состав йәш белгестәр менән тулыланған. Яуаплы һөнәрҙе һайлаусылар араһында гүзәл заттар ҙа байтаҡ.

Радий Хәбиров республика ҡатын-ҡыҙҙарын Әсә көнө менән ҡотланы

Ҡатмарлы хеҙмәт һәм оло бәхет. Республика башлығы Радий Хәбиров бөгөн республика ҡатын-ҡыҙҙарын Әсә көнө менән ҡотланы. «Башҡортостан» концерт залында үткән тантанала ишле, етем, физик мөмкинлеге сикләнгән бала тәрбиәләгән, ҡаһарман улдар үҫтергән ата-әсәләр саҡырылды.

Радий Хәбиров хәрби госпиталдәрҙә яугирҙарға ярҙам итеп ҡайтҡан ирекмән ҡатын-ҡыҙҙар менән осрашты

Башҡортостан башлығы Радий Хәбиров хәрби госпиталдәрҙә яугирҙарға ярҙам итеп ҡайтҡан ирекмән ҡатын-ҡыҙҙар менән осрашты. Хәбәр итеүебеҙсә, госпиталдәргә ярҙамға гүзәл заттарҙан ирекмәндәр төркөмөн ойоштороу ниәтен Башҡортостандың эшҡыуарлыҡ һәм туризм министры Зөһрә Гордиенко октябрь аҙағында үткән оператив кәңәшәмәлә күтәреп сыҡҡайны. Радий Хәбиров идеяны хупланы. Тәүге төркөм ете кешенән тупланған, улар араһында төрлө һөнәр эйәләре бар. Республика башлығы ирекмәндәргә рәхмәт һүҙҙәрен еткерҙе.

Бөгөн ер шарының төрлө ҡитғаларында телевидение хеҙмәткәрҙәре һөнәри байрамын билдәләй

Был көн 28 йыл элек булдырылған. Хәҙерге ысынбарлыҡта тормошто зәңгәр экранһыҙ, төрлө йүнәлештәге тапшырыуҙарһыҙ һәм яңылыҡтарһыҙ күҙ алдына килтереү мөмкин түгел. Башҡортостан юлдаш телевидениеһында был өлкөлә йөҙҙәрсә кеше үҙ хеҙмәтен һала. Ә яңылыҡтарҙа эшләүселәр һәр ваҡыттағыса һөнәри байрамын эш урыныда билдәләй. Был хаҡта тулыраҡ киләһе яҙмала.

Өфөлә «Йәй. Ҡала. Мөхәббәт» фильмының ябыҡ тамашаһы үтте

Тәүгеләрҙән булып ябыҡ премьераны Башҡортостан башлығы Радий Хәбиров ҡараны. Режиссер Айнур Асҡаров етәкселегендә төшөрөлгән кинотаҫма баш ҡаланың 450 йыллыҡ тарихы юбилейына бағышланған. Комедия , мелодрама жанрында төшөрөлгән фильмда республика һәм Мәскәү актерҙары уйнаны

Туймазы районынан Ғәлимовтар ғаиләһе эшҡыуарлыҡ менән шөғөлләнә

Ғаилә менән эшҡыуарлыҡта. Роза һәм Фазыл Ғәлимовтар Туймазы районы Төмәнәк ауылында ярты быуаттан ашыу ғүмер итә. Бәхетле парҙың балалары ла тыуған ерендә төпләнгән. Ғаилә малсылыҡ тармағын, агротуризмды үҫтереүҙә, төҙөлөш материалдарын етештереүҙә алдынғы урындарҙың береһен биләй. Уңған, эшһөйәр Ғәлимовтар хаҡында ентекләберәк киләһе яҙмала.

Өфөлә Ҡыш Бабай резиденцияһы 26 декабрҙә асыла

Ул Ленин майҙанында булдырыла, тип хәбәр итәләр ҡала хакимиәтенән. Ошо уҡ көндө майҙандағы шыршы уттары ҡабыҙыла. Резиденция 12 ғинуарға тиклем эшләй. Балалар һәм өлкәндәр өсөн оҫталыҡ дәрестәре ойошторола, Ҡыш Бабайға хат яҙырға мөмкин. Инеү өсөн хаҡ алынмай.

Рәсәйҙә яңы йылда пенсия артыуы көтөлә

1 ғинуарҙан хаҡы ялдағылар өсөн түләүҙәр инфляция кимәленә ҡарап индексациялана. Быйыл ул 7,3 процент булыр тип көтөлә. Алдағы йылдарға федераль бюджет проектында пенсия өсөн 11 триллион һум ҡаралған. Был сумманың 700 миллиарды индексация өсөн тәғәйенләнә, тип хәбәр итәләр Финанс министрлығынан.

Башҡортостанда зубрҙар һуҡмағынан үтергә мөмкин

"Мораҙым тарлауығы" тәбиғәт паркында экскурсия маршруты асылды. Тәбиғәттән файҙаланыу һәм экология министрлығынан хәбәр итеүҙәренсә, Оло Эйек йылғаһы аша йәйәүлеләр өсөн күперҙәр һалынған. Зубрҙар урынлашҡан биләмәгә барып етеп, уларҙы күрергә була. Башҡортостанға был хайуандар Радий Хәбиров башланғысы менән уҙған йылдың майында Белоруссиянан килтерелде.

Радий Хәбиров эш сәфәре менән Салауат ҡалаһында

Бөгөн Башҡортостан башлығы Радий Хәбиров эш сәфәре менән Салауат ҡалаһында. «Газпром нефтехим Салауат» предприятиеһында техник көкөрт етештереү ҡоролмаһы эшләй башланы. Был республикабыҙҙың флагман инвестиция проекттарының береһе. Төбәк етәксеһе социаль селтәрҙәрҙә яҙыуыныса, яңы производство тәрән эшкәртеүҙе һәм яңы продукция сығарыуҙы күҙ уңында тота.

Башҡортостан предприятиелары 2025 йылға тиклем комплекслы экологик рөхсәт алырға тейеш

Тирә яҡ мөхиткә ҙур йоғонто яһаған Башҡортостан предприятиелары 2025 йылға тиклем комплекслы экологик рөхсәт алырға тейеш. Был мәсьәлә Радий Хәбиров рәйеселегенә уҙған сираттағы «Инвестиция сәғәте»ндә тикшерелде. Хәтерегеҙгә төшөрәбеҙ, быйыл апрелдә төбәк етәксеһе сәнәғәт объекттарында экологик мониторинг мәсьәләләре буйынса кәңәшмә үткәрҙе.

3 декабрҙә Башҡортостан башлығы менән «Тура бәйләнеш» ойошторола

3 декабрҙә киске сәғәт 7-лә Башҡортостан башлығы Радий Хәбиров менән «Тура бәйләнеш» ойошторола. Төбәк етәксеһе Башҡортостан юлдаш телевидениеһы, «Рәсәй 24, «Башҡортостан 24», «Бөтә Өфө», «Сәләм», UTV һәм «Юлдаш» радиостанцияһының тура эфирында халыҡтың көнүҙәк һорауҙарына яуап бирәсәк. Тура бәйләнеш трансляцияһын шулай уҡ Радий Хәбировтың «Бәйләнештә» һәм «Класташтар» социаль селтәрҙәрендәге сәхифәләрендә ҡарарға мөмкин. Республика етәксеһенә «Башҡортостан башлығының тура линияһы» телеграм-боты, дәүләт хеҙмәттәрендә кире бәйләнеш платформаһы йәки республика башлығының рәсми сайтындағы махсус бүлек аша һорау бирергә мөмкин. Видеомөрәжәғәттәр 2 декабргә тиклем киске сәғәт 7-гә тиклем ҡабул ителә.

Өфө уҡыусылары яугирҙарға гуманитар ылау әҙерләгән

Махсус хәрби операцияла ҡатнашыусыларға ярҙам итеү тәҡдимен балалар үҙҙәре күтәреп сыҡҡан. Улар үҙҙәре белем алған 128-се мәктәптә көҙгө йәрминкә ойошторған, йәй буйы баҡсала үҫтергән уңышты, ҡул эштәрен һатыуға сығарған. Йыйылған аҡса алғы һыҙыҡтағы яугирҙарға кәрәк-яраҡ алыуға тотонолған

МХО биләмәһендә хеҙмәт итеп ҡайтҡан яҡташтарыбыҙ тыныс тормошта ла ысын геройҙар булып ҡала

Кисәге яугирҙар бөгөн тыныс тормошҡа яраҡлаша. Махсус хәрби операция биләмәһендә контракт буйынса хеҙмәт итеп ҡайтҡан яҡташтарыбыҙ тыныс тормошта ла ысын геройҙар булып ҡала. Улар әүҙем йәмәғәт тормошон алып бара, алғы һыҙыҡтағы һалдаттарға ярҙам итә, белем алып, карьера төҙөй. Шуларҙың береһе - Саҡмағош районынан Руслан Латипов менән Денис Шәрифуллин.

Радий Хәбиров тура эфирҙа республика халҡының һорауҙарына яуап бирәсәк

Мөһим сара 3 декабрҙә БСТ, «Рәсәй 24», «Башҡортостан 24», «Вся Уфа», «Сәләм», UTV телеканалдарында тура эфирҙа күрһәтелә, шулай уҡ уны «Юлдаш» радиоһы һәм социаль селтәрҙәр аша тыңларға һәм ҡарарға була.

Республика Башлығына өс төрлө ысул менән һорау бирергә мөмкин:

Тәүгеһе – телеграм-бот ярҙамында: t.iss.one/AskGlavaRBbot

Икенсеһе – «Дәүләт хеҙмәттәре» порталы аша: https://pos.gosuslugi.ru/lkp/direct-line/5690/

Өсөнсө ысул – Башҡортостан Башлығының рәсми сайтындағы махсус бүлек аша – https://glavarb.ru/rus/pl/

Радий Хәбиров менән тура бәйләнешкә һорауҙарҙы текст һәм видео форматында 2 декабрь киске сәғәт 19:00 сәғәткә тиклем ебәрергә мөмкин.

Башҡортостан Республикаһы Башлығы Радий Хәбиров менән тура бәйләнеш 3 декабрь киске сәғәт етелә башлана.

Радий Хәбиров эш сәфәре менән Салауат ҡалаһында булды

Башҡортостан башлығы Радий Хәбиров эш сәфәре менән Салауат ҡалаһында булды. Төбәк етәксеһе «Газпром нефтехим Салауат» йәмғиәте эшмәкәрлеге менән танышып, предприятиела көкөрт эшкәртеү буйынса яңы цех асыуҙа ҡатнашты. Бынан тыш Радий Хәбиров төҙөкләндерелгәндән һуң асылған модулле китапхана эшмәкәрлеге, «Батыр» аллеяһы торошо менән танышты.

Радий Хәбиров Салауатта «Башҡорт ихаталары» программаһы буйынса төҙөкләндерелгән биләмәлә булды

Төбәк етәксеһе Радий Хәбиров Салауат ҡалаһына эш сәфәре сиктәрендә Калинин урамында «Башҡорт ихаталары « программаһы буйынса төҙөкләндерелгән биләмәлә булды. Радий Хәбиров объекттың етешһеҙлектәрен ҡарап төҙөлөш проекты өсөн яуаплы шәхестәрҙе, проектты ҡабул итеүгә рөхсәт биреүсе етәкселәрҙе тәнҡит утында тотто. Йәшелләндереү буйынса эш, өлкәндәр өсөн ял урынын, биләмәнең ҡиәфәтен Радий Хәбиров икеле билдәһенә баһаланы. Төбәк етәксеһе был ихата төҙөлөштө нисек эшләргә түгел икәне миҫалы тип баһаланы.