Ишембайҙың 19-сы мәктәбе уҡыусылары өсөн ҡаһарманлыҡ дәресе үтте

Осрашыуға ҡаланың картиналар галереяһы рәссамдары саҡырылғайны. Улар балаларға махсус хәрби операция геройҙарына арналған ижади эштәрен күрһәтте. Атап әйткәндә, картиналарҙа ошо уҡ белем биреү усағында уҡыған Виталий Новиков портретын күрергә мөмкин. Десантсы яуҙашын үҙ тәне менән ҡаплап, уның ғүмерен ҡотҡара. Бының өсөн геройға үлгәндән һуң, Батырлыҡ ордены тапшырыла.

Башҡортостан башлығы хакимиәте етәксеһе Максим Забелин вазифаһынан бушытылды

Һөнәре буйынса хәрби табип булған етәксе кире медицинаға ҡайта. Иртәгәнән ул Мәскәү өлкәһенең һаулыҡ һаҡлау министры вазифаһын башҡара башлаясаҡ. Башҡортостан башлығы хакимиәте етәксеһе вазифаһын беренсе урынбаҫар Азат Бадранов башҡарасаҡ. Аҙналыҡ оператив кәңәшмәлә иғлан ителгән башҡа кадрҙар алмашыныуы тураһында репортаж.

Өфөлә «Ҡаһарманлыҡ йондоҙлоғо» Бөтә Рәсәй фестивале уҙҙы

Йылғала батып барған ҡыҙҙы ҡотҡарам, тип үҙ ғүмерен хәүеф аҫтына ҡуялар. Быйыл йәй теркәлгән ваҡиғала Шамил Фазлыев һәм Артур Фионов бәләкәй ҡыҙҙың ғүмерен ҡотҡара. Күрһәткән батырлыҡтары өсөн үҫмерҙәр бөгөн илдең Ғәҙәттән тыш хәлдәр министрлығы миҙалы менән бүләкләнде. Сара «Ҡаһарманлыҡ йондоҙлоғо» Бөтә Рәсәй фестивале сиктәрендә уҙҙы. Тантанала йәмғеһе тиҫтәгә яҡын бала-герой, кадеттар, хеҙмәтендә батырлыҡ күрһәткән ҡотҡарыусылар, улар эшен яҡтыртҡан журналистар билдәләнде.

Махсус хәрби операция геройҙары хаҡында хәстәрлек күреү дауам итә

Өфөлә «Ватанды һаҡлаусылар» дәүләт фондының Башҡортостан филиалында дәүләт наградалары һәм ветеран танытмалары тапшырылды .Был саралар фронт һыҙығынан ҡайтҡан яугирҙар һәм уларҙың ғаиләләре өсөн ҙур әһәмиәткә эйә.

Өфө хосписында матурлыҡ бүлмәһе асылды

Унда сәс ҡырҡтырырға ла, маникюр эшләтергә лә мөмкин. Башҡортостан православ ҡатын-ҡыҙҙары берлегенең «Мәрхәмәтлек» проекты республика башлығы грантына тормошҡа ашырылған. Учреждение стеналарында косметик-гигиена процедуралары уҙғарыуға барлыҡҡа килгән уңайлы шарттар тураһында киләһе яҙма.

Күгәрсен районы Бикес ауылында 1812 йылғы Ватан һуғышы яугирҙары иҫтәлегенә стела асылды

Күгәрсен районында 1812 йылғы Ватан һуғышы яугирҙары иҫтәлегенә стела һәм башҡорт балын донъя кимәленә Әмир Ишемғоловтың тыуған йортонда таҡтаташ асылды.
Бикес ауылында тарихи үткәндәргә һәм шәхестәргә ихтирмлы халыҡ йәшәй. Урындағы мәҙәниәт йорто алдында 1812 йылғы Ватан һуғышында ҡатнашҡан ауылдаштар, яҡташтар иҫтәлеген мәңгеләштереп таҡтаташ асылды.

Башҡортостанда призывниктарҙың Курск өлкәһенә ебәрелеүе хаҡындағы хәбәрҙе инҡар иттеләр

Ошо көндәрҙә WhatsApp мессенджерындағы ҡайһы бер чаттар һәм каналдар Өфөләге йыйылыу пунктында хәрби хеҙмәткә саҡырылыусыларҙың Курск өлкәһенә еберелеүе хаҡында ялған мәғлүмәт баҫтырҙы. Баш ҡала йыйылыу пунктына 312 призывникты йыйғандар, насар шарттарҙа тоталар, уларҙы Курск йүнәлешенә ебәрергә йыйыналар, тиелә унда.

Башҡортостан хәрби комиссариатының хәрби хеҙмәткә әҙерләү һәм саҡырыу бүлеге начальнигы Спартак Джикаев әйтеүенсә, әрмегә саҡырылыусылар махсус операция зонаһына, шулай уҡ Курск өлкәһенә ебәрелмәйәсәк.

– Интернетта таралған яҙманы уҡып сыҡтым. Был ялған мәғлүмәт, ысынбарлыҡҡа тап килмәүен тулы яуаплылыҡ менән әйтә алам. Атап әйткәндә, октябрь айында 800-ҙән ашыу кешене хеҙмәт итеү урындарына оҙаттыҡ, егеттәр Мәскәү, Һамар, Саратов һәм Ленинград өлкәләрендә, шулай уҡ Ростов өлкәһенең көньяҡ өлөшөндә хеҙмәт итә. Курск өлкәһенә октябрҙә лә, ноябрҙә лә оҙатыу планлаштырылманы, — тип билдәләне Джикаев.

Радий Хәбиров Рәсәй сәнәғәт форумын асыу тантанаһында ҡатнашты

Төбәк етәксмеһе күргәҙмәләр комплексында «Машиналар төҙөлөшө», «Металл эшкәртеү», «Өфөнөң инновация мөмкинлектәре» тип исемләнгән экспозицияларҙы ҡараны. Унда илдең егерме төбәгенән йөҙҙән ашыу компания үҙ продукцияһын, яңы технологияларын тәҡдим итә, Белоруссия һәм Ҡытайҙан делегациялар килгән. Радий Хәбиров форумда ҡатнашыусыларҙы сәләмләп, Башҡортостанда сәнәғәт үҫеше темптары юғары булыуын билдәләне.

Иглин районында махсус хәрби операция биләмәһенә ебәреү өсөн сираттағы гуманитар ярҙам туплана

Иглин районында махсус хәрби операция биләмәһендәге яугирҙарға ебәреү өсөн сираттағы гуманитар ярҙам туплана. Хәрби хәрәкәттәр ветерандарының район ойошмаһына эшҡыуарҙар, ирекмәндәр һәм битараф булмаған кешеләр посылкалар алып килә. Йыйылған гуманитар ярҙамдың бер өлөшө ялға ҡайтҡан яугирҙар аша тапшырыла. Ҡыш миҙгелендә маскировка селтәрҙәренән тыш йылы кейемдәр, генераторҙар, йылылыҡ пушкалары ла ихтыяж менән файҙалана.

«Юлдаш плюс» йәштәр радиоһы иң яҡшы йырсыларҙы билдәләй

«Юлдаш плюс» йәштәр интернет-радиоһы иң яҡшы йыр, башҡарыусы, музыкаль блогер, композитор, оранжировкалаусыны билдәләй. Ғәҙәттәгесә, фестиваль алдынан матбуғат конференцияһы үтте. Быйыл ҡатнашыусылар һаны күп булыуға бәйле, жюри ағзалары йөҙгә яҡын композицияны тыңларға тейеш. Еңеүселәр 16 номинация буйынса билдәләнәсәк.

Башҡортостан башлығы Рәсәй сәнәғәт форумын асыу тантанаһында ҡатнашты

Күләмле сара сиктәрендә ете мең квадрат метр майҙанда машиналар төҙөлөшө һәм металл эшкәртеү, Өфөнөң инновация мөмкинлектәрен сағылдырған күргәҙмә эшләй. Төбәк етәксеһе экспозициялар менән танышып, видеобәйләнеш режимында дөйөм хаҡы 1 миллиард һум тәшкил иткән яңы индустриаль проекттарға старт бирҙе. Ошонда уҡ еңел сәнәғәтте үҫтереүгә йүнәлтелгән мөһим ҡарарҙар ҡабул ителде.

Хәйбуллалар алғы һыҙыҡтағы яугирҙарға сираттағы гуманитар ярҙам оҙатты

Был сара алғы һыҙыҡта ватаныбыҙ киләсәген яҡлаусыларға ярҙам итеүҙә берҙәмлектең сағыу өлгөһө булып тора. Гумконвой ирекмәндәргә туранан-тура мөрәжәғәт иткән яугирҙарҙың ихтыяждарынан сығып йыйылған., хәрбиҙәрҙең йөҙләгән үтенесе ғәмәлгә ашырылған. Был хаҡта тулыраҡ киләһе яҙмала.

Баҡалы районы Туҡтағол һәм Ахман ауылдарында модулле фельдшер-акушерлыҡ пункттары асылды

Объекттар «Һаулыҡ Һаҡлау» милли проекты буйынса тормошҡа ашырылған. Ауылдағылар өсөн ысын мәғәнәһендә байрам. Сөнки сәләмәтлек булғанда ғына йырға урын бар, бигерәк тә ҡаланан ситтә йәшәүселәргә.

Район башлыҡтары менән туранан-тура әңгәмә

Өфөлә Дүртөйлә, Стәрлебаш һәм Баймаҡ райондары хакимиәте етәкселәренең ошо райондарҙа йәшәгән йәштәр менән осрашыуы үтте. Сара барышында теләгән һәр кем дәүләт эшмәкәренә үҙен ҡыҙыҡһындырған һорау бирә алды.

Туймазы ҡалаһында «Оҙон көй» төбәк-ара конкурсы уҙҙы

Туймазы ҡалаһында Сәхи Хисмәтуллин исемендәге «Оҙон көй» башҡорт халыҡ йырҙарын башҡарыусыларҙың төбәк-ара конкурсы уҙҙы. Үлемһеҙ халыҡ йырҙарын башҡарыусылар араһында яңы исемдәр, яңы таланттар асылды.

Өфөнөң Нижегородка биҫтәһендә балалар өсөн спорт клубы асылды

Унда грек-рим көрәше һәм ауыр атлетика менән шөғөлләнеү өсөн шарттар булдырылған. Спорт майҙанын асыуға бағыусылар булышлыҡ иткән.

Башҡортостанда пилотһыҙ авиация системалары үҙәге булдырыла

Ул киләһе йылда эш башларға тейеш. Өфөлә үткән Рәсәй сәнәғәт форумында ошо турала белдерелде. "Пилотһыҙ технологиялар" ойошмаһы директоры Марс Әминев әйтеүенсә, технопаркта тейешле ҡорамалдар бар, ул етештереүселәргә яңы технологияларҙы тиҙерәк әҙерләү мөмкинлеге бирә. Бөгөнгә проектта 15 резиденттың ҡатнашыуы көтөлә. Фәнни-сәнәғәт үҙәге пилотһыҙ технологиялар тармағында эшләүселәрҙең хеҙмәттәшлеген тәьмин итә. Бында шулай уҡ пилотһыҙ аппараттар менән идара итеү буйынса белгестәр әҙерләйҙәр.

Бәләбәй районында ике мәктәп һәм балалар баҡсаһы ремонтлана

Район хакимиәтенән хәбәр итеүҙәренсә, был биналар уҙған быуаттың 60-сы-70-се йылдарында төҙөлгән. Киләһе йылда 8-се мәктәптең төп корпусында капиталь ремонт ҡаралған. Бында 600-ҙән ашыу бала уҡый. 15-се мәктәп 2026-2027-се йылдарҙа төҙөкләндерелә. Балалар баҡсаһында ремонтты 2027 йылда башлау планлаштырыла.

Өфө халҡы автобустар эше тураһында хәбәр итә ала

Өфө халҡы автобустар эше тураһында хәбәр итә ала. Ҡалала йәмәғәт транспорты туҡталыштарында QR-кодтар менән плакаттар урынлаштырылды. Улар ярҙамында һәр кешенең һорау биреү, автобустар йөрөшө буйынса тәҡдимдәр яҙыу мөмкинлеге бар. Һәр мөрәжәғәт иғтибарға алына, тип хәбәр итәләр ҡала хакимиәтенән.

Ни өсөн Салауат Юлаев һәйкәлен урында реставрациялау мөмкин түгел?

Һәйкәлде урында реставрациялау өсөн бөтә кәрәкле производствоны ойошторорға кәрәк, ә был ҙур сығымдарға килтерәсәк, тип билдәләне БР Мәҙәни мираҫ объекттарын дәүләт һаҡлауы идаралығы етәксеһе Салауат Ҡолбахтин.

Шулай уҡ уның урынбаҫары Айнур Мөслимов һүҙҙәренсә, Салауат Юлаев һәйкәле айырыуса һаҡланған биләмәлә урынлашҡан, унда капиталь төҙөлөш алып барыу мөмкин түгел.

Тулыраҡ видеояҙмала.👇

Радий Хәбиров бизнес-шерифтар менән осрашты

Башҡортостан башлығы Радий Хәбиров район-ҡалаларҙа бәләкәй һәм урта эшҡыуарлыҡ өсөн яуаплы муниципаль хеҙмәткәрҙәр менән осрашты. Бизнес - шерифтар институты 2019 йылда булдырылғайны. Эшҡыуарҙарға урында уҡ күп яҡлы ярҙам күрһәтеү, уңайлы эш климаты булдырыу маҡсаты ҡуйыла. Ошо ваҡыт эсендә муниципаль берәмектәрҙә 13 меңдән ашыу эшҡыуарлыҡ сәғәте уҙғарылып, ауыл хужалығы, туризм, сауҙа һәм башҡа өлкәләргә ҡараған егерме меңдән ашыу проект ҡаралған, күп өлөшө тормошҡа ашырылған.