Ньурба Хаңалаһыгар улуустааҕы «Аҕа уолунаан” күрэх ыытылынна
Үгэс буолбут күрэх оройуон аҕаларын Сүбэтин көҕүлээһининэн, Ньурба оройуонун дьаһалтатын өйөбүлүнэн, Хаҥалас нэһилиэгин дьаһалтатын, тэрилтэлэрин, дьонун-сэргэтин тэрээһиннэринэн бэрт сэргэхтик ааста. Сыл аайы күрэх дьон сэҥээриитин ыллар ылар.
Улуус нэһилиэктэриттэн уолтан уонна аҕаттан турар хамаандалар бэйэлэрин көрдөрдүлэр, күрэс былдьастылар. Түһүмэхтэр ѳрѳспүүбүлүкэтээҕи курэххэ олоҕуран, баар балаһыанньаннан ыытылыннылар.
"Тойук" култуура киинэ, күрэх ыытыллар сирэ "Сүрэх" эбэ киэргэтиитэ, түһүмэхтэр анал зоналарын оҥоһуута тэрийээччилэр күүстээх болҕомтолорун, кыһамньыларын уурбуттарын көрдөрдүлэр. Күрэх түһүмэхтэрэ - бэйэни билиһиннэрии, маһы суоруу, онтон эрбээһин, хайытааһын, саһааннааһын барыта бириэмэҕэ буолан, уолаттарбыт маанытык тутталларын -хапталларын көрдүбүт. Ойбон алларыытыгар хамаандаларбыт, дьэ, дьиҥнээх ис кыахтарын көрдөрдүлэр, түһүнэн кэбистилэр, илин-кэлин түстүлэр. Кулуһун оттон, биэдэрэлээх ууну бириэмэҕэ оргутан, күрэх олус тыҥааһыннаахтык ааста. Тиһэх түһүмэх - остуолбаҕа тахсыы бэйэтэ туспа олус сэргэх буолла. Уолаттар уонна аҕалара үксүлэрэ баҕана төрдүгэр, чыпчаалыгар тиийэн мустубут дьону сөхтөрдүлэр. Бэлиэтээн эттэххэ, күрэх ыытыллар былаһын тухары биир да мөккүөр тахсыбата, дьүүллүүр сүбэ олус чуолкайдык үлэлээтэ. Этэргэ дылы, саҕалааһын хайаан да түмүктээх буолар. Ол быһыытынан бириэмэ ааспытын билбэккэ да хааллыбыт. Ыытыллыбыт күрэххэ, туох да мөккүөрэ суох, Ньурба оройуонун Хаҥалас нэһилиэгиттэн Никифоровтар хамаандалара кыайыы өрөгөйүн биллэ. Кинилэр улуус баһылыга туруорбут 50 000 суммалаах сертификатынан наҕараадаланнылар. Иккис бириистээх миэстэҕэ бэйэтин кэмигэр ѳрѳспүүбүлүкэтээҕи "Аҕа уолунаан" күрэххэ 2 миэстэлээх, Күндээдэ нэһилиэгиттэн Петровтар хамаандалара таҕыста уонна Ньурбатааҕы көтөр фабриката туруорбут 2 миэстэлээх эрэһиинэ тыытын туттулар. Сытыы киирсии түмүгэр 3 миэстэҕэ Антоновка нэһилиэгиттэн Тихоновтар хамаандалара тахсан, Киирэптээҕи чох разреһын тэрилтэтэ туруорбут электрическэй эрбиитин тутан, үөрүү көтөллөннүлэр. Кыайбыттар анал бириистэринэн бэлиэтэннилэр, кыттааччылар эмиэ илии тутуурдаах бардылар. Өссө төгүл Никифоровтар хамаандаларын кыайыыларынан эҕэрдэлиибит! Ньурба оройуонун Чурапчы сиригэр ѳрѳспүүбүлүкэ таһымыгар чиэстээхтик көмүскүүллэригэр, бэйэлэрин чаҕылхайдык көрдөрөллөрүгэр баҕарабыт.
#сахасирэ #ньурба #ийэсыла #100летЯАССР #ньурбаулууьа
Үгэс буолбут күрэх оройуон аҕаларын Сүбэтин көҕүлээһининэн, Ньурба оройуонун дьаһалтатын өйөбүлүнэн, Хаҥалас нэһилиэгин дьаһалтатын, тэрилтэлэрин, дьонун-сэргэтин тэрээһиннэринэн бэрт сэргэхтик ааста. Сыл аайы күрэх дьон сэҥээриитин ыллар ылар.
Улуус нэһилиэктэриттэн уолтан уонна аҕаттан турар хамаандалар бэйэлэрин көрдөрдүлэр, күрэс былдьастылар. Түһүмэхтэр ѳрѳспүүбүлүкэтээҕи курэххэ олоҕуран, баар балаһыанньаннан ыытылыннылар.
"Тойук" култуура киинэ, күрэх ыытыллар сирэ "Сүрэх" эбэ киэргэтиитэ, түһүмэхтэр анал зоналарын оҥоһуута тэрийээччилэр күүстээх болҕомтолорун, кыһамньыларын уурбуттарын көрдөрдүлэр. Күрэх түһүмэхтэрэ - бэйэни билиһиннэрии, маһы суоруу, онтон эрбээһин, хайытааһын, саһааннааһын барыта бириэмэҕэ буолан, уолаттарбыт маанытык тутталларын -хапталларын көрдүбүт. Ойбон алларыытыгар хамаандаларбыт, дьэ, дьиҥнээх ис кыахтарын көрдөрдүлэр, түһүнэн кэбистилэр, илин-кэлин түстүлэр. Кулуһун оттон, биэдэрэлээх ууну бириэмэҕэ оргутан, күрэх олус тыҥааһыннаахтык ааста. Тиһэх түһүмэх - остуолбаҕа тахсыы бэйэтэ туспа олус сэргэх буолла. Уолаттар уонна аҕалара үксүлэрэ баҕана төрдүгэр, чыпчаалыгар тиийэн мустубут дьону сөхтөрдүлэр. Бэлиэтээн эттэххэ, күрэх ыытыллар былаһын тухары биир да мөккүөр тахсыбата, дьүүллүүр сүбэ олус чуолкайдык үлэлээтэ. Этэргэ дылы, саҕалааһын хайаан да түмүктээх буолар. Ол быһыытынан бириэмэ ааспытын билбэккэ да хааллыбыт. Ыытыллыбыт күрэххэ, туох да мөккүөрэ суох, Ньурба оройуонун Хаҥалас нэһилиэгиттэн Никифоровтар хамаандалара кыайыы өрөгөйүн биллэ. Кинилэр улуус баһылыга туруорбут 50 000 суммалаах сертификатынан наҕараадаланнылар. Иккис бириистээх миэстэҕэ бэйэтин кэмигэр ѳрѳспүүбүлүкэтээҕи "Аҕа уолунаан" күрэххэ 2 миэстэлээх, Күндээдэ нэһилиэгиттэн Петровтар хамаандалара таҕыста уонна Ньурбатааҕы көтөр фабриката туруорбут 2 миэстэлээх эрэһиинэ тыытын туттулар. Сытыы киирсии түмүгэр 3 миэстэҕэ Антоновка нэһилиэгиттэн Тихоновтар хамаандалара тахсан, Киирэптээҕи чох разреһын тэрилтэтэ туруорбут электрическэй эрбиитин тутан, үөрүү көтөллөннүлэр. Кыайбыттар анал бириистэринэн бэлиэтэннилэр, кыттааччылар эмиэ илии тутуурдаах бардылар. Өссө төгүл Никифоровтар хамаандаларын кыайыыларынан эҕэрдэлиибит! Ньурба оройуонун Чурапчы сиригэр ѳрѳспүүбүлүкэ таһымыгар чиэстээхтик көмүскүүллэригэр, бэйэлэрин чаҕылхайдык көрдөрөллөрүгэр баҕарабыт.
#сахасирэ #ньурба #ийэсыла #100летЯАССР #ньурбаулууьа