ТУПРОҚШУНОСЛИК ВА АГРОКИМЁ ИЛМИЙ-ТАДҚИҚОТ ИНСТИТУТИНИ ҚИШЛОҚ ХЎЖАЛИГИ ВАЗИРЛИГИГА ЎТКАЗИШ ТАКЛИФИ БИЛДИРИЛДИ

Давлатимиз раҳбари бугун ер ҳисоби ва давлат кадастрларини тўлиқ шакллантириш, соҳага рақамли технологияларни жорий этиш масалалари бўйича йиғилиш ўтказди.

Йиғилишда Давегеодезкадастр қўмитасининг тупроқ сифатини баҳолаш, ерларни ривожлантириш, экинларни жойлаштириш билан боғлиқ вазифаларини, шунингдек, Тупроқшунослик ва агрокимё илмий-тадқиқот институтини Қишлоқ хўжалиги вазирлигига ўтказиш таклифи билдирилди. Жаҳон банкидан ажратилаётган 87 миллион доллар ҳисобидан мазкур институт фаолиятини ривожлантириш, лабораторияларини янгилаш муҳимлиги қайд этилди. Шунингдек, Қишлоқ хўжалиги вазирлигига йил якунигача 10 минг гектар ер майдонининг тупроқ таҳлилини ва агротехнологик хариталарини тайёрлаш вазифаси қўйилди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ЕР ҲИСОБИ ВА ДАВЛАТ КАДАСТРЛАРИНИ ТЎЛИҚ ШАКЛЛАНТИРИШ, СОҲАГА РАҚАМЛИ ТЕХНОЛОГИЯЛАРНИ ЖОРИЙ ЭТИШ МАСАЛАЛАРИ ПРЕЗИДЕНТ МУҲОКАМАСИДА

Президент Шавкат Мирзиёев томонидан бугун, 21 июль куни ер ҳисоби ва давлат кадастрларини тўлиқ шакллантириш, соҳага рақамли технологияларни жорий этиш масалалари бўйича ўтказилган йиғилишда қуйидагилар қайд этилди ва амалга оширилиши белгиланди:

🔸 Мамлакатимизда ер хатлови охирги марта 40 йил олдин ўтказилган. 140 та туман маъмурий чегаралари ҳозиргача аниқ эмас. Қишлоқ хўжалиги ерларини ажратиш тартиби 20 йил олдин қабул қилинган ва ҳозирги ислоҳотлар талабига жавоб бермайди.

🔸 Республикада 66 та туманда 150 минг гектар экин ери ўзбошимчалик билан эгалланган, охирги икки йилда 122 нафар кадастр ходими жиноий жавобгар бўлган.

🔸 Йил якунига қадар ер тури, контури, чегараси ва фойдаланувчиси ҳақидаги маълумотлар жамланган ахборот тизими ишга туширилади. Ер ажратиш тўғрисидаги қарор мазкур тизимга киритилсагина ҳақиқий ҳисобланади.

🔸 Сунъий йўлдош каналларини ижарага олиш ва сигналларни қайта ишлаш тизимини ташкил этилади.

🔸 Қишлоқ хўжалигини бошқаришни рақамлаштириш, келгуси йилдан ер баланси ва унинг ҳисоби Миллий геоахборот тизимида юритилади.

🔸 Йил якунига қадар қишлоқ хўжалиги майдонларини электрон танлов ва аукцион асосида ажратиш тартиби жорий қилинади, халқаро экспертларни жалб этган ҳолда ер тоифалари оптималлаштирилади.

🔸 Давергеодезкадастр қўмитасининг тупроқ сифатини баҳолаш, ерларни ривожлантириш, экинларни жойлаштириш билан боғлиқ вазифалари, шунингдек, Тупроқшунослик ва агрокимё илмий-тадқиқот институти Қишлоқ хўжалиги вазирлигига ўтказилади. Жаҳон банкидан ажратилаётган 87 млн доллар ҳисобидан мазкур институт фаолияти ривожлантирилади, лабораториялари янгиланади.

🔸 Қишлоқ хўжалиги вазирлиги томонидан йил якунигача 10 минг гектар ер майдонининг тупроқ таҳлили ва агротехнологик хариталари тайёрланади.

🔸 Автомобиль йўллари кадастри 23 фоиз, маданий мерос объектлари 32 фоиз, қувурлар 32 фоиз, шаҳарсозлик кадастри 63 фоиз шаклланганлиги боис IT-технологияларни ривожлантириш бўйича Бош вазир маслаҳатчиси томонидан ишчи гуруҳ тузилади, кадастрлар базаси тўлиқ ишлаб чиқилади.

🔸 Соҳанинг кадрлар салоҳияти пастлиги, Давергеодезкадастр қўмитаси тизимидаги 27 фоиз ходимлар мутахассислиги соҳага тўғри келмаслиги, шу йўналишда хорижий олий ўқув юрти филиалини ташкил қилиш муҳимлиги сабабли, Италиянинг Пиза университети ҳамда Москва давлат геодезия ва картография университети билан ҳамкорлик ўрнатилади.

Каналга уланиш 👇🏻👇🏻👇🏻
https://t.iss.one/axborotnoma_jurnali

ЖИЗЗАХ, СИРДАРЁ ВА ТОШКЕНТ ВИЛОЯТЛАРИНИНГ МАЙДОНЛАРИНИ СУҒОРИШ УЧУН ТОЖИКИСТОН СУВ ОМБОРИДАН ҚЎШИМЧА СУВ ОЛИНАДИ

Ўзбекистон Республикаси Сув хўжалиги вазирлиги Матбуот хизматининг хабар беришича, Ҳукуматнинг 2020-йил 18-июлда қабул қилинган фармойишига асосан жорий йилда кузатилаётган сув танқислиги шароитида республикамизнинг Сирдарё ҳавзасига боғланган майдонларидаги қишлоқ хўжалиги экинларини суғориш учун Тожикистоннинг “Бахри Точик” сув омборидан қўшимча сув олинади.

Фармойишга асосан, “Бахри Точик” сув омборидан қўшимча сув чиқаришни ташкил қилиш мақсадида Тожикистонга қуввати 500 л/с, сув чиқариш баландлиги 10 м бўлган 5 дона А50ГО-0,5/10 русумли насос агрегати, 20 дона ЭЦВ турдаги ҳар хил насослар ва бошқа моддий-техник ресурслар етказиб берилади. Шунингдек, насос станцияларини таъмирлаш-тиклаш харажатлари қоплаб берилади. Бу ишларни амалга ошириш учун Вазирлар Маҳкамасининг захира жамғармаси ҳисобидан 1,5 млрд. сўм маблағ ажратилади.

Ушбу моддий-техник ресурслар Тожикистон Республикаси Энергетика ва сув ресурслари вазирлигининг тегишли ташкилотига қайтариб олмаслик шарти билан топширилади.

Каналга уланиш 👇🏻👇🏻👇🏻
https://t.iss.one/axborotnoma_jurnali

Давлатимиз раҳбари томонидан бугун ер ҳисоби ва давлат кадастрларини тўлиқ шакллантириш, соҳага рақамли технологияларни жорий этиш масалалари бўйича ўтказилган йиғилиш ҳақида “OʻZBEKISTON24” телеканали томонидан “AXBOROT24” кўрсатувида айни дамда эфирга берилган лавҳа.

Каналга уланиш 👇🏻👇🏻👇🏻
https://t.iss.one/axborotnoma_jurnali

Бугунги ер ҳисоби ва давлат кадастрларини тўлиқ шакллантириш, соҳага рақамли технологияларни жорий этиш масалалари бўйича ўтказилган йиғилишда кўриб чиқилган масалалар ва вазифалар хақида Давергеодезкадастр қўмитаси раиси Халилилло Собиржонович Турахужаев томонидан “OʻZBEKISTON24” телеканалига берилган интервью.

Каналга уланиш 👇🏻👇🏻👇🏻
https://t.iss.one/axborotnoma_jurnali

ЕР АЖРАТИБ БЕРИШ ЭВАЗИГА ПОРА ОЛГАН ХОДИМ ЖИНОЯТ УСТИДА ҚЎЛГА ТУШДИ

Фарғонада бино ва иншоотларга кадастр ҳужжатларини тайёрлаб бериш эвазига 400 АҚШ доллари талаб қилган кадастр ва лойиҳа ходимлари ушланди, дея UzNews.uz сайти хабар берди.

Бош прокуратура ҳузуридаги Департаментнинг Фарғона шаҳар бўлими томонидан тадбиркорлик субъектларининг қонуний ҳуқуқ ва манфаатларини ҳимоя қилиш юзасидан ўтказилган тезкор тадбирда, Тошлоқ туман ер ресурслари ва давлат кадастри бўлими мутахассиси М.М. Ўзбек давлат ер тузиш-илмий лойиҳалаш институти “Ўздаверлойиҳа” Фарғона филиали муҳандиси Ю.Ғ. билан олдиндан тил бириктириб, “М.Ф” деҳқон хўжалиги раҳбари А.А.дан янги қурилган бино ва иншоотларни кадастр ҳужжатларини тайёрлаб бериш, ер лойиҳа чизма ҳужжатларига қўшимча ер ажратиб бериш ва туман ҳокимини қарорини чиқартириб бериш эвазига 400 АҚШ долларини олган вақтида ашёвий далил билан ушланган.

Манбанинг маълум қилишича, М.М. ва Ю.Ғ.ларга нисбатан жиноят иши қўзғатилиб, тергов ҳаракатлари ўтказилмоқда.

"Ахборотнома"

ҲОКИМЛИК МУТАХАССИСИ 8000 АҚШ ДОЛЛАРИ БИЛАН ҚЎЛГА ТУШДИ

Ҳазорасп тумани ҳокимлиги қурилиш бўлими етакчи мутахассиси Ж. Н. нақ жиноят устида қўлга олинди, дея Бош прокуратура матбуот хизмати маълумотига таянган ҳолда Xabar.uz сайти маълум қилди.

Қайд этилишича, ҳокимлик ходими фуқаро О.Б.га Тупроққалъа тумани, «Обод» маҳалласи ҳудудидан 1200 кв. метр ер участкаси ажратиб беришни ваъда қилади. Бу масала «ўз-ўзидан» ҳал бўлмаслиги, туман ер тузиш ва давлат кадастри бўлимидагилар ҳам гўёки «оғзини очиб туриши»ни айтиб, 8000 АҚШ доллари сўраган. Пулни олатёган вақтда эса Департамент ва ДХХ ходимлари томонидан ушланди.

Ҳолат бўйича фирибгарлик ва пора беришга қасд қилиш аломатлари билан жиноят иши қўзғатилган. Тергов ҳаракатлари ўтказилмоқда. Айни жараёнда бошқа фигурантлар ҳам пайдо бўлиши эҳтимолдан ҳоли эмаслиги айтилмоқда хабарда.

Каналга уланиш 👇🏻👇🏻👇🏻
https://t.iss.one/axborotnoma_jurnali

“ЯНГИЛИКЛАР24”: Рақамли Тошкент - энди барча маълумотлар битта иловада.

Каналга уланиш 👇🏻👇🏻👇🏻
https://t.iss.one/axborotnoma_jurnali

АХБОРОТ ВА КИБЕРХАВФСИЗЛИК БЎЙИЧА ЭНГ ЮҚОРИ РЕЙТИНГГА ЭГА ТАШКИЛОТЛАР

"Киберхавфсизлик маркази" ДУК давлат ва хўжалик бошқаруви, ҳамда маҳаллий давлат ҳокимияти органларида ахборот ва киберхавфсизликнинг таъминланганлиги ҳолати 2020 йил I-чораги якуний натижалари бўйича рейтингини эълон қилди.

Унга кўра энг юқори рейтингли (топ 10) ташкилотлар қуйидагича:

1. Ўзбекистон Республикаси Адлия вазирлиги (88,1 балл)

2. Ўзбекистон Республикаси Давлат божхона қўмитаси (87 балл)

3. Иқтисодиёт ва саноат вазирлиги (82.7 балл)

4. Наманган вилояти ҳокимлиги (80.5 балл)

5. Ўзбекистон Республикаси Геология ва минерал ресурслар давлат қўмитаси (80 балл)

6. АТИБ "Ипотека-Банк" (79.8 балл)

7. Ўзбекистон Республикаси Марказий банки (76,7 балл)

8. Ўзбекистон Республикаси Давлат солиқ қомитаси (75,5 балл)

9. Ўзбекистон Республикаси Вазирлар Маҳкамаси ҳузуридаги агросаноат мажмуи устидан назорат қилиш инспекцияси (75,1 балл)

10. "Қишлоқ қурилиш банк" акциядорлик тижорат банки (74,9 балл)


"Ахборотнома" журнали

Давлатимиз раҳбари бугун, 23-июль куни видеоселектор йиғилиши ўтказди. Унда қишлоқ ва сув хўжалигидаги иқтисодий ислоҳотларни жадаллаштириш ва бозор муносабатларини янада ривожлантириш бўйича белгиланган вазифалар ижроси муҳокама қилинди. “OʻZBEKISTON24” телеканали томонидан “AXBOROT24” кўрсатувида айни дамда эфирга берилган лавҳа шу ҳақда.

Каналга уланиш 👇🏻👇🏻👇🏻
https://t.iss.one/axborotnoma_jurnali

Бугун Президент Шавкат Мирзиёев 63 ёшга тўлди. Давлат раҳбари бошчилигида ҳаётнинг барча жабҳаларида давом этаётган ўзгаришлар ислоҳотларнинг ортга қайтмаслигини кўрсатмоқда.

Ушбу инфографикада биз ўтган давр: 2019 йил июль — 2020 йил июль мобайнида юз берган энг муҳим воқеаларни жамлашга ҳаракат қилдик. Янги олинган курснинг асосий ишоралари — “Жаслиқ” колониясининг ёпилиши, “Хотин-қизларни тазйиқ ва зўравонликдан ҳимоя қилиш тўғрисида”, “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Қонунларнинг имзоланиши.

2020 йил мураккаб келди: бир томондан пандемия, иккинчи томондан бир неча ҳудудлардаги табиий офатлар, Сирдарё вилоятидаги техноген ҳалокат. Бундай синов ва қийинчиликларга қарамай, ислоҳотлар давом этмоқда. Жумладан, прописка тизими ислоҳ қилинди, Инсон ҳуқуқлари бўйича Ўзбекистоннинг Миллий стратегияси қабул қилинди. Юзлаб одамлар афв этилди, пандемия даврида чегараларда оғир вазиятга тушиб қолган 50 мингга яқин фуқаролар қайтарилди.

Айни дамда Истанбулдаги Аё София масжидида 86 йилдан бери илк бор Жума намози ўқилди.

Унда Туркия давлати раҳбари Ражаб Тоййиб Эрдўғон ҳам иштирок этди.

Каналга уланиш 👇🏻👇🏻👇🏻
https://t.iss.one/axborotnoma_jurnali

МАМЛАКАТИМИЗДА 2020-ЙИЛ 31-ИЮЛЬ ҚУРБОН ҲАЙИТИ БАЙРАМИ СИФАТИДА КЕНГ НИШОНЛАНАДИ

Бу ҳақда Давлатимиз раҳбари томонидан тегишли қарор қабул қилинди.

Қарор билан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига Маҳалла ва оилани қўллаб-қувватлаш вазирлиги, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ҳамда жамоат ташкилотлари билан ҳамкорликда Қурбон ҳайитининг карантин талабларига риоя қилган ҳолда, халқимизнинг миллий ва диний анъаналарига мос равишда ўтиши учун тегишли чора-тадбирларни амалга ошириш топширилди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ЎЗБЕКИСТОН АҲОЛИСИ СОНИ 6 ОЙДА 286,5 МИНГ КИШИГА ОШГАН

Ўзбекистон аҳолиси 2020 йил 1 июль ҳолатига кўра, 34 млн 191,7 минг кишини ташкил этиб, йил бошидан 286,5 минг кишига ўсган.

Аҳолининг 17 млн 195,9 минг кишиси эркаклар ва 16 млн 995,8 минг кишиси аёлларни ташкил этяпти.

Жами аҳолидан 17 301,0 минг киши шаҳар жойларда ва 16 890,7 минг киши қишлоқ жойларда истиқомат қилмоқда.

6 ой мобайнида 75,5 мингта никоҳлар қайд этилган бўлса, 12,8 мингта ажрим ҳолатлари кузатилган.

Каналга уланиш 👇🏻👇🏻👇🏻
https://t.iss.one/axborotnoma_jurnali