20 МАЙ - БУТУНЖАҲОН МЕТРОЛОГИЯ КУНИ

Ҳар йили 20 майда дунё хамжамияти Бутунжаҳон метрология кунини (World Metrology Day) нишонлайди.

Байрам Метрик Конвенция имзоланган сана – 1875 йил 20 май деб белгиланган. Конвенцияга мувофиқ халқаро илмий муассаса – Халқаро ўлчов ва тарозилар бюроси ташкил қилиниб, унинг асосида халқаро ўлчашлар тизими ишлайдиган метрик ўлчовлар тизими, сўнг эса СИ Халқаро бирликлар тизими амалга киритилган.

Анъанага кўра, ҳар йили байрам арафасида Халқаро ўлчов ва тарозилар бюроси ҳамда Халқаро қонунлаштирувчи метрология ташкилотининг раҳбарлари Бутунжаҳон метрология куни муносабати билан дунё жамиятига нома йўллаб, унинг шиорини белгилайдилар ва ечими метрологик таъминотни талаб этадиган, йилнинг энг муҳим ва ижтимоий аҳамиятга эга муаммоларини белгилайдилар.

Каналга уланиш 👇🏻👇🏻👇🏻
https://t.iss.one/axborotnoma_jurnali

Ерни масофадан бошқариш бўйича Landsat 8, Landsat 9, Sentinel 2a ва Sentinel 2b сунъий йўлдошларидан олинган маълумотларнинг орбиталари ва диапазонларини акс эттирувчи визуализация тасвири.

Ушбу анимация давомида, Ер сайёраси юзасини тўлиқ тасвирини яратиш мақсадида тўртта сунъий йўлдошлар биргаликда гўё Ер сайёрасини рангга бўяётганга ўхшайди.

Американинг Landsat сунъий йўлдоши ҳар 16 кунда бир марта маълум бир ҳудудни кузатиши мумкин. Бундай иккита сунъий йўлдошнинг мавжудлиги кузатув вақтини 8 кунгача қисқартиради. Европанинг Sentinel йўлдошлари билан ҳамкорлик қилиш эса Ер шарини 2-3 кун ичида тўлиқ кузатиш имконини беради.

Каналга уланиш 👇🏻👇🏻👇🏻
https://t.iss.one/axborotnoma_jurnali

Ўзбекистон Республикаси Президенти Шавкат Мирзиёев 20 май куни пойтахтимиздаги бир қатор объектларга ташриф буюрди. Хусусан:
🔸Алишер Навоий номидаги Ўзбекистон Миллий боғида барпо этилган Адиблар хиёбони;
🔸Адиблар хиёбони ёнида ташкил этилган Тошкент шаҳри музейи;
🔸Тошкентнинг Яшнобод туманидаги Болалар миллий тиббиёт маркази;
🔸Тошкент шаҳрида Оҳангарон шоссеси ва Махтумқули кўчаси кесишмасидаги йўл ўтказгичини кўздан кечирди.

Ушбу ташрифлар ҳақида «OʻZBEKISTON24» телеканали томонидан «AXBOROT24» кўрсатувида эфирга берилган тўлиқ репортаж.

Каналга уланиш 👇🏻👇🏻👇🏻
https://t.iss.one/axborotnoma_jurnali

21 МАЙ - ХАЛҚАРО МУЛОҚОТ ВА РИВОЖЛАНИШ ЙЎЛИДАГИ МАДАНИЙ ХИЛМА-ХИЛЛИК КУНИ

2001 йилда ЮНЕСКО ташкилоти 21 майни Халқаро мулоқот ва ривожланиш йўлидаги маданий хилма-хиллик куни (World Day for Cultural Diversity for Dialogue and Development) этиб нишонлаш бўйича қарор қабул қилди.

2002 йил декабрь ойида эса Бирлашган миллатлар ташкилоти (БМТ) 57/249-сонли қарори билан ушбу кунни халқаро сана сифатида эълон қилди.

Ушбу ҳужжат орқали БМТ аъзо давлатлар, ҳукуматлараро ташкилотлар ва БМТ тизимидаги бошқа ташкилотларга кенг жамоатчиликни маданиятлар турфа хиллигининг қиймати ва аҳамияти ҳақида маълумот бериш, тушунтириш ишларини олиб боришни тавсия қилади.

Шунингдек, оммавий ахборот воситалари орқали маданий хилма-хилликни ижобий ролини етказиш ва очиб бериш улкан аҳамиятга эгадир.

Каналга уланиш 👇🏻👇🏻👇🏻
https://t.iss.one/axborotnoma_jurnali

21 МАЙ – РОССИЯДА “БТИ” ХОДИМЛАРИ КУНИ

Ҳар йили 21 май куни барча россиялик инвентаризациячилар ва БТИ мутахассислари ўзларининг касб байрамларини нишонлашади.

БТИ (“техник инвентаризация бюроси”) деярли барчага таниш, ва умр бўйи камида бир марта бўлса ҳам БТИ мутахассисига мурожаат қилмаган одам бўлмаса керак.

Россияда БТИ - янги уй-жой қурилиши, эскирган уй-жойларни бузиш ёки таъмирлашга бўлган эҳтиёжни баҳолаш, уй-жой фондининг техник хусусиятлари бўйича батафсил статистик маълумотларни тўплайди. БТИ мутахассислари битимларни тузиш учун тегишли ҳужжатларни тақдим этиш орқали мулкни ҳуқуқий расмийлаштиришга ёрдам беради.

Ўзбекистонда 21 май – “Кутубхоначилар куни” деб белгилаш таклифи Президентнинг 07.06.2019й.даги ПҚ-4354-сон қарори билан маъқулланган, бунда кутубхоначиларни кўп йиллик ҳалол меҳнати ва ахборот-кутубхона соҳасини ривожлантиришга қўшган ҳиссаси учун давлат мукофотлари билан тақдирлаш ва рағбатлантириш кўзда тутилган.

Каналга уланиш 👇👇👇
👉 https://t.iss.one/axborotnoma_jurnali

“Миллий тикланиш” партияси газетасининг кечаги, 20 майдаги сонида “Вазир жаноблари истеъфога чиқмайдиларми?” мақоласи чоп этилиб, унда Парламент қуйи палатасининг фан, таълим, маданият ва спорт масалалари қўмитаси йиғилишида Халқ таълими вазирлиги тизимида 192,2 миллиард сўмлик молиявий хато ва камчиликларга йўл қўйилгани маълум қилинган. Гарчи Ҳисоб палатаси мутахассислари томонидан ўрганишлар жараёнида 27,1 миллиард сўм миқдоридаги маблағ бюджетга қайтарилгани таъкидланган бўлса-да, айрим депутатларнинг фикрича, вазирлик тизимидаги аксарият ташкилотлар деярли назоратсиз аҳволга тушиб қолганлиги қайд этилган.

Каналга уланиш 👇🏻👇🏻👇🏻
https://t.iss.one/axborotnoma_jurnali

БУГУН РОССИЯ ФЕДЕРАЦИЯСИНИНГ ДАВЛАТ РЎЙХАТИГА ОЛИШ, КАДАСТР ВА КАРТОГРАФИЯ ФЕДЕРАЛ ХИЗМАТИ, ДАВЕРГЕОДЕЗКАДАСТР ҲАМДА ДАВЛАТ СОЛИҚ ҚЎМИТАЛАРИ ВАКИЛЛАРИ ИШТИРОКИДА ВИДЕОКОНФЕРЕНЦИЯ БЎЛИБ ЎТДИ

Бугун, 21 май куни Россия Федерациясининг Давлат рўйхатига олиш, кадастр ва картография федерал хизмати раҳбарининг ўринбосари А.Штейников, Россия Федерал солиқ хизмати Халқаро ҳамкорлик ва валюта назоратини бошқариш бўлими бошлиғи Ю.Духовнова, Россия профессионал таълим институти ректори Ю.Усова, Давергеодезкадастр қўмитаси раиси ўринбосари Ш.Ҳабибуллаев, Давлат солиқ қўмитаси раиси ўринбосари А.Азизов ҳамда Давлат кадастрлари, геодезия ва картография миллий маркази директорининг биринчи ўринбосари Р.Пайзиев иштирокида видеоконференция бўлиб ўтди.

Видоконференциядан кўзланган мақсад “Кўчмас мулкка бўлган ҳуқуқни рўйҳатга олиш ва унинг кадастр баҳосини аниқлаш” йўналишида техник ҳамкорликни амалга ошириш масалаларини кўриб чиқиш ҳисобланади.

Видеоалоқа давомида ҳамкорликда амалга ошириш мумкин бўлган лойиҳанинг кўлами, ўрганиш объектлари ҳамда самарали ҳамкорликка асос бўлувчи таклифлар муҳокама қилинди.

Мавжуд ҳамкорликни жадаллаштириш мақсадида иштирокчилар томонидан билдирилган таклифлар қайта кўриб чиқилиши ҳамда мувофиқлаштирувчи соҳаларидан келиб чиқиб қўшимча маълумот ва муносабатлар тақдим этилишига келишиб олинди.

Каналга уланиш 👇🏻👇🏻👇🏻
https://t.iss.one/axborotnoma_jurnali

22 МАЙ – ХАЛҚАРО БИОЛОГИК ХИЛМА-ХИЛЛИК КУНИ

Ҳар йили 22 май — Халқаро биологик хилма-хиллик куни (International Day for Biological Diversity) сифатида нишонланади. Наботот ва ҳайвонот оламини асраб-авайлаш, келажак авлодга бекаму кўст етказиш ҳар бир инсоннинг бурчидир. Бинобарин, 1995 йилда БМТ Бош Ассамблеяси томонидан Биологик хилма-хиллик тўғрисидаги Конвенция бўйича A/RES/49/119-сонли резлюция қабул қилинган.

2020 йилнинг мавзуси – “Барча муаммолар ечими табиатда”.

Дунё ҳамжамияти бизнинг табиий дунё билан муносабатларимизни қайта кўриб чиқишга даъват этилганлиги сабабли, бир нарса аниқ: барча технологик ютуқларимизга қарамай, биз сув, озиқ-овқат, дори-дармон, кийим-кечак, ёқилғи, бошпана ва бошқа нарсалар учун “тўлиқ соғлом ва жонли экотизимлар”га боғлиқмиз.

"Барча мууаммолар ечими табиатда" мавзуси умид, ҳамжиҳатликни ва табиат билан уйғун ҳаёт келажагини барпо этиш учун барча даражаларда биргаликда ишлаш муҳим эканлигини таъкидлайди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ДАВЛАТ ОРГАНЛАРИДАН МАЪЛУМОТЛАРНИ ЙИҒИШ ВА ҚАЙТА ИШЛАШ УЧУН ИНТЕГРАЦИЯЛАШГАН АХБОРОТ ТИЗИМИНИ ЖОРИЙ ЭТИШ ТАКЛИФ ЭТИЛМОҚДА

“Давлат органларидан маълумотларни йиғиш ва қайта ишлаш бўйича интеграциялашган ахборот тизимини жорий этиш чора-тадбирлари тўғрисида” Ҳукумат қарори лойиҳаси (ID-17957) муҳокамага қўйилди.

Ҳужжат лойиҳаси билан:

🔸Давлат идораларининг ахборот тизимлари ва маълумотлар базаларини интеграция қилиш орқали мамлакатнинг ижтимоий - иқтисодий ривожланишини таҳлил қилиш, келгусида прогнозлаш ва давлат бошқарувида фойдаланиладиган маълумотларни шакллантириш имконини берувчи Давлат органлари маълумотларини йиғиш ва қайта ишлаш ахборот тизими “Маълумотларни бошқариш” ахборот тизимини яратиш ва 2021 йил 1 июлдан бошлаб жорий этиш;

🔸“Маълумотларни бошқариш” ахборот тизимини яратиш ва жорий этиш бўйича “Йўл харитаси” ва ушбу ахборот тизими орқали давлат органлари ва ташкилотлари маълумотларини йиғиш, қайта ишлаш ва таҳлил қилиш схемасини тасдиқлаш;

🔸“Маълумотларни бошқариш” ахборот тизими яратиш ва жорий этиш билан боғлиқ харажатлар Вазирлар Маҳкамасининг захира жамғармаси маблағлари ҳисобидан, ахборот тизимини қўллаб-қувватлаш ҳамда такомиллаштириш Давлат бюджети маблағлари ҳисобидан молиялаштириш;

🔸“Маълумотларни бошқариш” ахборот тизимидан барча давлат органлари ва ташкилотлари ҳамда маҳаллий ижро этувчи ҳокимият органлари беғараз асосда фойдаланаши;

🔸Иқтисодий тараққиёт вазирлиги – тизимнинг буюртмачиси этиб;

🔸“Ягона интегратор UZINFOCOM” МЧЖ – ахборот тизимини ишлаб чиқиш, жорий этиш, доимий асосда уни узлуксиз ишлашини таъминлаш ҳамда такомиллаштириш бўйича оператори этиб белгилаш таклиф этилмоқда.

4 июнга қадар муҳокама этиладиган мазкур ҳужжат лойиҳасининг тўлиқ матни билан ушбу ҳавола орқали танишиш мумкин.

Каналга уланиш 👇🏻👇🏻👇🏻
https://t.iss.one/axborotnoma_jurnali

Ўзбекистон Республикаси Президенти Шавкат Мирзиёевнинг Ўзбекистон халқига Рамазон ҳайити табриги

Каналга уланиш 👇🏻👇🏻👇🏻
https://t.iss.one/axborotnoma_jurnali