Bugun Surxondaryo viloyati hokimi Ulug‘bek Qosimov rahbarligida huquqni muhofaza qiluvchi organlar va mas’ul boshqarmalar rahbarlari, quyi tizim mutasaddilari, shuningdek, jinoyat sodir etib, profilaktik hisobga olingan yoshlar va voyaga yetmaganlarning ota-onalari ishtirokida joriy yilning o‘tgan 7 oyi davomida yoshlar va voyaga yetmaganlar tomonidan sodir etilgan jinoyatlar, ularning oldini olishda yo‘l qo‘yilgan kamchiliklar muhokama qilindi.

Alohida toifadagi shaxslarga “ijtimoiy profilaktika” tamoyili asosida biriktirilgan ayrim tashkilotlar tomonidan ishlar lozim darajada bajarilmayotganligi tanqid qilindi hamda o‘tgan 7 oy davomida qayd etilgan jinoyatlar, xususan, yoshlar va voyaga yetmaganlar jinoyatlarining kelib chiqish sabablari tahlil qilindi.

Batafsil: https://surxondaryo.uz/blog/2178

#Surxondaryo #jinoyatchilik #muhokama #tahlili

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahrida joylashgan “San’at saroyi” majmuasining yozgi amfiteatr maydonida O‘zbekiston Respublikasi davlat mustaqilligining 33 yilligi bayrami dasturlariga tayyorgarlik jarayonlarining borishi bilan tanishdi.

Shuningdek, Jayxun va “Abdulla Avloniy” mahallalarida topshiriqlar ijrosi, hududni obodonlashtirish, infratuzilmani yaxshilash ishlarining borishi ko‘zdan kechirildi hamda 11-sonli davlat maktabgacha ta’lim tashkiloti faoliyati bilan tanishilib, bolalarni sog‘lom ovqatlantirish holati o‘rganildi.

Batafsil: https://surxondaryo.uz/blog/2179

#Surxondaryo #Mustaqillikbayrami #mahalla #infratuzilma #bogcha

Telegram | Facebook | Instagram | YouTube | Web-site | X

Aeroportlar havo yo‘li orqali hududga tashrif buyurgan mehmonlarda ilk taassurotlarni uyg‘otuvchi manzil hisoblanadi. Shu boisdan ham sifatli va zamonaviy xizmatlar ko‘rsatuvchi aeroportlar turizmni rivojlantirishda eng muhim omillardan biri sanaladi.

Bugun Surxondaryo viloyati hokimi Ulug‘bek Qosimov kunning ikkinchi yarmida bu borada amalga oshirilayotgan ishlar bilan tanishish maqsadida Termiz xalqaro aeroportiga tashrif buyurdi. Mutasaddilar bilan aeroport hududi hamda Havodagi harakatlarni boshqarish dispetcherlik xizmati faoliyati, uchish-qo‘nish yo‘laklari, reyslarni boshqarish jarayonlari bilan tanishildi.

Viloyat rahbari xalqaro va mahalliy aviareyslar sonini oshirish borasidagi chora-tadbirlarni ishlab chiqish, hududni obodonlashtirish, zamonaviy ko‘rinishga keltirish, aeroportning faxriy mehmonlarni kutib olish va kuzatish binosi hamda uning atrofini ta’mirlash bo‘yicha mas’ullarga vazifalarni belgilab berdi.

Telegram | Facebook | Instagram | YouTube | Web-site | X