Bugun Surxondaryo viloyati hokimi Ulug‘bek Qosimov qurilish sohasida amalga oshirilayotgan ishlar bilan tanishish maqsadida Termiz shahri va Jarqo‘rg‘on tumanidagi qator obyektlar hamda taqdimotlar bilan tanishdi.

Xususan, Termiz shahrida maktab binosini mukammal ta’mirlash jarayonlari, zamonaviy chiqindi yig‘ish punkti faoliyati, At-Termiziy shoh ko‘chasining 2,7 km qismini to‘liq ta’mirlash hamda 300 o‘rinli tibbiyot klasterini tashkil etish ishlarining borishi o‘rganildi. “Zoom” platformasi orqali shahar va tumanlarda og‘ir hudud sifatida tanlab olingan 15 ta mahalla foydalanishga topshirildi.

Jarqo‘rg‘on tumanida avtoshohbekatda yangidan yo‘lga qo‘yilayotgan avtobus yo‘nalishlari taqdimoti hamda “Yangi O‘zbekiston” massivida amalga oshirilayotgan ishlar ko‘zdan kechirildi.

Batafsil: https://surxondaryo.uz/blog/2143

#Surxondaryo #qurilish #maktab #taqdimot #mahalla #jamoattransporti

Telegram | Facebook | Instagram | YouTube | Web-site | X

Olimpiyada va Paralimpiyada o‘yinlari ishtirokchilari bilan onlayn muloqot o‘tkazildi

Bugun viloyat hokimi Ulug‘bek Qosimov Fransiya poytaxti Parij shahrida bo‘lib o‘tadigan 2024-yilgi yozgi Olimpiya va Paralimpiya o‘yinlarida ishtirok etish yo‘llanmasini qo‘lga kiritgan surxondaryolik sportchilar bilan onlayn muloqot qildi.

Ayni damda yurtimizning turli hududlari va xorijiy davlatlarda o‘quv mashg‘ulotlarida bo‘lib turgan sportchilarimiz bilan o‘tkazilgan onlayn muloqot davomida viloyat rahbari tayyorgarlik jarayonlarining borishi haqida suhbatlashdi. Sportchilarimizga dunyoning eng nufuzli musobaqasida omadlar tiladi.

Ma’lumot uchun, Parij shahrida bo‘lib o‘tadigan XXXIII yozgi Olimpiya o‘yinlarida 5 nafar, XVII Paralimpiya o‘yinlarida 6 nafar surxondaryolik sportchilar ishtirok etishadi.

Telegram | Facebook | Instagram | YouTube | Web-site | X

Uchta tumanda g‘o‘za parvarishi ishlarining borishi muhokama qilindi

Bugun Surxondaryo viloyati hokimi Ulug‘bek Qosimov Muzrabot, Sherobod va Bandixon tumanlarida bo‘lib, ishchi guruhlar tomonidan g‘o‘za parvarishi tadbirlarining borishi bo‘yicha o‘tkazilgan o‘rganish natijalarini muhokama qildi.

Muhokamalar sektor rahbarlari, soha mutasaddilari hamda klaster va fermer xo‘jaliklari rahbarlari ishtirokida o‘tkazildi. Hududlardagi ayrim dalalarda ishlar talab darajasida tashkil etilmaganligi, o‘g‘itlash hamda agrotexnik tadbirlar muddatida bajarilmaganligi qayd etilib, mutaxassislar tomonidan ilmiy asoslar bilan tavsiyalar berildi.

Viloyat rahbari har bir tumanda agrotexnik tadbirlar va o‘g‘itlash ishlarini muddatida bajarish bo‘yicha mutaxassislar tomonidan berilgan tavsiyalar asosida ishlarni sifatli tashkil etish vazifasini topshirdi.

Telegram | Facebook | Instagram | YouTube | Web-site | X