Hududlarda topshiriqlar ijrosi

Sherobod tumani Navbur mahallasida infratuzilmani rivojlantirish hamda aholi turmush sharoitlarini yaxshilash maqsadida 3,6 km yo‘l asfaltlanib, foydalanishga topshirildi.
〰️〰️〰️

Uzun tumanida 2 mlrd so‘m mablag‘ evaziga ta'mirlangan, 15 mingdan ortiq aholiga xizmat ko‘rsatuvchi 78-sonli oilaviy poliklinikaning yangilangan binosi foydalanishga topshirildi.

Telegram | Facebook | Instagram | YouTube | Web-site | X

Prezidentimizning topshirig‘iga asosan, Afg‘onistonda kuzatilgan kuchli sel-suv toshqinlarida zarar ko‘rgan aholiga ko‘mak ko‘rsatish, ularni zarur vositalar hamda oziq-ovqat bilan ta’minlash maqsadida O‘zbekiston Respublikasi nomidan insonparvarlik yuklari karvoni “Ayritom” chegara o‘tkazish punkti orqali qo‘shni mamlakatning Balx viloyatiga yetkazildi.

Insonparvarlik yordami tarkibidan 48 tonna un, 22 tonna guruch, 100 ming dona konserva va 44 tonna makaron mahsulotlari, 25 ming litr o‘simlik yog‘i, 100 ming dona tez tayyorlanadigan lag‘mon, shuningdek, 10 kishilik 100 ta maxsus qurilmali chodir va 1 000 litrli 96 ta suv saqlash idishlari o‘rin olgan.

Shu munosabat bilan Hayraton shahridagi Astras kompaniyasi hududida O‘zbekiston Respublikasi Prezidentining Afg‘oniston bo‘yicha maxsus vakili Ismatulla Irgashev va Surxondaryo viloyati hokimining birinchi o‘rinbosari Sherzod Rajabov hamda Afg‘onistonning Balx viloyati rasmiylari ishtirokida insonparvarlik yordamini topshirish marosimi bo‘lib o‘tdi.

Afg‘oniston tomoni vakillari Prezidentimiz va xalqimizga og‘ir paytda ko‘rsatilayotgan yordam uchun o‘z minnatdorliklarini bildirishdi.

Telegram | Facebook | Instagram | YouTube | Web-site | X

🎼 Termiz davlat universiteti “Hisobot konserti”ni o‘tkazdi

Termiz shahridagi “Vatanparvarlar bogʻi”da joriy o‘quv yilining yakuni munosabati bilan o‘tkazilgan “Hisobot konserti”da Termiz davlat universiteti qoshidagi “Jayxun” folklor etnografik xalq ansambli, “Istiqlol yoshlari” orkestr jamoasi hamda estrada xonandalari o‘z chiqishlari bilan qatnashishdi.

Konsert dasturida talaba-yoshlar, professor-oʻqituvchilar hamda shahar aholisi ishtirok etdi.

Telegram | Facebook | Instagram | YouTube | Web-site | X