Сурхондарёда “Маънавият сектори” ташкил этилмоқда

Давлатимиз раҳбарининг жорий йил 16-17 ноябрь кунлари вилоятимизга ташрифида республикада биринчи “Маънавият сектори”ни ташкил этиш бўйича “Сурхондарё тажрибаси”ни яратиш вазифаси белгилаб берилган эди.

Бугун бўлиб ўтган вилоят Маънавият ва маърифат Кенгашининг кенгайтирилган йиғилишида мазкур вазифани амалга ошириш, “Маънавият сектори”ни ташкил этишда “Сурхондарё тажрибаси”ни йўлга қўйиш масаласи муҳокама этилди.

Унда Сурхондарё вилояти ҳокими – вилоят Маънавият ва маърифат Кенгаши раиси Улуғбек Қосимов, Республика Маънавият ва маърифат маркази раҳбари, сенатор Минҳожиддин Ҳожиматов, кенгаш аъзолари, бошқарма, ташкилот ва корхоналар раҳбарлари, нуронийлар ҳамда ОАВ вакиллари иштирок этди.

Йиғилишда “Маънавият сектори”ни ташкил этиш билан боғлиқ масалалар ҳамда секторнинг асосий вазифалари юзасидан батафсил маълумот берилди. “Маънавият сектори” 4 та секторга қўшимча сифатида алоҳида ижро ҳокимиятининг коллегиал органи ҳамда вилоят, шаҳар ва туманлар кенгашларининг ишчи тузилмаси сифатида ташкил этилиши, барча ҳудудларда фаолияти йўлга қўйилиши таъкидланди. Бу борада амалга оширилиши лозим бўлган вазифалар юзасидан чора-тадбирлар белгилаб олинди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter

Президент топшириғи ижроси: Сурхондарёда маҳалла “еттилиги” фаолиятини самарали ташкил этиш бўйича семинарлар ўтказилмоқда

Президентимиз ҳузурида жорий йил 26 сентябрь куни ўтказилган маҳаллабай ишлаш тизимини янада кучайтириш масалаларига бағишланган видеоселектор йиғилишида маҳаллада “еттилик” фаолияти йўлга қўйилиши маълум қилинган эди. Давлатимиз раҳбари жорий йил 16-17 ноябрь кунлари Сурхондарёга ташрифида бу борада амалга оширилаётган ишлар бўйича сектор раҳбарларининг ахборотини тинглаб, "еттилик" фаолиятини намунали ташкил этиш бўйича қатор вазифаларни белгилаб берди.

Бугун вилоятимизнинг 6 та ҳудудида маҳалла “еттилиги” фаолиятини самарали ташкил этиш, уларнинг вазифа ва мажбуриятларни тушунтириш, ишларни намунали йўлга қўйиш ҳамда келгусида амалга ошириладиган чора-тадбирлар юзасидан семинарлар ташкил этилмоқда.

Дастлабки семинар Термиз шаҳрида маҳалла раислари учун ўтказилди. Семинар иштирокчилари “Ўзбекистон” маҳалласида намунали ташкил этилган маҳалла “еттилиги”, бошқарув сервис компаниялари фаолияти ва “Ватанпарварлар” боғи билан танишишди.

Шундан сўнг, Термиз шаҳридаги “Санъат саройи”да вилоят ҳокими Улуғбек Қосимов раҳбарлигида маҳалла “еттилиги” фаолиятини йўлга қўйишда маҳалла раисларининг ўрни ва вазифалари муҳокама қилинди. Уларга юклатилган вазифалар юзасидан соҳа мутасаддилари томонидан тушунтиришлар берилди.

Шунингдек, вилоятда маҳаллалар ободлигини таъминлаш бўйича “долзарб 10 кунлик” эълон қилинди. Унда барча маҳаллалар, кўчалар ва хонадонларда ободонлаштириш ва кўкаламзорлаштириш ишларини олиб бориш топширилди ҳамда тадбирларни уюшқоқлик билан сифатли ташкил этиш бўйича маҳалла раисларига вазифалар юкланди.

Маълумот учун, ҳозирги кунда Сурхондарё вилоятида 724 та маҳалла фуқаролар йиғинлари мавжуд.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter