Сурхондарё вилоятининг асосий Наврўз байрами тантаналари муносабати билан ташкил этилган катта кураш мусобақасида мамлакатимизнинг турли ҳудудларидан, шунингдек, қўшни республикалардан ташриф буюрган полвонлар турли вазн тоифалари бўйича ўзаро куч синашишмоқда.

Томошабинларнинг катта қизиқиши ва эътибори билан ўтаётган кураш мусобақаларида вилоят ҳокимлиги томонидан бош соврин учун 100 миллион сўм пул мукофоти қўйилган бўлиб, умумий соврин жамғармаси 250 миллион сўмни ташкил этади.

👉 Каналга уланиш:
https://t.iss.one/axborot_xizmati

Наврўз – халқимизнинг азалий қадриятлари, эзгу орзу-интилишларини мужассам этган, аждодларимиздан бизга мерос бўлиб келаётган қадимий байрам.

Сурхондарё вилояти ҳокими Тўра Боболов ўз табрик сўзи аввалида воҳа аҳли ҳамда меҳмонларини юртимизда кенг нишонланаётган ушбу энг гўзал ва ардоқли байрам билан табриклаб, Наврўзи олам юртимизга тинчлик-омонлик, бахту саодат, қут-барака олиб келишини тилади.

👉 Каналга уланиш:
https://t.iss.one/axborot_xizmati

Вилоятнинг асосий Наврўз байрами тантаналари “Ўзбекнаво” гастрол бирлашмаси вилоят бўлими хонанда ва раққосаларининг чиқишлари Ўзбекистон ва Қорақалпоғистон халқ артисти Маҳмуд Намозов, Ўзбекистон ва Қорақалпоғистонда хизмат кўрсатган артист Ҳосила Раҳимова, Ўзбекистонда хизмат кўрсатган артист Лола Аҳмедова, эстрада хонандалари Шаҳноза Отабоева ва Дилафрўз Ҳайитметованинг шўх-шодон қўшиқларига уланиб кетди.

Уларнинг ижросидаги кўклам ва баҳорни улуғловчи куй-қўшиқлар, сержило рақслар байрам тадбирига ўзгача тароват ва шукуҳ бағишламоқда.

👉 Каналга уланиш:
https://t.iss.one/axborot_xizmati