Bugun Surxondaryo viloyati hokimining birinchi o‘rinbosari Sherzod Radjabov boshchiligidagi mutasaddilar Qumqo‘rg‘on tumanida bo‘lib, viloyat hokimining tashriflarida berilgan topshiriqlar ijrosi, yangi loyihalarni amalga oshirish, mavjud korxonalar faoliyatini qo‘llab-quvvatlash borasidagi ishlarni o‘rgandi.

Dastlab, tuman hududidan o‘tuvchi M41-avtomagistral yo‘li bo‘yida joylashgan eski xiyobonni ta’mirlash, Yoshlar va turizm ko‘chalarini tashkil etish ishlarining borishi hamda “Sherzod sport klubi” faoliyati bilan tanishilib, sportchi yoshlar bilan suhbat qilindi.

Shuningdek, “Mexanika” xususiy korxonasining temir mahsulotlarini eritish va qayta ishlash faoliyati va “Qumtex Invest” MChJ tomonidan amalga oshirilayotgan, umumiy qiymati 73,5 mln dollarlik to‘qimachilik loyihasining birinchi bosqichini ishga tushirishga tayyorlash jarayonlari bilan tanishildi. O‘rganish yakunida “Joziba mebel” xususiy korxonasining mebel ishlab chiqarish faoliyati ko‘zdan kechirildi.

Mutasaddilarga viloyat rahbari tomonidan berilgan topshiriqlar ijrosini sifatli ta’minlash, tadbirkorlarni qo‘llab-quvvatlash, korxonalar faoliyatini kengaytirish, ish o‘rinlari sonini oshirish vazifalari topshirildi.

#Surxondaryo #loyihalar #vazifalar #ijro

Telegram | Facebook | Instagram | YouTube | Web-site | X

Surxondaryo viloyati delegatsiyasi Novosibirsk viloyatiga tashrifi davomida «Vosxod» non mahsulotlari ishlab chiqarish kompaniyasi faoliyati bilan ham tanishdi. Sohada 80 yillik tajribaga ega kompaniya har kuni Novosibirskning 1 200 ta aholi punktiga non va non mahsulotlarini yetkazib beradi hamda hududdagi umumiy bozorning 30 foizdan ortig‘ini o‘z mahsulotlari bilan ta’minlaydi.

Delegatsiyamiz a’zolari ishlab chiqarish jaaryonlari bilan tanishuvdan so‘ng hozirda Novosibirsk viloyatida bo‘lib turgan yurtdoshlarimiz bilan uchrashuv o‘tkazdi.

Uchrashuvda migrantlarning yashash sharoitlari, ular uchun yaratilgan imkoniyatlar hamda mavjud muammolar yuzasidan suhbat qilindi. Shuningdek, Tashqi mehnat migratsiyasi agentligi Surxondaryo viloyati filiali boshlig‘i migrantlarning huquq va manfaatlarini ta’minlash, yurtimizda migratsiyadan qaytgan fuqarolarimizni band qilish, ijtimoiy himoyasini kuchaytirish borasida amalga oshirilayotgan ishlar yuzasidan axborot berdi.

#Surxondaro #Novosibirsk #yurtdoshlar #uchrashuv #Vosxod

Telegram | Facebook | Instagram | YouTube | Web-site | X

Surxondaryo viloyati delegatsiyasi Novosibirskning yirik oziq-ovqat bozorlaridan biri hisoblangan Xiloks bozori bilan tanishdi. Savdo majmuasida O‘zbekistonda yetishtirilgan qishloq xo‘jaligi mahsulotlarining ham sotuvi yo‘lga qo‘yilgan bo‘lib, yurtimizdan keltirilgan mahsulotlar bu yerda juda xaridorgir hisoblanadi.

Delegatsiyamiz yirik bozor hududi bilan tanishib, kelgusida qishloq xo‘jaligi mahsulotlari eksporti hajmini oshirish, savdo nuqtalarini ko‘paytirish imkoniyatlarini ko‘rib chiqib, Novosibirsk mutasaddilari bilan ushbu masalani muhokama qildi.

Shundan so‘ng, asli o‘zbekistonlik tadbirkor tomonidan Novosibirsk tumanida tashkil etilgan, shartnoma asosida turar-joy bo‘lmagan aktivlarni haq evaziga boshqarish faoliyati bilan shug‘ullanuvchi «Aziya-Sibir» agrokompleksi faoliyati bilan tanishildi. Jumladan, kompleksning logistika markazida O‘zbekistondan keltirilgan oziq-ovqat va qishloq xo‘jaligi mahsulotlarini qadoqlash, savdo nuqtalariga yetkazib berish, shuningdek, o‘zbek milliy taomlari tayyorlanadigan umumiy ovqatlanish nuqtalari faoliyati ko‘zdan kechirildi.

Delegatsiyamizga kompleksning faoliyat yo‘nalishlari, bu yerda tadbirkorlar uchun yaratilgan imkoniyatlar hamda kelgusidagi rejalar yuzasidan taqdimot qilindi.

#Surxondaro #Novosibirsk #Xiloksbozori #AziyaSibir

Telegram | Facebook | Instagram | YouTube | Web-site | X