Шўрчи туманида фуқароларга такрорий экин учун ер майдонлари ажратилди

Хабар бериб бораётганимиздек, Сурхондарёнинг барча ҳудудларида ғалладан бўшаган майдонлар такрорий экин экиш учун ишсиз, “дафтарлар”да турган фуқароларга ажратиб берилмоқда. Бугун ҳам Шўрчи тумани “Ободон” маҳалласида жойлашган “Рўзи Мамараимов” фермер хўжалигининг ғалладан бўшаган 13,0 гектар майдон фуқароларга ажратиб берилди.

Тадбирда иштирок этган вилоят ҳокими Улуғбек Қосимов дастлаб, фермер хўжалиги ишчиларига ғалла режасини бажаришдаги меҳнатлари учун миннатдорчилик билдириб, уларга совғалар топширди. Шунингдек, кам таъминланган оилалар учун фермер хўжалиги томонидан буғдой тарқатилди.

Фуқароларга ажратилган майдонларни шудгорлаб, экин экишга тайёр ҳолатда, “Бир контур – бир маҳсулот” тамойили асосида экин уруғлари билан бирга топшириш бўйича вазифаси қўйилди.

Ташриф давомида “Ободон” маҳалласи инфратузилмаси ҳолати ҳам кўздан кечирилиб, масъулларга йўлларни таъмирлаш, йўлбўйи инфратузилмани яхшилаш, бетон устунлар ўрнатиш ва бошқа тадбирларни амалга ошириш топширилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

Термиз шаҳри Ибн Сино кўчасида олиб борилаётган кенг кўламли бунёдкорлик ва ободонлаштириш ишлари натижасида ҳудуд замонавий қиёфа касб этмоқда.

Бугун ҳам вилоят ҳокими мазкур кўча бўйлаб амалга оширилаётган ишлар билан танишиб, берилган топшириқлар ижросини кўздан кечирди. Мутасаддиларга янги вазифалар белгилаб берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site