Prezidentimiz huzurida tomorqada va ijaraga berilgan ekin yerlarida daromadli mahsulot yetishtirishning yangi tizimi bo‘yicha o‘tkazilgan yig‘ilishda berilgan topshiriqlar ijrosi yuzasidan vazifalarni belgilash hamda loyihalarning borishi bilan tanishish maqsadida Surxondaryo viloyati hokimi Ulug‘bek Qosimov Termiz shahri, Termiz, Jarqo‘rg‘on, Qumqo‘rg‘on, Sho‘rchi va Denov tumanlariga tashrif buyurdi.

Dastlab, Termiz shahrida barpo etilayotgan Etno shaharcha qurilishi ko‘zdan kechirilib, ishlarni jadallashtirish, sifatli amalga oshirish yuzasidan vazifalar belgilab berildi.

Tumanlarda esa dala chetlari, aholi xonadonlari va avtomobil yo‘llari chetlarida daraxt ko‘chatlari ekish, g‘alla maydonlarida o‘g‘itlash, sug‘orish, shudgorlarni tekislash hamda yo‘llarni ta’mirlash tadbirlarining borishi bilan tanishildi. Avvalgi tashriflarda berilgan topshiriqlar ijrosi yuzasidan mas’ullarning axborotlari tinglandi.

Shuningdek, hududlarga tashrif davomida Jarqo‘rg‘on tumanida "Yangi O‘zbekiston" massivi, Denov tumanida turar joylar, "Denov mall" loyihasi, Yoshlar saylgohida xizmat ko‘rsatish, savdo nuqtalari, shuningdek, hududda ko‘prik va mikro GES qurilishi hamda bir kunlik qurilish va chorva mollari bozori rekonstruksiyasi o‘rganildi. Loyihalarni mustahakam va sifatli qurish, ishlarni jadallashtirish, inshootlarning mustahkamligiga e’tibor qaratish vazifalari topshirildi.

Surxondaryo.uz | Telegram | Facebook | Instagram | YouTube | X