Bugun Surxondaryo viloyati hokimi Ulug‘bek Qosimov Termiz shahrida amalga oshirilayotgan investitsiya loyihalari va tadbirkorlik tashabbuslari bilan tanishdi. Dastlab, "Nova Pharm" MCHJ qo‘shma korxonasida dori vositalari ishlab chiqarish loyihasining ikkinchi bosqichi doirasidagi ishlar ko‘rib chiqildi. Shuningdek, tadbirkor tomonidan tibbiyot klasteri tashkil etish tashabbusi taqdimot qilindi.

Shundan so‘ng, xorijiy grand mablag‘lari hisobiga tashkil etilgan Biznes inkubator va tadbirkorlikka o‘qitish markazi faoliyati bilan tanishildi. Markaz tadbirkorlar tayyorlash, xorijiy kompaniyalar bilan tanishtirish, chet eldan jihozlar keltirishda ko‘mak ko‘rsatish imkoniyatlariga ega bo‘lsada, bular to‘liq bajarilmayotganligi qayd etildi. Mutasaddilarga imkoniyatlarni keng targ‘ib qilish, keyingi haftada tadbirkorlar uchun markazning xorijlik mutaxassislari ishtirokida seminar tashkil etish topshirildi.

Shuningdek, hududdagi tadbirkorlar faoliyati, ishlab chiqarish jarayonlari va mavjud muammolar muhokama qilinib, ularni hal etish yuzasidan zarur ko‘rsatmalar berildi.

Keyingi manzilda Termiz shahri mahallalaridagi hokim yordamchilari tomonidan aholi bandligini ta’minlash, kambag‘allikni qisqartirish va yangi ish o‘rinlari yaratish maqsadida ishlab chiqilgan loyihalar taqdimoti o‘tkazildi. Ko‘p qavatli uylar yerto‘lasi hamda moslashtirilgan birinchi qavatlarda xizmat ko‘rsatish va savdo nuqtalarini tashkil etish orqali tadbirkorlikni rivojlantirish, yangi ish o‘rinlari yaratish vazifalari belgilandi.

Surxondaryo.uz | Telegram | Facebook | Instagram | YouTube | X

Bugun viloyat hokimligi katta majlislar zalida hududlardan saylangan Oliy Majlis senati a’zolari, deputatlar, sektor rahbarlari, tashkilot va boshqarmalar boshliqlari ishtirokida Xalq deputatlari Surxondaryo viloyati Kengashining beshinchi sessiyasi bo‘lib o‘tdi.

Kun tartibida deputatlar tomonidan 20 ta masala ko‘rib chiqilishi belgilangan bo‘lib, xususan, viloyat sektor rahbarlarining biriktirilgan hududlarni ijtimoiy-iqtisodiy rivojlantirish bo‘yicha 2024-yil davomida amalga oshirilgan ishlar yuzasidan hisobotlari eshitildi.

Deputatlar kun tartibiga kiritilgan masalalar yuzasidan mas’ullarning axborotlarini tinglab, har bir masala yuzasidan tegishli savollariga javob olishdi hamda qarorlar qabul qildi.

Sessiya ishi "Surxondaryo" teleradiokompaniyasi orqali to‘g‘ridan to‘g‘ri namoyish etildi.

Surxondaryo.uz | Telegram | Facebook | Instagram | YouTube | X