O‘zbekiston Respublikasi Bosh vaziri – Fuqaro muhofazasi boshlig‘ining tegishli buyrug‘iga muvofiq Surxondaryoda Favqulodda vaziyatlar vaziri, general-mayor Abdulla Qo‘ldoshev ishtirokida favqulodda vaziyatlarning oldini olish, bunday vaziyatlarda funksional quyi tizimlari boshqaruv organlari hamda kuch va vositalarining aholini muhofaza qilish bo‘yicha hamkorlikdagi harakatlariga bag‘ishlangan Qo‘mondonlik-shtab o‘quv mashqlari o‘tkazildi.

Dastlab viloyat mexanizatsiyalashtirilgan yig‘ma otryadining saf ko‘rigi o‘tkazilib, FVDT xizmatlarining kuch va vositalari ko‘zdan kechirildi. Viloyatdagi energetika va kommunal soha obyektlarining kuz-qish mavsumiga tayyorgarligi, mavsum davomida issiqlik va energetika tarmoqlarini barqaror ishlashi, sodir bo‘lishi mumkin bo‘lgan favqulodda vaziyatlar va yirik avariyalarning oldini olish hamda yong‘in xavfsizligini ta’minlash tadbirlarini samarali tashkil etish bo‘yicha amaliy harakatlar sinovdan o‘tkazildi.

Mazkur jarayonlarda aholining favqulodda vaziyatlarda to‘g‘ri harakat qilishi, yuzaga kelishi mumkin bo‘lgan favqulodda holatlarda talofatlarning oldini olish, qutqaruv hamda fuqaro muhofazasi tuzilmalarining qutqaruv ishlariga shayligini oshirishga alohida e’tibor qaratildi.

Ma’lumot uchun, Qo‘mondonlik-shtab o‘quv mashqlari Surxondaryo viloyati hududida joylashgan 20 ta energetika va kommunal soha obyektlarining 47 ta o‘quv nuqtasida o‘tkazilmoqda.

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Jarqo‘rg‘on tumanida ajrim yoqasiga kelib qolgan oilalar bilan uchrashuv o‘tkazdi hamda Qumqo‘rg‘on tumanida tashkil etilishi rejalashtirilgan “Vatanparvarlar bog‘i” loyihasi taqdimoti bilan tanishib, namunaviy loyiha asosida barpo etilgan “Yoshlar va turizm” ko‘chasining ochilish marosimida ishtirok etdi.

Batafsil: https://surxondaryo.uz/blog/2243

#Surxondaryo #oilalar #uchrashuv #taqdimot #yoshlarvaturizm

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Xalq qabulxonalari orqali viloyat rahbarining qabulini so‘ragan hamda turli masalalarda murojaat qilgan yuzga yaqin fuqarolarning muammolarini tinglash maqsadida navbatdagi onlayn qabulini o‘tkazdi.

Uzun tumani hokimligida tashkil etilgan onlayn qabulda Termiz shahri va tumanlar studiyalari orqali fuqarolarning davolanish, uy-joy olish, qurish yoki ta’mirlash uchun subsidiya ajratish, yo‘llarni ta’mirlash, ishga joylashish, o‘zini o‘zi band qilish uchun jihoz ajratish, elektr energiya va ichimlik suvi ta’minoti, kadastr, tibbiyot va ta’lim tizimidagi muammolar hamda boshqa masalalardagi murojaatlari mas’ullar ishtirokida tinglandi.

Qabul qilingan murojaatlarning yechimi yuzasidan mutasaddilarga aniq muddatlar bilan vazifalar belgilab berildi.

Telegram | Facebook | Instagram | YouTube | Web-site | X

Xabar berganimizdek, Uzun tumani mirishkorlari Respublikamizda birinchi bo‘lib, joriy yilgi paxta hosili uchun tuzilgan fyuchers shartnoma rejalarini bajarishdi. Tumandagi 135 ta fermer xo‘jaligi tomonidan 2 475 gektar maydonda mo‘l hosil yetishtirilib, 9 105 tonnadan ortiq paxta xirmoni bunyod etildi.

Bugun Uzun tumaniga tashrif buyurgan Surxondaryo viloyati hokimi Ulug‘bek Qosimov uzunlik mirishkorlar, soha mutasaddilari hamda faollar bilan uchrashuv o‘tkazdi.

Viloyat rahbari erishilgan natija bilan uzunliklarni muborakbod etib, ilg‘or fermer xo‘jaliklari rahbarlari, faol mexanizatorlar va ishchi-xodimlarga sovg‘alar topshirdi hamda tinimsiz mehnat qilib, mo‘l hosil yetishtirgan dehqonlarga minnatdorchilik bildirdi, ularning hosiliga baraka tiladi.

Telegram | Facebook | Instagram | YouTube | Web-site | X