Bugun vohamizga amaliy tashrif bilan kelgan Xatlon viloyati raisi Davlatali Said va Surxondaryo viloyati hokimi Ulug‘bek Qosimov kengaytirilgan tarkibda o‘zaro hamkorlik aloqalarini yangi bosqichda rivojlantirish masalalarini muhokama qildi.

Xususan, muzokaralar davomida Surxondaryo va Xatlon viloyatlari o‘rtasida savdo-iqtisodiy, ilmiy-texnikaviy va ijtimoiy-madaniy hamkorlikni yo‘lga qo‘yish, ikki hudud aloqalarini yangi bosqichda rivojlantirish masalalari ko‘rib chiqildi. Rahbarlar hududlararo har tomonlama va ko‘p qirrali hamkorlik aloqalarini yo‘lga qo‘yishdan manfaatdor ekanliklarini qayd etishdi.

Hududlar o‘rtasida hamkorlikni yo‘lga qo‘ysh bo‘yicha Kelishuv loyihasini hamda uni amalga oshirish bo‘yicha yo‘l xaritalarini ishlab chiqishga kelishildi.

Xatlon viloyati raisi Surxondaryo viloyati hokimini joriy yil 17-18-oktyabr kunlari o‘tkaziladigan xalqaro biznes forumga taklif qildi.

Telegram | Facebook | Instagram | YouTube | Web-site | X

Vohamizga amaliy tashrifini davom ettirayotgan Xatlon viloyati delegatsiyasi Termiz tumanida joylashgan “Namuna Elegant Agro” MChJning issiqxona xo‘jaligi faoliyati bilan tanishishdi. Shu yerning o‘zida tumanda yetishtirilayotgan meva-sabzavotlar ko‘rgazmasi ham tashkil etildi.

Shuningdek, hududdagi issiqxona xo‘jaligi faoliyati bilan shug‘ullanuvchi tadbirkorlar gulchilik, ko‘chatchilik hamda sabzavotchilik yo‘nalishlaridagi faoliyatlari bilan ham tanishtirishdi.

Ikki hudud tadbirkorlarini jalb qilgan holda qishloq xo‘jaligi sohasida yangi loyihalarni amalga oshirish masalalari muhokama qilindi.

Telegram | Facebook | Instagram | YouTube | Web-site | X

Xatlon viloyati delegatsiyasi Termiz tumanida yirik ishlab chiqarish korxonalarida bo‘ldi. Jumladan, “Termez National Carpets” MChJning gilam ishlab chiqarish, “Afrosiyob Parranda” MChJning omuxta yem ishlab chiqarish hamda “Gold Dried Fruts Eksport” MChJning meva-sabzavotlarni qayta ishlash korxonalari faoliyati bilan tanishdi.

Ishlab chiqarish jarayonlari hamda tayyor mahsulotlarni ko‘zdan kechirgan Xatlon raisi viloyatimiz hokimiga vohaning tadbirkorlik salohiyatidan unumli foydalangan holda Tojikistonda yangi istiqbolli loyihalarni amalga oshirish taklifini bildirdi. Rahbarlar o‘zaro savdo-sotiq hamda tovar ayirboshlash hajmini oshirish masalalarini ham muhokama qildi.

Shuningdek, “Afrosiyob Parranda” MChJ ochiq maydonida tashkil etilgan Surxondaryoda ishlab chiqarilayotgan mahsulotlar ko‘rgazmasi mehmonlarda katta qiziqish uyg‘otdi hamda vohamiz tadbirkorlarining faoliyatini yuqori baholashdi.

Xatlon viloyati delegatsiyasining tashrifi davom etmoqda.

Telegram | Facebook | Instagram | YouTube | Web-site | X

Ayni damda vohamizga amaliy tashrifini davom ettirayotgan Xatlon viloyati raisi Davlatali Said viloyatimiz hokimi Ulug‘bek Qosimov hamrohligida Angor tumaniga tashrif buyurdi. Mehmonlar dastlab, “Top Quality Brand” MChJning terini qayta ishlash korxonasi faoliyati bilan tanishdi. Ishlab chiqarish jarayonlari hamda tayyor mahsulotlar ko‘zdan kechirildi.

Shundan so‘ng, tumanning Bahor mahallasida aholi tomorqa xo‘jaliklarida meva-sabzavotlar yetishtirish tajribasi bilan tanishildi. Yerdan unumli foydalanayotgan aholining bu boradagi tajribasi mehmonlar tomonidan yuqori baholandi.

Tumanga tashrif yakunida delegatsiya a’zolari paxta yetishtirish tajribasi va paxta urug‘chiligi ko‘rgazmasi bilan tanishishdi. Tuman nuroniylari va faollari bilan suhbat qilindi. Vohaning qishloq xo‘jaligida erishayotgan yutuqlarini e’tirof etgan Davlatali Said o‘zaro hamkorlik aloqalarini kengaytirish va muntazam tajriba almashishni yo‘lga qo‘yish taklifini bildirdi.

Telegram | Facebook | Instagram | YouTube | Web-site | X