Ayni vaqtda Rossiyaning Novosibirsk viloyatida tashrifini davom ettirayotgan Surxondaryo delegatsiyasi bugun Novosibirsk viloyati sanoat va logistika parki faoliyati bilan tanishdi. Umumiy maydoni 1 059 gektar bo‘lgan parkda 60 mlrd rubllik investitsiyalar jalb qilingan.

Viloyatimiz rahbari boshchiligidagi delegatsiya park hududida yo‘lga qo‘yilgan loyihalar, amalga oshirilayotgan tashabbuslar hamda kelgusidagi rejalar bilan tanishdi. Bugungi kunda park hududida Rossiya va xorijiy kompaniyalar investorlari o‘z faoliyatlarini yo‘lga qo‘yishgan.

Park hududida asosiy muhandislik va transport infratuzilmasi obyektlari, jumladan, yuqori bosimli gaz quvuri, elektr tarmog‘i obyektlari, issiqlik ta’minoti tizimi, umumiy temir yo‘l va uchastka ichidagi avtomobil yo‘llar investorlar uchastkalari bo‘ylab birlashtirilgan.

Viloyat rahbari park faoliyati bilan tanishib, mutasaddilarga ushbu tajribani Surxondaryoda joriy etish imkoniyatlarini ko‘rib chiqish topshirig‘ini berdi.

#Surxondaro #Novosibirsk

Telegram | Facebook | Instagram | YouTube | Web-site | X

Ayni vaqtda Novosibirsk viloyatida bo‘lib turgan Surxondaryo delegatsiyasi tarikibida oliy ta’lim, fan va innovatsiyalar boshqarmasi, vohamizdagi oliy ta’lim muassasalari rektorlari hamda ta’lim sohasi mutasaddilari ham tashrif buyurgan.

Viloyatimizning oliy ta’lim muassasalari rektorlari Novosibirskdagi hamkasblari bilan o‘zaro hamkorlik aloqalarini yo‘lga qo‘yish, ta’lim tizimida qo‘shma dasturlarni amalga oshirish bo‘yicha muzokaralar o‘tkazdi.

Ikki tomonlama uchrashuvlar hamda muzokaralar davomida Surxondaryo va Novosibirsk viloyatlaridagi oliy ta’lim muassasalari o‘rtasida qator kelishuvlar imzolandi. Xususan, tibbiyot, farmasevtika, muhandislik, ijtimoiy-iqtisodiy, arxitektura va qurilish hamda fizika yo‘nalishlarida kadrlar tayyorlashda qo‘shma ta’lim dasturlarini amalga oshirishga kelishilib olindi.

#Surxondaro #Novosibirsk #oliytalim #hamkorlik

Telegram | Facebook | Instagram | YouTube | Web-site | X

Viloyatimiz delegatsiyasining Novosibirsk viloyatiga tashrif dasturiga muvofiq “RusAgroMarket” ulgurji tarqatish markazi faoliyati bilan tanishishdi.

Loyiha “Ermak” kompaniyalar guruhi va “Proksima Kapital Group” investitsiya kompaniyasi tashabbusi bilan Rossiya Federatsiyasi Qishloq xo‘jaligi vazirligi ko‘magida amalga oshirilgan bo‘lib, Novosibirskdagi markazning umumiy maydoni 108 gektarni tashkil etadi.

Viloyatimiz delegatsiyasining markaz faoliyati bilan tanishuvidan so‘ng, ikki hudud tadbirkorlari ishtirokida muzokaralar o‘tkazildi. Tomonlar markazda tadbirkorlar uchun yaratilgan qulayliklar, jumladan, mahsulotlarni saqlash, yetkazib berish, ulgurji sotish uchun yaratilgan sharoitlardan kelgusida xamkorlikda foydalanishga kelishdilar.

Surxondaryo va Novosibirsk viloyatlari rahbarlari mahsulotlarni yetkazib berish va o‘zaro tovar almashishda hamkorlik qilishdan mamnunligini bildirishdi.

#Surxondaro #Novosibirsk #RusAgroMarket

Telegram | Facebook | Instagram | YouTube | Web-site | X

Delegatsiyamizning Novosibirskdagi keyingi manzili «Sibiar» AJ maishiy kimyo ishlab chiqarish zavodi bo‘ldi. 1974 yilda tashkil etilgan mazkur zavodda soch turmagi uchun mahsulotlar, antistatik vositalar, havo spreyi, maishiy laklar va turli sirtlarni tozalash, hasharotlarga qarshi va avtomobillarni parvarish qilish vositalari kabi 400 nomdagi aerozol mahsulotlari ishlab chiqariladi.

Viloyatimiz delegatsiyasi ishlab chiqarish jarayonlaridan tortib, mahsulotlarni qadoqlash, logistika markazlariga yuborish hamda savdoga chiqarish jarayonlari bilan tanishishdi.

Zavod bilan kelgusida mahsulotlar ishlab chiqarish, yetkazib berish va boshqa yo‘nalishlarda hamkorlik qilish imkoniyatlari ham muhokama qilindi.

#Surxondaro #Novosibirsk #Sibiar

Telegram | Facebook | Instagram | YouTube | Web-site | X