Bugun Surxondaryo viloyati hokimi Ulug‘bek Qosimov Denov tumaniga tashrif buyurib, “Denov ravnaq kamoli” MChJning poyabzal ishlab chiqarish korxonasi faoliyati bilan tanishdi. Ishlab chiqarish jarayonlari, tayyor mahsulotlar sifati bilan tanishgan viloyat rahbari tadbirkorga korxona faoliyatini kengaytirish, ish o‘rinlarini ko‘paytirish bo‘yicha tavsiyalarini berdi.

Shuningdek, shu yerning o‘zida temirni qayta ishlash orqali qurilish materiallari ishlab chiqarish loyihasi taqdimot qilindi. Mas’ullarga tadbirkorning faoliyati va tashubbuslarini qo‘llab-quvvatlash vazifasi topshirildi.

Shundan so‘ng, Istiqlol yulduzi mahallasida “Sayxunobod” tajribasini joriy etish va aholini tadbirkorlikka jalb qilish borasidagi ishlar bilan tanishildi hamda “yettilik”ning bu boradagi axborotlari tinglandi. Aholi xonadonlarida tomorqadan samarali foydalanish, asalarichilik va issiqxonachilik faoliyati ko‘zdan kechirildi.

Mahalla guzarida xotin-qizlar bandligini ta’minlash maqsadida yo‘lga qo‘yilgan loyihalar bilan ham tanishilib, ishsiz xotin-qizlar va yoshlarga subsidiya asosida tikuvchilik dastgohi hamda motokultivator topshirildi.

#Surxondaryo #ishlabchiqarish #aholibandligi #Sayxunobodtajribasi

Telegram | Facebook | Instagram | YouTube | Web-site | X

Viloyat rahbari Denov tumaniga tashrifi davomida “Denov vino aroq” AJda sanoat mahsulotlari ishlab chiqarish ko‘rsatkichlarini sog‘lomlashtirish borasida mas’ullar tomonidan amalga oshirilayotgan ishlarni tahlil qildi. Mutasaddilarga bu borada amalga oshirilishi lozim bo‘lgan tegishli vazifalar belgilab berildi.

Shundan so‘ng, “To‘palang” suv omboridan viloyatimizning 11 ta hududidagi aholini ichimlik suvi bilan ta’minlovchi megaloyiha doirasida qurilayotgan 20 ming kub metrlik suv saqlash va tozalash inshooti qurilishi bilan tanishildi.

Tashrif yakunida “Qo‘zichoqli yoshlar sanoat va tadbirkorlik zonasi”da olib borilayotgan ishlar, tijorat banklari tomonidan tashabbuskorlarga kredit mablag‘lari ajratish, loyihalarni ishga tushirish bo‘yicha berilgan topshiriqlar ijrosi muhokama qilindi. Tijorat banklari va mutasaddilarga loyihalarni muddatida ishga tushirish uchun zarur choralarni ko‘rish topshirildi.

#Surxondaryo #korxonalar #sanoatzonasi

Telegram | Facebook | Instagram | YouTube | Web-site | X

Prezidentimiz Shavkat Mirziyoyevning taklifiga binoan Rossiya Federatsiyasi Prezidenti Vladimir Putinning mamlakatimizga davlat tashrifi doirasida O‘zbekiston hamda Rossiya hududlari o‘rtasida hamkorlik aloqalarini yo‘lga qo‘yish, kengaytirish hamda yangi bosqichda davom ettirish maqsadida ikki davlat hududlari rahbarlarining uchrashuvlari va muzokaralari o‘tkazilmoqda.

Xususan, bugun Surxondaryo viloyati hokimi Ulug‘bek Qosimov Rossiyaning Krasnoyarsk o‘lkasi gubernatori Mixail Kotyukov hamda Novosibirsk viloyati rahbari Andrey Travnikov boshchiligidagi delegatsiyalar bilan hududlar o‘rtasida savdo-iqtisodiy, ilmiy-texnikaviy, madaniy, qishloq xo‘jaligi va boshqa sohalarda hamkorlik masalalarini muhokama qildi.

Ma’lumot uchun, Surxondaryo viloyati Rossiya Federatsiyasining Novosibirsk, Ivanovo, Chelyabinsk viloyatlari, Krasnoyarsk o‘lkasi va Tatariston Respublikasi bilan hamkorlik aloqalarini o‘rnatgan bo‘lib, Surxondaryo viloyati hokimligi va Tatariston Respublikasi hukumati o‘rtasida savdo-iqtisodiy, ilmiy-texnikaviy, madaniy, qishloq xo‘jaligi, yoshlar va boshqa sohalarda hamkorlik to‘g‘risida Bitim imzolangan.

Telegram | Facebook | Instagram | YouTube | Web-site | X