Viloyat hokimi kubogi sovrindorlari aniqlandi

“Boysun bahori” xalqaro folklor festivalining yakuniy tadbirlari doirasida bugun viloyatdagi umumiy o‘rta ta’lim maktablari o‘quvchilari o‘rtasida “Surxondaryo viloyati hokimi kubogi” uchun "Zakovat" intellektual o‘yinlari turnirining viloyat final bosqichi o‘tkazildi.

Markaziy amfiteatr maydonida, ochiq osmon ostida tashkil etilgan tanlov yuqori saviyada o‘tkazildi.

Final o‘yinining yakuniy natijalariga ko‘ra quyidagi jamoalar g‘oliblikni qo‘lga kiritdi:

🥇 9-maktab jamoasi (Termiz shahri);
🥈 22-maktab jamoasi (Angor tumani);
🥉 35-maktab jamoasi (Qumqo‘rg‘on tumani).

Gʻolib jamoalarga diplom va qimmatbaho sovg‘alar tantanali topshirishdi.

Telegram | Facebook | Instagram | YouTube | Web-site | X

Surxondaryoda qovun pishdi

Vohalik dehqonlar har yili qishloq xo‘jaligi mahsulotlarini birinchilardan yetishtirib, yurtimiz bozor rastalariga yetkazib beradi. Iqlim va tuproq sharoitlari mahsulot yetishtirish uchun qulay bo‘lgan surxondaryolik mirishkorlar poliz mahsulotlarini ham iste’molchilarga yetkazib berishni boshlashdi.

Xususan, Angor tumani Yuqori Tallimaron mahallasida bog‘dorchilik faoliyati bilan shug‘ullanuvchi, xorijlik investorlar tomonidan tashkil etilgan "Qodir shahb" MCHJ dalalariga erta bahorda ekilgan “Dakara” navli qovunning ilk hosili pishib yetildi.

Ayni kunlarda pishib yetilgan qovunlarni aholi iste'moli uchun mahalliy bozorlarga chiqarish hamda xorijiy davlatlarga eksport qilish ishlari boshlanmoqda.

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Angor, Muzrabot, Sherobod va Qiziriq tumanlarida bo‘lib, g‘o‘za parvarishi va agrotexnik tadbirlarning borishi bilan tanishdi.

Paxta hosili mo‘lligini ta’minlovchi ayni kunlarda yagonalash va qator oralariga ishlov berish ishlarini sifatli bajarish muhim ekanligi ta’kidlandi. Shuningdek, dalalarni “qizdirib” bo‘lingach o‘g‘itlash va sug‘orish g‘o‘za rivojida yaxshi samara berishi qayd etilib, tegishli tavsiyalar berildi.

Mutasaddilarga ishlarni tizimli tashkil etish, fermer xo‘jaliklari va oilaviy pudratchilarga o‘g‘itlarni belgilangan omborxonalar orqali arzon narxlarda yetkazib berish vazifalari topshirildi.

Shuningdek, viloyat rahbari Angor tumaniga tashrifi davomida pilla boqishda 80 yillik tajribaga ega Mengal momo Xolliyeva xonadonida bo‘lib, ipak qurti boqish ishlari bilan tanishdi. Pillakor bilan suhbat qilinib, yetishtirayotgan hosilining mo‘l-ko‘lligini so‘rab duoga qo‘l ochildi. Pillakor momo joriy yilda 35 kuti ipak qurtini parvarishlab, 2,5 tonnaga yakin pilla xom ashyosi yetishtirishni hamda buning ortidan 100 million so‘m daromad topishni maqsad qilgan.

#Surxondaryo #paxta #agrotexnik #pilla #ipakqurti

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov boshchiligida sektor rahbarlari, soha mutasaddilari hamda sport federatsiyalari rahbarlari ishtirokida vohamizda sport turlarini rivojlantirish borasida oldinda turgan muhim vazifalar muhokama qilindi.

Soha mutasaddilarining taklif va tavsiyalari tinglanib, mas’ullarga sport turlari, jumladan, ommaviy sportni rivojlantirish, aholi o‘rtasida sog‘lom turmush tarzini targ‘ib qilish, yosh iqtidorlarni aniqlab, ularning shug‘ullanishi uchun zarur sharoitlar yaratish bo‘yicha chora-tadbirlar belgilandi.

Shundan so‘ng, "Alpomish" sport arenasida sport turlari, xususan, parasport turlari bo‘yicha "Surxondaryo viloyati hokimi kubogi" musobaqalariga start berildi. Tadbirda viloyat rahbari ishtirok etib, sportchilarga omadlar tiladi.

#Surxondaryo #Sport #hokimkubogi #start

Telegram | Facebook | Instagram | YouTube | Web-site | X