Surxondaryo viloyati hokimi Ulug‘bek Qosimov belgilab berilgan topshiriqlar ijrosi, “Ma’naviyat sektori”, ta’lim va tibbiyot maskanlari faoliyati, mahalla infratuzilmasini yaxshilash hamda yangi loyihalarni amalga oshirish ishlari bilan tanishish maqsadida Oltinsoy tumanida bo‘ldi.

Tashrif davomida “Ma’naviyat sektori” faoliyatini yo‘lga qo‘yish bo‘yicha amalga oshirilgan ishlar, “Eko bozor” kompleksi, avtoshohbekat hamda maktab binosi qurilishi ko‘zdan kechirildi.

Shuningdek, “To‘xtamish” mahallasida infratuzilmani yaxshilash ishlari, maktab va oilaviy shifokorlik punkti faoliyati tanqidiy ko‘rib chiqildi. Ishlarni jadallashtirish, har bir topshiriqni sifatli amalga oshirib, aholi turmush farovonligini yaxshilash bo‘yicha vazifalar belgilab berildi.

Batafsil: https://surxondaryo.uz/uz/blog/1881

#Surxondaryo #maktab #tibbiyot #mahalla #infratuzilma #ekobozor

Telegram | Facebook | Instagram | YouTube | Web-site | Twitter

Bugun Surxondaryo viloyati hokimi Ulug‘bek Qosimov “San’at saroyi” majmuasida bo‘lib, “Navro‘z” umumxalq bayramiga tayyorgarlik ishlari hamda saylda o‘tkaziladigan tadbirlar, hududlar va boshqarmalar o‘tovlarining joylashuv joylari, asosiy va qo‘shimcha sahnalar chizmalari bilan tanishdi.

Shahar va tumanlar hokimlarining mas’ul o‘rinbosarlari, boshqarma hamda tashkilotlar mutasaddilari bilan amalga oshiriladigan ishlar muhokama qilinib, ajratilgan maydonda obodonlashtirish ishlarini olib borish, daraxt ko‘chatlari ekish, hududning o‘ziga xos urf-odatlari, an’analari bilan bezash, gastronomik turizm salohiyatini namoyish etish bo‘yicha vazifalar belgilab berildi.

Sahna va o‘tovlarni bezashda ishlatiladigan milliy liboslar, ko‘rgazmalar, sahna va o‘tovlar joylashuvi taqdimot qilindi.

Batafsil: https://surxondaryo.uz/blog/1882

#Surxondaryo #Navruz #taqdimotlar

Telegram | Facebook | Instagram | YouTube | Web-site | Twitter

Janubi-G‘arbiy maxsus harbiy okrug tasarrufidagi Termiz, Xayrobod garnizonlarida joylashgan harbiy qismlar, Termiz harbiy prokuraturasi, Muzrabot tumani hokimligi bilan hamkorlikda viloyat markazidan olis, chegaraoldi hududlarida joylashgan mahallada harbiy-Vatanparvarlik festivali bo‘lib o‘tdi.

Hududdagi 28-sonli maktabda tashkil etilgan festival doirasida Faxriy qorovul shaxsiy tarkibining harbiy chiqishlari, qurol-aslaha va harbiy texnikalar, xizmat itlarining ko‘rgazmali namoyishlari hamda yoshlar o‘rtasida turli sport musobaqalari va rasmlar chizish tanlovlari o‘tkazildi.

Batafsil: https://surxondaryo.uz/blog/1883

#Surxondaryo #Vatanparvarlik #festival

Telegram | Facebook | Instagram | YouTube | Web-site | Twitter

Surxondaryo viloyati hokimi - Fuqaro muhofazasi boshlig‘i Ulug‘bek Qosimov Boysun tumanida bo‘lib, “Pasurxi” va “Sho‘rsoy” mahallalarini bog‘lovchi markaziy yo‘lni ta’mirlash, mahallalardagi ichki tuproq yo‘llarni toshlash bo‘yicha maxsus-taktik o‘quv mashqlarining borishi bilan tanishdi.

Shundan so‘ng, tumanning “Inkobod” mahallasida «Muqtadir ixtisos ta’mir» xususiy korxonasining umumiy qiymati 17,5 mlrd so‘mlik, 45 ta ish o‘rni yaratiladigan "Kemping" xizmatlari ko‘rsatuvchi turizm majmuasi qurilishiga start berildi.

Tumanga tashrif so‘ngida "Boysun bahori" xalqaro festivaliga tayyorgarlik jarayonlari va belgilab berilgan topshiriqlar ijrosi ko‘zdan kechirildi.

Batafsil: https://surxondaryo.uz/blog/1884

#Surxondaryo #maxsustaktikmashq #kompleks #start #festival

Telegram | Facebook | Instagram | YouTube | Web-site | Twitter