Viloyat hokimi Ulug‘bek Qosimov boshchiligidagi delegatsiyamizning Yaponiyaga tashrifi davomida erishilgan kelishuvlarni amalga oshirish hamda vohamizning investitsion salohiyati bilan tanishish maqsadida Yaponiya delegatsiyasi Surxondaryoga tashrif buyurdi.

Yaponiya konsulligi, savdo, turizm va qishloq xo‘jaligi yo‘nalishida faoliyat yurituvchi kompaniyalar vakillari hamda investorlardan iborat delegatsiya Termiz tumanidagi “Termez National Carpets” MChJning gilam mahsulotlarini ishlab chiqarish korxonasi, "Fayoztepa" va "Qoratepa" yodgorliklari, “Mashhura” tibbiy diagnostika markazi, “Termiz xalqaro savdo markazi”, “Dream Silk Tekstil” MChJning jundan to‘qilgan gilamlar ishlab chiqarish korxonasi hamda Termiz arxeologiya muzeyida bo‘lishdi.

Vohamizda 5 ming gektar maydonda kivi yetishtirish loyihasiga start berilib, delegatsiya a’zolari bilan tanlangan maydonga birinchi ko‘chatlari ekildi.

Batafsil: surxondaryo.uz/blog/1809

#Surxondaryo #Yaponiya #delegatsiya

Telegram | Facebook | Instagram | Web-site

Surxondaryo viloyati hokimi Ulug‘bek Qosimov va Faxriy konsul Xiroyuki Ito hamda savdo, turizm va qishloq xo‘jaligi sohalarida faoliyat yurituvchi kompaniyalar, investorlar ishtirokida Surxondaryo-Yaponiya biznes forumi o‘tkazildi.

Forum doirasida o‘tkazilgan “B2B” va “B2G” uchrashuvlarida fan, ta’lim, sog‘liqni saqlash, sanoat, savdo, turizm yo‘nalishlarida hamkorlik, ko‘mir, neft, tabiiy gaz, tuz, kaliy, gips, rangli metallar va boshqa tabiiy boyliklarni qazib olish, qayta ishlash kabi loyihalarni birgalikda amalga oshirish bo‘yicha kelishuvlarga erilishib, shartnomalar imzolandi.

Forumdan so‘ng, Yaponiya delegatsiyasi sharafiga rasmiy qabul va madaniy tadbir tashkil etildi.

Batafsil: surxondaryo.uz/blog/1810

#Surxondaryo #Yaponiya #Biznesforum #kelishuvlar #shartnomalar

Telegram | Facebook | Instagram | YouTube | Web-site | Twitter

Surxondaryo viloyati hokimi Ulug‘bek Qosimov viloyat, shahar va tumanlar sektor rahbarlari, markaziy bank va tijorat banklari rahbarlari hamda boshqa mutasaddilar ishtirokida oilaviy tadbirkorlikni rivojlantirish, korxonalarni sog‘lomlashtirish, "yashirin iqtisodiyot"ga qarshi kurashish hamda tadbirkorlik uchun kredit bazasini shakllantirishdagi mavjud muammolar yuzasidan muhokama yig‘ilishini o‘tkazdi.

Viloyat prokurori tomonidan bu borada olib borilayotgan ishlar, hududlarda aniqlangan holatlar tahlili o‘qib eshittirildi. Amalga oshirilayotgan ishlar yuzasidan sektorlar va tijorat banklari rahbarlarining axborotlari tinglandi.

Aholining tadbirkorlik faoliyatini qo‘llab-quvvatlash uchun zarur bo‘lgan kredit resurslarini oshirish maqsadida olingan yirik miqdordagi kreditlarning muddatida qaytarilishini ta’minlash bo‘yicha chora-tadbirlar belgilab berildi.

Batafsil: surxondaryo.uz/blog/1811

#Surxondaryo #oilaviytadbirkorlik #muhokama

Telegram | Facebook | Instagram | YouTube | Web-site | Twitter